吞POT 雞煲火鍋.住家菜 (譽發廣場) (已結業)

一直都知呢間吞pot嘅花膠雞湯底好正，今晚無之前咁熱，決定黎呢間油麻地補補佢～～～估唔到油麻地都有咁靚嘅夜景睇，好彩唔多人有窗邊位咋。首先一坐底就嗌左半隻花膠雞先，半份都好大煲呀，𥚃面已經有螺片、秀珍菇、花膠嘅食材，好抵食，其實食完都飽飽地。試完湯底，當然就開波啦第一樣試既係芝士響鈴，新鮮即炸脆卜卜，必試，有流心芝士真係不得了跟住就黎廣島蠔啦，就算淥得耐左都唔會縮得好細隻，味道夠濃象拔蚌都好新鮮，口感好爽雞髀菇同個湯底好夾，又夠哂厚肉最後整返個稻庭烏冬黎送個湯底，加杯大檸樂，完滿結束呢一餐

近年香港興起食雞煲。街上多數都係辣雞煲，又或者係醉雞煲。今次食左個比較特別嘅，就係超級滋補花膠螺片雞煲。雞幼滑鮮嫩，十分鮮味。湯成米白色，濃郁香甜，好味，呢個要俾個讚佢。而且花膠唔會太細塊，相當唔錯。但我建議先食雞煲，飲埋湯，品嚐左先，隨後先打爐。因為如果一邊食雞一邊打爐，咁配料嘅味道就會影響原先美味可口雞湯，令湯味太雜，相對無咁好飲。記住呀！除左雞煲外，緊係要試其他火鍋配料啦！因為網上太多人叫牛肉，所以今次特別啲，叫左個羊肉試下囉，覺得都唔錯，幾新鮮，份量都足。一個緊係唔夠啦，叫多個脆肉鯇，都好新鮮，大大舊，食落有鮮味。不過，象拔蚌，我個人覺得一般，要提醒，象拔蚌切記唔可以滾太耐嫁，唔係就老晒唔好食架啦。去食飯，同朋友吹水，緊係要搵間環境好餐廳啦，咪以為打爐就環境地道，今次呢間餐廳係23樓，對住落地玻璃窗，一邊觀賞旺角夜景，一邊打爐，真係都幾high class 嫁。

呢間吞POT雞煲一直係我個to eat list，未有機會去食，趁住呢排都唔駛OT，就Book位去試。今日天氣好差，行雷閃電仲黃雨，好彩呢到地點就腳，出地鐵站行2分鐘就到，唔係一定變落湯雞。但有一點可惜既因爲天氣差，睇唔到窗外既開場靚景。選擇多，樣樣都想食，真係唔知點揀，當選擇困難症又發作，就係揀👍🏻餐廳推介之時。好多醬料可以落，特別要講下個炸蒜，一打開個蓋，陣炸香蒜既味道香到我係咁落。個人喜好，食雞煲打邊爐必配可樂。滋補螺片花膠雞煲：@湯底，成煲湯白色既，好濃郁好甜，因為有花膠，仲有少少黏咀既感覺，未開始打邊爐前，飲左好多湯，搞到要再加湯先食到其他野。@雞半隻，肉質好嫩滑，就算食到最後都無因為煮得耐而變鞋，好味。@螺片，鮮甜，就係佢令到成個雞煲既湯咁甜。@花膠，好厚身，煲到好淋，食左好多好飽肚@秀珍菇，因為佢索晒d湯，好正無得輸。自創爆芝響鈴：比平時食既響鈴大卷，即叫即炸，放左落湯度一陣，食落中間都仲係脆既，仲要一路食d芝士一路流出黎，芝士控不能錯過。餃餃陣：有韮菜餃、蟹粉蟹肉雲吞、魚皮餃、鮮蝦雲吞，4種餃都有齊晒，最特別係蟹粉蟹肉雲吞，第一次咁樣食，好有食蟹粉小籠包既感覺，鮮甜。但

平時去旺角都行女人街搵嘢食，而家我要周圍explore 下😤。睇下仲有邊度有嘢食，俾我發現左呢幢（譽發）大廈隱藏左好多餐廳！由於今日好肚餓😂，所以揀咗食雞煲🤤，好耐冇食了。上到去一開升降機門，已經聞到好香😍。入到去幾大，唔會坐到迫一迫，環境幾好。一開始侍應俾咗一盆調味料我哋自己調醬料。🤔有埋我最鍾意嘅芝麻醬同沙茶醬啊😍。打開張點菜紙發現佢有好多種類嘅雞煲，有藥膳雞煲、想美顏又有花膠雞煲、又有辣酒花螺，呢d都幾特別。但係我都係的唔過麻辣雞煲嘅引誘🤤。佢仲有唔同額度俾你揀，我哋叫咗小辣，隻雞都OK！配料方面，我係有做到資料蒐集😏，呢度有個芝士響鈴，好似話d芝士會流出黎，所以我就叫左一個。真係好好食，本身響鈴已經吸咗湯底嘅味再加芝士，諗起都想再食❤️。芝士實在太吸引啦😣，所以我哋叫左個手打芝心牛丸😂。 佢啲芝士好足料，咬落去係會流出嚟😋。仲有個蟹子墨魚滑，賣相好得意，味道OK。菜我哋就冇嗌啦，因為呢驚麻辣湯底好多油會好肥😂。海鮮方面，我哋就叫咗個象拔蚌片，都幾新鮮唔需要放太耐就食得👍🏼。又打邊爐又食辣野，又點少得叫杯嘢飲。我哋叫咗個大檸樂😝，個杯野真係好大架！有多冰夠晒凍👍🏼。下次睇下可唔可以

難得約到舊同事聚舊 搵個打邊爐烚烚下 最高興～ 呢間去過幾次都是旺角分店 第一次試油麻地。環境一樣唔錯 有大玻璃 可以睇到鬧市中的日落。湯底我地揀左簡簡單單的香茜皮蛋拼沙嗲～ 因為再叫雞煲 我地怕三個女生KO唔曬～ 簡單既湯底 但都有好豐富既材料。好多雜菌 豆腐 芽菜等等 唔係只係清湯咁簡單。醬料都好多選擇 生蒜炸蒜沙茶醬等等 好齊全。特級美國肥牛～ 打邊爐點可以冇肥牛呢～ 幾大碟 雖然唔係最高價位個款 但勝在都幾濃牛味 唔會太肥 肉質都唔錯。開心樂園餐。笑左。其實係腸仔 蟹柳 餐肉 芝士腸 講特別就冇架啦 不過勝在係拼盤 每樣少少 又滿足到我樣樣都想食。自製爆芝響鈴 我覺得必食～ 好正 香脆 每層都好脆好薄 中間會爆出芝士 口感好豐富 就咁當小食或者淥2秒都正斗～ 蔬菜雜菌 新鮮又有幾款選擇 兩三個人揀呢種最好。手打四寶丸 值得試～ 全部新鮮 又夠爽口彈牙。真材實料 我最鐘意蝦丸 粒粒蝦肉。環境唔錯 食物夠新鮮 價錢都合理 下次可以再翻兜～

香港人一早就打破左季節既限制; 夏天一樣係打邊爐既季節~而打邊爐, 最緊要唔係個爐~係d料同湯底啊啊～最近興花膠雞, 你認為我會放過麼???一到步, 八成滿唔駛等 非常好。有個靚景。到步先嗌湯底識唔識規矩?!花膠雞唔該先飲個純湯底堅係足料 睇相, 花膠手掌咁大塊 雞唔肥, 正, 最怕成個湯面都係油。佢呢個係非一般響鈴, 係流心芝士係入面。都好鬼邪惡下。。。但真係好好味。。廣島蠔, 例牌啦, 好呢隻雞脾菇, 新鮮大粒!象拔蚌, 口感好特別, 餐廳職員介紹淥三秒就食, 如果唔係好un.跟住烏冬加雞湯底, 無敵啊, 好味加彈牙。有機會一定再黎~~

早幾日我約左個朋友一齊去旺角個邊行街，預先都諗住會一齊食飯，而且都諗住大家行街會行到好攰好肚餓，所以就一早book定左吞pot嘅晚市火鍋食番夠本。本身諗住叫個雞煲食先嘅，因為都聽聞吞pot嘅雞煲好入味，湯底又好濃郁，特別係花膠湯底，可惜朋友唔太想食雞，所以最後就直接叫左個蕃茄湯底再散叫火鍋配料。好彩，雖然食唔到花膠湯底，但呢個蕃茄湯底都冇令我地失望，本身個湯已經好濃好香蕃茄味，餐廳都好有心係湯底入面加多左d蕃茄去煲多d味出黎，仲送多左d秀珍菇係湯入面俾我地！除此之外，醬料都用左個類似十二宮格嘅盤裝俾我地，十分有心思。黎得打邊爐當然要叫番碟牛肉食啦，我地首先叫左份美國肥牛，本身諗住會再追加，點知一碟牛原來份量已經好多，夠哂我兩個食！另外，為左試多幾款丸，我地order左個手打四寶丸，四款丸都好彈牙，可以經濟實惠甘試到四款丸嘅味道！推薦大家order呢款食物。當然我地都叫左幾份菜，因為蕃茄湯好濃，所以煮出黎嘅菜都好juicy！最後想share一個必食嘅小食俾大家，就係炸魚片！呢間嘅魚片炸出黎本身已經好脆，空口食都好好味，浸埋落湯林林地仲好食。以為呢個價錢係火鍋店一定只會得細細份，但係其實食

今晚約了老婆吃飯，但工作繁忙完全沒有空去想吃飯地點，只好讓她拍板。原來她去了油麻地譽發廣場22樓的「吞pot雞煲」。廣場很新，所以之前都沒有來過，更加沒有吃話「吞pot雞煲」。開頭沒有什麼特別期待，但一步進餐廳原來有落地玻璃而且原是樓望樓，感覺很不錯，沒有一般雞煲店的街坊感，雖然有衣服會有雞煲氣味，但環境不會煙霧瀰漫。吃前先混醬！再點定一杯青瓜特飲 $29兩份分享，因為份量很大，足夠二人飲用。為老婆點到一個「滋補螺片花膠雞煲」（半份$178）滋補下，然後就可以加清湯再點配料食火鍋。雞煲中的雞件有雞味和嫩滑，味道香濃，沒有一般的油膩，而且有一片大片的花膠和螺片，沒有欺場。身為餃控的我當然點了自制韭菜餃 （$55/8粒）-肉餡足料，包得滿滿的，加入了韭菜更具口感和香口。脆肉魚腩 $80肉很爽脆、很新鮮、厚身頗有口感，味道亦鮮甜！最後加了一藍油麥菜 $32 ，很鮮嫩！

很久沒有吃雞煲，但就是很怕一般雞煲店的焗束，所以一直很猶豫，但朋友拍心口說放心，並介紹了一家環境不錯的雞煲火鍋店給我，那就是「吞POT 雞煲火鍋.住家菜」。地點方便就在距離油麻地地鐵A2出口不到一分鐘的譽發廣場22樓。餐廳L型格局，兩邊的落地玻璃窗，空間感大了，又處於高層，令人覺得舒適。返回主題：雞煲！火鍋！不好辣的我被「滋補螺片花膠雞煲」吸引了！我們只有二人所以點了半份（$178）。雞煲之後可以加清湯用來吃火鍋想換煲就可以加錢另點火鍋湯底吃雞煲火鍋當然要點飲品西柚特飲（$29） 大杯吸引是二人份量。雞煲足料，半隻雞件之外還有不少大片彈牙的花膠，亦有腍身易咬的螺片。湯底香濃而不油，有雞油的話都可以輕輕潷走就可以。為了不浪費本身雞煲的湯底，我選擇雞煲加清湯作火鍋，亦點了些配料。油麥菜 （$32）鮮嫩清甜。自制韭菜餃 （$55）有8粒，漲卜卜，肉餡香濃，韭菜有口感，不蘸醬都夠味。脆肉魚腩 （$80）份量足，看得出的新鮮，亦無雪櫃感。魚腩厚身、口感爽脆，味道鮮甜很不錯！最後加一份冬庭烏冬 （$26）就真的很滿足了！

有朋友介紹呢間雞煲話吾錯, 尋日同事得閒陪我, 終於有機會去試下啦~地點幾方便, 係正彌敦道, 近地鐵站, 好易搵.鋪頭裡面個環境好relax, 落地玻璃, 感覺好開揚, 中間仲有缸好可愛嘅風水魚. D位吾逼, 坐得都幾舒服.最讚係咩呢 --- 我地去到已經8點, 枱枱都打緊邊爐, 但竟然一D油煙味都無, so nice! 出發前我地已經做定功課, 坐低就點左個香辣雞煲(半隻)BB辣, 爆芝響鈴, 手打牛丸, 同一份牛柳粒. 點完菜, 待應就拎左好大盤醬料過嚟. 正呀! 有齊我最鍾意的生蒜, 炸蒜, 辣椒, 沙茶醬, 撈起都已經好興奮. 15分鐘左右個香辣雞煲就上枱了, 雖然只係點BB辣, 但都幾辣啊.D雞好入味, 又嫩滑彈牙, 好味!仲加左好多洋蔥, 香芹同蔥, 索晒D汁之後都好正. 響鈴食得多, 爆芝第一次聽, 自創喎, 梗係必試啦~佢比起平時嘅響鈴厚好多(無論煮之前定煮之後都係). 芝士味吾重, 但食得出有芝士, 溶左之後嘅芝士有D咬口, 幾特別. D手打牛丸好新鮮, 大大粒, 食落肉質好嫩滑, 雖然 $62 食6粒牛丸聽落幾貴, 但手打, 吾同D嘅...比起牛丸, 碟牛柳粒又幾

老婆話出街食飯, 當然好啦.佢超鍾意食雞煲, 但又怕環境嘈, 又怕地方污糟, 呢度啱晒佢! 未點菜, 伙計就遞左盤醬料架俾我地, 當中竟然有麻醬 offer, 平時去日式火鍋先有嘅, 無諗過中式邊爐都有, 老闆幾窩心, 吾錯. 老婆揀左一輪, 最終 order 左個辣酒花螺雞煲(半隻). 以佢食雞煲嘅經驗, 佢話要差吾多食完隻雞, 先再 order 其他邊爐配料, 咁先吾會食 over 喎. OK, 老婆永遠是對的. 邊爐點可以無酒, 我當然要叫支真露啦.個雞煲我地係點BB辣, 但都幾吾BB, 麻辣味好重. 但係肉質幾好, 可能因為啱啱煮起, 所以D雞肉吾會鞋烚烚, 吾點醬都好夠味. 螺都有好多隻, 起碼10隻以上, 仲食得出有鮮味.食到差吾多, 我地追加左3件自創爆芝響鈴, 一份豬頸肉片, 一份龍口粉絲.我呢D食肉獸吾係好識欣賞個響鈴, 不過老婆話好好味, 我只分得半件.碟豬頸肉就吾同啦, 我幾乎全碟食晒, D肉好爽, 無得頂.粉絲一定好食嘅, 索晒D湯喎. 呢一餐老婆開心, 我開心. 

食啲傳統式打邊爐食到悶悶地, 放假決定同朋友去試下呢間火鍋! 呢度好近油麻地地鐵站, 又係正彌敦道隔離, 答巴士都原來好方便 ~BOOK左六點左右, 職員安排左個窗邊位俾我地,望住個海打邊爐別有一番風味, 仲要個天未黑, 食食下可以望到黃昏靚景添!呢度環境好舒服, 環境寬敞, 唔似其他火鍋店咁又迫又大煙傾計都唔怕隔離檯會聽到哂~ 因為我唔食辣, 所以同朋友揀左打邊爐, 無試雞煲原來呢度湯底都好多選擇! 調味料都係, 店員會拎埋黎俾我地慢慢揀~最後揀左沙嗲湯底同莞茜皮蛋湯底 沙嗲湯底一D都唔油膩~好夠味!首先, 我一定要推薦呢個自創爆芝響鈴! 真係超級好食 ! 本身我麻麻地響鈴, 但呢個加埋芝士, 真係味道一流, 芝士味又夠濃!!邊爐一定唔少得肥牛啦, 估唔到叫左一碟都咁大碟 ! 呢度D肥牛唔會肥到得D白色肥膏~都好夠肉味 !!另外呢個四寶丸都好推介, 如果想試多D唔同既丸,可以叫呢個~ 有哂蝦丸, 牛丸, 墨魚丸, 黑墨丸 ~同朋友SHARE一流, 唔會食丸食到飽哂, 又可以試齊哂咁多款 !!蔬菜方面, 我地點左呢個菜菜籃,如果大家一大班朋友黎食都可以叫呢個,又係有齊哂唔同款式既菜,唔

唔知點解，近來又開始無時無刻都想打邊爐，為咗要開心，就唔理咁多，食咗先算~四川麻辣併招牌螺片濃雞湯鍋，雞湯鍋真係好惦，飲落去感覺好滋陰，老火湯一樣，又唔會覺得口喝，仲有好多螺肉响湯入面添。特級雪花牛肋片，呢個好好咬，肉味好濃，鐘意食有筋嘅，一定會愛死呢個。頂級安格斯牛小排，入口即溶，肉味一樣好濃，好好好好味呀。脆肉鯇腩，雖然佢未係最爽脆嗰隻，但一樣唔差，魚味夠，啖啖肉，正。大全大寶丸，佢唔係普通丸嚟架，每款都內有內有乾坤，例如: 蟹粉/鵝肝/海膽/黑松露。油麥菜泰式生蝦，一碟有12隻咁多呀，癲咗。大檸樂，平時打邊爐最多飲罐/樽裝可樂，佢竟然有檸樂，仲要勁大杯，真係見到都開心呀。之前完全唔知佢有呢個優惠，到埋單時先知，真係好抵呀。

呢幾日天氣陰陰沉沉咁，想食啲開胃野。上OpenRice一search，發現油麻地呢間「吞POT雞煲火鍋」好似幾多笑樣，決定來試一試。呢間雞煲火鍋可以揀雞煲或者打邊爐，今次同女友人兩個人，怕食唔到太多野，決定主攻打邊爐。一坐下來，店員很有禮貌就奉上醬料，我打邊爐就好鍾意落好多蒜蓉啦，咁先至夠晒嘢味，鍾意食辣的話，仲有啲辣椒仔可以任落。今次揀咗個香濃沙嗲喎做湯底，未食已經聞到香噴噴，很濃郁的沙嗲味，湯底仲有好多香菇，真材實料。餐廳推介手打四寶丸，分別係手打牛丸、手打蝦丸、手打墨魚丸、手打黑墨丸。特別要一讚嘅係牛丸，牛肉味很濃郁，又很有口感，很鮮甜。同一般雪藏牛丸分別太大，食過返尋味。自家炸響鈴，店員話係即炸的，所以一上菜就聞到香噴噴。從來未食過咁好食的響鈴。豬頸肉片，10分彈牙有口感。羊肉片。女友人本身唔太鍾意食羊肉，但仍然覺得個羊肉好好食，真係不得了。打邊爐又點可以冇烏冬呢？個烏冬送晒個沙嗲醬湯底很入味，正呀。餐廳位於22樓高，所以可以望到成個旺角夜景，見到獅子山都望到添。成個格局即刻提升晒、高檔晒。埋單每人食咗大概$250左右，啲嘢食咁正，有咁靚嘅夜景睇，環境又清幽又寧靜，抵啦。絕對有

今日放假去左油麻地覓食，book左吞pot雞煲火鍋。由於我地得2個人，叫個雞煲又好似已經叫唔到其他野食，所以今次試下個火鍋先。我地揀左香濃沙嗲鍋，貪佢夠晒惹味。睇落張menu都有好多野想試，但係為免眼闊肚窄食唔晒，最後都係忍手叫左五樣野。肉類叫左羊肉片同豬頸肉片羊肉片好薄身，份量都算多。豬頸肉好有口感，咬落好爽。自家炸響鈴，店員表示岩岩炸出黎，叫我地食左先。響鈴係每次打邊爐必食之選，呢間自家制好有驚喜，好脆，索晒個湯底好入味。手打四寶丸，有牛丸、蝦丸、墨魚丸同埋黑墨魚丸，四款都好有水準。最後就緊係叫個稻庭烏冬打底😂打邊爐一定要飲凍野先得，我揀左好耐無飲ge柑桔檸檬，朋友就揀左可樂。呢間餐廳食材好有水準，下次可以再encore試下其他野，順便食埋個雞煲。