味火鍋 (雅仕洋樓)

$278/位再加一的放題，無限時，即刻來個報告先。當晚6:30到咗，另一個朋友未到，所以未開爐，不過就有D小食同飲品可以食住飲住先。佢D小食一D都唔少野，有炸雞軟骨、中華沙律、涼拌青瓜同陳醋雲耳，仲可以添食。飲品方面有樽裝汽水(呢排做Promotion跟埋個雪櫃所以周街都係)，仲有Anson Lo的OOHA系列，選擇選多，只係無啤酒。齊人開爐，先揀半隻龍蝦或雞煲，我地3人都揀了半隻龍蝦，芝士焗，唔算大隻，唔會太飽，肉質還可以。湯底來了，仲連埋海鮮拼盤同埋靚牛拼盤一齊上，D乾冰係咁噴煙都幾震撼。海鮮拼盤D蝦都幾大隻，3個人每人都有2-3隻，鮑魚就每人1隻，超新鮮，跟住有2隻元貝同2隻細象拔蚌，再加廣毛，另外仲有手打蝦丸同墨魚丸各6粒，仲有3條大蟹柳。當中最正係鮑魚，其次係蝦，其他的算正常。靚牛拼盤都係美國安格斯，包括有牛小排、牛肩胛翼、封門柳及牛板鍵，每款大約2-3片，以放題場而言真係交足貨有餘。任食的食材都算多款式，唯一缺點係無魚。佢任食的牛和豬都算幾好，呢間舖的老闆算係有良心。最後Like 社交平台仲有一杯Movenpick。總結，坐得舒服食得自在服務又好，值得推介。

聽朋友介紹一間無限時抵食火鍋店，通常任飲任食嘅食物和服務都比較普通，母親節臨近就帶兩老一試，剛到達一樓，接待處位靚靚Fanny妹妹非常友善，笑容可掬（隔住個口罩都見到佢眼睛笑意盈盈)見兩老年紀大，細心安排邊邊位俾佢哋坐得舒服點，又耐心解釋怎樣order食物，這種服務態度真的好難得，另這間火鍋店食品質素非常高，每人送半隻芝士龍蝦非常美味，火鍋海鮮新鮮，牛肉又有肉味，任點食品多元化，任飲嘅飲品更多不勝數，誠意推介大家，我必定會再光顧

🥘味火鍋🥘一開始訂呢間餐廳係睇中佢係無限時間火鍋d食物都唔錯 中中肯肯個芝士焗龍蝦同海鮮拼盤都ok😂但係間餐廳嘅服務同坐位安排都有d差🥵我哋七點鐘入坐 上咗個default嘅龍蝦、海鮮拼盤同一盤肉 落單張QR Code就去到八點半先俾我地🥶落完單之後d野食又唔尼 諗住同waiter講 但係舉手又冇人理😓至於坐位方面 好早之前就book咗位 結果到嘅時候佢地搞錯咗人數 結果加完位之後有d逼😅個位仲要係餐廳嘅角落頭 咁啱得咁橋俾兩張大檯圍死咗😂仲要人地係一家人一齊 搞到成件事好似亂入咗人地嘅屋企gathering咁🤣總之overall experience有d差

主打超平價、無限時嘅邊爐🔥🔥.停咗晚市又想平平哋同朋友坐耐啲打邊爐？最近有間火鍋店做緊$168（加一）由兩點食到六點！同行朋友仲以為係二百幾加一，一聽到價錢真係OMG🍲咁當然呢個價錢唔好同散嗌火鍋比較啦🤣.0️⃣鴛鴦湯底（豆腐喇沙、麻辣豆腐鴨血bb辣）前者幾香濃喇沙味，後者就唔會太辣得嚟又有麻香，可惜後期加湯係加熱水🥲.1️⃣芝士龍蝦一坐低，職員就會按人頭送上芝士焗龍蝦。龍蝦肉結實微暖，不過不失，合格。至於個螯係無扑碎過，原隻上，食起上嚟有少少呢hea🦞.2️⃣安格斯牛拼盤（牛小排、封門柳、牛板腱）（非任食）除咗龍蝦仲會送上呢盤牛，每人每個部位都食到一兩塊。封門柳都幾重牛味，其他就正常🐮.3️⃣任食肥牛、豬片肥牛質素同街市嘅差唔多，至於豬肉任食嚟講算係咁，唔會太肥之餘都唔會霉🐷.4️⃣牛栢葉、水魷非常好食！好食在於佢就算淥咗好耐都唔會咬唔開，好爽脆！.5️⃣蝦滑、墨魚滑正常。墨魚滑都幾彈牙，配埋麻速湯底就幾惹味.6️⃣丸類丸類個人覺得都算出色，有啲特別丸（胡椒豬肚貢丸、芫荽牛丸）出面少見，同埋都好彈牙下，未試過嘅可以試試.7️⃣蔬菜拼盤基本上想食嘅蔬菜都已經喺晒呢盤嘢度😂南瓜粟米都好鮮甜！粟米個切法令你可以好放心食，

相信各位為另一半安排生日飯既時侯 都會struggle好耐🙃因為真係好多野都想試, 但偏偏dinner只有一餐🥲🙆🏼‍♀️❤️雞煲 龍蝦 雪糕🙆🏼‍♂️❤️雞煲 火鍋 雪糕咁所以即係要搵一間 同時有齊好食既雞煲 好食既龍蝦 好食既火鍋 好食既雪糕既餐廳啦~但樣樣都想食 實好貴啦🥲咁岩就遇到味火鍋! 佢真係救左我銀包一命🤩每人都只係$288加一炸~呢間火鍋店都幾特別 原來佢地有2層地下果層係酒吧 放工時間可以去Happy Hour~樓上果層就做晚市雞煲+火鍋放題~一坐低 即刻有staff過黎招呼我地我地第一次黎唔知揀咩食好 又會比suggestions同埋佢地好細心嫁~ 女仔比較少飲凍野 所以即刻幫我去拎幾罐唔凍既飲品比我抵讚❤️咁我地就叫左 一個雞煲 + 一隻龍蝦 +鴛鴦湯底火鍋仲送左個海鮮拼盤🤩雞煲夠麻夠辣 未食落口 已經聞倒勁香一開始可能覺得份量較少 但其實食到最後 你會發現岩岩好!隻龍蝦絕對係有誠意 比預期中好食~蝦肉仍然爽口 又多肉 有鮮味肉質食得出係比較新鮮既 唔會煮到鞋烚烚~鴛鴦湯底火鍋 我地揀左麻辣+豬骨湯麻辣鍋入面本身跟左好多舊鴨血口感非常好 同埋好入味~而豬骨湯底入面真係有大大

今次約埋好姊妹一齊去食，訂咗2:00四位，1:45已經到咗就可以入坐，我哋選擇最尾張枱，可以盡情傾偈聊天，地方環境寬敞，服務態度真係好好，經常問我哋有乜須要，除咗雪櫃飲品外，可以有咖啡、奶茶、檸檬茶、檸檬水選擇，還有一開始每人半隻芝士龍蝦，食材非常新鮮，牛肉拼盤每款牛肉都好食，韮菜餃夠味道，我個人喜歡前菜小食嘅蓮藕片，值得一提的事，我位姊妹好大頭蝦，留低咗個電話喺沙發度，佢好緊張問途人借電話打上去問個電話還在嗎？好好彩亦好感恩可以失而復得。🙏🏻感謝味火煱🙏🏻

好多響尖沙咀嘅火鍋任食都係有限時嘅，所以喺網上搵到呢一間全包$268 +10%無限時任食我就即刻訂枱試吓，呢間餐廳係喺亞士厘道，佢啱啱喺街嘅中間轉彎位，由於個門口比較隱蔽同埋要上一層所以差啲Miss咗搵唔到。一坐低佢哋就有一個小食拼盤包括左木耳同埋炸雞軟骨，啲雞軟骨啱啱炸起非常香口，之後我哋揀咗鴛鴦湯底有麻辣鍋同埋其他選擇，而每人亦可以揀要龍蝦半隻或者要雞煲我哋有四個人所以就要咗兩份龍蝦同埋一個雞煲。之後就有仙氣安格斯牛肉及超大海鲜拚盤，再有一大碟菜蔬拚盤，打咭一流！佢哋仲包左任飲可以響出邊嘅雪櫃攞或者係叫佢哋嘅特飲，冇限時可以慢慢坐傾吓計，整體性價比唔錯下次會再嚟！

今晚4人一枱，見7點半已坐無虛席. 可經openrice訂枱的。每位$268加一，任食火鍋，尖沙咀地點方便，湯底選擇多叫咗麻辣鴨血湯底+豬骨湯底，另每人一份頭盤，有芝士龍蝦半邊/麻辣雞煲，另包指定海鮮拼盤（超大隻帶子，仲有生蠔）及美國安格斯牛肉拼盤，上枱已經擺得好靚，打卡一流！味道確實唔差喎😋，仲有鴨血可以加，所以不停叫，飲品有可口可樂各款汽水及綠茶（非道地），淨係吃前面幾樣已飽了一半，正真吃火鍋配料及其他菜就少d，Like 社交平台可以有Movenpick雪糕一盒吃。Beer是另叫，有做推廣。

2021年11月23日 晴今次同朋友出黎打邊爐 連埋加一每人$295 但可以坐到十點, 仲有好多野食, 唔錯啊不過開頭揾到都miss 左間野, 原來佢下邊係酒吧黎, 好易就會行過左頭盤有兩款可以揀, 我地就各二大家share 食。芝士焗波士頓龍蝦(半隻)滿滿芝士, 仲要爆膏肉質彈牙, 唔會好細隻, 兩個人share 都夠第二款係四川麻辣雞煲唔算好辣但幾香, 雞肉份量我地4 人食都夠, 唔錯啊湯底方面揀左花膠竹絲雞鍋雞肉好大份, 好食仲有超大盤海鮮拼盤有海蝦, 鮑魚, 廣島蠔, 刀貝, 大元貝, 蟹棒, 蝦丸同墨魚丸全部都好新鮮同好食美國安格斯牛肉拼盤都唔差, 有牛小排, 牛肩胛翼, 封門柳同牛板鍵然後仲有個超大蔬菜盤除左以上之外仲有其他野食任食價錢唔算太貴又可以坐得耐, 仲有咁多野食, 值得再去

價錢抵食，食物質素一流，服務態度非常好，頭盤都值回票價，海鮮夠新鮮，肉同其他都好新鮮好好味😋汽水任飲，湯底夠足料夠入味，值得一試，我哋試完都好想再食，OpenRice 都可以訂位

秋天來了，又到左打邊爐既季節，初嚐這間火鍋店，任飲任食無限時係最吸引。佢有幾部曲，我地先叫左雞煲，仲有幾碟前菜，之後再食打邊爐，湯底都10款，揀左鴛鴦鍋，麻辣鴨血拼豆乳海鮮湯，頭盤有海鮮拼盤，食物都算新鮮，係生蠔急凍左要溶冰先食，另有一盤安格斯牛肉，一盤雜菜，盤牛肉幾好味。自選配料都算多款式，一般大路既打邊爐配料都有，個人覺得肥牛脂肪比例少啲就好，墨魚滑唔錯，有特別款式既丸類如芥末魚丸。飲品自己出去拎，另有幾款特飲可以 order,不過坐得入叫waiter有難度。 我order左蘋果茶，食辣野飲返 杯甜野好正。最後 like佢有個movenpick雪糕食。整體黎講算抵食，食物款式算多，最開心係可以同朋友慢慢坐傾下計慢慢食。

本來今次唔想出post 因為影相影得好核突，已經不停怪責自己😒，希望大家多多包容，但味火鍋實在太抵食同埋Service 實在太好，我冇去過一間食肆會有這種服務態度，服務員大部份係年青有活力，好幫忙好快手，就算係傳菜上咗年紀嘅姐姐，服務一致，冇得挑剔，所以真心都係要出個post介紹吓餐廳好多好嘅服務位令我好難忘👇🏻▫️野食唔夠可以隨便叫，唔好客氣▫️幫你執走D野先，唔洗阻住你▫️每一次上菜，都會同你講多謝▫️每次我們有任何要求，總會回答當然可以啦▫️總是笑面迎人，當然帶住口罩係睇唔到，但會感受到▫️客人生日蛋糕冇生日牌，餐廳窩心地提供埋，寫之不盡，我相信你食過都會感受到，介紹翻嘢食先▪️火鍋套餐 $268 + 10%▶️前菜四小碟炸雞軟骨/拍青瓜/木耳蓮藕/中華沙律可以無限任fill，雞軟骨係熱辣辣好脆口，其他涼菜係帶少少麻辣，好開胃▶️頭盤每位可選擇半隻芝士焗龍蝦或麻辣雞煲我哋梗係揀咗龍蝦，都幾大隻，芝士好香好多，仲係拉絲嗰隻，龍蝦肉爽口，好正，仲配埋麻醬沙律同埋檸檬👍🏻👍🏻▶️有10款自選湯底可以揀我哋揀咗四川麻辣鴨血鍋 ～夠麻夠辣，鴨血和豆腐好好味芫荽皮蛋鯪魚鍋 ~呢個清清地，好香芫荽味▶️美國安格斯牛

尖沙咀係我返工嘅地方所以都算熟，但竟然搵唔倒喺邊，原因係門囗唔係寫味火煱，係寫香港餐室，仲要望入去唔係打邊爐，係bar , 所以最後我係打電話去先知😑。上一層，樓梯都幾長幾斜，好彩係同friend 食唔係同屋企人食，4個人有張卡位，都算幾寬敞，旁邊仲有個几仔攞配料。呢度價錢係268加一無限時任食，一開始有啲小食，先嚟揀湯底，有好多款，沙嗲……我呢啲當然揀花膠啦仲配烏雞，之後仲有set 配嘅食品（呢啲唔係任食嘅），咁每人都可揀返自己想要嘅款，唔一定要4個人一樣嘅，我地就要咗三份雞，一份龍蝦（半隻），龍蝦我無食，不過見個樣幾靚，雞要咗bb辣，成個雞煲咁上，睇返雞翼size 應該係細雞，不過份量都唔少，可能有一隻，個汁都好惹味，雞未食完已飽咗四成，佢又整好咗個湯趕住上，咁就將啲雞轉落碟俾我地。花膠湯配嘅烏雞係另上，份量唔多，不過夠了，因為之後仲有個海鮮拼盤，有蠔，鮑魚，蝦，扇貝……好靚💗，打咭呃like就啱晒📷，另外仲有個牛。以上嘅都係268包但唔係任食嘅，任食係自己scan張單個QR code再點，有丸，餃，菜……咁囉，其實就未算好高質，不過性價比就算高嘅。野飲有罐裝自助同手沖，我就要咗手

放工約左班同事去尖沙咀食火鍋，有嘴刁既同事介紹呢間就跟佢黎試下😋。🔅前菜前菜有芝士焗波士頓龍蝦(半隻)或者四川麻辣雞煲揀，3個人揀左龍蝦，2個揀雞煲已經有半隻雞share 🤤，夠晒皮。龍蝦係想像之外既高質，夠大隻又焗到好香，好彈牙，加埋少少沙律菜夠晒開胃🤤。🔅火鍋湯底湯底揀左蕃茄薯仔濃湯鍋同四川麻辣鴨血鍋，都唔錯，係鴨血鍋唔夠辣，同埋都幾油下😂，建議真係要定時忽走啲油，如果唔係第二日好易肚痛🙈。🔅火鍋配料海鮮好新鮮，超鮮甜，大大粒！啲牛都好靚，唔會話太肥或者太瘦，質素都穩定，唔會時靚時唔靚(好重要！)。菜都係無爛好新鮮👍🏻，基本上都無伏。💬每人$268(另加一)無限時又有龍蝦、雞煲、海鮮、火鍋、安格斯牛等等既配料，仲要係全部都幾高質唔係兆萬既質素😂，仲有自助汽水飲，我地再加錢要埋2L tower 1664啤酒🤤。無限時真係飽到郁唔到🤣，抵到爛！同行同事唯一嫌唔夠辣😂，其他一致好評👍🏻，非大型連鎖火鍋店做到呢個質素真係要介紹俾大家😍。利申: 睇我無擺靚靚影相就知我係無收錢出文慢慢影而係趕住食🤣

供應半自助火鍋，有十款湯底選擇包括花膠竹絲雞鍋、滋補藥膳醉雞鍋、日式豆乳海鮮鍋等並可點選海鮮拼盤、牛肉、任食丸類及無酒精飲品等今期龍蝦主打, 一人半隻芝士焗龍, 芝士味濃郁 龍蝦大隻肉鮮味4色小碟 辣雞軟骨,青瓜,木耳等等 幾開胃美國肥牛 脂肪唔多,肉味偏濃 灼一灼就食得,入口幾香又夠牛肉味 口感軟嫩海鮮拼盤有鮑魚,蟹柳,手打丸 帶子,鮮蝦,份量都多,每人一隻 人頭計鴛鴦鍋可豚骨湯配麻辣 又香又辣又夠麻 中間仲有一格係清水,怕太辣可以過一浸先食豚骨湯濃香鮮甜 小食脆魚皮都非常美味脆口平均消費$500評分8/10尖沙咀亞士厘道12-14號雅仕洋樓地下D號舖及1樓