味苑 (已結業)

朋友與我為免在上課時肚餓，先吃過下午茶，那麼就不會餓昏了。加上之前吃過覺得價錢合理，款色多樣化，所以也推介朋友吃。鮑汁鳳爪看起來非常普通，但當我嚐了一口後才發現它相當不簡單。鮑汁十分的入味，而且鳳爪燜煮得軟爛，一嚼之下皮骨分離，不用費力啃食，好吃得很。胡椒鹹菜豬肚飄來陣陣胡椒香味，濃濃的胡椒香融入豬肚中，其精華不可錯過。豬肚處理乾淨，非常爽口有嚼勁，美味出色。香芋櫻花蝦燒賣這道點心可謂創意十足，我第一次吃沒有燒賣皮的燒賣，而且以芋頭做主導，比一般燒賣健康，因為普通燒賣都是肉肉的。芋頭新鮮濃，每顆粒都佈滿了紫色纖維的紋路，漂亮極了。爽口清新的芋頭搭配彈牙的蝦肉亦意外地相配，口感豐富之餘又新穎。山葵咸水角是朋友的最愛，外皮炸得金黃圓滾滾的，就像金元寶一樣。鹹水角內裡軟糯，含肉碎，山葵等，豐富鹹香。猜猜這是甚麼?答案是香芒雙皮奶~ 香芒雙皮奶的芒果粒與爆珠吃到其甜香，底層的燉奶跟芒果汁融合得恰到好處，順口好吃，口感也很特別，比布甸還要更加的滑嫩，而且還是冰冰的，真心覺得這是必點一點也不為過。

灣仔一到一點放飯時間度度都會超多人，想搵個位都難！所以我點半到先出黎食，黎到唔洗等位就有得入座，正！之前同同事黎過呢間，覺得唔錯，所以吃回頭草😜😋其實佢係茶樓，但無甘大間，點心食物唔會全部都好傳統，有啲新鮮感！佢套餐具都幾特別，幾靚！午市餐單免加一，有套餐，除飲茶外，仲可以選擇咖啡奶茶汽水。因為好耐無食過燒味飯啦，所以今日要一嘗！餐飲我選擇左中湯，幾甜，有雞腳，豬肉，冬瓜，唔算好大碗，但對我黎講已經好足夠。雙拼拼左叉燒同熏蹄。飯既汁唔多，有兩條菜心。叉燒望落去好瘦，諗住會好硬好鞋，但食落好林，加埋蜜汁，好味！熏蹄幾多肉下，唔太肥，個皮好爽口。點埋個酸汁食更好！香芒沙律下面係炸雲吞，好大舊蝦，外皮卜卜脆。面頭係沙律醬，芒果醬，士多啤梨同爆珠(搞笑，面頭好似藍梅果粒野)幾樣野夾住一齊食酸酸地，感覺上無甘熱氣，哈哈上菜快，唔驚等好耐，趕唔切反公司，午餐一個唔錯既選擇😎

呢間餐廳，不單只是懷舊菜式，原來仲有新興創意的！我見餐牌上～有一款係欖角牙籤骨，陣陣咸咸的濃郁氣味！賣相又一流！欖角味道滲入去，令肉質更豐富！一向以來，我只是覺得“欖角”最恰配的是蒸魚！係最佳拍檔！估不到，原來可以蜜汁欖角配上牙籤骨更色香味俱全！用來送飯一流！再叫一碟，燒味雙併～燒肉併油雞，好似係普通既一個小菜，但係事實上，燒肉皮很鬆化，絕不肥膩！肉質鮮嫩！味道適中！油雞皮滑，肉質鮮美！下次一定要再嚟試多幾款菜式

同朋友行完旺角 轉戰銅鑼灣 但係再shopping之前我地都要醫左個肚先 見成日出街同朋友都係食西餐就決定今次轉下食番港式食物 飲番個下午茶🤗🤗呢到D 碗碟都好光鮮 有別於一般大型茶樓叫左壺普洱 呢到嘅普洱好滑 唔似一般出面 沖到苦曬冇茶味叫左個蝦春卷同菜心平時出街冇咩食菜 要補番下D 纖維呢到菜心煮得偏淋 係我鐘意嘅texture ：D蝦春光入面嘅蝦膠打到好彈牙 出面個春卷皮炸得好脆🤤🤤🤤食落唔油膩 就算凍左都冇咩出油同冇淋到好有水準👍🏻👍🏻最上面嘅係紫心丸細細粒 熱辣辣 好好味燒賣正常水準 值得一提係佢有得叫半份 姐係兩件 岩曬兩個人過黎食 菜苗蝦餃個皮夠薄 而且餡多 正😍😍仲有朋友叫左個我唔食嘅鳳爪佢就話好入味 好好食 自己一個KO 曬最左邊仲有個叉燒腸 好滑又多餡切到岩岩好一口一件 好耐未食過個皮又薄 餡又多嘅腸粉啦🤤🤤🤤最後仲叫左個芒果雙皮奶個雙皮奶好滑 面頭有D芒果珠珠如果多番D真芒果就perfect👍🏻👍🏻😍叫左咁多野食 都係每人100蚊都唔洗估唔到灣仔都會有又正又平嘅茶樓我覺得平過係屋企樓下D大型連鎖茶樓到食❤️❤️

係中國文化黎講一般人飲茶都係朝早，但係我同我朋友都唔係可以早起身個一類人。所以我哋揀咗一間係灣仔嘅餐廳有下午茶😽😽我哋叫咗蒜蓉蝦長春卷同埋高湯灼菜心，因為我哋最近都食得唔夠菜所以我哋叫咗一個👻我個朋友已經等唔切我影埋相先開始食！仲唔俾我捉到佢哈哈🤡兩個人來講好似叫得太多嘢食，不過飲茶就係呢個精粹，要叫多幾樣先有得share食😎😎 我哋有蟹籽燒賣王、叉燒腸、紫心香芋丸同埋香芒雙皮奶。香芋紫心丸入面真係紫色架，同埋佢真係啱啱炸好，上枱嘅時候好熱，所以建議等佢凍少少先食！呢個係醬皇蒸鳳爪，都聽過有好多外國嘅朋友唔鍾意食雞腳，但係呢個係我飲茶必叫嘅點心之一。呢個係裝香芒雙皮奶嘅甖，因為真係太可愛啦，所以忍唔住要俾個近鏡佢🍮香芒雙皮奶上面有啲裝咗芒果汁嘅波波，當你食嘅時候你會感覺到啲波波係你口入面爆開，個感覺都幾有趣🤗

是日朝早同屋企人黎到呢間位於灣仔既味苑飲茶，因為之前都聽過唔少朋友推介過呢間茶樓，話d野好食，所以就算遠都決定出黎試下。呢間茶樓入門一眼望落去令人覺得舒服，有少少古典加較多淡色既佈置令整體觀感好好。呢一籠叉燒非常好食，內頭有蝦而且我覺得都幾大隻下，而且佢亦都實實淨淨，蒸得岩岩好，所以令到賣相同食落口既感覺都一樣咁好。鳳爪個汁唔會太鹹又或者太濃，而令到食落去唔會比個汁既味道過份覆蓋左，反而會令到我仲想叫多籠尼食。呢一碟腸粉幾過癮，脆脆地既，同一般食開既腸粉並唔一樣，所以都一樣係令我回味無窮既！

星期六中午是家庭日和家父家母到灣仔品茗味苑裝潢古典優雅先點了燒腩仔有豬肉味甚惹味"真係菠蘿包"真的又菠蘿比傳統的菠蘿包多了一份清甜南非鮑魚雞粒酥超豪華上面的南非乾鮑味道超濃郁馬拉糕質地有點過實反而有點像雞蛋糕蝦餃和菜苗餃有質素蝦肉爽實沒有肥肉懷舊灌湯餃沒有湯乾蒸上枱還是第一次見時菜牛肉球質感不會過淋證明肥豬肉沒有下很多鮮蝦腸粉也是即叫即制溫度夠十分足料這裡食物質素不俗價錢也合理奈何服務水平有待改善

放工已經好攰啦，雖然糧尾，都要對自己好D呀！之前路過味苑，一直想試，就係今晚啦！門面係好典雅的裝横，喜歡樓上的花飾窗户。內裡係40、50年代的design，有幾幅字畫，又帶木雕花的裝飾，金色的燈作點綴，感覺很grand。未到8點，已經枱枱座滿。店的menu都好deluxe咁，餐具用上公雞碗碟，又令到感覺唔會很遠，很親切。蜜桃咕嚕明蝦球($148)好精緻的菜式，加個白飯先。一般都係波蘿炒的，呢間就用桃炒，幾特別。蝦好大隻，既新鮮又爽口，炸漿好薄。咕嚕酸味味的，食下食下原來都幾多隻，好滿足，非常有質素的一餐。食一餐好嘅，果然可以舒援疲勞！仲有好幾個菜都想試，待續。

平時係街成日都食西餐或日本菜多，今晚揀左間係灣仔叫味苑嘅中菜食晚飯。兩個人食最好叫兩餸一湯，個湯揀左菜膽雞燉翅，而餸就叫左推介嘅脆炸牛坑腩同埋蜜汁欖角牙簽骨。落單冇耐個湯就送黎，最鐘意飲湯夠熱😄個湯夠哂味之餘入面嘅湯料都好正，個翅好滑口，好快已經KO個湯！菜膽雞燉翅 $38(位)隔左一陣兩個餸都黎到，呢兩個餸絕對出面好少食到。先講個炸嘅牛坑腩，外表脆得黎唔厚粉，加上肉質帶稔又有少少肥嘅牛坑腩，講真真係好好味！點埋個甜酸汁仲唔會咁滯添。脆炸牛坑腩 $138而個蜜汁欖角牙簽骨，味道野味之外，蜜汁加上欖角原來咁好食，肉質一樣冇令人失望，非常之稔唔會鞋，送飯食一流！蜜汁欖角牙簽骨 $108除左食物之外，環境同服務都好好，真係要比個like 佢地！而且更有唔少外國人去幫襯，下次可以帶屋企人去再食✨

接老公仔收工，經過呢度諗住一試，反正呢頭洋人區都無乜中菜食，就揀中呢間喇.....一睇到呢個名就俾吸引住喇！ 『葡萄冬瓜』，個名夠哂可愛。晶晶瑩瑩的透著淡淡的酒紅色，一放入口冰冰涼涼，又甜甜的葡萄汁味，令人忍唔住想食晒佢。『特色瑤柱櫻花蝦炒飯』平時瑤柱炒飯食得多，今次攪攪新意思。特別加左櫻花蝦去炒，增添左色之餘仲加強左鮮味，突然間覺得海洋嘅鮮味喺口中蕩漾著。鮮味之極。『燒味拼盤』。 非一般拼盤咁簡單！優點在於燒腩皮脆肉嫩，肥瘦適中的五層肉。至於玫瑰油雞都無令人失望，精萃在鹵水汁，沒有一般的死鹹有甜甜的回甘甜味，主角雞呢，當然不負眾望。肉嫩多汁，鮮味十足。

多數人飲茶既地方都會係就自己既地區，但我今次就早少少起身，早少少出發，為既就係黎呢一度，同朋友飲個早茶。呢一度個環境同一般茶樓唔太相似，而係比較雍容華貴啲啲，但係氣氛一樣冇改變到，人氣一樣咁旺盛。食物方面我比較覺得到邊一間茶樓，都應該叫翻一籠蝦餃，因為呢一道點心，先能夠睇得出間茶樓既水準。而呢一度蝦餃中既蝦肉實而爽口，蒸既時間亦都正好，原隻蝦餃放入口既味道簡直係正呀！而流沙包有啲可惜，有一個蒸到個餡爆左出尼。但係內餡明顯見到，真材實料，而且亦唔會太甜！超岩我口味！呢一道腸粉亦都幾得意，脆脆地。當然我同朋友兩個人食既就唔只咁少，其他既野食都好好味，但下一次我會想再尼試下個午茶，食下粉面飯！

睇雜誌介紹見到味苑食物好特別，同事都喺呢到訂咗同屋企人食團年飯，食評係好正，所以今日年初二同媽咪睇完早埸就帶媽咪嚟試，我哋叫咗原個南瓜糙米飯配高湯浸時蔬同點心便當，媽咪話南瓜糙米飯好味，而我嘅點心便當賣相已經相當吸引，有南瓜沙律(南瓜同薯片配沙律醬好似有小小格格不入咁）、香煎牛仔骨（幾好味不過好難咬開）、健康紅米飯（好味份量女仕啱啱好）咸水角、春卷、炸榴槤奶（全部新鮮熱辣，春卷內蝦爽口，炸榴槤奶正到不得了愛榴槤嘅一定如試）士多啤梨凍糕（酸香士多啤梨味正），食物質素好高，價錢合理下次要試其他先得

放工同老媽子食飯，帶佢嚟左呢間味苑，因為就喺地鐵出口隔離，唔使佢行。7點鐘去到都已經見有人等位，不過好彩等左幾分鐘就有枱。佢地有2層，上層要搭酒店電梯，我地今次坐下層由地面直入。地方唔大但乾淨整潔，坐位亦唔會同人背貼背。2個人簡簡單單點左個 $298既2人餐，有晒小食、湯、小菜同海鮮，都幾抵食。今日有鷄肉螺頭瘦肉菜胆燉湯，我地好鍾意飲燉湯，好清甜但又唔會淡，好味道，老媽子仲話佢無落味精。脆皮燒腩仔（小食）脆好燒得靚，肉好滑而且脂肪唔多，幾岩胃口。金蒜銀絲蒸元貝唔大隻但肉甜唔韌，粉絲仲好入味！鮮白合雲翠淮山係老媽子至愛，因為淮山脆口又滑溜，味道偏淡夠百搭，而且好有益。蝦球翠花枝用左蝦醬做醬料已經好香好惹味！蝦球彈牙；翠花即係翠玉瓜，唔油膩；花梭夠薄唔韌。最後原來仲有糖水- 南北杏雪耳雪梨！好足料，有埋紅棗，而且甜度適中，好滿足！店員都幾風趣，食得都幾開心！

今晚約爸媽吃晚飯，媽媽建議到這間她經常和好姊妹喝茶的「味苑」，說想試試它的晚市水準。我拍板點了一個【2人餐 $298】及另加一個焗魚腸和雞燉翅。【2人餐 $298】包括：-脆皮燒腩仔（小食）-是日滋潤燉湯（兩位）-金蒜銀絲蒸元貝（兩位）-蝦球翠花枝-鮮白合雲翠淮山脆皮燒腩仔皮脆香口，脂肪同樣香而不膩，入口夠嫩，蘸上少許黃芥末更惹味。是日燉湯是鷄肉螺頭瘦肉菜胆燉湯，味道清甜，而且還沒有我最怕的雞油，亦沒有口渴。金蒜銀絲蒸元貝味道鮮甜，粉絲吸了元貝的精華及配上蒜茸更入味香口，而且入口有嚼感。蝦球翠花枝夠薄而且不韌；蝦球不至於爽脆但仍有彈性，醬汁用上蝦醬實在是絕配。鮮白合雲翠淮山是保健食品之一，因為淮山健脾益胃、助消化，口感滑嫩容易入口，不妨多吃！另外再多點了《焗魚腸 $108》和《菜膽雞燉翅 $38》。焗魚腸每日限量供應，幸好當晚仍有材料製作最後一個，即點即焗，所以需時大約30-45分鐘，所以有興趣人士應該一早下單，邊食邊等。焗魚腸熱烘烘送到餐桌，蛋香撲鼻，狀似梳乎厘！襯它還未有塌下店員便提醒我要「相機先食」，十分友善可愛！焗魚腸裡面當然有魚腸，亦有大量薑絲除腥；魚腸甘香，配上白飯實在適合

過年前的時間真的是特別忙碌，既要大掃除，又要整年糕，更要辦年貨和添衣。可以說連出文的時間也變得少。不過再忙都好，還是要陪屋企人飲個茶。剛好早陣子路過灣仔時發現位於荃灣的味苑開了新分店，趁假期便和父親中午走一趟。有關味苑的資料其實網上並不多，它是兩年前新興起的飲食集團。頭炮於上年四月在荃灣開店，主打燒味和點心，因此若說它是點心店舖，倒不如說更似正宗的傳統中菜館。而能於短短不夠一年多的時間便能在灣仔開設分店，且在開飯兩分店獲得幾乎完全沒負評的成績，已可說是出類拔萃！店的裝修其實也非常唐式，有點似迷你版＂鏞記＂，而且樓高兩層，但這裡有必要先說一下，如果去二樓的話，雖然免卻搭上檯的煩惱，但卻是完全不提供燒味的；若要吃燒味飯，必定要坐下來一樓或外賣，但是一樓是會經常性搭檯的，務必注意！而這裡的名物自然是燒味飯，這從店外的燒味櫥窗已可得知。但無論單拼雙拼都索價$58，比起附近的喜喜和再興都貴上近一倍價錢。看來除了環境以外，它明顯對自家的燒味品質有著極高的信心。最特色的是其餐具，竟然是傳統的公雞碗筷，老派之餘也夠gimmick。是次我是叫叉燒燒腩飯雙拼，老爸則是叉燒燒鵝飯雙拼，上檯賣上皆十分精美吸引