味火鍋 (雅仕洋樓)

[ 味火鍋 ]聽朋友介紹尖沙咀有間性價比高嘅無限時任食火鍋，好想挑戰吓會食到幾耐😂仲有打邊爐四部曲，幾得意咁，決定嚟睇下點樣四部曲😋無限時任飲任食 $318/位✿ 第1️⃣部曲（自選頭盤）老壇酸菜魚🐟魚肉食落新鮮滑溜，份量頗多，湯頭不太油膩，酸菜好醒胃。✿ 第2️⃣部曲（自選湯底）四川麻辣鴨血鍋🌶️麻辣鍋內有鴨血&豆腐，鴨血食起黎特別Q嫩而且大大件，食完仲可以無限量添加😋。豆腐喺用咗板豆腐，吸滿麻辣湯汁，食起來好惹味🤤。✿ 第3️⃣部曲 （皇牌火鍋拼盤）時令海鮮拼盤北海道大元貝，味道鮮甜，呢個可以放喺清湯鍋度品嚐到元貝嘅鮮味👍🏻另外新鮮海蝦肉質紮實，爽口彈牙，無可挑剔🦐✿ 第4️⃣部曲 （精選火鍋配料）餐廳採用QR code落單，美國肥牛不過不失。另外仲有多款選擇，例如丸類、餃子🥟&蔬菜🥬，總有款啱你口味。飲品方面都有好多種類，例如茶、汽水&啤酒🍻都應有盡有，值得一讚嘅係汽水採用懷舊玻璃樽🥤，飲落好夠氣，正！總結🫦餐廳燈光光猛，座位唔逼夾。要食晒呢四步曲，大家真係要留定肚嚟😎。記得最好book 定枱，因為晚市都比較full。✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿味火鍋地址：尖沙咀亞士厘道1

為咗同朋友去傾偈傾耐啲，一直都搵緊一啲唔限時嘅餐廳，咁見到有呢一間叫味火鍋但係一直都係每次book枱都話full咗，早成兩個禮拜都話full，令我覺得係咪真係有咁好食呢之後因為旺角分店開咗，尖沙咀分店就易book咗少少，就嚟試吓佢有火鍋四步曲，你可以揀咗你嘅前菜頭盤先，可以揀龍蝦🦞蠔🦪酸菜魚或者係雞煲咁我同朋友揀咗龍蝦同埋蠔，芝士味好重，都算大隻，味道都OK，龍蝦預先炸過，所以都幾好食之後就可以揀湯底，佢呢度嘅鴛鴦鍋係唔使加錢嘅，咁就揀咗麻辣小辣，同埋揀咗蕃茄薯仔濃湯🍅🥔，佢麻辣湯底係已經有好六七舊嘅豆腐同埋鴨血個味道都好濃郁，蕃茄薯仔濃湯佢唔係Hea你，佢係真係好濃郁，好似你屋企煲嘅咁樣佢仲會有四小碟分別有青瓜木耳雞軟骨同埋中華沙律，雞軟骨好好食，熱熱地脆脆地鹹鹹地，青瓜木耳都係酸酸地都係好開胃嘅嘢然後係你未叫嘢食之前，佢就已經會有一個海鮮拼盤同埋牛嘅拼盤，俾你裏面嘅牛都係啲高質嘅好食嘅牛，海鮮嘅有聖子鮑魚蜆，海鮮都好新鮮好彈牙好大隻，佢仲有啲手打墨魚丸同蝦丸，你可以食到佢有啲墨魚粒同埋下粒係真係好彈牙啊，佢真係手打然後任點嘅嘢就普普通通啦，都係嗰啲，餃啊菜啊各樣嘢選擇唔多，但係要有

見到呢間尖沙咀火鍋放題無限時，難得表姐黎香港探我，就同佢尖沙咀行完街，搵間港式火鍋放題，同佢慢慢食野傾吓計。佢嘅火鍋分四部份、有自選頭盤、湯底、海鮮拼盤，仲有可以自己落單任叫配料。芝士焗波士頓龍蝦食得出佢嘅龍蝦都幾新鮮，因為蝦肉咬落彈牙，加埋焗芝士喺面，而且都唔細隻，相當唔錯。養生牛肝菌湯鍋，日式牛乳海鮮鍋佢可以揀兩款鴛鴦湯底做雙拼，牛肝菌湯飲落好養生，未食火鍋之前都忍唔住飲咗幾啖湯，日式牛乳都唔錯，飲落淡淡既豆漿味，配海鮮更加清甜。時令海鮮拼盤呢個一上枱嘅時候，好似日式刺身咁，賣相非常靚。海鮮種類都唔少，有帶子、生蠔、海蝦仲有埋鮑魚，打卡一流。美國安格斯牛肉拼盤我鍾意佢嘅牛板鍵同封門柳。淥大約四至5秒就食得，而且佢嘅牛肉鮮味非常濃，咬落有甘香味。價錢黎講，一個人連加一$350，喺尖沙咀價錢算中等，但坐得舒服而且唔限時，可以慢慢食，係一個大大加分位。

無限時火鍋放題一向都深受大眾歡迎，因為坐幾耐都得，可以慢慢食，另外當然食物吸引都好重要每人$318再送頭盤一客，可選芝士焗龍蝦、四川麻辣雞煲、或芝士焗生蠔。每人再額外送安格斯牛肉拼盤及時令海鮮拼盤😃湯底亦有10款選擇，停日揀咗四川麻辣鴨血及大排檔豬骨湯都唔錯👍🏻安格斯牛肉拼盤有牛小排、牛肩胛、封門柳、牛板腱，而時令海鮮拼盤則有大元貝、刀貝、鮑魚、海蝦、廣島蠔、手打墨丸、蝦丸、蟹棒。🥳任食菜單同樣豐富，共有近50款火鍋食材任點，包括美國肥牛、特級黑豚肉、芫茜牛丸、黃金麻吉燒、濃芝豆腐燒、魚豆腐、墨魚滑、鴨血、牛柏葉、墨魚餅、薯粉、各式蔬菜等👍🏻重有我最愛既支裝汽水😎

識我嘅人都知我系火鍋控，特別系火鍋放題，朋友又介紹左間好野比我去試，重幫我訂埋位先黎個四選一，1)芝士焗蠔3隻, 2)芝士焗龍蝦半隻, 3)麻辣雞煲, 4)酸菜魚。 本來系好想食雞煲，不過我地得2個人，驚食完之後食吾落打邊爐，下次搵多幾個friend就可以試齊晒啦。終於選擇左燒蠔＋燒龍蝦，睇相都見到燒得好夠火喉湯底: 竹絲雞花膠湯，花膠好味，吾系雪到無晒味個種海鮮拼盤，肥牛，菜籃，食完呢3盤野已經飽左大半啦如果你系大胃王的話，可以繼續掃QR code 落order，不過海鮮就無得再叫。最正系有支裝汽水，同埋無限時間，其他火鍋放題少有的。

🥢前兩日天氣又轉涼左，咁岩發現公司附近有間開咗唔係好耐既火鍋店，仲要無限時，岩哂同班朋友聚會《火鍋四部曲，無限時任飲任食》🔸四式小食盤併一坐底就會送上，有手拍青瓜、陳醋雲耳、中華沙律同椒鹽雞軟骨🔸第一部曲·自選頭盤有四樣可以揀：芝士焗龍蝦 / 芝士焗生蠔 / 四川麻辣雞煲 / 老壇酸菜魚，我揀左雞煲(小辣)，雞件嫩滑，麻辣味十足👍🏻🔸第二部曲·自選湯底🔹四川麻辣鴨血鍋揀左BB辣，望落好似好辣，但其實唔辣😆湯底入邊有鴨血同豆腐🔹養生牛肝菌湯鍋湯底好足料，入面有好多菇同豬骨，菇味好濃味道清甜🔸第三部曲🔹美國安格斯牛肉拼盤牛肉有4款：手切牛小排、牛肩胛、封門柳同牛板鍵🔹時令海鮮拼盤海鮮拼盤款式都幾多，而且好新鮮，有蟶子皇、沙白、海蝦、魷魚、白鱔片、廣島蠔、手打墨魚丸、手打蝦丸同日式蟹棒🔸第四部曲精選火鍋配料，款式都幾多特別推介：牛骨清湯牛丸同胡椒豬肚貢丸🔸飲品除咗罐裝飲品，仲有支裝汽水😍

呢間火鍋店朋友推介我一定要黎😋呢度最大嘅賣點係《無限時任飲任食》火鍋放題，晚市6點食到12點，足足坐六小時任飲任食，適合一班👩🏼‍🤝‍👩🏻👬朋友聊天聚會用餐，絕對時間充足。而且一個價錢可以享用到《火鍋四部曲》，絕對性價比高‼️餐廳座位舒適，空間感大，沒有壓迫感。飲品方面除咗提供罐裝、紙包飲品外，最特別係懷舊玻璃樽汽水都有🤩比較少見。ღ火鍋四部曲 ღ➺第一部:精選頭盤自選頭盤：芝士焗波士頓龍蝦 (半隻) 、芝士焗美國生蠔 (3隻)、四川麻辣雞煲 (兩位起)或老壇酸菜魚 (兩位起) 四選一。我哋二個人揀左芝士焗蠔，芝士焗龍蝦，大大隻，好足料😋龍蝦肉肉嫩鮮甜。➺ 第二部:自選湯底 有十款湯底選擇，如選鴛鴦湯底都不另加收費👍🏻 我哋揀左日式豆乳海鮮鍋，乳白色、入面有好多鮮蝦，牛乳味香濃，味道鮮甜。➺ 第三部:皇牌火鍋拼盤 🦐時令海鮮拼盤：蟶子蝗、龍躉片、海蝦、鮑魚、廣島蠔、蟹棒、蝦丸及墨魚丸，全部海鮮都好新鮮。🐮美國安格斯牛肉拼盤：手切牛小排、牛肩胛、封門柳及牛板腱，牛味濃，肉質鮮嫩。➺ 第四部:精選火鍋配料配料用QR code自助落單，非常方便‼️配料都好多選擇，花多眼亂😂有肉類、多款餃子、丸類

朋友之前介紹，剛巧同朋友聚餐，便在此訂座，雖然坐位唔太舒服，但食物夠新鮮，價錢算平宜，侍應們服務非常好，上食物都算快，最滿意無時限，可以坐低慢慢食慢慢傾偈敘舊。

年初四，天氣仍是寒冷，去好姊妹家拜年，之後齊齊外出打邊爐，姊妹介紹這間位於尖沙咀亞士厘道- 味火鍋，乘搭尖東港鐵站L5出口，交通方便，行2-3分鐘便到。初四剛啟市，傍晚5:50來到，已見到長長的人龍幸好，準6:00，侍應已經很快安排食客，行上1樓入座我們被安排坐四人卡位，雖然火煱店只有1層，面積不算大，但四周環境尚算寬躺目測店內有1間VlP房，私隱度高，詢問侍應，入房最低消費$3000，可容10-12人其實樓下門口，近水吧位置，設有1張8人枱，如果客人不介意，坐在全透明玻璃敞門旁，亦是不錯的選擇，因可以自成一角，不用上落樓梯（店內樓梯很長，最上幾級沒有扶手，個人覺得不太安全），方便一些長者或小孩侍應很快速奉上餐前小食：炸雞軟骨（好食😋）丶木耳丶中華沙律丶醃青瓜（好食😋），之後便為我們講解流程，先選擇1.頭盤丶再選擇2.火煱湯底丶之後便按人數送上3.皇牌火煱拼盤，包括：時令海鮮拼盤、安格斯牛肉拼盤。4.精選火鍋配料（任叫任食，無限時，自行用QR code落單）頭盤分別有：芝士焗龍蝦、四川麻辣雞煲、芝士焗生蠔丶酸菜魚，我們選了芝士焗龍蝦、四川麻辣雞煲（小辣），芝士焗龍蝦，焗得過火，肉質很靱

聽聞這店很難訂位 因為性價比超高 幸好朋友認識這店的老闆 今晚可以來一試全場無限時任食 營業時間由晚上六點開始 只有一張餐單 店的面積不算很大 空間也勉強可以 有一個半獨立房間四大美女7點左右到 頭盤要了酸菜魚 芝士生蠔和龍蝦 味道正宗 單是吃這頭盤已飽了一半 再來海鮮拼盤和安格斯拼盤 擺設漂亮 用料新鮮 很吸睛飲料選擇豐富 其餘任食配料種類亦很多 如果一大棚朋友來聚會 是一個不錯的選擇 最重要是無限時呢怪不得無論旺角店或尖沙咀店 訂位要預早一至兩個月才有位

前幾日即興想打邊爐. 見人地留comment 幾好. 去打去問有冇位. 由於唔太餓.所以食左頭盤就無再叫野食..但頭盤同服務態度都係好好. 環境乾淨.好小見到打邊爐坐大廳都咁舒服短期內又book 到位會再去.. 呢D 食市又多D 就好. 出街食飯.最緊要好食同開心..

堅抵🤤🤤🤤火鍋不限時放題🥰🥰🥰抵食，服務又好同坐得好寬敞👍🏻👍🏻👍🏻不過有D難book,大家要早少少book枱，明碼實價、真材實料形容一D都唔誇張🤤🤤🤤有雞煲、芝士焗蠔、同開邊龍蝦揀，我揀左龍蝦👍🏻👍🏻👍🏻牛肉（再order要另收費）同蔬菜盤🥰海鮮盤超新鮮（再order都另收費）但portion 都好大有鮑魚、厚切龍躉片、同大隻新鮮竹節蝦、大花甲王同聖子皇前菜麻辣鴨血正🤗🤗🤗

呢間想試左好耐，但都訂唔到位！今日終於食到，訂位係三星期前誠意丫！先上頭盤同小食我哋四個人，兩個要龍蝦，兩個要焗蠔👍🏻👍🏻👍🏻個焗蠔唔係蠔仔，真心大隻個龍蝦都算係大隻仔，有肉有膏跟住就點湯底我哋點左個冇得雙拼嘅竹絲雞湯底正跟住上左個海鮮拼盤，新鮮！飽魚仲識郁 然後來一個牛肉拼盤，不錯不錯，可惜只有一盤，較為少之後點嘢食都只係肥牛不過個丸同餃子都好食，就食小啲肥嘢囉😂整體上唔錯，值得再去😎😎😎

尖沙咀無限時任食火鍋吃到飽無限時任食打響名堂的尖沙咀火鍋店「味火鍋」，晚市營業時間從6點開始到半夜12點，最長可以任飲任食足足六小時，趕快約一班朋友齊齊狂擦一番。任飲任食火鍋4部曲套餐非常豐富，包時令海鮮拼盤、安格斯牛肉拼盤、自選湯底及精選火鍋配料。醬料：自家混醬最開心，店中有十多款醬料，可混出個人最獨特口味。飲品：除了自家製茶類、汽水、果汁都是任飲。第1 部曲 (精選頭盤) 自選頭盤有四川麻辣雞煲、老壇酸菜魚、芝士焗波士頓龍蝦、芝士焗美國生蠔四選一四川麻辣雞煲、老壇酸菜魚每2位起，可點1份。由於這次是10人的聚餐，所以可以點4位份量的雞煲和酸菜魚，餘下的額度就點了焗龍蝦和焗生蠔。個人感覺雞煲香辣惹味，雞肉嫩滑，屬高質次作。酸菜魚魚片會帶一點魚骨，吃時要稍為注意一下，味道方味刖挺不錯的。焗龍蝦和生蠔亦是大路之選，上桌時熱辣辣，會有一點拉絲效果。第2部曲(選湯底)餐廳有8款湯底選擇，包括蕃茄薯仔澴湯鍋、四川麻辣鴨血鍋（可選辣度）、特濃沙嗲鍋、特濃芫茜皮蛋鯪魚球鍋、大排檔豬骨鍋、養生牛肝菌濃湯鍋、日式豆乳海鮮鍋、特濃喇沙海鮮鍋和花膠竹絲雞鍋。有辣有不辣，適合一大班朋友一同享用。第3部曲每檯

近排開始多番啲無限時火鍋鋪頭，味火鍋係其中一間，平日星期五預早一個月訂位，訂左位安排入座都好快手，環境闊落坐得舒服👍🏻價錢：$298（加一）頭盤可以每人揀一樣，我地揀左芝士焗龍蝦同芝士焗蠔，龍蝦都有彈性，蠔都正常唔會腥，賣相都已經好吸引🦞🦪牛肉併盤同海鮮盤都係一次性，分量按人頭俾，牛肉味濃，海鮮鮮甜，同樣係高質🥩食完之後就可以揀湯底，雙併無額外收費，中間有格清湯，所以可以話有3個湯底🤭其餘配料都係透過QR CODE落單，基本上都到齊唔會漏單👏🏻👏🏻飲品自己係櫃拎，有枝裝可樂揀❤️絕對可以再encore🍲