吞POT 雞煲火鍋.住家菜 (譽發廣場) (已結業)

重慶長假期，女朋友話好想食雞煲，就約左佢去旺角呢間有良心既火吞Pot火鍋店。😍我地叫左唔係好多野食，但所有野食我地都好滿意！👍🏻香辣雞煲 BB辣 ($178)一上枱已經覺得超香！雞都頗滑，而且個BB辣愈食愈頂癮，正呀！😍我同女朋友都好鐘意個辣味。👍🏻西班牙頂級黑豚豬梅肉 ($118)係有質素既貨☺️ 感覺好新鮮！好食👍🏻自創爆芝響鈴 ($75 6件)本身同女朋友都好鐘意食響鈴，佢呢個加埋個芝士係入面，完全係更上一層樓。層次昇華曬，好好味呀！🤪手打墨魚丸 ($85)呢個墨魚丸真係好驚喜！D肉打到好滑。我同女朋友食完第一個反應就係「嘩 係我食過最滑既丸🤣」。太好食啦，好食到想買番d番屋企食。菜菜籃 ($70)入面好多菜！好似食極都食唔完咁😙

今日重陽連假同男朋友去食佢最愛既雞煲，Book左呢間出年full booking既吞pot!我地一黎就叫左個香辣雞煲估唔到bb辣都咁辣😖😖下次要叫返個唔辣既食得辣既人一定要試！我地叫左半雙雞 份量都好多好夠食之後仲叫左菜菜籃、手打墨魚丸、豬肉片、芝士響鈴😝菜菜籃入面有生菜、小棠菜、同埋3-4種唔同既菇，啱晒選擇困難既人！手打墨魚丸係宇宙無敵勁推薦！超滑又好新鮮！🤩好正！豬肉片份量比兩個人都啱啱好芝士響鈴係爆晒芝士漿超邪惡🤤🤤

惹味雞煲既吸引力🧲今日再次引到小妹ENCORE 呢間位於太子既「吞POT雞煲火鍋私房菜」呢晚我地早左食晚餐，店員安排我地坐近落地玻璃位置，於22樓觀賞太子日落後既景觀，又幾靚喎由雞煲、平常火鍋至小菜、酒精飲料、吞pot都一應俱全，話明呢次係encore 飯，小妹當然有備而黎，馬上點左以下幾款心水菜重慶麻辣雞煲重慶風味既香氣加上麻辣快感，連唔係好食得辣既小妹都抵擋唔到佢既吸引力，叫左bb辣選雞肥美，絕對係新鮮雞味配菜有齊蔥蒜茜指天椒🌶️，索埋雞油，香氣撲鼻，唔洗半個鐘我同友人就食哂半隻雞既份量招牌雞煲果然名不虛傳！系店員幫我地倒入高湯之際，就係我地食其他火鍋料之時山根：一份就有7個，脹卜卜，索哂湯汁精華自家制爆芝響鈴🔔上次食完原味響鈴，呢次初試爆芝響鈴，濃郁既芝士漿浸湯後mix埋炸過既響鈴粉，軟得黎有少脆帶芝漿creamy 既感覺，呢個特別既響鈴體驗，真係只有吞pot比到我十全大寶丸自家制五款味道共十粒，見到起哂毛毛既丸就知係手打而成特別推薦呢款手打黃金海膽黑墨丸，首先墨丸打得彈牙，主角海膽浸湯後鮮味依然鍾意食海膽既朋友必試！自選醬料每位$12經OpenRice訂座，指定菜式仲有5折優惠由

上次黎過一次吞pot，太好食忍唔住要帶其他朋友仔黎試下！吞POT主打雞煲同火鍋。今次我地6點早早去到，都已經坐左幾枱人係到，到7點鐘咁上下就開始滿座啦！想食既朋友可以到openrice訂座。雞煲都有好多款，今次我就揀左重慶雞煲BB辣。落完單，staff好快手就拎左一盤調味料比我地，唔洗自己起身去拎，好方便。雞煲黎到，未食就已經聞到好大陣香味，撈一撈，入面啲辣味即刻出晒黎！呢個重慶辣做得好好，食落唔係得辣椒個種死辣，啲麻辣味做得好出色，就算係我呢啲唔食得辣既人都食到雜雜聲，唔會話辣到食唔落！食完雞之後我地就開始加湯打邊爐。我地叫左個十全大寶丸，佢地主打係手打丸，而且有唔同既特色餡。佢地既丸真係睇得出手打，好黏、唔似街市個啲一舊舊好硬，食落亦好軟身、彈牙。尤其係個牛丸，好易咬，極重牛味，唔同平時食開啲牛丸實一實咁硬。其次係個海膽黑墨丸，煮完都食得出海膽鮮味，唔會比湯底蓋過左，勁呀！呢個係吞pot自創芝士響鈴。佢地個響鈴係自己即炸，又香又脆，加上入面有好厚既芝士餡，食落好滿足！基本上吞pot打邊爐既食料都係非常之靚，食完埋單我碗調味料都無郁過，加調味料反而浪費左啲食材！

原諒我無影相成餐飯由頭至尾都好急，又充滿驚喜🤗首先一坐底 已經即刻催你整汁醬 因為個料兜(裝辣椒蔥花果個盤)要比下一枱客，心諗咩事，凳都未坐暖，Menu先睇緊第一頁，已經催成咁。😥跟手就要叫你點左湯底先，話驚要等得耐，OK無問題，都明白，晚飯時間都多人。點完以為可以慢慢睇要叫咩，過兩分鐘已經又行過黎問你要叫咩，ok啦咁叫左幾樣先。下一秒個湯底已經急急忙忙上左黎，叫左個螺片濃湯湯底，一飲已經知中伏，完全係濃縮湯底加埋d黃麗梅咁味，有幾片螺片同秀珍菇食下啦。蔬菜方面除左份量細都無乜問題。真係要講講個十全大補丸，十粒五款，十粒都一樣口感，好冧，好似食緊酒樓山竹牛肉咁，海膽丸海膽唔新鮮，鵝肝丸完全唔掂，冧上加冧，蟹肉丸就腥嘅，松露丸就無松露味，芝心牛丸除左冧之外都無咩特別。🤮牛肉拼盤牛三郎(?)D肉就黑嘅，收258碟交呢D貨？芝心響鈴簡單黎講就係有塊三文治芝士包左係入面炸，唔係即炸即上，凍嘅，42蚊3舊。廣島蠔就經典啦，未解凍直接上，雪到石頭咁硬，搞到好似係DONKI買完直接開袋倒比我咁。食完埋單果下真係驚喜，折左都要8百幾，樓上舖比呢d放題質素野食。🚨講番員工態度係完全無問題，催都好有禮貌，

星期日的晚上我和三位有人去到一間火鍋店進食晚餐。店舖的座位尚算闊落，一進去便有侍應招待我們，並附上醬料。我一位朋友因太貪心到了太多醬料，還有侍應貼心地遞上大碗，加分加分。我們選擇了花膠雞湯底，味道還不錯。因為我們都不吃牛，所以選擇了豬肉，豬味頗濃，但肥肉比例較為多。丸類則較為粉，魚皮、響鈴都吃得出是新鮮炸的，響鈴較為厚實。嘢飲大大杯，足夠一個人由頭喝到尾，火鍋來說是一個幾適合的配搭，但減肥的女士須自己多加注意。石榴特飲說一開始看上去顏色較為鮮艷，但經過攪拌後顏色變得自然，味道也不錯。在芸芸的食物選擇中，和朋友聚會聊天邊吃邊聊，火鍋果然是一個不錯的選擇。人越大，踏出社會工作後，能夠和朋友相聚吃飯聊天已變得奢侈，但要大家都能夠珍惜這些機會，且行且珍惜。

今日喺旺角行完街，見好耐無食過雞煲，就喺老友嘅介紹之下，上咗嚟譽發廣場呢一間雞煲店試試。老友話譽發廣場店同726店一樣，一入門口就有好大嘅一缸龍吐珠；店內環境以打邊爐嚟講係少見嘅寬敞舒適；剔完嘢食之後，店員攞嚟調味九宮格，生蒜炸蒜香蔥豉油辣椒油豆瓣醬芝麻醬麻辣醬沙茶醬應有盡有，令人選擇困難。重慶麻辣雞煲半隻大辣，落咗單之後無幾耐雞煲率先送上，呢度嘅雞煲一擺上枱即刻食得，有別於其他雞煲店要冚蓋焗多幾分鐘嘅食法，啱哂我呢啲心急人上；一打開雞煲蓋，麻香撲鼻而來，食一啖雞髀肉，嫩滑非常，大辣辣得過癮；其他下欄洋蔥芹菜蒜頭蔥頭等等都異常入味， 直情食到唔捨得加湯打邊爐。自家炸響鈴，響鈴即叫即炸，蛋味濃郁，一啖咬開，裏面嘅芝士傾巢而出，淨食都經已相當滋味，係咁咦點少少雞煲汁嚟食，更加叫人難以忘懷。蜂巢豆腐，蜂巢豆腐件件厚切，分量極多，落完兩輪先記得影相，蜂巢索盡雞煲嘅精華，令到平淡嘅 豆腐變得惹味非常。脆肉鯇片，脆肉鯇片口感爽脆，好明顯用上咗新鮮嘅貨色，肉片比坊間一般厚身少少，一碟都有成十件八件，相當抵食。皇帝菜，經過一輪肉身拼搏之後，有天然香氣嘅皇帝菜作結，身心滿足。

天氣開始涼涼地 鋪雞煲癮又出返黎🌝今次去左間朋友大推左好耐既鋪頭，吞pot!!佢除左雞煲，你都可幾揀返清湯湯底🤭 湯底款式都幾多元化下。 今次我地就揀左花膠雞煲半隻，估唔到咁足料，起碼有成十塊花膠bb.😍😍😍d雞好滑，個湯底十分之濃淯，差d想筆碗湯黎飲😍半隻雞煲係岩岩好份量比兩個人食！食完雞煲當然要開始打邊爐喇🤩我地叫左十全大補丸，有d好得意既涵係丸入面，每食一粒嘩一聲！係真海膽！仲有蟹蟹bb好小食丸都可以咁感受到海鮮個種鮮味！之後我地都叫左個極品本地手切牛頸脊D紋靚到一個點！因為係新鮮牛，所以店噴都提我地唔洗碌好耐🤪 可以有小小紅做野做得咁辛苦 食好小小野先對得住自己ma當然有叫d野飲balance 下喇要特別一提係個青瓜梳打 超級fresh 仲去油！ Overall 黎講 真係大推呢間 食物質素好好啊！

最近秋風起，好啱打邊爐呢度可以雞煲同打邊爐一齊，啱晒想兩樣嘢都試晒嘅我哋。雞煲方便因為想健康啲，見到有得揀螺片花膠雞煲，仲可以選擇半隻或者全隻雞。湯底偏乳白色，入邊係有花膠、菇等等。叫咗半隻雞，但係都有好多！嘢飲方便叫咗個西柚特飲同埋鹹檸七，大大杯，啱晒打邊爐嘅時候飲，而且西柚味都唔係好假嗰種甜！炸魚皮好脆口，浸浸一浸即刻食，仍然係咁脆。而且仲叫咗午餐肉、萵筍等等每一樣野都好份量好足。最特別嘅係佢嘅響鈴係有芝士，鍾意食芝士嘅朋友就唔好錯過啦！我哋仲叫咗佢啲自家製嘅蟹粉蟹肉雲吞，好特別，裏面亦都食得出有蟹味。而且呢度店員嘅態度好好，會定時幫我我哋加湯，位置亦都好方便，啱晒行完街就過嚟食嘢啦，加上性價比都好高，一定會再嚟！

最近開始轉季，食雞煲就岩晒啦今次去左吞pot油麻地既分店，又係夜晚放學去，2130後入座有半價，夜貓一族識做啦～每次食之前都有個九宮格火鍋料比你揀～今次嗌左重慶麻辣雞煲小辣半隻$178半隻既份量都兩個人食十分足夠，麻辣味夠晒香口，啲雞肉又入味多汁，真係配合醬汁無得彈！午餐肉$27打邊爐點可以唔叫午餐肉，呢度叫真係抵食之選，咁既價錢可以叫到勁厚切午餐肉，仲要唔係一落湯就散晒果隻，浸落雞煲湯再吸收晒麻辣火鍋香味係一個享受！龍口粉絲$16粉絲真係一個火鍋既靈魂所有，可以收納晒一個鍋既精華，今次呢個龍口粉絲真係唔錯，唔係軟瀨瀨既粉絲，入口煙韌可口再配合湯底簡直絕配！依加限聚令上限人數多咗，可以約三五知己一齊去啦

無意中係油麻地發左呢間餐廳，餐廳做既防疫措施都好足夠，不但提供探熱和搓手液，才可以入坐，更提供熱水比我地清洗碗筷。一坐低，店員好快送上醬料，按自己需要調教，仲可以問店員拎黑醋TIM!!我地一行四人，叫左個滋潤螺片花膠雞煲，呢個湯底不得了，菜料充足，我地只係叫左半隻雞既份量，雞件大份，再加上煲淋左既菇同螺片花膠，已經大滿足!!!味道方面，飲得出係淆制左好耐雞湯，清甜且鮮味十足，覺得好滋補，令人飲完一碗又一碗。 食完雞煲，開始火鍋部份，就叫左五花八門既火鍋配料，西班牙頂級黑毛豬腩，手打蟹粉墨魚丸，蟹粉墨魚滑，爆芝響玲，炸魚皮同鮮腐竹等等。先講下覺得必叫既野食係炸魚皮，蟹粉墨魚滑同爆芝響玲。因為炸魚皮同爆芝響玲都係即炸嫁!!超級新鮮，店員送上台既時候仲聽到”炸炸”聲，平時即炸既響玲已經夠吸引，今次響玲入面仲要有芝士嫁~~~食第一啖已經食到陣陣既芝士味，溫馨提示呢樣就一舊起兩舊止好啦，食得太多會好漏嫁! 至於蟹粉墨魚滑就好彈牙，而且食得到有足料蟹粉，值得encore!!其他的火鍋亦都不過不失。 係飲品方面，餐廳有提供酒類同超過15款既飲品，我地就叫左西柚特飲同大咸檸七。兩款特飲都係好大杯，西柚

打邊爐就食得多，要令我呢個嘴饞人滿足，都唔係一件易事！今次就試一試吞pop！聽過朋友介紹，所以先過黎食下！呢度啲staff服務都幾好，唔會黑口黑面，又成日行黎幫手full湯，執碟又快手！抵讚呀！由於友人唔食得辣，我又好想食辣，咁就叫左鴛鴦鍋食喇！我地叫左小辣，麻辣味唔算好重，辣味都幾香，唔錯！牛嘅質素偏高，$258牛小排，有香嘅牛味！份量又好多！滾幾秒就食得，超正！好想再encore！我地仲叫左蔬菜併盤，兩人份量真係剛剛好！食左咁多肉，要食返啲菜黎中和下，份量又係唔細嫁！響玲好食，夠脆！下次會想試下自家製個款，睇下係咪仲正先得！不得不提呢度打邊爐嘅景真係幾正，23樓，有景睇，一路食一路嘆都幾relax下，工作壓力大嘅香港人可以過黎試一試，解下壓！

黎油麻地打邊爐，每一條街都有幾間係左近，多到好似7仔咁！今次就黎左吞pop食！佢有幾間分店，今次我地就揀左有靚景又有好野食嘅吞pop試一試！呢度食物質素都幾高，雖然價錢偏高少少，但有咁嘅質素相對返都合理嘅！呢度22樓！有落地大玻璃！對住旺角嘅樓景，加埋日落真係冇得輸呀！我地叫左鴛鴦鍋！岩曬唔食得辣同食得辣嘅朋友！滿足曬2個願望呀！我地兩個人唔係叫左好多野食！好想自己係黑洞，咁就可以瘋狂叫好多野食！呢度牛嘅質素好高呀！好好食！份量好多呀！都係200幾蚊，真係好抵！另外響鈴都好好食！脆口到不得了！唔錯！下次可以食埋芝士！試一試係咪都係咁正先得！好多食材都好食！最後叫多個烏冬黎個完美作結！飽飽落樓，好食又飽肚！埋單都係$800幾兩個人食！價錢合理啦！大家都快啲黎試！

呢間火鍋店已經唔係第一次食啦！由於而家有限聚令嘅關係同疫情，都好少出去打邊爐！最近食肆嘅食客人數可以多啲！諗住湊湊熱鬧出去打個邊爐！去到舖頭幾乎滿座咁滯！好耐冇試過見到咁多人喺餐廳啦！我哋2個人叫咗個香辣雞煲半隻！雞煲未黎之前，侍應就會拎定火鍋醬料比我地攞！同埋佢拎碗碟俾我哋嘅時候會準備一碗熱水俾我哋碌一碌！個心都覺得乾淨啲😂😂主角雞煲嚟啦！我哋叫咗BB辣！啲雞超入味，食得出係新鮮雞黎，啲雞唔會鞋颯颯！正！我哋仲叫咗特級雪花牛肋片！都好大碟！啲肉唔會薄切切！係啲麻辣燙度碌兩碌，超好味！我哋仲叫咗個自家制蟹粉蟹肉雲吞！都好好味呀勁多蟹肉😍😍雖然價錢就唔算好平，但食得出係有質素嘅！

疫情開紿減退, 晚市堂食終於開返, 打邊爐真係要沖去打, 好掛住D老火湯打邊爐, 今次去咗吞POT, 食佢個花膠雞濃湯火鍋, 由於限聚只可以兩條友去, 真係有D可惜, 唔可以喪叫野食, 店員都好好, 話地你兩個人唔好點咁多住丫, 驚我地食唔哂, 唔夠先再點啦, 好細心, 吞POT真係我打邊爐心水黎, 照舊點咗花膠雞濃湯火鍋, 自己屋企真係煲唔到咁濃既湯底, 叫咗半隻雞既分量, 佢地D雞好嫩渦, 如果人多真係好想叫一隻, 一啖湯一啖雞, 個湯好快就KO咗, 不過我有個習慣就係會叫一個烏冬放入個湯素味, 真係好正, 我地仲叫咗牛柳粒, 好大粒, 點淥都唔UN架~ 仲好JUICY, 好香牛味, 仲有叫咗脆肉鯇腩, 好鮮甜又彈牙, 仲有叫咗佢地手制雲吞, 入面好香大地魚既味, 蝦又夠新鮮, 兩個人真係唔叫得太多, 已經好飽了~ 其代下次多D人去~ 正~