和味生滾粥 (已結業)

今天特意由上水駕車出佐敦食呢間粥 猜不到原來服務態度差 毫無態度可言座位面對風扇口 叫服務人員關細小小都唔得 這是對顧客的態度嗎？粥底是燶的 魚腩也沒有熟非常失望不會再光顧下次沒有下次了

今日朋友有少少唔舒服，佢問我陪陪佢食粥！好啦熱死辣辣陪佢食粥啦！我記得好耐之前黎過一次！覺得好味帶佢黎！黎到都半滿鋪！估唔到都咁多人會食！坐落睇真D！原來冇啤酒小菜架！我自己就叫左 豬潤豬肉丸粥！好大份量呀 😱😱😱 勁大去豬潤！好滑！又唔老！仲黃沙添！肉丸好好味呀！個粥就浠左少少！有豬潤黎滾粥都真係好鮮甜！朋友明明話唔舒服，我叫左炸兩之後，佢竟然話要叫炸魚球 😤 病係邊呢吓...個炸兩如果係脆身d就完美喇！腸粉都算滑！厚身少少！但我覺得唔錯！係淋左！炸魚球好正！個魚係鮮甜！仲可以分 4/8粒去叫！入面我覺得係有陳皮同胡椒粉！味道唔錯！仲幾爽口！條友離譜到見到隔離枱伯伯飲啤酒叫左碟炸魚，佢忍唔住話要食埋椒鹽炸魚腩！笑死我！都真係唔明佢話唔舒服係邊...個魚太香口喇！太外於個粥份量都真係太大！我食左一件 🤣🤣 全數朋友帶番屋企！

天氣凍到咁完全諗唔到食乜，收工同男朋友行過依間咁舊的粥舖，見無乜人就諗住入去試下啦⋯⋯唔好講笑，平時唔鍾意食粥的我竟然都覺得好味，艇仔粥有魚片，炸鯪魚球勁大粒又彈牙，腸粉睇落以為好厚，但食落勁滑😋炒麵個質地同平時食果d唔同，都好好味。係杯豆漿唔夠凍，不過唔緊要啦天氣咁凍，我原諒你啦🤤

早上的收銀樓面呀姐，服務態度經差，d野點好食都無用。落單又唔問客人要唔要套餐，自把自為幫客人轉大碗，大碗係要加多10蚊。收錢就收大碗，仲問番我野食到了，見了係大碗可唔要。你估我係熟客呀，鬼知你邊種碗係大碗。又流單，送錯野食。

當想食粥的時候，如果在佐敦，一定會去食魚粥。除了和味，仲有旁邊的一間(其實幾年前有另一間，那間更好味，可惜已冇左)。這天晚餐來了這裡，選了最普通的魚腩。原本我想食魚卜粥，不過要加十幾廿蚊，我嫌佢貴左d啦。和味的魚腩是煎過的才加粥，味道更加香口；不過有些人不喜歡這少燶的味，就記得落單前出聲。魚粥一貫的好味，粥底鮮甜，這是我為什麼喜歡魚粥的原因。其實如果可以參考旁店，加隻骨碟，就食得更企理，唔使搞到枱面都係魚骨。旁桌在食炒魚腩、魚皮，見到好想食，但一人食唔到咁多。留待有機會多人來才試吧。對這間店有些情意結，那時待業沒收入，承諾若找到工便來食佢的魚腩魚卜粥。完成目標，再食，更加好味。而另一次，是生日飯來吃這間，別人生日飯都是豪食、食得豐富，生日飯揀食粥有些怪。不過既然是生日飯，就揀自己喜歡的粥和魚啦。今年生日，我會再來的，今次就豪食啦。

魚卜魚雲粥 $63魚雲係黃色的？！🤤和明顯係過度走油 😣以往雪白嘅魚卜、魚雲完全消失！😣😣粥內浸浸燶味，極之失望！😣😣😣見到咁多負平，心知不妙，但又沒有來多年， 姑且一試，但完全伏！！

唔係度度都有及第粥有時有都未必敢食 因為始終內臟 唔乾淨我驚食左肚痛米之蓮既粥店一定放心啲！及第粥($42) 外賣睇相已知勁多料 粥勁濃味你睇隻顏色就知！一打開已經聞到 勁香勁重味👍🏻絕對唔似煲好粥底之後先加內臟落去果種！ 好足料！一分錢一分貨 雖然價錢比出面貴 但真係要食及第粥既 就食好啲！食過包你話值回票價！

坐位不是先到先得！要自己入到去等，伙記完全唔理，鍾意等邊張就睇你好彩！服務人員，上枱客人走咗唔執枱，終於求到你執枱，抺檯又是是但但，十問九唔應，落柯打時極度唔願意囉！唔通已經搵夠上哂岸，有無人嚟幫襯！已經完完全全唔重要?🤤🤤

因為有啲事需要朋友仔幫忙.. 今日專登出去接佢收工..食個快飯.. 唔多去開呢頭.. 就等佢帶路搵食啦.. 一入到去.. 鋪位唔大.. 好有老式粥檔感覺.. 即刻食指大動..3個人 食左3碗粥 4粒鯪魚球 椒鹽田雞 白灼魚皮白灼魚皮 唔多地方有得食啦.. 呢度既好好味.. 調味岩岩好椒鹽田雞亦夠哂香口鯪魚球仲大粒個兵乓波.. 彈牙！好味！我碗和味四寶粥有好多配料.. 頭.. 骨.. 腩..卜.. 好豐富！食完決定下次要帶最鍾意食魚既為食貓媽媽來試呀

上完課10點幾成11點，自己病病地時哥仔又牙痛，食碗粥清下腸胃又下下火都好。油尖旺岀名食粥的有2、3間，這間是其中之一。2個人叫了* 和味四寶粥 （$53）* 香滑魚鮫粥 （$38）* 豬潤腸 （$23）和味四寶粥 （$53）四寶粥包括魚腩、魚嘴、魚骨、魚卜。吃貨喜歡吃魚，連魚眼也不放過。這四寶都是常吃的部分。魚腩魚骨上夠多肉，連埋綿綿粥一起吃口感更滑更舒服。魚卜細細個有𡁻口不過不太特別（哥仔牙痛不能𡁻，所以所有魚卜歸吃貨😁👏)。這款四寶粥整體上也算好吃，不過$53的價錢其實可以下調一下。香滑魚鮫粥 （$38）呢度的魚鮫是先煎再加進粥煮。吃到有葱和薑絲，非常惹味😋，肉也不少，不錯。豬潤腸 （$23）由於驚唔飽，所以多叫了豬潤腸。來到時看到只有3條(6件)... ...勝價比好像低了點。豬潤的分量不少，不過味道不特岀。同一價錢下次可以試鹹肉糉($23)或者加少少錢食炸鯪魚球($32/4粒)都好。總括來說，魚粥不錯(不過貴少少)，腸粉一般(又是貴少少)。Encore 度 6.5/10。

本來就很喜歡吃粥,魚腩粥更是最愛。香港有好幾家做魚腩粥都做得不錯,包括那家沾姜絲醬油的那一家,但這家卻是我覺得最好吃的。 關鍵當然是材料要新鮮,但秘訣卻是它把魚腩先加酒煎一煎去掉腥味,再回鍋到那綿綿的粥底裡翻滾,這樣烹調既把魚腥味盡去,還留有一點點酒香,實在一絕! 那個巨蛋般的炸鯪魚球也千萬不要放過,魚肉大口大口的咬進嘴裡,燙燙的鯪魚肉香,讓人覺得非常滿足。

之前見另一位食家投訴, 話說... 餐牌寫明: 另加$19, 可以要碟炒麵和豆漿, 誰知...食完付款, 士頭婆竟然要收$23+$9=$32, 即是多了$13. 我估當中的誤會應該是在細碟炒麵和大碟炒麵的分別..., 但無論如何, 店舖要付最大責任, 因為所設計的餐牌有問題, 客人看不明白, 也為自己製造麻煩, 不過...咁樣樣講... 我間中一兩個月左右...都會嚟食一次, 呢間店既士頭婆, 確實都幾麻Q煩... 餐牌上明明寫著 炒麵+豆漿, 只需$19.這是數月前來過拍下的照片, 估計此店並沒有酒牌, 所以我每次來幫襯的時候, 都會先問一問老闆或士頭婆, 可否街外買啤酒入來飲, 每次的答覆都不同, 有時要加錢, 有時又不需要加錢, 有時又只能經她/他買入來, 總之就係...無準則, 原因不外乎...就是想賺多你些少, 但少客時, 又想吸引人來幫襯, 總之就係麻Q煩, 講真...收錢絕對係應份, 但最緊要係, 統一標準囉... 餐具與調味料也算乾淨.白灼鯇魚皮 $36, 之前食評, 有人投訴魚皮太少薑蔥太多, 其實隔離街間更有名的粥店 (新興棧食家), 所提供的魚皮, 都是差不多份

真的真的！從未如此憤怒過！8月5日，本人到上址叫了一碗魚腩肉肉丸粥，一吃已覺不像從前，心想是否換了老細！接着看到牆上寫着加19元有炒麵加豆漿！那就叫四眼肥婆下單！豆漿一飲！搞什麼呀？？？黃豆很貴嗎？？那跟本不是豆漿！已是一杯像鍊奶水！都已經算！請問！你們有食魚粥不下薑的嗎？？算！到最後埋單！肥婆老板細說82 蚊！我當光嚇一跳！什麼82蚊？接著他說粥50蚊！炒麵23蚊！豆漿9蚊！我便說你剛才不是說炒麵豆漿加19蚊嗎？他說：他沒有說過！我氣得快死！

呢間一向都係我既pocket list，食左好多年，第一次黎食應該10年前大約2006年，覺得魚粥驚為天人！用既係鮮魚腩，先煎香再放落煲逐碗生滾，成碗粥好足料好鮮甜！😋咁多年水準依舊～蜆蚧鯪魚球夠曬大粒飽滿，好真材實料，裡面有陳皮香，點埋蜆蚧醬充滿鹹香，正👍🏻薑蔥蒸田雞：夠大碟，新鮮多肉，肉質結實，好似屋企整咁薑蔥爆魚雲：好惹味，薑蔥爆得好香，有少少油，不過鑊氣搭夠，薑蓉痴住每件魚雲，男朋友就唔係咁鐘意啲薑蓉。2個人食咁多野飽到痴線！最首選都係魚腩粥同鯪魚球！

佐敦有兩間老字號的魚粥店，“和味生滾粥”是其中一間，而且這間比較有更多款食品提供，除了招牌的魚粥外、尚有即拉腸粉、咸肉糭、椒鹽小菜及套餐提供生滾魚鮫粥個人最喜愛魚鮫這部位，貪其躲在餃位的肉特別嫩滑，而這裡是會先將魚肉煎香才放入煲內生滾，咁就可以去除魚腥又令粥底增添香氣了，粥底濃稠適中、而且有少許酒香，層次豐滿一碗生滾粥才$38，已足夠令到我飽飽了