吞POT 雞煲火鍋.住家菜 (譽發廣場) (已結業)

店內推介食物，無一樣入得口。自家製雲吞餃類好似用咸魚包咁，又硬又乾，完全無味。另外手打丸類，好似食麵粉丸，一啲鮮味都無，街邊魚旦好食過佢多多聲，最難得嘅就係連西洋菜都無味，呢吓先高手。讚好推呢個餐廳嘅人做媒多過真心推介啦。唯一可讚嘅係店員態度。

新春期間又恢復晚市堂食，與閨蜜在旺角購物後，覺得今晚天氣涼涼地，突然好想食暖粒粒嘅雞煲，決定試吓朋友推介的樓上人氣雞煲店，餐廳位於彌敦道、咸美頓街的譽發廣場 22/F 我們5:30入座，見到餐牌寫住七點前離座火鍋配料半價優惠首先我們 order了胡椒豬肚雞煲$178，上枱已經聞到香噴噴嘅胡椒味，好足料已經忍唔住，即時飲咗半碗湯，辣辣地，好暖胃，雞肉很嫩滑豬肚同枝竹煲得好入味，粟米又甜又爽口另外叫了一碟白鱔片(半價後$49 ）作火鍋料，鱔片非常新鲜肥美，加上濃郁嘅胡椒雞味，即時把鱔片的鮮味提升了，原來雞同鱔魚嘅味道係好夾再加了一碟西洋菜（半價後$19）顏色很翠綠，一望就知好新鮮，滾咗幾分鐘D西洋菜塑晒胡椒湯嘅香味，既清甜又好味店內小雞🐥擺設很可愛窗外望到旺角地標朗豪坊及彌敦道一帶景觀

花雕藥膳雞煲🐓🍲藥膳雞湯味配上杞子、紅棗、同大量滑雞🐓 藥膳味係源自個湯底，雞就保留到原有嘅新鮮味～菜菜籃🥗冬菇、娃娃菜、金菇、生菜等既菜類都有，岩曬邊爐鐘意食菜既朋友爆芝響鈴🧀保持到一貫嘅水準，響鈴入邊嘅芝士非常足夠。 將響鈴浸5秒左右，足以令到裏面嘅芝士溶化，芝士味🧀超香濃阿❤️牛柏葉椒鹽豆腐炸得比較乾身🙈檸樂超大杯🍋足夠一餐飲阿👍🏻另外都見到唔少人上嚟食午市套餐，睇落都幾抵食同好味😋

「吞pot雞煲火鍋住家菜」係小妹最愛既火鍋店之一，天氣涼涼地最岩就係去食個雞煲啦已經係第三次光臨，呢次一樣坐到窗邊位，飽覽日光下既廈景色疫情底下吞pot午市依然有獨家健康住家套餐，少鹽少油糖無味精而小妹呢次同朋友黎到當然係朝聖一下餐廳既招牌菜啦滋補螺片花膠雞煲（半隻）嘩！其實小妹已經係第二次點呢款雞煲，每次上枱都被佢既香濃雞湯味吸引住雞揀得靚又鮮又多肉唔洗講，螺片花膠份量佔左個煲一半，咁足料，難怪個湯啖啖都係精華啦我同友人邊食邊飲湯，認真舌頭世界級享受抵我encore既自家炸響鈴不得不讚呢度既自家炸響鈴，堅持即叫即炸浸完湯後依然食得出響鈴皮多習鬆化既口感必叫之選！十全大寶丸包含5款丸（蟹粉墨魚丸、黃金海膽墨魚丸、香煎鵝肝蝦丸、芝心牛丸、黑松露墨魚丸）款款丸都係手打，起哂毛毛蟹粉墨魚丸極香蟹粉味，墨丸好彈牙鵝肝蝦丸，鵝肝煎到好香滾完湯仲食到佢既油脂香提提大家，呢度有提供自助醬料九宮格，唔夠可以再fill嫁咁高質滋補既雞煲盛宴兩人$500都唔洗，真係超值呀

而家冬天咁鬼凍，緊係要打個邊爐食個雞煲暖暖身啦！今日就黎到「吞pot」暖下胃先！呢間煲油麻地譽發廣場既分店，好好feel，可以一路食住野一路欣賞油麻地街景，成塊落地玻璃好正呀！呢到打邊爐唔洗自己出去拎調味料，staff會幫手拎成盤過黎，慢慢揀慢慢調都唔怕阻住其他人啦，服務好過海底定河底撈呀！今日我就叫左個「滋補螺片花膠雞煲」潤一潤先。雞煲湯底勁甜勁好飲，真係建議叫呢款雞煲既朋友一定要飲晒個湯，如果唔係真係晒左啲螺片同花膠湯！雞都好嫩滑入味，索左唔少湯底甜味入去，又唔老，唔錯。黎到吞pot一定要呢個自製響鈴，即叫即炸出到黎仲係熱辣辣脆卜卜，同平時街市買個啲差幾個層次！十全大寶丸亦係招牌之一，全部都係手打，咬落去唔會好實，食過街市啲急凍牛丸就知機械造既丸有幾實，呢到反而好彈牙，好好入口。而且粒粒都吞有特色，海膽、芝士、鵝肝樣樣齊，咁有特色又咁好食既手打丸，真係第二到搵唔到！

早排天氣轉涼， 於是約埋朋友來一個 早吃 雞煲， 這間吞pot 我都係常客，重點係可以慢慢食，唔使趕頭趕命。而且呢度坐得幾舒服，唔會太擠迫空氣又夠流通， 都比較放心！點左個胡椒豬肚雞鍋，上枱已聞到陣陣香味！雞肉好嫩，層皮無咩脂肪 啖啖肉 而且胡椒味撲鼻而來！加上皇帝菜，鮮冬菇，這個養生湯 每人都飲咗兩三碗！手打丸類全部都係好有特色 入口慢慢咀嚼 竟有意想不到嘅效果 有心思！食左咁多野飽到反艇，埋單除番人勻都係250蚊左右，野食好味價錢同區黎講單點邊價錢算OK抵，推介。

上次黎既時候又係日落時分，坐窗邊位欣賞晚霞🌄以火鍋店黎講都少有呢種景觀～值得一讚👍🏻同上次一樣我哋叫既湯底係鮮魚鍋🐟奶白色湯底，裡面有秀珍菇呀番茄呀豆腐果啲十分鮮甜～淥野之前忍唔住要飲番兩碗先🥣飲品方面，我地叫左一支青島，一杯大鹹檸七（真係好巨型😂不過都係冰多）紅薯粉（$35）⭐️⭐️⭐️ 正常，無咩特別棉花魚肚（$80）⭐️⭐️⭐️⭐️⭐️ 難得地有咬口，有啲QQ質感，推介！餃餃陣（$120）⭐️⭐️⭐️⭐️ 勝在款式多，每樣都試下鮮雞件（$98/半隻）⭐️⭐️⭐️⭐️ 份量好足，部位肥瘦適中手打生拆蟹粉墨魚丸（$102）⭐️⭐️⭐️⭐️脆鯇腩（$93）⭐️⭐️⭐️⭐️⭐️ 肉質厚實，夠脆，新鮮，推介！另外，仲叫左個響鈴（$60）⭐️⭐️⭐️⭐️⭐️，現炸響鈴就一貫好食架啦😂唔洗特別講都知打邊爐必備響鈴啦～頂級安格斯牛小排（$258）⭐️⭐️⭐️⭐️

記住記住旺角同油麻地都有分店！Book左旺角個間，去錯左油麻地個間😂但店員勁好，幫我地打翻電話去旺角分店講聲，仲可以將Open Rice 個個8折優惠用埋係呢間鋪😍-一坐底店主就會提供熱水俾你洗下碗碟筷子等，仲俾九宮格醬料你選擇🤩食物種類都有好多款，特別雞煲款式！最後簡左胡椒豬肚雞煲，同兩個配料，都已經超飽。「胡椒豬肚雞煲」（半隻$178）湯底超入味，豬肚好好味啊，成個湯底都好足料。係略嫌d雞開頭唔係好入味，但淥淥下就開始入味了😍 我仲叫左魚皮餃 （$56）同 皇帝菜（$46），襯埋呢個湯底都好好味，最後仲覺d菜好胡椒味😂 總體黎講，價錢8折左黎講都幾抵，而且店員服務態度很好，叫佢就好快黎跟，餐廳環境也不錯，位於最高層，可以一覽旺角夜景😌 但係電視播緊TVB，聲浪也頗大，有少少騷擾的感覺。不過呢間都值得再去🤜🏻

踏入12月，又係食雞煲打邊爐嘅時間，前排先打完邊爐，今次就決定食雞煲🍲一入到去就比餐廳嘅景觀吸引住🌃🤩「吞pot」喺譽發廣場22樓，落地大玻璃望出去係油尖旺繁華嘅cityscape，而且今晚咁啱安排到窗邊位，簡直係高級西餐廳嘅景觀，完全冇諗過食雞煲都可以有靚景🌃講返主角雞煲，我哋叫咗重慶麻辣雞煲🍲，因為我唔太食得辣，所以第一次食就叫咗BB辣，一滾起就聞到香噴噴嘅麻辣味，個辣度對我嚟講就啱啱好，下次可以試下挑戰小辣🌶雞煲可以嗌一隻或者半隻雞，我哋揀咗半隻雞，雞件大大件，嫩滑唔鞋口，而且頗為入味🐔食完雞煲就可以加湯打埋邊爐，我哋叫咗特級美國肥牛，算係幾大碟，而且有牛肉味🐮羊肉片一樣大大片，食完雞煲再淥牛肉、羊肉，滿足晒食肉獸😈另外點咗龍口粉絲，個湯底唔會太鹹，索晒湯汁非常好食🤤

疫情放緩下同朋友臨時起意想食雞煲，但好多都已經full了，由其是嗰d 可以一個價錢任食的，好在咁都被我book 到位，仲要位置咁方便。比朋友早到，全場已full, 我們2人佢都俾卡位，座位同座位之間有透明膠板分隔， 餐廳最吸睛嘅就係嗰個魚缸，好大條龍係度。朋友未到唯有先order 飲品，咸檸7,大大杯。之後order 半隻麻辣重慶雞煲，$178,正常價位，但多肉，唔會下下要損骨，雞煲內有花椒、辣椒、蒜、豆寇、洋葱等十多種材料，香氣迫人，叫左小辣都夠晒味。食完雞煲都半飽，仲要留肚食糖水，所以火鍋材料只是點了皇帝菜同水餃併盤。水餃併盤共4款餃，每款2隻，隻隻都大大隻，新鮮製手工餃，肉汁充足， 有韭菜餃， 鮮蝦雲吞，魚皮餃, 蟹肉餃。皇帝菜係我最愛的打邊爐菜，唔係間間有，時令的野我真係唔知，但如果menu 見到有我就一定會order。埋單450左右，價錢尚算合理。

食過幾次，每次同幾個朋友放工食，都幾易book位，而且環境not bad，雞煲入味，份量都幾叫ok,其他食物質素也not bad,不過感覺價錢略貴，but都叫可接受

一年四季我都中意打邊爐😛今次嗌左螺片花膠雞煲，超鮮甜，啖湯都飲左幾碗先開始淥野食。花膠都唔欺場件數足夠我哋四個人食😝 加埋我哋嗌嗰半隻雞，頭輪都食得好滋味野飲就嗌左西柚特飲同鹹檸七，野飲堅大杯可以走全場 西柚好fresh一開始比佢個色素野呃到👍🏻我哋叫左炸魚皮、爆芝響鈴 呢兩樣好出色呀啲芝士會漏出黎 兩樣仲要係新鮮炸出嚟，呢樣值得加分我哋仲叫左自家製蟹粉蟹肉雲吞、午餐肉萵筍、蟹子墨魚滑、肉淨係叫左一碟黑豚腩肉另外staff既服務態度全程都幾好。笑容滿面又唔該晒咁 讚👍🏻

疫情稍為好轉些，又開始轉秋季，今晚當然要約埋幾個朋友一起食火啦。今次去咗油麻地分店的吞pot火鍋。店員好有禮貌帶我們入坐。剛好坐近窗邊，可以見到夜景，十分寫意。店員隨後送上醬料供客人自行調教。看完餐牌，發現這個胡椒豬肚雞煲好特別，一於試試。胡椒味好濃，豬肚爽口又新鲜，好特別。雞份量也很多，雞肉好滑，又嫰口的感覺。食完雞煲再食火鍋，點咗響玲，又脆脆地，味道好好味。也叫咗個手打香煎鹅肝蝦丸，好特別，好少地方能食到。鹅肝也好好食。配多個烏冬，十分滿足。額外叫多個炸豬大腸，即炸出來，熱熱地，好味道。個人認為是必食的食物。飲品也有十多種選擇，有特別的青瓜及西柚特飲。個人認為食店整體都很滿意。尤其食材夠新鲜和雞煲款色又多，下次會再去食食。

今晚同咗3個朋友到油麻地食火鍋。首先店內環境很大，坐位又夠寬，店員很有禮貌地帶我們到坐位。冷氣又夠涼快。個人認為食火煱，空調夠凍是很重要的。坐在窗外坐位，望出去，夜景好靚，印象好深刻。看完餐牌，火鍋湯底好重要，我們叫咗個胡椒豬肚雞堡，雞又多又新鮮，胡椒味好濃味道，豬肚份量又足，而且又新鮮及爽口。口感十分好。非常好味。食完雞煲，又到火鍋，叫咗個炸豬大腸，又脆又入味道，是即炸的。非常有水準。食材叫咗自家炸響鈴，又脆又新鮮，好味道。另叫咗手打墨魚丸，好爽口，墨魚味道好濃，又叫咗粟米，好香好入味，再配個稻庭烏冬。非常飽滿。也叫咗手打香煎鵝肝蝦丸，鵝肝味好濃，好好味。飲品方面，也有很多選擇。有柑桔檸檬、解茶及蜂密綠茶等，一邊飲我至愛冰凍忌廉，一邊打住邊爐，好享受。综合各方面，服務態度，價錢，食物質素及價錢，是物有所值的一餐。

疫情之下，二人限聚令，好耐都無得同朋友出街食下飯開放番4人限聚令後，特登揀左日平日收左工，約班好耐冇見既朋友食下飯同吹下水揾左呢個唔嘈既地方可以慢慢傾，呢間餐廳食野味道唔錯，餐廳裝潢乾淨企理，落地玻璃窗可以望到成個旺角，坐得都幾闊絡舒服呢期入秋天氣涼番，點左個胡椒豬肚雞煲(一隻)可以暖下身，味道唔錯，d雞同豬肚好多，夠晒4人食有凸，個湯好香好順喉原本點左個冰菜想試下，點知原來要冬天先有，惟有轉點菇類打邊爐又點少得炸響玲，真係新鮮即炸，上枱仲係熱，夾起好脆身，點落個煲4秒即起就食，掛湯力一流，呢個必點仲有蟹子墨魚滑，又係打邊必點系列，墨魚滑好彈呀，真係食到手打入面仲有粒粒墨魚肉，唔錯另外再點左個香煎鵝肝蝦丸，呢個真係印象好深刻，入面真係包住左煎過既鵝肝，鵝肝味好香好出，蝦丸本身既彈牙再配上蝦丸既香，個味道好特別，平時打邊爐未見過，今次點黎試下，無伏，推薦再來當然唔少得蜂巢豆腐啦，呢個又係掛汁力一流，完全係索晒個湯打得邊爐當然唔少得飲番杯可樂啦，叫左杯大檸樂，真係好大杯，張相都顯示唔到實物既巨，個size係仲要大杯過7仔思樂冰整體來說，野食不錯，地點方便又坐得舒服，食完野坐係度同朋友吹多陣