吞POT 雞煲火鍋.住家菜 (譽發廣場) (已結業)

📮 吞POT 雞煲火鍋.住家菜 旺角譽發廣場22樓(油麻地a出口5分鐘） ..🤤平時食雞煲唔想咁濃味，可以試試滋補螺片花膠雞煲，花膠螺片大大塊，啲雞好滑啲湯仲好好飲，味道濃郁。$208.🤤仲有一個好特別芝士響鈴，大大件夾住香濃芝士，友人食完又食$45 3件，勁邪惡.🤤我最最鍾意嘅就係呢間店非常開陽背山面海，望住個靚風景食雞煲，好彩既仲可以睇到日落添！ 坐得好舒服又唔限時！.🤤仲有四色手打丸.🤤7:30 前結帳仲可以半價添.好味指數： 😍😍😍😍😍😍😍7.5/10分

地點方便，一出油麻地地鐵站行2分鐘就到，最合適我們一班朋友出黎吹水食野的好地方。店鋪位於高層，牆身以玻璃窗設計為主，讓街外景色一望無際，令人心情舒暢。座位舒適，枱與枱之間夠寬敞，以四方形枱為主，另設有4層餐車擺放食物，非常合適朋友聚會，不會聽到隔離枱說話。由於空間寬敞，火煱熱氣不會迎面吹來，每次食火煱都會被煱氣熏面，頭髮勁大陣火煱味，但呢間店沒有這個問題。食物都未上枱，侍應已經預備好放了一盤九公格式的調味料，滿足不同口味的人。因為其中一位朋友不吃得辣的關係，我哋揀了滋補螺片花膠雞煲半隻，食到有花膠螺片，滑雞，仲有秀珍菇作湯料，鍋底唔錯，唔會太肥太咸，是健康之選。食物份量夠足，價錢合理。尤其自家響鈴，夠脆夠大塊，食2塊已經有飽肚感覺。材料新鮮，顏色比較新，蔬菜清洗乾淨，沒有沙。處理食材方面乾淨衛生。蟹子墨魚滑 ：我由細到大，打邊爐都必定會點的墨魚滑，今次也不例外，簡簡單單，沒有令我失望，好食又彈口，不錯的選擇！脆肉鯇魚片：脆肉鯇魚片其實質感唔錯的，而且好新鮮又彈牙，食落真係脆肉，但沒想過鯇魚片咁多骨，只是本人唔系太中意，下次可以叫其他海鮮試下，應該不錯。蜂巢豆腐：不錯，完全係健康的最好選

又到聚會時間，我看中了這間雞煲火鍋店，因為它位於高樓層，看上去很有feel，上到去，侍應安排坐窗邊，超開心，因為高空看香港景色好靚！座位之間也很寬敞，也有10多人長枱，多人聚會都不是問題，而且環境也幽靜，適合聊天！窗邊還舖了假草地，整間店看上很柔和，很舒服！在點餐前，侍應已放了不同醬料供大家選擇！同行友人不能吃辣，所以點了侍應推薦滋補螺片花膠雞煲，湯底清甜，花膠比想像中大，而且數量不少，我們沒有再額外加錢換湯底變成火鍋，因為這湯底已足夠，而且可免費加此湯底。雞都很嫩滑，我們3位女孩只叫了半隻，但都非常足夠！我們也額外點了火鍋配料，他們家非常多自家制，所以我們點了自家炸響鈴、手打牛丸，也點了蜂巢豆腐、油麥菜、蟹子墨魚滑、脆肉鯇片！首先，自家炸響鈴很足料，吃上口很滿足，我不喜歡吃上去很淋，所以我經常放下去默想十秒就可以。其次，手打牛丸鮮味十足，牛肉味也不錯，也有咬口！然後，蜂巢豆腐推薦，它的特色就是吸了湯底味道，也很有咀嚼感！好味！而蟹子墨魚滑份量剛剛好，彈牙好吃！但不宜放在湯底太久，影響口感！另外，油麥菜都很新鮮，所以我們不知不覺地吃完全部！很不錯！值得一讚，這裡服務都很好，很主動加水，

之前已經係旺角吞pot食過一次，估唔到油麻地都有分店，質素都係咁好。先講下環境，個人覺得環境唔錯，近窗口位幾舒服，最欣賞既係2個人黎食，佢俾4個人既位我地，方便我地擺野食。未叫野食之前，佢已經拎左調味料黎，係要另外加錢既，每位$12。跟住點野食，見佢有推介，我地先叫左個重慶雞煲，因為我地2個都好想食辣，就叫左小小辣，雖然我地都算食得辣，但食食下愈黎愈辣，叫佢俾水，係會俾熱水我地，而我地叫左啤酒同埋咸檸七（好大杯！👍🏻）到食雞煲啦，好香好好食，肉都算滑，味道好夠，好值得推介。所有食材都好新鮮，包括餃子、丸，睇得出唔係隔餐，雪櫃拎出黎個種，全部都好彈牙，肉味好重。因為我地得2個人無叫到肥牛，下次真係想試下。而最值得推介係呢個無得輸既響鈴，係超級脆，仲要係有芝士係入面，好好食，拎上枱時仲熱嫁！大家黎既話一定要點響鈴！

香港食得多任食火鍋 價錢雖然平 但食物質素就好參差 偶爾都想食好啲 所以今日揀左同男友試下私房菜火鍋 吞POT 餐廳位於油麻地一個大廈22樓一入到去見到大大既落地玻璃 連同出面既夜景可惜我地冇得坐窗邊 冇得慢慢係夜景下影相餐廳唔算大 但坐得好舒服 同埋通風好好 唔會好似其他火鍋店 入到去就好大陣打邊爐味咁我地揀左火鍋必選既芫茜皮蛋鍋個湯都幾濃 仲有秀珍菇兩個人打邊爐 叫唔到太多配料 所以我地都點左啲特別啲 其他火鍋店冇既配料首先要講下個芝士響鈴！好 好 食即叫即炸 響鈴黎到的時間係熱辣辣響鈴炸得好脆好鬆化 建議大家可以先試下唔點湯食 就可以食到濃濃既芝士味點湯後又有另一番風味 食落清啲 我自己就中意點左湯食另一特別推介 十全大寶丸 個名都好勵害其實係五款呢度獨有既手打丸加埋的拼盤個人覺得最驚喜係鵝肝丸同蟹粉丸鵝肝丸咬開就食到好香鵝肝味 同手打墨魚丸的口感夾埋好特別 蟹粉丸的蟹味好濃 一咬開就見到好多蟹肉令人想一食再食另外叫左一碟牛三朗 即係有三款牛肉包括雪花肥牛，牛肋片同牛柳粒自己覺得牛柳粒最好味 牛味好香 仲有少少脂肪令到牛肉好林 拼盤嘅好處就係一次過可以試晒咁多款啱晒兩至三個人都可

打邊爐勝在大衆化，一年四季都可以打邊爐，增添不少熱鬧既氣氛好耐冇食過打邊爐，聽朋友介紹呢間，所以特登過嚟試吓睇吓好唔好食。大堂環境乾淨 坐落去一啲都唔會覺得好擠迫不過枱嘅數目少咗啲，所以如果黎食嘅話都要book定位。我坐既格離就系玻璃窗 可以望到旺角西洋菜南街生蝦拍得住泰國餐廳~~手打5寶丸, 雖然都係果啲款式不過都幾鮮好味湯底叫左鮮魚湯同埋麻辣, 係咁飲魚湯不過就唔敢飲麻辣湯, 都係用黎煮材料感受辣味算了~Source 當然唔少得啦~不過都無乜點用, 啲食材同湯底已經好夠味食夠肉了都係叫下啲蔬菜清一清下, 感受下個湯底已經好足夠最後埋單, 2個人食有啲貴, 下次打邊爐都係叫多幾個人一齊食先比較好

今晚兩條友食雞煲，黎到油麻地哩間吞pot地方好大好寬敞～樓底又高，所以唔會好焗，食完又唔會成身臭味🤣香辣雞煲我地叫左少辣辣味好夠！食到我地大汗疊細汗，洋蔥同辣椒爆香左之後啲汁好香🥰仲有唔少得既芫茜呀！雞好嫩滑好好味～加埋個汁真係不得了見到佢menu仲有其他選擇，例如花雕藥饍雞煲、胡椒豬肚雞煲同滋補螺片花膠雞煲，下次唔想食香辣或者麻辣都可以試下！配料方面我地叫左自家製鮮蝦雲吞啲蝦好大隻好新鮮，調味都一流！個皮又夠薄，食完一隻一又隻🤪仲有開心樂園餐🤣其實就係日本蟹柳、午餐肉、芝士腸同雞肉腸，簡直係滿足哂你所有既願望～仲有牛柳粒牛柳粒吸收哂湯底既水份，連埋上面既油脂一啖咬落去，成口都係牛油香😍

呢間餐廳位於彌敦道，入口唔算顯眼。初頭以為都系要坐得迫個d餐廳嚟，點知原來地方好寬敞，仲好乾淨企理。更surprise嘅係呢度望度旺角全景。可能通風都處理得好，唔會一入去就聞倒勁濃嘅雞煲味，未食都覺得印象唔錯😎。有魚缸添!haha我地想食清清地，叫左個螺片雞湯做湯底。有真螺片，雞湯味都夠濃郁首先叫左個芝士響鈴，第一件事梗係試下佢新唔新鮮，脆唔脆。答案係脆嘅，仲有淡淡cheese 香。放左落湯淥一淥，咬落去d芝士爆漿咁標晒出嚟，係大滿足。有餡嘅響鈴亦都少見，仲要咁好食，值得一試！個蟹籽蝦滑份量都唔錯，熟左口感都好爽脆呢樣係脆肉鯇魚片，質感唔錯，食落真係脆肉，但醒唔起鯇魚片本身多骨，而自己又唔系太中意，下次應該叫脆肉鯇魚腩片會好d 個牛柳粒幾骨子，咬落都幾juicy，幾有牛味。仲有普通白菜..7：30前埋單所有配料有半價。其實都算貴，但好彩有個靚嘅view 同高質嘅野食搭救。整體dining experience好好，waiter們都好好態度，好滿意!

上個星期約咗個老友食飯，見天氣涼兩地諗住去打邊爐，行到旺角嗰度就決定咗去食雞煲。我哋去咗吞pot位於旺角嘅分店，當日七點鐘上到去已經有八成入座率，好彩就唔使等位，依度嘅格局都坐得好舒服，唔會好逼夾，吞pot位於22樓，所以如果坐窗口個景都幾好，我哋叫咗個中辣雞煲，唔駛等好耐主角雞煲已經到咗啦，雞煲嗰浸麻辣味實在太香，味道非常好，辣得來又唔會太咸，雞煲配料好足，洋蔥、辣椒乾、芫荽，非常足料！雖然我哋嗌咗半隻雞份量，但都好夠兩個人食。除咗雞煲之外我哋其他火鍋配料，上網睇佢哋嘅自創爆芝響鈴好多人都話一定要試，真係冇令我地失望，佢即叫即炸，響鈴一上枱已經見到佢炸到好脆好鬆化，擺落個波度浸兩三秒拎返上嚟，點少少豉油加少少生蒜蓉，雞煲濃湯、䜴油嘅鹹味、蒜蓉嘅香味再加埋裏面好香嘅芝士個感覺真係好正！除咗響鈴我哋仲帶咗一碟牛肉，肉質有水準份量都幾大，碟潮州魚、牛柏葉、蛋鮮蝦雲吞，樣樣都好有質素。呢度食嘢唔好唔記得帶佢個杯特大size嘅凍檸茶飲足成晚都飲唔晒！下次一定會再嚟因為我已經有少少掛住佢個自創爆芝響鈴！

今晚無啦啦又轉涼，呢個時候就梗係唔洗諗要去食雞煲打邊爐啦，今晚朋友就介紹我去呢間雞煲。呢間吞Pot地點好方便，就喺油麻地站附近，裝修同環境都乾淨企理，食得幾舒服。黎得食雞煲，梗係要叫番個招牌重慶麻辣雞煲啦，我叫左小辣，我覺得辣既程度真係好適中，唔係一味得個辣字，帶有麻辣既麻痺感又有雞煲既惹味香濃感覺，雖然我只係叫左半隻，但係份量比我想像中多，而且d雞都啖啖肉，個雞煲性價比好高👍之後就係火鍋配料，脆肉鯇片好新鮮又彈牙，份量夠，特級雪花牛肋片好有口感好重牛味，自制鮮蝦雲吞勁大粒，皮夠薄蝦肉又大粒又爽又甜，必叫之選，自制爆芝響鈴好特別，因為加左芝士喺入面，輕輕一淥就食到多重既口感，芝士味濃好滋味，仲有魚蛋牛柏葉都好唔錯。檸茶勁大杯，好正！

個人好鍾意食雞煲，但要搵好食嘅雞煲其實都有返咁上下價錢，所以今日特登趁約左中學老師食飯，就決定要拆返餐好嘅！之前見朋友介紹呢間，今日決定一戰！上到去窗邊位個景好不錯，食住雞煲睇下風景真係第一次！之後我同老師都無留手係咁叫，先落左個雞煲，呢度啲雞煲話小辣其實都偏辣🥵食到個係咁出汗，但又超級惹味🌶🌶啲雞都好嫩！好快食哂！之後叫左個脆肉鯇🐟🐟呢個真係好出色，我唔好魚都食左幾件，佢係好爽口好脆，超好口感，鍾意食魚嘅，呢個真係必試！推介！我地都仲有叫墨魚滑，都係好爽口彈牙！另外佢個芝士響玲都係值得介紹下，佢係熱辣辣新鮮炸，就咁食都已經好好食！仲有芝士，第一次試，好邪惡呀！另外我地仲叫左牛肉同烏冬，牛肉同其他野比，就顯得無咁出色啦，佢係好食，其他係好好食！2個人食，叫左7xx$，食到飽哂，價錢唔算平，但啲質素真係幾好！會想encore!!🙈🙈掛住食都唔記得影相，到最後先影返😂

行經旺角，朋友話想打邊爐，經過呢幢大廈見到個餐廳名幾得意，上網見到評價又唔錯，就決定試試佢睇吓有冇位。可能因為係平日同埋星期一，我哋七點左右入去冇乜人。餐廳環境好闊落，仲要有夜景睇。餐廳食物選擇都好多，我諗佢最出名應該係雞煲，但因為個朋友唔舒服感冒唔食得雞，所以就冇食雞煲，嗌咗個皮蛋芫茜湯底同埋招牌螺片濃雞湯鍋。有八種配料可以自由配搭整成醬汁。個鍋一嚟到見到嗰個招牌螺片濃雞湯係奶白色已經覺得好吸引。入面仲要有好多塊螺片㗎，我地筆左一大碗湯飲， 嗰陣雞湯味真係好濃，係骨膠原嘅味道啊！貪靚嘅我最後我飲咗兩大碗先開始打邊爐～十全大寶丸：個名好搞笑，其實係由五款餐廳特色手打丸組成。包括：手打生拆蟹粉墨魚丸、手打黑松露墨魚丸、手打黃金海膽黑墨丸、手打香煎鵝肝蝦丸同手打芝心牛丸。牛魔王嘅我一開始就狗衝左手打芝心牛丸，芝士味好濃，因為咬開入面全部都係流心芝士～鍾意芝士嘅朋友仔可以試試佢～手打香煎鵝肝蝦丸：蝦丸彈牙，咬到入面果陣有好濃嘅鵝肝味，原來有一細塊鵝肝夾心。牛三郎：呢個拼盤一次過可以滿足我食到三種唔同嘅牛部分，點可以唔嗌！其實係由雪花肥牛、牛肋片同牛柳粒組成，全部都好有牛味呀!!平時打邊爐最驚

去咗食想食好耐嘅吞pot! 提前有bk, 7點零去到，唔洗等有得入！位置方便，一岀油麻地站就係，好易搵！嘢食選擇都多，有得揀食雞煲同打邊爐！我地就揀咗好養生嘅螺片雞湯同皮蛋芫茜！雞湯真係有驚喜，飲咗好多，膠口，又唔漏，唔會太鹹，未淥嘢之前已經留定一碗慢慢飲！牛三食: 有肥牛，牛肋片，牛柳粒，牛味都重，牛肋片最好食，唔會太薄，唔好淥咁耐，好好味！羊：有羊味，又唔會太膻，應該大部分人都接受到！響鈴：大大舊，兩秒鐘已經食得！十全大寶丸：睇menu已經畀佢吸引，10粒丸有5隻味，全部都幾有創意，味道都唔差！最好食係鵝肝丸，鵝肝味幾岀，同丸本身又好夾！韭菜餃：好重韭菜味，feel到係好新鮮，大大粒，飽肚一流！總括黎講，好滿足嘅一餐，嘢食質素幾好，雞湯又有驚喜！

雖然唔係任食火鍋，質素普通，但勝在地點方便，加上冇限時，所以都係一個唔錯嘅選擇。揀咗個辣酒花螺雞煲，第一次嘗試，所以選擇BB啦，但個人來講亦覺得好似激好辣。一隻雞份量刺激都要叫一杯大咸0七！真係好大杯

平時去開吞POT旺角總店食lunch，食物質素一向不錯，今晚就朋友嚟油麻地分店，試吓佢個雞煲同總店一樣，門口有個大魚缸環境寬敞舒適醬料每位$12，個人最喜歡麻辣醬King size飲品，一杯夠飲成餐飯由於朋友唔食得辣，於是點咗滋補螺片花膠雞煲半隻，未食之前先飲碗湯，味道濃郁，雞件嫩滑，跟住就食花膠，估唔到花膠都幾厚身，仲有唔少塊，呢個雞煲絕對足料，一路食一路飲湯，兩個人幾乎一滴不留，食完雞要加湯先打到邊爐推介自創爆芝響鈴，新鮮熱辣上枱，唔駛點醬，唔駛浸湯，原條食，真係好邪惡，但係好好味，必試我同朋友都係牛魔王，點咗呢碟頂級安格斯牛小排，油脂均勻，肉味適中象拔蚌片，快淥幾秒就食得最後加個菜，平衡一下兩個人可以試嘅款式有限，下次要再約三五知己嚟試埋其他嘢食，埋單先知原來滙豐卡有9折