味火鍋 (雅仕洋樓)

呢間火鍋店啱啱開張，試業優惠價只係$268，包晚市海鮮火鍋任食，抵食得來又好味😋精選海鮮刺身船、美國安格斯牛肉拼盤: 呢兩個係舖頭最出名嘅嘢食，海鮮嘅種類好多，包括有海蝦🦞、鮑魚仔、廣島蠔🦪、日本刀貝、北海道大元貝🐚、日本蟹柳、手打蝦丸同埋手打墨魚丸🦑，全部海鮮都好新鮮同意外地冇乜沙，大件得來又好味😋另外個牛肉拼盤擺得同樣精美，入面嘅美國牛肉種類超多，有美國安格斯小牛排🥩、牛肩胛翼、封門柳同埋牛板鍵，牛肉新鮮得來仲有好多雪花好肥美，有啲仲入口即溶悿兩款拼盤都有乾冰喺底形成若隱若現嘅煙霧效果，超級靚，影相出嚟仲好吸睛嫁📸火鍋湯底仲有10款選擇🤩，自家製湯底味道特別得來有啲仲好健康，好似有日式豆乳海鮮鍋、芫荽皮蛋鯪魚鍋🐟同埋花膠竹絲雞鍋食火鍋放題點可以冇甜品！而家like 社交平台 仲會送movenpick 雪糕好正啊 (當日嘅味道有五款選擇，包括朱古力🍫、咖啡☕️、雲呢拿、士多啤梨🍓同埋提子冧酒) ，另外有好多唔同種類嘅高質飲品都係任飲🍹，例如椰子水🥥、汽水🥤同埋清熱解暑嘅涼茶，令到成餐放題好圓滿同健康！

真係難得出手寫食評，好店實在需要支持，$268 的半自助火煱，以下為二人份量，龍蝦x2 , 任食部份QR落單唔記得影相，真心超值又好食，環境又大又舒服，服務都非常好，誠意推介😂😋

最近去咗尖沙咀亞士厘道新開火鍋店，味火鍋😋舖頭樓高兩層，地下喺酒吧，樓上就喺做火鍋，地方寬闊，環境舒適，店舖嘅裝修喺專門請畫家用人手繪畫😍真喺栩栩如生！.任食火鍋套餐($268/位)未嗌嘢食之前已經即刻上小食拼盤，有中華沙律、雲耳、青瓜同炸雞軟骨，全部我都鍾意食😂跟住可以揀雞煲或者每人半隻芝士焗波士頓龍蝦🦞我梗係喺揀咗龍蝦🦞啦，勁多芝士超多肉😋好正啊！湯底有10種口味可以選擇，除咗醉雞鍋同花膠雞鍋之外，其他口味都可以選擇做鴛鴦鍋，我揀咗日式豆乳海鮮鍋 同 特濃芫荽皮蛋芫荽鯪魚鍋，湯底味道濃郁，好多配料，最鍾意喺中間有個小鍋喺清水嚟，如果平時怕太濃味或者怕食太辣嘅人士就啱晒啦，可以將啲嘢食再過一過水🥰咁就淡啲啦，非常貼心！跟住就會上精選海鮮拼盤，包括有海蝦、鮑魚仔、廣島蠔、日本刀貝、北海道大元貝、日本大崎蟹柳、手打蝦丸同墨魚丸，海鮮好新鮮，鮮甜，而且樣樣都好大件😍美國安格斯牛肉拼盤，包括有牛小排、牛肩胛翼、封門柳同牛板鍵，每一款都肉汁豐富，牛味濃郁😋如果食完唔夠飽仲可以掃QR code自助落單，好方便，嘢食多選擇，上菜速度快！飲品方面，除咗有汽水、茶類、涼茶之外，仲可以喺樓下酒吧點有酒精

火鍋餐抵食又好味先有前菜我地揀左芝士龍蝦半隻，龍蝦新鮮多膏不過有少少咸。跟住火鍋湯底揀左特濃莞茜魚片湯底&麻辣鴨血湯底，由於朋友鍾意食莞茜，佢哋就覺得莞茜味可以再重啲，以我自己鍾意食辣，麻辣鴨血係幾好食～個餐會配左一盤海鮮，一盤安格斯牛肉，另外仲有其他任食嘅食材可以點㗎！配埋ge海鮮同牛肉都好新鮮好好食，而任食嘅食材仲有鴨血可以點正正子。飲品就任飲不過選擇就無咁多啦。依家like埋佢哋嘅社交平台仲有雪糕送添另外，佢地服務都幾好咖，都好有禮貌。埋單都係每人300有找，抵食食到好飽

同事介紹呢間新開既味火鍋～上星期五同同事去左happyhour加打邊爐！新張限定優惠係每人$268（遲啲會變番原價$288）有海鮮拼盤、牛肉、任食丸類、無酒精飲品😍仲有得食雞煲，或者簡鴛鴦湯底又得！最後仲有一人一杯雪糕添😍

新開張嘅雞煲+打邊爐店跟餐附送嘅海鮮好好食帶子同鮑魚煮完都唔會縮水 十分高質蝦滑同墨魚滑有粒粒嘅蝦肉同墨魚👍👍推介推介雞煲十分濃味 好食 recommend 大家要加辣

每人$268再加一。有雞煲一份，海鮮拼盤同牛肉各一份。另外，其他火鍋配料任食。樽裝飲品任飲。雞煲味道及份量正常。牛肉有部份油花不錯。最特別是火鍋另有湯底選擇。揀左豬骨湯底，有香濃胡椒味。另外左一個tower的1664。最終4人，每人$360埋單。服務良好值得嘗試。相片未包括其他火鍋配料。

半自助火鍋 頭盤可選雞煲或芝士焗龍蝦一行三人 兩樣試晒 個人勁like雞煲 勁大煲 bb辣 啱啱好 湯底㨂咗沙嗲 同蕃茄薯仔 兩樣都正 但自己luke沙嗲多啲再嚟海鮮或牛 兩樣都有點 啲海鮮好新鮮 亦大份兩款一上都有乾冰 極高檔 影咗好耐相🤣🤣唔夠食 仲可以再點任食但講真 因為好大份 三個人食量亦不大 所以冇咩點其他食物 結括嚟講 尖沙咀 二百幾蚊 半任食火鍋 已經抵仲要海鮮超新鮮 牛肉大大碟 真係好驚喜結尾仲有movenpick雪糕 劃上完美句號我相信我絕對會再嚟

由於疫情期間已經好少約朋友一齊出去食飯,咁啱今日有野要出去尖沙咀做開,所以就同老婆同朋友出去開餐,行行下見到間新開張既打邊爐,梗係入去八掛下啦!!去到鋪面已經覺得裝修好靚仔, 好吸引!!見到張菜單, 諗都唔諗就上去坐低左!!上到去之後就叫左D小食送下啤酒!!嘩, 估唔到火煱店D小食都咁出色!!尤其係個炸雞軟骨同手拍青瓜!!直頭拍得上專門店, 送酒一流!!之後梗係黎到主菜啦,難得同朋友一齊梗係食得豐富D!!佢呢個焗開邊龍蝦又係好正!!就算佢係芝士焗都唔會遮左龍蝦個原本味道!!最重要係!! 佢隻龍蝦啖啖肉, 又多膏!!食到我同肥妹仔都大滿足!!之後再黎多個雞煲先!!雞煲個賣相非常靚仔, 而且味道好正宗!!D雞件好入味啖啖肉!! 配菜又多!!完全喜出望外, 估唔到多款得黎樣樣都專最後梗係黎到重頭戲打邊爐!!嘩~~ 不過我唔記得左影個爐!! 講句梳先!!我地揀左豬骨湯同麻辣湯!!豬骨湯出色, 好鍾意佢果種胡椒味~ 正!!佢原本個餐包左呢個牛肉!!上面有牛小排, 封門柳, 牛肩胛!!講真見到個擺盤已經覺得好精美!!味道更加唔駛講, 一流!!樣樣都好鮮味!!而且仲要分到隻隻牛唔同味道, 抵讚!!(