吞POT 雞煲火鍋.住家菜 (譽發廣場) (已結業)

上次同成班朋友一齊嚟打邊爐食咗花膠雞煲。冇得彈到冇朋友🤤唔單止有花膠螺片啲雞仲要勁滑有雞味今次同老公黎試其他好嘢。小食生下刺身一份有成12隻。兩條友食到變傻仔。份量好多味道正常辣酒煮花螺同芥末牛肉上次都食過。覺得正所以黎encore 個花螺真係得喎入味得來又唔會梅。 夠新鮮又有螺味 又爽口牛柳粒都幾好味 炸豆腐就係炸豆腐味囉 炸大腸都唔錯㗎真心覺得火鍋店既小食都可以做到咁嘅水準真係冇得彈我同老公食小食多食飽飽下次再encore 佢個火鍋🤩半價小食火鍋配料真係好抵呀！！！！

平時一大班人嘅時候多數都係會去食任食嘅火鍋，今日難得兩個人出街食飯，又想打邊爐，就喺油麻地搵左呢一間，雖然唔係任食，但係就唔使好似平時為咗要回本就瘋狂咁食，搞到好有罪惡感😂😂呢度嘅每款嘢食都唔算平，所以我哋兩個人都唔敢點太多，都係就住就住咁點🤣🤣打邊爐必食嘅就梗係有肥牛，呢個係美國特級肥牛，但係感覺上又唔係好肥，最啱我呢啲想食又怕肥嘅人，佢嘅肉質仲幾鮮嫩添😛我哋叫咗個番茄湯底，味道唔算話特別好濃郁重口味嗰啲，不過如果唔點醬油都已經有啲味道👅👅因為兩個人嘅關係，所以叫四寶丸，每人每樣一粒就啱啱好🤤🤤🤤打邊爐又點少得炸魚皮，雖然佢要50幾蚊，但係其實都幾多㗎因為我哋驚唔夠飽，所以就叫咗紅薯粉，呢隻紅薯粉比較幼，好快就可以煮熟😝娃娃菜，健康之選😛😛咁樣食每人二百幾蚊，貴過任食火鍋少少，但係飽嘅程度都係不相伯仲啊🤤🤤

今晚忽然想食雞煲，經過油麻地，諗起吞Pot，於是打電話問吓有無位，無人接聽，之後好快就回電給我，無位，有啲失望！不過轉頭好快打返比我，有枱剛埋單，太好了！可以一嘗美味雞煲！要讚一讚這個服務態度，唔駛上到去先知有無位，大讚！吞Pot個名好得意店內裝飾都好有心思，有一盤小雞，好可愛！當然要試試招牌菜式：滋補螺片花膠雞煲大大塊花膠螺片，真材實料！正！牛肋片，唔會太肥，好美味！另一招牌菜，自家製響玲，好脆！加埋雲吞，變成螺片花膠雲吞雞煲，滋味大滿足！

同一班好朋友出街食飯，想有啲野做同時可以吹下水梗係去打邊爐啦～上網見到呢間有曬我地既至愛 - 雞煲加火鍋 - 既吞POT雞煲火鍋.住家菜，即刻約朋友去試下！我地放左工，大約7點就黎到呢度，好好彩有book位，如果唔係就要等下啦。呢度唔係太難搵，旺角地鐵站B1出口行一陣就到。仲有一個朋友遲放工，我地就叫左雞煲湯底邊食邊等。滋補螺片花膠雞煲（半隻$168 全隻$258）我地叫左花膠雞煲，好足材料，好多花膠。而且雞好入味，感覺好滋保養生～成個煲好快比我地食哂，遲嚟果個得番啲雞湯飲佢話好好味，飲左成三四碗。稻庭烏冬（$25）我地叫左烏冬，彈牙口感正。將烏冬放入雞湯煮，味道真係一流朋友嚟左之後我地就正式打邊爐啦～店員哥哥好好人幫我地加左湯，將雞煲變成火鍋。我地就開始發揮食貨本色，叫左墨魚丸、腐皮、生根等等。打邊爐都係食果啲餸，咁就分享下一啲特別啲既食材啦！手打墨魚丸（$70）值得一提既係佢地既手打丸，好好味好彈牙，完全係物超所值！我地食完一碟又一碟～食到海鮮～帶子皇（$90）平時打邊爐好少會叫帶子，但係見到隔離枱既帶子好似好新鮮咁，所以我哋都嗌左。佢地既帶子好好好新鮮，煮熟左之後帶子既鮮香更加明

同個同事一齊放早，就走左去旺角打邊爐，我朋友話有間打邊爐唔錯，佢就帶左我去食啦，係油麻地地鐵站附近，都幾方便！上到餐廳，環境都幾舒服，店員安排左我地坐窗邊，時間可能尚早，天未黑，可以望到九龍區嘅香港獨特景色，同埋仲可以望到海，勁正，淨係個景都加曬分！我地兩個人就唔食雞煲，就簡左打邊爐！料味調有好多款選擇，有我最愛的日式芝麻醬我地簡左鴛鴦湯底，雖然簡左沙嗲同莞茜皮蛋鍋，湯底裏頭都好多配料，沙嗲湯底味道夠濃特選美國肥牛，估佢唔到咁大碟，雖然係肥牛，但係肉質真心唔錯，好有咬口自創爆芝響鈴，響鈴已經好好食，裏面仲要加埋芝士，一口咬落，芝士溶曬出黎，幾鬼正手打四寶丸，粒粒都係人手做的，好彈牙爽口，仲要大大粒魚皮餃係我嘅至愛，點可以唔食仲有椰青水飲，夠曬清熱解渴餐廳無論環境食物都唔錯，下次我都要約埋一大班朋友黎食雞煲先得！

星期五晚與幾個朋友聚會，想找一間不限時的火鍋店，俾我在open rice搵到，有驚喜，食物質素和場地都好滿意，當晚還有人求婚，哈哈；另外，價錢稍為高些，但還是相對的，下次還會再去。

朋友由英國番黎，其中一樣佢掛住嘅野就係打邊爐，所以就試下帶佢食雞煲同邊爐，一次過滿足佢幾個願望😂呢間位於油麻地，好近地鐵站因為我遲到嘅關係，一去到就見到我啲frds叫咗嘅雞煲，令我流曬口水佢地叫咗滋補螺片花膠雞煲唔好以為佢地用料求其，入面嘅花膠係真材實料，而且仲幾大塊。原本對呢啲普通嘅雞煲店唔會抱太大期望，但佢嘅質素同材料真係有驚喜！而且啲雞食落唔會“諧”，我地四個女仔食係足夠有突！食完雞煲到下一個highlight!!打邊爐點可以無牛肉！呢盤牛肉到嘅時候，我地幾個都忍唔住讚，因為佢嘅紋路好靚，脂肪比例均勻，因為佢好薄，大概碌幾下就食得，食落口係覺得入口即溶，勁回味蝦餃，大大粒，絕無偷工減料入面嘅蝦都係爽脆，無雪藏味帶子，非常新鮮之前都會幫襯下其他雞煲火鍋店，但有時候質素好參差，都唔太敢叫海鮮，但呢間食帶子，論新鮮程度真係勁推薦！芋絲，呢碟都只係廿幾蚊份量充足手打墨丸其中一樣食上癮嘅野，食落口感比一般魚蛋彈牙，而且食到有墨魚個隻香味雖然飲品選擇唔算太多，但常見嘅牌子都有如果要調味料，要向店員攞，之後自己可以再自由搭配其中一樣想讚嘅係，店員都好有禮貌，你有咩要求都會立即跟進，上菜速度都好

打工仔最開心莫過於星期五😍之後有兩日假去邊玩都得啦🤪🤹🏻‍♀️HAPYY FRIDAY🤹🏻‍♂️約埋三五知己食雞煲🐔辣酒花螺雞煲🥘辣度任你揀雞件索晒醬汁精華👍🏻好入味螺肉爽口😝辣辣地🤪好過癮芝士響鈴😍本身響鈴夠邪惡😈加芝士🧀第一次試浸落湯3秒即起😙芝士溶哂微脆響鈴加溶左芝士🤩味道好夾十全大寶丸🍢中意墨魚丸🙌🏻必食每粒丸似乒乓波咁大粒🤩每粒內餡有驚喜👏🏻味道突出

近排我同啲朋友開始越來越鍾食雞煲加火鍋， 今次已經係一星期第二次了，今次有朋友介紹位於樓上舖嘅 吞pot雞煲住家菜，估唔到都幾有特色……我們七點鐘到，估唔到已經差不多滿座，好彩 地方都唔算太細，落地玻璃感覺開揚，我們剛好有位，之後上嚟嘅客人就要等等了！雞煲很鮮甜，雞件很入味，配上粟米，格外帶出雞煲香味，我們先慢慢品嚐這個雞煲，雞湯都喝了幾碗……！蔬菜亦十分乾淨新鮮，加入雞煲吸收雞煲嘅精華，確實惹味！美國特級肥牛，都只係$158，肥牛顏色鮮豔 ， 紋理亦均勻， 脂肪好香及均勻， 只需要放落湯底三至五秒，漸變鮮嫩紅色，即可入口 ！這款肥牛，夾雜住少少脂肪，油脂入口更顯出牛肉嘅鮮味！我仲叫一碗白飯，鮮嫩美國肥牛加上些少指天椒豉油，真係送飯佳品！最後更加要一讚就係，服務員十分殷勤，笑容可嘉，而且都十分年青很有熱誠，這間樓上店可以一試再試！

前兩日經過旺角試了一間精緻手工火鍋料理 ，個名都幾得意叫做 “吞pop” 真係好啱我哋呢班經常想吞pop打工一族!先講雞煲，雞件很入味，各部位都好完整，絕對唔會有太多雞頸，雞腳之類，真正啖啖肉! 湯底亦十分香甜，配菜很多...鮮冬菇很厚身，入口很新鮮，好有咬口!這個地方裝修十分簡約，大部分都係後生仔為主，我哋坐近窗邊可以由落地玻璃望到旺角嘅靚景，舒適自在!最值得介紹喺呢個 "手工十全大寶丸"， 包括有手打生拆蟹粉墨魚丸， 黑松露墨魚丸，海膽墨魚丸，煎鵝肝蝦丸，芝心牛丸 各兩粒。呢類手工丸， 入口非常彈牙，而每款丸亦各有特色，我最喜歡就係 “芝心牛丸” 不過食時要小心，因為牛丸內嘅芝士真係會燙傷你個口，要慢慢食。海膽墨魚丸，金黃色嘅海膽香味十足，同樣是我的最愛!而呢款蟹粉墨魚丸，真材實料!呢個價錢食勻五款獨特嘅手工丸，真係抵食!

今日約咗朋友喺旺角行街，都差不多行到油麻地附近，發覺多了一個新嘅大廈，呢坐 似乎將會係另一處食肆嘅集中點。我同朋友都係專搵新嘢食，所以見到22樓有間新嘅雞煲，決定要試一試！呢間 "吞POT雞煲、住家菜"，食物種類有很多 淨係雞煲都已經有好多款:有花雕藥膳雞煲、胡椒豬肚雞煲、重慶麻辣雞煲、香辣雞煲、辣酒花雕雞煲、滋補螺片花膠雞煲... 真係花多眼亂！今天我哋決定要食一個清清哋嘅胡椒豬肚雞煲！呢個雞煲，一上枱已經有很香，胡椒味道撲鼻而來，不算辣只有胡椒香味，我們叫了半隻雞煲，份量亦相當之大，雞件柔軟，雞件各處都清潔得很乾淨！配料有牙菜仔，支竹，蘿蔔，粟米……豬肚很爽口，感覺新鮮，我們點了皇帝菜加入雞煲，皇帝菜吸收了雞煲裏面液雞油，食樂分外清甜！更加估唔到雞湯嘅湯底十分creamy，清甜潤喉！我和朋友都飲了幾碗，都停唔到口，呢間極雞煲確實超水準，值得再嚟！

已經有一段時間沒吃雞煲了，朋友介紹了這一間，不是任點任吃，但在假期也沒有時限所以就這樣決定了。本來一心打算是吃重慶辣雞煲的，但來到又看到別人在吃的花膠雞煲，大家即時抱棄了基本上上桌雞和湯已經可以吃，只是花膠還要煲多一點點時間，整體來說味道也很香濃，回家也沒有口乾的感覺標榜是韓國1++牛肉，試試是否名乎其實肉質的確又軟又腍，但牛的味道略嫌不足，還是喜歡本地手切肥牛魚皮和響鈴都是即炸的，上桌時仍有一股熱氣，魚皮是用了交薄的一種，所以如果想放湯吃就必須手落即上，否則太腍就不好吃喔這一款邪惡響鈴，內裡包了一片已經軟化了的芝士，拖了一下湯之後入口，芝士味道混和一起，是非常合拍的配搭，難怪成為當店招牌菜式

放工之後約左朋友黎吞pot呢度食雞煲。雞煲我平日都食過幾間，但呢度d雞煲都算係我食過最足料既。 吞pot位置都好就腳，係譽發大廈，一出地鐵站就係。上到黎第一個感覺係好闊落，坐得幾舒服，樓底夠高，唔使迫埋一齊坐食都食得唔舒服。 我地呢次就揀左個花膠響螺雞煲，呢個雞煲材料真係非常多，除左雞件之外，仲有唔少花膠、響螺等材料，令個湯底食落非常濃味，仲越煲越出味添。不得不提，吞pot既雞件非常嫩滑，啖啖肉，就算我地落半隻雞，四個女仔都夠食。食完雞煲我地加湯打邊爐啦，我地嗌左牛肋肉、菜、蝦滑等材料。呢個牛肋肉食落爽口 又唔肥膩 好食！帶子都好新鮮 唔會腥！開心樂園餐 有幾款常吃的火鍋料😆烏冬彈牙粗煙韌 魚蛋都係👏🏻雲吞好足料 好飽滿！響鈴都新鮮香脆呢個手打松露墨魚丸 好特別 好香松露味 墨丸亦夠彈牙😊總括黎講我都幾滿意呢度d嘢食，材料湯底水準不錯，下次會再黎。

打邊爐、食雞煲一年四季都適合啦!同一班朋友去左吞POT度食雞煲，我都好耐未食過喇~雖然而家天氣開始回暖，都影響唔到我食雞煲既心情!我地人數聚多，就要分開兩個雞煲，我同一位朋友都唔食得辣，我地就揀左個餐廳推介既滋補螺片花膠雞煲，同一啲配料同小食。雞煲未黎就先食小食先啦~Wasabi牛柳粒，唔辣但好攻鼻，食一粒，成個人都醒哂，粒粒都係骰仔牛柳粒，口感豐富，又唔老!酥炸魚皮又可以就咁食又可以放落雞煲到，魚皮兩食，呢個係必叫! 黎到就係熱辣辣，好新鮮，入口好香脆，又唔會油味好重，就咁食都好好味!滋補螺片花膠雞煲話咁快就到喇，效率都幾好，個侍應話已經全熟可以立即食，睇到都流口水，湯底唔會好重口味，花膠份量一啲都唔少，而且都好大塊，花膠煮得好林，好入味，年紀開始大，係時候要補番啲骨膠原喇! 就主角-雞，雞件脂肪唔多，件件都啖啖肉，雞肉好嫩又入味，食到另類既雞煲感覺。食到咁上下就開始落配料，豆腐呢啲入味配料，一定要馬上加!之後就到十全大寶丸同滑嘟嘟(蟹子墨魚滑、蟹子蝦滑、鯪魚滑)。等呢啲耐熟既野食熟，就再食下啲快熟配料。頂級牛肉眼只需要滾10秒左右就可以食，肉質好嫩又入味，牛味仲好濃添呀!值得一試!

基出名係打邊爐怪，好愛邊同人吹水邊打邊，但打邊爐從不點任叫任食，因為D野都無咁新鮮，見過鬼怕黑! 今日四眼佬約來呢間打邊爐，23樓，居高樓下，個境好靚仔。先來個雞煲頂頂癮，小辣，雞夠滑，個汁麻得來少辣，好惹味，叫埋個手工啤酒，啤味好濃，爽爽! D自選打邊爐料唔錯，新鮮，蜂巢豆腐第一次食，幾有豆味，吸湯力強。五花腩切到又薄又層次分明，滾起來不太花時間，口感又夠，放落去滾滾去吃，不落醬料吃的話就就吃得到當中的味道，爽口。滑嘟嘟全部係手打滑，蝦滑同墨魚滑都加左D蟹籽，唔腥好消又彈牙，鯪魚滑也爽口彈牙，D滑水準好。另外必食餃餃震，有蟹粉蟹肉雲吞，鮮蝦雲吞，魚皮餃，韮菜餃，打邊爐無餃唔得。D餃用料十足，好肥厚，好吃。蠔夠肥，蠔味濃，帶子皇好鮮甜。響鈴，魚皮和鮮淮山又係必食，鮮淮山灼到腍晒，似薯仔蓉咁，但吸湯汁超美味，響鈴同魚皮吸雞㷛汁，超正!基評分: *味道(基基基基基)**外貌*(基基基基)*抵食(基基基基)**服務(基基基基)*最後基言:下次來要試下花膠雞煲，如果食埋加湯打邊爐，花膠應該好補呀。