吞POT 雞煲火鍋.住家菜 (譽發廣場) (已結業)

位於油麻地譽發廣場22樓既呑pot 雞煲，好多朋友都推薦，輪到我黎試下！地方好大，唔使坐到好迫，非常好～雞煲既辣度可以自由選擇，由BB辣到大辣都可以揀～ bb辣都不得了，辣到伸晒脷😝😝。但又食得幾過癮～今次揀左辣酒花螺雞煲，花螺好大隻、雞肉又嫩滑，成煲超多雞同螺，食極都仲有，真材實料！另外叫左啲火鍋配料，豬頸肉十分爽口～十全大寶丸，共有五款丸，款款都好特別有心思～全部自家製，粒粒都好有特色，有驚喜！仲有新鮮即炸既芝心響鈴😆飲品方面，叫左大大杯凍檸茶👍🏼👍🏼，真係好大杯，好抵飲！

打邊爐係我最愛的嗜好，呢牌天氣凍咗同老友開局食火鍋。其實呢間吞POT第一次食，叫咗煲螺片花膠雞煲，嘩，係幾正，D湯好濃，少少起膠，裏面D雞，花膠，螺片好足，湯唔肥膩，好鮮甜又補身，正呀。D打邊爐料最好食係個牛頸脊，D牛肉好鬆軟，有牛的脂肪油香，D牛味好重，D本地黃牛頸脊，真係好食，一隻牛無幾多。D十全大補丸個名真盞鬼，個人最愛係佢D墨魚丸，好彈好有墨魚味，D餡有黑松露，蟹粉，海膽全部都好好食，反而牛丸有芝心，我覺得無餡好食D!嚮鈴超讚，原來入面有芝士，好食播。午餐肉原來唔一定要煎先好味，呢款無咩肥膏午餐肉，我估係梅林嘜呀，打邊爐好正。D塘蒿菜幾嫩仔，有種好特別菜味，越吃越好味。萵筍同粟好吃，前者好爽脆，後者好甜。重個炸魚皮，放湯5秒㚒起食，好脆好鮮，有湯汁味正到暈。呢餐無食貴價海鮮，但呢度湯底同食材新鮮，唔錯，重有D咸檸七好唔錯，打邊爐配咸檸七，會開晒胃呀。

我地每次放飯都愛到譽發廣場食不過晚餐就第一次起度食啦~~~同事就話食雞煲啦~~~係咁搵先知原來呢度有間吞POT九公格式的調味料，不過我成日都覺得食雞煲本身都夠曬味留意返佢地特別的優惠.....半價啊~~~真係好抵食~~~我地就叫左個重慶麻辣雞煲D雞仲係半熟要煮多陣，不過好快就食得，好嫩滑同埋個醬汁好濃縮架~~~好惹味﹛雞件份量都比較多件雞好完整好滑好嫩口，煮得太耐就老架啦~~~記得快點食曬D雞先打得邊爐佢地既招牌芝士響玲，夠曬邪惡響玲內心有芝士，外層係滿滿的雞煲辣味，裡面就係濃郁的芝士味仲有少少拉絲的感覺~~~好雙重的滿足感叫左個十全大寶丸有手打生拆蟹粉墨魚丸手打黑松露墨魚丸手打黃女海膽墨魚丸手打香煎鵝肝蝦丸手打芝士牛丸我地兩個人一人一粒咁嘗試好有新奇的FUSION菜，MIX埋一齊好特別隻隻都好似流心咁，仲要好夠味~~~咁靚的雞煲汁真係要來返個手打烏冬，吸曬佢D精華，真係普普通通夠曬滿足

上個星期就打算緊今個禮拜要食餐雞煲先得，之前食lunch時見到原來樓上有間雞煲，今日放工叫埋同事一齊試下！我地收6點收工，來到先6:10-6:15，原來這間雞煲做緊7:30前離座，配料小食都有半價！好抵一來到服務員就遞上九宮格既酱料比我地，咩款都有嫁拉。我同朋友都中意食辣，來到呢到緊系叫返個重慶雞煲拉！但我感冒未清只叫了小辣雞煲好快就來到！！香噴噴睇落好入味呀！熱辣辣出哂煙雞肉好嫩，好入味，好夠味！小辣的辣度對於我來講剛剛好配料叫左個佢地呢到好hit既芝士響鈴🔔，因為是即整，店員叫可以盡快點汁享用我吾中意太淋既，成舊點哂汁就食拉！好脆，同芝士好夾，中意芝士既我又推薦大家拉我地仲叫左牛柳粒，始終食呢d煲無牛點得呢牛肉有牛味，有少少筋，但吾會un，肥瘦適中，吾錯！呢到既手打牛丸有5款，好難揀，樣樣都想試，所以揀左個咩都有哂既，5款各有特色，最中意芝士牛丸無錯，又系芝士最後點少得稻庭烏冬呀！吾好浪費個汁！烏冬吸哂d汁！煙煙unun，食完超級飽，好滿足！

天氣開始凍喇，又嚟到打邊爐烚下烚下嘅季節喇行到油麻地附近食晚餐，譽發好多選擇，我地就去左22樓嘅吞pot開餐呢間邊爐係逐樣叫嘅，有雞煲揀，又有唔同湯底揀。首先侍應比左九宮格我地，調配自己嘅醬料。湯底嚟喇，我唔食得辣，但係朋友就無辣不歡揀左雙併湯底就滿足到大家啦。我叫嘅係招牌鮮魚湯，朋友就叫左麻辣鍋。辣嘅程度都係可以自己揀，呢個係中辣。睇見我都覺得好辣喇🥵我呢個魚湯有蕃茄同豆腐作配料，對於食得淡嘅我嚟講，湯底偏鹹左d。侍應都好好，幫我溝返淡。上菜喇，兩個人坐四人枱都好闊落，有充足位置擺放食物。呢兩碟真係好正，左邊係手打芝心牛丸，食嘅時候唔好心急，唔係好易比爆出嚟嘅芝心燙到口。右邊係帶子皇，新鮮彈牙呢個係非一般嘅響鈴，因為佢係有芝心架！打邊爐又點少得肥牛呢，睇見擺盤咁靚都開心曬，肉嘅脂肪分佈平均，厚度適中，淥一淥食得唔會老。餐廳環境比平時嘅火鍋店靜，岩曬傾計啦食物質素唔錯，價錢都相對貴返dd

天氣少少轉涼 係時候去十下十下啦!餐廳環境唔錯, 平時啲雞煲餐廳比較迫, 但呢度位置都分得夠開, 唔會好嘈, 而且呢度唔限時, 我地傾計傾足幾個鐘都無問題!我地叫左一個藥膳雞煲 因為我地只係3個人, 所以只係叫左半隻, 雖然只係半隻, 但係份量非常十足!! 夠晒我地3個人食!😛最初以為藥膳味道會淡, 但係食落味道係好濃好香!令到我地完全食到停唔到!😍因為個煲太好味既緣故, 我地點左好多好吸味既野食, 有豆卜生菜金菇菜!個湯唔會太油所以D野食吸晒精華之後味道岩岩好, 超級好味!!!另外肉類方面叫左牛柳粒,豬頸肉同埋魚, 份量夠晒我地3個人食!我自己最鐘意牛柳粒,好香牛味,同埋睇落去四四方方好難熟,我碌耐左少少但都完全唔韌,非常值得一讚!第二推介會係豬頸肉, 唔韌以及份量足夠, 性價比高!總括黎講,呢度環境唔錯,好岩想靜靜地傾下計但又想打邊勞既人!食物方面性價比高,份量大份!非常抵食!

今個冬天都未打過邊爐！要同朋友嚟聚一聚：）太婆仲有幾日就結婚啦！我哋特登黎賀一賀佢！大家都上咗年紀，叫嘅嘢食都冇咁多肉，反而多番啲菜😂呢度有好多唔同嘅湯底揀呀！我哋最後揀咗個滋補養生嘅藥膳雞煲湯底，好香好濃😍牛柳粒好好食有香牛油味👍🏻性價比較高呢度嘅脆肉鯇係真脆既！特別推介呢個芝士響鈴，有流心芝士！見到佢應該係即刻炸出嚟嘅～手打肉丸都夠彈牙好食！其他嘢食整體都ok~ 新鮮幾好食！飲品大多係支裝既～我選了椰青水可以降降火！

今日同朋友黎到油麻地近旺角既樓上鋪食雞煲，依家雞煲既環境一流，店吊安排左我地坐近窗邊風景一流，味道更加係我食過咁多間雞煲最好食既一間。我地叫左東風螺麻辣雞煲中辣，兩者既份量十分多，東風螺新鮮，無沙，啲雞塊多，少肥，啲洋蔥浸完雞湯之後入哂味，味道十足，辣得過癮。食完個東風螺麻辣雞煲中辣，我地叫左芝士腐皮卷，係依個鋪頭推介，浸十幾秒就食得，小心燙口，一咬落去，芝士滿滿，之後我地叫左一碟和牛，和牛每一塊睇落十分靚，油脂分配得十分均衡。淥十幾秒就食得，入口即溶。

話說秋風起想食雞煲，朋友就介紹左我黎呢間了！ 星期日兩個人上黎撐枱腳，所以都有預先訂位，我地都早左幾多到，好彩已經留左張枱俾我地！我地兩個但坐四人枱坐得十分鬆動！ 一坐低就有得調番個醬～我地叫左個basic嘅香辣雞煲(半隻同走辣) ($158) 因為我地真係唔食得辣haha! 有好多洋蔥啊！我鐘意😍 雞整得幾滑！個汁好香！用黎撈飯應該一流😂之後就加湯邊爐了！ 我地叫左個三樣野炸因為食完個雞煲都飽左一半😂開心樂園餐 （$75）👉🏻 勝在咩都有啲咁！個午餐肉幾好食，其他就冇咩特別🤔🤔豬頸肉 （$75）👉🏻有6片 唔會太薄或太厚都唔錯！重頭戲係自創爆芝響鈴 ($66) 有6條！身為超級芝士控，呢個真係好好食，啲雞煲精華加埋芝士香！！！MUST TRY！食左3條都已經好飽！

其實真係想數下一個冬天我到底打左幾個邊爐，真係好似三日唔埋d火鍋癮又黎！！！今次放工就番朋友時間落油尖旺食，始終油尖旺屬不夜天又就腳餐廳又關得夜d，選左三間最後用一人一票選左依間吞pot火鍋！！！😍在座有朋友小小辣都唔食得，就叫左個鴛鴦鍋，一邊麻辣一邊蕃茄薯仔！！！蕃茄薯仔出奇地好濃郁好夠味，因為通常一般出面食到既做得好淡，依到直情啖湯好飲到可以當湯先飲番一兩碗先開始打邊爐！！！碟牛真係無得頂，張相已經表明一切，好新鮮色澤好靚，口感嫩又重牛味！！！俗語有話生蝦咁跳，上枱時就演左個實例！蝦新唔新鮮真係無得呃，蝦身有無發黑，剝蝦殼痴唔痴殼，食落口肉質爽唔爽彈！！！廣島蠔，蠔味重蔬菜藍，樣樣有d，多d選擇！！！貴花蚌，爽甜，一碟份量好多，超抵食！！！見依到d牛好食再整多碟牛柳粒，果然無失望同樣美味！！！生菜鮮枝竹，索盡湯汁食一流！！！

餐廳地理位置尚算不錯，接近地鐵範圍，只需要步行2分鐘左右就能到達。進入餐廳後，餐廳清靜，環境清幽，唯燈光稍為昏暗，感覺好有氣氛。  火鍋類別尚算多，提供唔同海鮮種類同多樣既牛肉比我地選擇，火鍋必備既食物種類都齊備，至於湯底，我哋揀左 滋補螺片花膠雞煲，湯味濃郁鮮甜，入邊嘅螺片花膠幾多，花膠有美顏作用，岩哂我地呢班注重皮膚、年輕貌美既女士；唔知係咪因為都落重料，個湯底都幾稠下。  講到配料，最重要推薦既係自家製既魚皮，即叫即炸，可見係非常之用心， 浸落湯底後外脆內軟，非常惹味。打邊爐必備既當然唔少得烏冬啦！浸落去後，爽口彈牙，吸哂濃郁湯底既味道，加左麻醬後口感更豐富。配埋芝士響鈴，入面啲芝士非常濃郁， 咬一口，啲熱騰騰既芝士已經流哂出黎。飲料方面亦提供不少選擇，份量十足，大杯又抵飲，可惜既係，送配料既等候時間稍為長左少少，如果可以同埋雞煲一齊上就好。順帶一提，用hsbc信用卡埋單有八折！

同中同好耐冇見，咁岩天氣開始轉涼，就決定食個雞煲聚一聚！間鋪頭係22樓，望出去可以見到夜景一開始staff會比左個九宮格，自調醬汁係呢個時候，可以劃埋紙落單，選擇非常之多，如果七點半前埋單，配料仲可以半價！好快就黎左飲品先，我就叫左杯大檸茶，佢一黎到真係嘩一聲！邊到係一杯？簡直係幾杯係到！之後雞煲就黎啦！我地叫左個滋補螺片花膠雞煲，佢黎果陣已經熟左，可以直接食。成個雞煲都落足料，我地叫左半隻雞，三個人都係食唔哂，入面真係好多花膠螺片，全部都好大塊！而且d湯底都幾濃，無論係香氣定味道都好似老火湯！炸魚皮一上台係熱辣辣，係岩岩炸出黎仲叫左個餃餃陣，分別係魚皮餃同另外三款自制既雲吞餃子，好有特色最期待既黎啦！自創爆芝響玲！但唔係咪浸得唔夠耐，係就係食到入面有芝士，但未至於流出黎，建議浸耐少少，事關佢比平時食既大好多！最後牛同豬都上面，d色好靚，又大碟三個人食左八百幾，食唔哂！

* 有酒精類飲品供選擇，韓國燒酒真露都有得飲，而我同朋友們就叫左枝青島啤啤去！*叫左個花膠螺片湯鍋底，好有份量好多料，如果兩個人細食既朋友真係叫碟菜食下已經飽，因為真係好多料！！！雞剛好熟透，肉質好嫩滑，食落無雪勤藏味，花膠好厚身同大塊，愈由佢滾到淋愈好食，螺片係用鮮螺唔係乾海味個隻，依個鍋底真係一上枱就當湯飲左先好開始落火銅配料打邊爐，如果唔係真係會浪費左，啖湯好濃郁好鮮甜！！！*生菜*花螺入湯令湯底更美味鮮甜！！！*蟹柳*脆鯇魚片，我唔鐘意食鯇魚所以無食，朋友們就話唔錯！！！*廣島蠔，蠔味重！！！*豬頸肉，切得薄薄地好快熟！！！*食到中途個湯味道更豐富，誠意推介依個花膠螺雞煲！！！

近排天氣開始涼，又到打邊爐、食辣野嘅季節喇！同朋友黎到位於油麻地呢間專食雞煲、打邊爐嘅樓上鋪。鋪頭雖小，但坐位夠闊落，而且平時打邊爐最怕食完個身一陣味，但呢度冷氣夠，無呢個問題。火鍋湯底有好多選擇，鐘意濃味可選麻辣、沙嗲，想清清地亦有豆腐清湯、芫茜皮蛋、魚湯等供選擇。而我同朋友就揀左食重慶麻辣雞煲，可點半隻或一整隻雞，仲可以選不同辣度！朋友之前食過，覺得偏辣，所以我地點左bb辣(半隻雞)，仲點左d配菜配雞煲一齊食！配菜選擇都幾多㗎，不同種類嘅手打丸、肥牛、菜、麵食等。仲設有清熱飲品。雞煲上枱喇！一上枱已經熟晒食得，雞肉入晒味又嫩滑。另外點左佢地嘅招牌鮮炸響鈴，勁脆又無油憶味！年藕新鮮，牛柳粒都夠淋。溫馨提示：坐位有限，記住訂位。

涼涼地的天氣最適合訓覺之外，就係食雞煲兼夾打邊爐。去到見到原來係有做午市，晚市1930前埋單，或2130入座會有半價優惠。因爲第一次去唔知道，下次會醒目啲。叫左個胡椒豬肚雞煲，雞件夠滑，湯底起加左第二次湯底下會更適合飲，無噤辣同咸。呢個豬肚要襯暖食,佢洗得好乾淨，完全食不到有苦澀味道。食曬雞先再叫其他食物，叫左牛小排，冰菜，丸。。。。。。冰菜只係冬天的期間限定，外面打邊爐好少有咖！牛小排大家睇相就知係靚牛，脂肪量少而分佈平均，飲品方面叫左杯大檸茶，有成半個檸檬，茶底濃而不澀。個抽氣系統好好，返到屋企無人從衣服的味道知道今晚原來去左打邊爐。