味苑 (已結業)

接老公仔收工，經過呢度諗住一試，反正呢頭洋人區都無乜中菜食，就揀中呢間喇.....一睇到呢個名就俾吸引住喇！ 『葡萄冬瓜』，個名夠哂可愛。晶晶瑩瑩的透著淡淡的酒紅色，一放入口冰冰涼涼，又甜甜的葡萄汁味，令人忍唔住想食晒佢。『特色瑤柱櫻花蝦炒飯』平時瑤柱炒飯食得多，今次攪攪新意思。特別加左櫻花蝦去炒，增添左色之餘仲加強左鮮味，突然間覺得海洋嘅鮮味喺口中蕩漾著。鮮味之極。『燒味拼盤』。 非一般拼盤咁簡單！優點在於燒腩皮脆肉嫩，肥瘦適中的五層肉。至於玫瑰油雞都無令人失望，精萃在鹵水汁，沒有一般的死鹹有甜甜的回甘甜味，主角雞呢，當然不負眾望。肉嫩多汁，鮮味十足。