影片
港铁湾仔站 C 出口, 步行约1分钟
继续阅读
开饭介绍
位于湾仔的中式小菜店，主打明炉烧味、创意点心及粤式小菜等，推介紫薯炸鲜奶及三代同堂扒柚皮等。
继续阅读
附加资料
本餐厅为B、C类食肆
营业时间
*最后落单时间: 22:00
星期一至日
11:00 - 22:30
以上资料只供参考，请与餐厅确认详情
呢间酒楼带俾我好多回忆，第一次去既时候会觉得咁高级，如果自己就一定唔会去，之后去惯咗，就无左呢种感觉。呢间茶楼啲茶壶同餐具都好干净，给予令人放心使用既感觉。🦆杞子花雕醉乳鸽平时醉鸡就听得多，醉乳鸽就少听。佢呢啲乳鸽整得几好食的，有酒香之余淡淡肉，加了盐调味，味道不错。🍳肉松蛋煎糯米鸡食落有点像平时我哋用鸡蛋煎粽的味道咁，再加埋啲肉松真系生色不少。🦐金纱米网虾肠粉口感是先冧，后脆，再软，一啖入面有三种不同口味，所以我都喜欢叫这个肠粉。🦐味苑虾饺皇虾饺都很大粒，有四粒，啲皮好晶凝通透坚韧有咬口，都很好食。♨️潮洲小粉果虽然点心纸话佢系小粉果，但佢嘅体积都唔细既，可以话都几大粒足料。♨️饱汁叉烧包佢啲叉烧包入面啲叉烧系香香瘦瘦既，夹住好多肥膏个种。♨️迷你珍珠鸡虽然佢话迷你，但其实都唔迷你了，是很巨型的珍珠鸡，珍珠鸡内也十分足料。♨️怀旧街边猪肠粉上菜时佢系仿照街边啲猪肠粉咁用块油纸垫住既，啲肠粉一条条均称的每条都有啲白芝麻系面，食落充满米香又弹牙。佢隔离会有甜酱麻酱同埋豉油俾大家点嚟食，如果想更加似街边啲肠粉，可以将啲酱混哂落去，捞嚟食。🦐和风虾春卷春卷炸得好香脆，虾都很弹牙，点喼汁好味。♨️蟹籽烧卖皇一笼有四粒，啲肉同啲虾都唔错。🧄蒜蓉蒸鲜排骨呢个就略略有啲太松，可能松肉粉落太多。🥥椰汁马豆糕普通马豆糕既味道。🌸杞子桂花糕有幽香既桂花味，有点像啫喱。🍍真系菠萝包入面真系有菠萝既，啲皮都几脆，热辣辣既都几新鲜。🐖蜜汁叉烧皇味苑嘅烧味系几出名嘅，佢肥瘦适中，香甜新鲜美味。🐖蜜汁烧排骨烧排骨都几好食，淡淡肉，好香口。🐎怀旧马拉糕呢个马拉糕好香甜好食😋，热腾腾的。🐓雪菜鸡丝淮山面淮山面好爽，鸡丝都很弹牙，整体有汤都好食。🫖铁观音好香而不苦涩既茶，真的不错。🐖古法山渣咕噜肉充满山渣味既咕噜肉，酸酸地好开胃。亦都系瘦既，无肥膏。🐖蜜桃水晶咕噜肉呢个有蜜桃味偏甜既咕噜肉，瘦瘦地，都好食。♠️山葵咸水角好香脆的咸水角。🦐西兰花带子炒虾球带子同虾球都好弹牙，配合啲菇及酱汁，西兰花都好新鲜好食。呢间餐馆满载好多回忆，希望呢啲回忆可以永远保存下去。
继续阅读
好朋友移民，临别前一聚⋯⋯1枱7人，其中3位小朋友所以选择了这间位于湾仔的中式小菜馆！（味道不过不失，胜在合适家庭聚会😌）当晚选了以下菜式…..1）冰镇义烧皇 -2份2）脆皮烧腩仔 -1 份3）和风海台鲍鱼伴豆腐 -7只4）奇趣鸳鸯咕噜肉 -1份5）金沙明虾球 -1份6）味苑烧鹅皇 -半只7）鲜鱼汤唐芹浸翡翠（菜心1份）8）豉油皇龙苏炒面 -1份9）丝苗白饭 -1碗饮品：3汔水+3支细啤洒经OpenRice 订位8折折扣后：$2xxx
继续阅读
认真讲，食物系好食，有惊喜，上菜都快，我食点心，可以推介个金纱米网虾肠粉。但令我忍不住一定要评价既系服务态度，可能假日问题，早上食客不多，所以有四五个姐姐待应企系到吹水，我一路食，每食完一笼，啲姐姐好似抢食咁第一时间抢走我个吉笼，我当初以为咁啱啫，食完第二笼又几个姐姐斗快咁，咁我放慢食啦，其实咁多姐姐望住食，好有压迫感。之后听到有个姐姐同另一个姐姐讲，食咁慢咖，我回应一句做乜咁赶，佢咀苗苗我😑之后我每食完一笼，佢完全问都唔问就拎走我个笼，其实仲有一旧，事关我两个人食，叫多左野，饱左，所以慢慢食，唉，我打上离呻下啫，红日假都系想优闲咁饮茶啫。希望餐厅负责人不防教导下前线们。
继续阅读
又到星期五揾野食时间，见到呢间主菜餐有7折，所以黎试下，呢间餐厅既环境系比较怀旧，唔算坐到好多枱，不过味道唔错😆一开波先黎个例牌叉烧，叫左肥叉，佢唔会太肥，肥瘦适中，岩岩好，味道甜甜地，不过例牌份量都几到，少人既话可以叫小菜既叉烧😎然后系鸳鸯咕噜肉，有两只味，红少少既有啲微甜，而深色啲既就少少酸，有少少似山渣既感觉，不过绝对系所有人都接受到既程度，外皮脆脆地，值得一试👍主食就叫左海鲜蕃茄汤饭，一开始有啲惊系蕃茄汤底咁，不过佢其实系海鲜汤，入面再有啲蕃茄，个汤几鲜甜，唔好咸，如果唔想食咁heavy可以拣呢样，不过留意返饭面系无7折😌唔知系一直都有定限时优惠，每人都会送呢个甜品，红豆糕味道好淡，椰汁马豆糕相对地就有少少甜味，同时都有豆既咬口，唔算太吸引，不过送既算系咁😗总结黎讲，我最欣赏呢间既系佢啲𩠌味道都唔会太浓味/咸，有味道得黎清清地🤩不过价钱唔算平，如果正价食都几贵
继续阅读
之前食过一次, 都已经觉得我会再唻, 因为佢比我想像干净, 唔会话D碗碟柸崩咗照比客用, 除非系高价D嘅店铺先唔会咁, 而且佢地服务态度都好, 加上有折咁先抵, 佢亦唔会将货就价。我都拣咗上次觉得好食嘅菜式比我呢个对食有要求嘅朋友白鳯手爪 – 呢个系佢地店铺嘅前菜, 食过都想再食, 好淋好香好入味, 仲有D蒜香同辣沙姜猪手 – 呢个个沙姜又入味, 又重姜味, 仲要系淋, 因为通常都非常爽口炸牛坑腩 – 炸浆够薄, 牛腩又淋唔会韧, 不过今次就肥咗DD黄金虾 – 呢个个咸蛋黄系好多, 所以对于钟意蛋黄嘅我好满足, 我仲可以食3嚿, 不过个虾今次新鲜度差小小, 佢系弹牙但有小小好似咬落去差小小熟嘅口感, 但你系知佢一定系熟, 上次就比较好D, 不过佢炸得好脆口, 脆浆又唔厚, 都系下次仍会叫唻食海味什菜煲 – 我钟意佢D𩠌都够大碟, 尤其呢个煲, 有时叫亲菜都唔明收得唔系平, 但永远佢个份量都细, 有时真系咁多肉都要叫番碟菜, 但往往唔太够, 呢个虾干又大, 又浸得够时间, 菜嘅种类都系多, 味道又好叉烧皇 – 呢个系最美中不足, 因为佢写到必食推介咁, 一上到唻都争D烧嘅样, 食落去麻麻地, 可能系有期望所以系失望, 而且佢唔系平架餐牌上要$168, 佢唔够叉烧要有嘅蜜汁(唔系话要多, 但佢系唔够), 而且味道系好普通(又唔明以前妈咪系街市买下都已经好好食, 但而家要揾出名又要贵D先叫做食番以前嘅叉烧味啰.PS 佢送嘅甜品唔太甜又好食😋不过整体上, 佢呢间系Good Good, 所以我再会约家人唻食下
继续阅读