呼吸飯店 (已結業)

白宮冰室前身，裝修翻新後改名呼吸飯店，旁邊老闆租多左格地鋪做私房菜，入場費最少$5000。就擺兩圍以海鮮主題要佢地寫菜單。但始終係普通茶仔技俩，感覺不值😌但好在免收開瓶費，自己帶酒包場吾錯。

是第二次來到這間前身為"白宮冰室"的地方吃東西。感覺上是比上趟來時好多了....上次光顧吃的是小炒大菜，其中許多要預訂的菜水準都沒有預期的理想，而且收費又不便宜，故食得一點也不愜意....但相反這一次沒懷着極大包袱前來，隨意的點些麵食及午市客飯，出來的效果又不太差wor....未吃餐前侍者送來一大碗菜乾豬踭湯。呷一口，發覺是甚重料且最重要是無添加的老火好貨色。其中的甜味主要是來自從湯內可找到的羅漢果，味道是相當的清。怪不得引來一向不太熱衷喝湯水的小友不停的追飲...問小友他想吃甚麽，他只道一個字 : "麵"。既然如此，就穩穩陣陣來個雞扒麵吧。既有肉也有他所要求的麵，想必會令他滿意....結果是不單只小朋友愛吃，就連我這個大朋友亦覺不錯 ---- 麵條是較弱的一環，是處理得有些過淰不大討好，幸好麵中加入了幾件翠玉瓜及甘筍仔，食起來感覺上較為健康；最出色的就是那塊煎得外皮夠金黃入口又脆卜卜的雞扒。肉本身底味很夠不會太淡亦是要加分抵讚....最讓我有驚喜的便要數到這碟size頗袖珍的琵琶豆腐。豆腐的件頭是一口的，上桌時外皮仍是香脆，內裡魚肉的比例比豆腐還要多，入口也因而多了一份鮮味質感亦夠為

今日同朋友到土瓜灣區，見之前雜誌介紹過，於是決定一試....環境幾特別，夠懷舊...我哋2人叫了2份餐，分別係奶油豬仔包同田園餐肉通粉，仲叫咗2杯熱奶茶。首先，2杯熱奶茶一d都唔夠熱>_< ，連一坐低佢拎嚟嗰2杯水仲熱過杯奶茶，通粉就ok....最令我失望嘅係奶油豬仔包，一來唔夠熱，個包凍嘅，二來係個包好韌...我隔離枱個女仔又係點咗奶油豬仔包，睇到佢都同我一樣好難都咬唔開個包....唉!!最後食咗少少就放棄!連奶油豬仔包都整到咁，真係唔敢再幫襯第2次!!!!!!!!!!!!!

珍藏u雜誌介紹土瓜灣區食肆封面就係白宮冰室成日都話想去去d舊式茶餐廳影相但都未去就摺咗 好唔捨得啊 !不過家陣都變咗間有型茶餐廳 - 呼吸飯店 話明係飯店真係有好多款式飯餸呢度仲保留咗少少白宮舊影子大大隻白宮冰室係開放式廚房出面店外個d 超懷舊窗花仲係度入面無灑卡位全部變灑大大小小圓枱大排檔feel 落地玻璃門口外有幾張椅可以煲吓煙幾爽吟 ! 個全彩色又鬼吟多靚相餐牌攪到好多想食一個人還是吃久久沒吃的大炸脾yeah !炸0野我最愛 大大片蕃茄.青瓜個樣超 fresh 吟連雞脾下面生菜絲都超翠綠覺得佢地好用心就連小小配菜都吟好薯條又炸得剛剛好好外脆內軟時間很適中輪了最愛的炸脾了炸得很好入面無血絲外面少少乾脆內面卻諗軟調味不錯不過食落唔夠新鮮有微微似放咗雪櫃10幾20日個種怪味 有些失望因為配菜都做得那麼好主角卻有點疏忽可能解凍時間放長我一邊食見到大廚剛從街巿買完餸回來大包小包紅紅綠綠樣樣都好新鮮又大又靚唯獨我的雞脾就 ...走時見到隔離枱坐了小學同學 因為小學就在附近真感慨時光飛逝

之前睇電視 金剛同小儀有介紹過哩間野所以就去試下 都多人去的 book左位都要等. 唉.我地一行五人叫左幾個送同埋一個甜品.其實d送個名都幾吸引的炸鮮奶: 熱度方面唔夠 而且奶味可以重返少少香芋泥蓉酥鴨: 炸得幾鬆脆 幾好味炸雞軟骨: 太多炸粉 唔係粒粒都食到有雞軟骨 冷盤涼瓜: 涼瓜配上芥辣 係另一個食法生炒糯米飯: 炒得幾煙韌.但食落就真係麻麻地喎.份量少又貴  份量可以多返少少 同埋唔係咁抵咋喎~~~所以食過一次就算最後環境方面都裝修得幾有冰室味道的.

一去到覺得好奇怪，斀解上完電視既餐廳，竟然無人龍排隊，心知不秒酸辣皮蛋：作為一個冷盤，完全合格，非常開胃，但一D辣味都無＝。＝第一汁蝦：都算唔錯既，蕃茄蛋做汁之餘，亦撈左D千島醬，甜甜地，幾得意紅燒元蹄得個皮好食，入面D肉完全唔入味，同煲湯豬肉無分別＝。＝銀紙焗烏頭一向唔鍾意食魚，所以不予置評海皇煎蛋白煎得幾好，但完全無味，D料亦唔均勻，變相有D朋友淨係得塊蛋白而無料千層豆腐夾一般般椒鹽牛脯髓其實佢D炸漿做得唔錯，但D牛骨髓無味，好似淨食炸漿咁炸鮮奶：全晚最好食既一味餸，外脆內軟，食到入面，亦唔會好似一PET野咁

有幸在白宮結業之前光顧過,原貌仍歷歷在目.....。舊日的粉麵吧,放了枱椅。其他擺設仍保留著。知道它是由呼吸咖啡店老闆,「接力」此鋪,以為有精品咖啡供應,原來是沒有的。日頭做茶餐廳,晚上做懷舊粵菜晚飯。由於周邊比較「荒蕪」,坐落此店+舊物,確是有一番開埠時的意境。返回現實,點了奶油豬包$16,+$5咖啡。奶油豬都幾大個,不是極硬厚皮法包,烘得微脆,卻軟熟,好食! 咖啡沒有酸味,奶不澀口,比一般茶餐廳的好飲。特餐$37: 魚柳公仔麵+$10無冰奶茶。用再版舊公雞豌盛長方型冰塊,賣相沒「太X」「翠Y」用上炮冰雪山般咁靚。味道茶底ok既!只嫌糖水多了點。太陽蛋煎得如放晴!腸腸太燶極咸。厚多士一般。魚柳公仔麵,等了15分鐘。原來魚柳是即炸,不是方型”即食漢堡包式魚柳”,而是不知什麼一大片魚!可惜有點莓口感,和沒味道。只一個”脆”字。公仔麵不是「丁」,麵質ok,但湯底,看似豬骨/魚白湯顏色,但沒靈魂,唔知咩味,只有一清楚的味道──美極鮮醬油。我覺得來,食下野,主要感受下舊茶記,係不錯。懷舊粵菜其實都想吃吃。就看看時機吧。

星期一因工作關係經過呢一帶、看見店舖名幾特別、加上裝修懷舊、、於是進去試一試！一入到去、感覺好像從前的白宮冰室、打開餐牌、嘩、、款式好多、仲好吸引、於是我點了一個特餐、一碗沙嗲牛肉麵配火腿炒蛋牛油多士、加多一杯熱奶茶！！牛肉一啲都唔韌、炒蛋好滑、正、想不到杯奶茶、有意想不到的效果、放落枱已經聞茶香、夠滑夠香又夠茶味！茶與奶的比例配合得剛好！既然好食當然要介紹朋友試下喇、、但可惜今日帶埋同事黎試、、但差別太大了、嘢食等得太耐、出到黎嘅效果同對上一次食嘅差太遠了、、奶茶完全冇茶味、奶又太多了、、而個公仔麵係未完全熟得哂！炒蛋太熟還有一點點黑色的！多士烘得過火了、、今次完全失望了、、想不到幾天的差別是可以這麼大、、埋單走的時候、、我發現原來是換了水吧師父！！同事說、如果下次再食便要看看是那一位師父了、

放假與太座到土瓜灣探外母大人後，再到馬頭角道探好友，到了中午時間，試試這間懷舊冰室。來這店的目的，我們都是想看看這間古舊的裝修，可幸翻新後仍保留古舊的掛鐘，電話，牆磚，地磚，還有很多收音機，而舊的「白宮冰室」招牌仍掛在冰室中。我們看看餐牌，除一般茶餐廳食品外，也有很多小菜，我們祇想吃些茶記食品，遂點了兩個特餐。一份是沙爹鮮牛肉公仔麵，配火腿炒蛋和牛油多士，一份是吉列豬扒福字麵，兩杯熱奶茶。炒蛋幾嫩滑，火腿得半片，牛油多士也是，沙爹鮮牛肉公仔麵，可喜是有條菜心，鮮牛肉份量不多，也算腍滑，沙爹茨不過不失，公仔麵煮得不錯，不會太腍。我的吉列豬扒，上了麵包糠炸，沒有油益味，應該不是用千年油，豬扒不算厚，炸得幾脆和鬆化，醃料亦夠味，福字麵一般水準，奶茶的茶和奶比例剛好，有茶香和奶香，真不錯！要知喝到一杯差的奶茶，幾乎是可以令人停止呼吸十秒！

是日，因為要修車的原由，又把我帶到來土瓜灣十三街這一頭了。這十三條街，滿是修汽車的地方，但街道實在太小，車亦太多，車房迫我離開後，要找一個好地方泊車，的確不是一件輕易的事。停好車，發現時間已經不多，而且是日的天氣十分之熱，完全沒有心情走太遠。泊車的地方旁邊，就有由白宮冰室改變而成的呼吸飯店，特色不再，對我來說沒有太多的吸引力，但始終是近，就來看看這復刻版的《新白宮冰室》。 已經沒有了當年的冰室服務，這一個呼吸飯店就是一家茶餐廳，中午有多樣套餐供應，不做早市，完全不是好多人想像中的《新白宮冰室》。套餐來了一個湯，南瓜味，又甜又濃烈，說是好飲麼，我感覺不到，只知道這是中式的南瓜湯，卻濃得像西式的南瓜湯一樣，令我覺得很奇怪。 咖喱吉列豬扒飯，乾到可以叫脆口的吉列豬扒，真令人開心，汁沒有淋面不緊要，汁的多少就緊要了，這一個飯，豬扒已經太乾，汁又不夠，令我感覺好 dry。 深呼吸一下，原來奶茶還可以，感覺舒服了一點。 深呼吸一下，醒

從TVB的飲食節目中認識這間「呼吸飯店」。前身是在土瓜灣屹立超過六十年的「白宮冰室」，經歷三代最終結業。幸好有有心的老闆租下舊址繼續營業，翻新後冰室舊貌依然得以保留。新店易名「呼吸飯店」，提供懷舊粵菜，開業不久已吸引街坊捧場。睇過TVB的介紹，已經想跟家人來，但是每次告知要到土瓜灣，住在香港島的家人都灑手擰頭；４月的天氣每天都陰暗有雨，難得今天天氣有好轉，終於跟老公決定勇闖土瓜灣！坐巴士在大街落車再要向海皮行成１５分鐘先到；土瓜灣沒有港鐵真的不太方便。幸好Open Rice有導航，先可以找到這間十分偏僻的「呼吸飯店」踏進店內，雖然經過大翻新，但馬賽克石牆、九龍錶行的鐘、棱角窗花、鐵閘和勸喻巿民勿吐痰的告示沒有改變「白宮冰室」的招牌依然掛在店內，非常搶眼。其他物品已改頭換面，如大吊扇、牆上的紙皮石、公雞碗筷等．．．但都流露出冰室的感覺。店內還可以找到經歷風霜的古董水壺、古老時鐘和收音機等懷舊小物作點綴。店內只有10張枱，幸好沒有訂位都可以讓我們享用晚餐一小時，下次一定要訂枱及預訂懷舊小菜。由於沒有做功課，不知道這裡很多的懷舊小菜要預訂，所以只能點了一些推介小菜。生炒骨$68這個菜煮得好並

大夥兒去試試前身為「白宮冰室」的「呼吸飯店」。酸辣皮蛋(HK$38)。這是需要預訂的「招牌黑白胡椒炒蟹」(HK$268)，醬汁味道是濃濃的黑椒味，少了預期的「鑊氣」和像新加坡胡椒炒蟹的那種「香」，但也是美味的。黃金磚(HK$58)﹕腐皮包著蝦膠拿去炸，外層很薄很輕很脆，裡面是彈牙的蝦膠，有創意又非常香口﹗讚!「蛋白蟹肉魚肚羹」(HK$108)﹕啖啖蟹肉，鮮甜暖胃!鎮江脆口骨(HK$68)﹕醬汁非常入味，有醋香，可惜不夠脆，乾身一點會更好!這個「第一汁蝦」(HK$128)也是需要預訂的，茄汁醬非常入味，蝦也夠彈牙，瞬間清碟!「窩貼小棠菜」(HK$88)﹕蝦膠包著小棠菜，又爽口又煙韌又夠香脆，必試!　這晚每人吃了約HK$210，又蝦又蟹，不貴啊，服務熱誠(我忘了替那個大鐘拍照，離開餐廳後不想再進去打擾別人，打算在外面隔著玻璃拍，服務員見到，熱情的叫我進內，真友善)，上菜極快，味道出色，難怪友人說這餐廳常常都有人龍!

因為小儀同金剛介紹過後，睇到佢地介紹到好好味咁，所以一直都好想去試，前日終於去食左，我地三個人一共叫左三個餸三色蛋上湯浸菜芯苗($58)好食度:★★☆☆☆抵食度:★★☆☆☆佢講係菜芯苗但擺度出好老/3\，相反個湯好甜，成個菜比個湯救返風沙雞半隻($108)好食度:★★★★☆抵食度:★★★☆☆個雞皮好脆上面既蒜粒好香，but半隻雞都要過百，貴左d囉- -""食哩個餸要快d食吖，唔係就唔脆架啦家鄉蒸肉飯($78)好食度:★☆☆☆☆抵食度:☆☆☆☆☆梅菜仲多過，咁都要78蚊叫完真係dup心但有一樣冇可否認既係，環境真係一流吖，入到間餐廳之後就好似時光倒流返到去五，六年代咁見到有以前既收音機，電話等等既古典用品

我平時同朋友約埋一大班出黎搵食.之前睇到金剛小儀做個套電視節目咁岩聽到一個朋友講舊白宮冰室依家轉左做呼吸飯店食小菜我地成班朋友見個店名叫呼吸咁有趣咪去試下.一去到唔洗等,一坐底即刻睇餐牌,原來都好多菜式揀,我地叫左8樣野,首先"杏汁豬肺湯",個湯黎到都幾香.但係得4粒豬肺咁大把..就收你188大元.第二樣就要讚,"冰鎮蒿荀,"好特別.其他好少餐廳有得食..第三樣都係讚,"鐵板黑椒豬手"..好熱鐵板上黎先倒黑椒汁,大家都好興奮第四樣叫左"生炒骨"..不知所謂..第五樣叫左"少爺炒飯".咸蛋黃炒蝦....乾憎憎...D料又少..食兩啖都唔想食..仲諗住佢叫少爺炒飯咁得意咪試下..仲要成88蚊一個炒飯第六樣"琵琶豆腐". 出面都好少有得食,咪叫黎試下..以為有幾特別..不外如是...第七樣"恐龍蛋 "個名係咪好特別呢.原來係蝦膠入面包左芝士.我諗小朋友一定好中意依個菜,餐牌張相又大又圓..點知黎到..圖片只供參考..最呃錢我諗係依個..6粒野68蚊第八樣"鹽酥牛骨髓"依個都幾好食.好特別但係餐牌係有好多野..但又真係有好多野係無OR要預訂..有D失望總結就係呼吸咁簡單....不過不失...

某個得閒無野做的週末夜, 相約阿姐同姐夫, 一於到他們鋪樓下旁邊的"呼吸"首度試味,當晚菜式有:少爺炒飯$88- 有鑊氣, 看似無乜色但又好夠味, 料頭有蝦肉, 蛋黃碎粒, 青蔥粒粒,芥茉雲耳$32- 一個價錢公道但味道拿揑準確的涼菜(素菜)冰鎮涼瓜拼窩荀$68- 這個做得較清淡, 份量頗大, 用來填肚效果甚佳,可能因為涼瓜及窩荀基本上價錢不高的關係,但原來三個人食都好不容易才將它溶掉生炒骨 $68 -碟頭OK大, 個汁其實偏甜, 不過大部分人會接受, 炸漿較厚身,伴碟配料現版本是菠蘿肉為主, 但照片則是青椒片,洋蔥片,如果喜歡吃青/紅椒的客人可能會有點失落, 有時會覺得到底餐牌上有照片好定還是沒有的好?曾經有次在國內東莞某港資”月亮記甜品”有同事叫了某個甜品, 同事發覺甜品上的士多啤梨被換成西瓜片, 所以問服務員點解係西瓜片而唔係士多啤梨, 服務員答道:”照片只供參考!”笑話一篇, 但唔知道餐牌上嘅價錢又係咪可以只供參考,客人可以憑直覺俾錢呢!椒鹽雞軟骨 $58- 酥炸雞軟骨一大堆, 碟底只有数條生菜絲, 呢個同照片有點出入, 照片看到多一點紅椒圈, 現在的版本色彩上較為”寡”有盬無