味苑 (已結業)

朋友約食晚飯仲要係灣仔，真頭痛呀！有乜選擇好呢？好在去 openrice 搜尋，原來灣仔地鐵已經有一間，真係好方便！先嚟一碟海蜇頭～賣相都好唔錯架！舟山海蜇頭~~配上紅椒絲 ，質感爽脆，一條條粗粗的，陣陣嘅麻油香氣，，已經好吸引人食，味道清爽！加一碟蜜桃水晶咕嚕肉😋😋無論冬天、夏天，，一年四季都啱食！陣陣濃郁酸酸甜甜既味道，加上蜜桃、青紅椒，配搭著輭硬適中，肉質豐富的咕嚕肉，外面脆！！！！用來送白飯，正呀！！！！

估唔到呢間中菜由荃灣開到黎灣仔，難得今日同我一位外國朋友一聚，行開呢頭，就帶佢黎試下！一入到去仲發現有幾枱都係外國人，真識食！先叫這道----干煸四季豆炒得相當入味有鍋氣，上到台時又熱又香，配菜同調味都十分足料，入口仲好香口，我朋友都食到唔停口！亦點左個炒飯，朋友食西式既安格式肥牛就食得多喇，至於中式煮法既安格斯肥牛粒炒飯，佢都係第一次食，覺得好新奇，炒功好好，每粒都好分明，正！肥牛粒份量亦剛好，唔會太多又唔會太少，太多會膩，而家就相當滿足，牛肉粒夠林，朋友都話very good！！！最後當然要叫呢度最出名既燒味------蜜汁燒排骨蜜味濃鬱，非常入味，排骨肥瘦恰當，有唔少肉食，骨同內既比例係50:50，燒烤味重，我朋友仲好好笑話同佢鄉下d bbq完全係兩回事，當然啦，呢d係中式烤法，功夫多好多架！

最近很想吃傳統粵菜，在網路上看到這家灣仔的中餐廳很多人點贊，晚上工作完去試試看。餐廳座落在灣仔駱克道，就在灣仔C出口旁邊，很好找。餐廳有兩層，每層都不算大，我們坐在第二層，私密度蠻高。其實我們出去很少選擇吃中餐，因為兩個人吃點不到很多菜，想試多幾款菜式又吃不完很浪費。我們這次又是眼闊肚窄叫了四道菜一個炒飯（OMG), 吃完要捧著肚子離開哈哈。餐廳裝潢中式優雅，牆上掛了很多幅字畫，每張桌子都有點距離不會坐得很擠逼。餐廳主打傳統粵菜，還有我最愛的炸鮮奶（心心眼）哈哈。首先我們點了是日例湯-白菜燉響螺湯（$38）。湯燉得清甜而且味道不淡，好喝。我們看到門口有整個燒味部想這邊的叉燒應該不錯哈哈就點了個小食蜜汁叉燒（$68）。這邊的叉燒肥瘦均勻，咬起來是蠻爽口不是硬梆梆的那種，而且外面的焦糖有點沾牙那種甜甜的超級好吃！！接下來是香蔥安格斯肥牛炒飯（$108）。我家有爆愛炒飯人一枚，所以每次吃中餐都要點炒飯。這邊的炒飯炒得粒粒分明，不會吵得很乾，配上牛肉粒炒很香！然後來的是紫薯炸鮮奶（$78）。要吃好吃的炸鮮奶已經不容易，還要有花樣加了紫薯真的一定要試。很多地方的炸鮮奶裡面的鮮奶都是一塊長方形的，

灣仔做野, 搞掂後食埋晚, 呢頭唔熟唔知食咩好, 醒起上次飲茶既中菜館都幾好又平, 一於再黎試下晚餐先.晚飯時段幾多人, 人流好多, 無訂位等左一陣.脆炸牛坑腩個炸皮好脆卜卜, 牛坑腩軟腍, 唔韌, 牛肉味濃郁, 呢款坑腩做法無咁多脂肪, 唔錯.中式晚飯唔少得既咕嚕肉, 炸到外脆內軟熟, 唔會得一舊粉或太厚, 味道酸酸甜甜夠開胃, 配上生果桃甜甜地.仲有雞絲翅碗裝, 湯頭清甜唔油, 有雞既清香. 翅都幾粗一條條, 食到又搵到, 雞肉唔韌.晚餐感覺都唔錯, 而且同區黎講都算平. 另外好多外國人食, 見到佢地用筷子好有趣.

上次嚟食已經覺得好味，今次再嚟睇吓水準有冇下降。今次入座時間剛好喺下午茶，又睇吓點先。叫咗兩個燒味套餐，食盡鷄、鴨、叉燒、燒腩仔（叉燒又淋、肥瘦適中。燒腩仔一層肥一層瘦，正）仲有例湯或咖啡、奶茶。乾炒牛河（牛肉薄薄的，又淋滑。最重要係食完碟抵係冇油嘅。熱辣辣，好好食）即拉腸粉，皮很薄好食。仲有咸水角（真係冇食過，一咬開D煙衝出嚟，好熱。D皮又煙靭）忘了影相的時菜牛肉，一樣出色。最最重要係4人午餐，食得好飽只係每人$50超抵食！我地又多個飯堂喇😋

之前黎過呢嗰度食下午茶 非常好味👍🏻👍🏻👍🏻所以今日決定同朋友黎呢度食下佢個晚餐夜晚7點幾左右黎再已經差唔多full house好彩我有book 定位☺️☺️今次我哋都係叫咗普洱飲 都係好好飲首先我哋叫咗個燒豬腩仔 小食size呢度嘅燒味我哋上次黎已經好想試呢度嘅燒豬腩仔真係好好味個被燒到脆卜卜三分肥7分瘦 一d 都唔肥膩 超好味🤤🤤🤤我地仲叫左個是日燉湯 唔記得左叫咩名啦但係好真材實料 好鮮味 👍🏻👍🏻之後仲叫左個紅燒豆腐 豆腐好嫩滑 個汁好正🤗🤗🤗最後仲叫咗個元貝櫻花蝦炒飯炒得粒粒分明 櫻花蝦為香飯添滿鹹香元貝增添口感 好好味嘅一個炒飯💖💖

放工想食中餐又想坐底靜靜地傾下計，朋友介紹味苑。待應帶我地上二樓，裝飾以木為主古色古香環境清靜，播住輕鬆音樂，啱晒傾計。是日滋潤燉湯 ＄38今日燉湯係螺片燉雞，落足料又夠火喉，湯清甜又唔油蜜桃水晶咕嚕肉 ＄88菠蘿咕嚕肉食得多，用蜜桃比較少，蜜桃比菠蘿juicy。咕嚕肉炸漿夠脆唔會上枱淋曬。而肉質爽口，配上咕嚕酸甜汁好開胃，再加個白飯perfect晒！燒味雙拼 $158燒腩皮脆肉嫩，用上五層肉肥瘦適中，食落油香與香脆皮滆合口中蜜汁叉燒半肥瘦，一D都唔鞋，蜜汁掛係叉燒入口好juicy紅棗雪耳糖水 (送)糖水雖然送，但一D都唔hea，好足料而且唔會太甜，內有好大塊雪耳，好以食左骨膠原落肚，加上紅棗可以補下氣血，即時皮膚靚曬！啱曬女仔滋潤下．Menu

Had dinner here with friends and the meal was really satisfying, in taste, visual and price. Ordered fried rice, pork ribs, beef brisket, fried sweet potato with milk, char siew, siu yuk, soup and French bean. Every dish was tasty; I really had nothing to complain about!It explains the good reviews given other customers

有晚同老婆閒遊, 行到晚餐時間搵地方食飯, 呢頭可能外國人多, 西式野都較多, 唔係好啱心水.無意間行到呢間中餐餐館, 都幾多人, 可以試下.除左中式叫餸, 仲有D涼伴前菜, 有款醬油蘿蔔新上市, 排到好似朵花, 醬油醃至每片蘿蔔, 唔咸帶少少醋酸, 蘿蔔好爽口, 好開胃.清湯比較多煮成牛腩, 呢度用豬既蝴蝶腩煮, 炆得夠腍夠入味, 唔韌好軟滑, 蘿蔔索左肉鮮味特別甜同爽口, 清湯帶黑胡椒味, 微辣幾醒神.蟲草花蝦滑浸菜苗, 蝦滑打得好爽口, 蟲草花夠多好香, 菜苗新鮮翠綠, 感覺清新.

新年後比人調去灣仔返工, 從新悉應環境, 午餐要發掘一下平靚正既美食.同事帶我黎呢間, 中式餐館坐得幾舒服. 不過午餐時間四圍係人, 所以人少要搭枱.揚州炒飯, 可以配咖啡奶茶, 都係48蚊, 滿滿既一碟兩人分非常夠.飯唔油膩, 亦不會太林, 幾乾身一粒粒.  材料幾多, 蝦仁夠爽口. 味道唔會太淡, 幾夠火喉. 點心墨魚付皮卷, 墨魚打到起膠, 有少少墨魚粒, 所以食落特別有口感. 外邊既付皮脆脆地, 外脆內軟熟, 泰式甜酸醬提升開胃感.流沙飽, 呢樣諗住得個樣, 不過搣開D奶黃餡係咁流出黎, 熱辣辣非常正. 奶黃甜度適中, 食完唔覺漏. 豬仔表皮亦夠鬆軟.

諗住一試無防嘅心情去試吓味苑，接近2點嘅時間，揾位並不困難。內𥚃嘅裝修陳設走懷舊路線，分樓上樓下兩層（懷舊當然可以搭位啦🙊）食具上印有🐔全部都係🐔，但此雞不同彼雞（圖案精緻，雞的樣子漂亮。討人歡喜）步入正題講吓食品質素先，燒肉、叉燒、燒鵝飯。很抵讚👍🏻飯係熱嘅，粒粒分明（e個係好重要的）燒肉是腩的部分，皮脆肉嫩。叉燒係半肥瘦，目測已非常正（果然係好正）燒鵝亦皮脆肉香🤣最特別係好中式嘅店鋪居然飯係可跟湯之外，還可以選擇奶茶咖啡👍🏻下次會試吓點心。希望不會失望啦！

是日大陸同事繼續留港出差，作為公司的香港員工當然要帶佢哋食好嘢。今次就去左公司附近的味苑食午飯。午市有套餐供應，可選擇點心，燒味飯或者炒飯蒸餸等，價錢大約58蚊，灣仔區來講唔算太貴。餐廳裝修金碧輝煌，古色古香，帶中國特式，在此環境吃中菜非常滋味。金菇茄子豆卜蒸爽肉飯份量挺多，底層的茄子切成條狀，上面放滿豆卜，豬肉爽軟帶點咸香，以瘦肉為主，結合了金菇和蔥的味道，配合得天衣無逢。同桌的大陸同事均點了燒味飯，他們都讚不絕口。非常滿意的一餐，下次會再幫襯哦!

在電視看到葉劉淑儀外賣燒味飯，好似好靚。想試，午市到門口取票，等10幾分鐘，午市套餐hk$58, 侍應問飲甚麽茶，以為免費，埋單每位收$6。燒味單併雙併都是hk58,叫义鵝飯，义燒廋，鞋，不夠香，鵝皮不夠脆，唔夠香，肉質一般。蘿蔔酸菜煮滑雞，味道及格，雞鞋，一的都唔滑。套餐包中湯~節瓜豬肉湯，夠濃。青蛙話小菜特色，椒鹽豬脾，我話食小菜不如去一番。

花卉展最後一天，天公不造美，頻繁地落毛毛細雨。下午時份與朋友去了離灣仔港鐵站很近的味苑！樓底很高，碗碟簡單精緻。之前食過午市，味道不錯價錢又相宜。今次食下午茶，同樣選擇多樣化，有炒粉麵飯、燒味、點心類。香芋櫻花蝦燒賣 - 名稱吸引了我去嘗試，賣相不錯。香芋粉稔味濃，切成一粒粒，食落清爽之餘富有口感！鮑汁鳳爪 - 大大隻索滿醬汁，肉質軟綿易吮，配上粒粒花生，更有口感。榴槤飄香炸奶 - 外層炸得酥脆香口！奶白色的餡料多得滿瀉，食落微甜質感較稠身，熱辣辣食更顯味美！香茫雙皮奶 - 器皿的骰迷你，過下口癮也不錯！茫果甜甜！雙皮奶滑溜不易碎，奶味頗香濃！

第一次黎呢度食，見到都幾多人，差不多坐滿，好彩一個人，容易搵到位坐！午餐免加一，有一人燒味飯同便檔，食完都幾飽下。雖然價格都唔平，但食物水準都唔錯，值得一黎。首先上左個醬皇鳳爪，都真係幾多醬，但唔咸。鳳爪夠林，幾入味。個底有幾粒南瓜，好味！點心便檔都幾多種類，每樣一兩件，可以試多啲野，岩晒一兩個黎，叫唔到好多點心食既朋友仔。一共有三只包叉燒包，奶黃包同菠蘿包。值得一提既係菠蘿包入面有菠蘿同奶黃，甜甜地，又香菠蘿味，菠蘿面脆，好食！珍珠雞好多料，糯米林，味道剛剛好！沙律，少少地，清清腸胃炸物有咸水角，春卷同紫芋丸。另一個推介既係紫芋丸！外邊炸到脆脆，皮同紫芋都甜甜地，好好食！👍🏻😎午餐又一好選擇！