吞POT 雞煲火鍋.住家菜 (譽發廣場) (已結業)

旺角有好多特色火鍋店，今次介紹你一間，都唔例外，就同大家試試啦。餐廳嘅環境好靚，大大塊嘅落地玻璃，願望旺角嘅夜景，加埋靚靚嘅金魚缸，環境佈置滿分。餐廳已雞煲火鍋嘅形式做賣點，先試咗佢個雞煲先，雞件大大隻，又有肉汁，拍得住市面上嘅水準。除咗一般嘅火鍋料之外，最想介紹嘅就係佢哋嘅肉丸同埋自製餃子。首先有介紹嘅係「十全大補丸」分別係5種丸組合而成，包括蟹粉、海膽、松露、鵝肝、芝士，呢五種矜貴食材，推薦大家去試。另外一個要介紹嘅係「餃餃陣」分別有四種餡料製成嘅餃子，蟹粉、韭菜、鮮蝦、魚皮餃，大家有興趣都可以試吓!餐廳嘅賣點，主要係落地玻璃同旺角夜景，大家有興趣，就可以上去睇睇啦

相信食開雞煲嘅朋友都知道，食雞煲最重要嘅係佢香料嘅味道，當然雞嘅鮮味都好重要，但係要做到兩樣都齊全嘅餐廳，就少之又少，但係呢一間餐廳就兩樣都做到。頭先講吓佢嘅雞煲，香料嘅味道好充足，充滿香辣嘅味道，而且仲有雞嘅鮮味，香料嘅味道再配合埋雞嘅鮮味亦都平衡得好好，令到成個煲都好惹味。最值得一讚嘅地方係，佢有差唔多10款嘅醬料可以俾我哋自己條配，可以滿足到自己個人嘅口味，所以係物有所值。且，我本身係一個打邊爐一定要食魚皮嘅人，佢嘅魚皮係即叫即炸，唔同出邊嘅火鍋店係一早預備好嘅魚皮，所以再配合埋雞煲醬汁嘅味道，令到個魚皮嘅味道昇華到去另一個層次。另外，佢嘅響鈴亦都係即叫即炸所以質素亦都十分之高，放入口之後仲有濃濃嘅響鈴味，再吸晒所有雞煲嘅醬汁，雞煲嘅醬汁簡直係齒頰留香。其他配料方面，牛柳粒嘅味道十分之新鮮，而且蜂巢豆腐亦都好大份，所以食物嘅份量絕對冇呃秤，即使佢唔係任食邊爐，但係佢嘅食材亦都唔會比出邊遜色，再加埋優美嘅夜景，簡直令人心情暢快。

安排咗窗邊位，落地大玻璃可以望住旺角市景打邊爐，職員好有禮貌，揀咗雞煲，撈埋調料就可以慢慢揀餸。🥘滋補螺片花膠雞煲(半隻) - $208兩個人嗌咗半隻雞，份量超足，螺片同花膠大大塊，雞件亦都好滑。未淥嘢食就飲碗湯先，好清甜一啲都唔油膩。🥩🦪餸方面都好多選擇，好多gimmick嘢，有興趣不妨一試。食完雞都有啲飽肚感，所以淨係嗌咗幾個想食嘅：頂級雪花肥牛、羊肉片、蟹籽墨魚滑同美國桶蠔。食材新鮮，啲肉唔會夾幾塊就冇晒，桶蠔大大隻。

雖然近排有啲熱氣，但既然朋友鍾意打邊爐，我地一於gogogo😎 Book左5:30pm，黎到嘅時候都未有好多人🤣 我負責點食物，而朋友負責洗好啲餐具，調校好醬汁，為打邊爐作好準備😬😬蕃茄薯仔湯+ 鮮魚湯呢個配搭非常之好✌🏻 由於我哋做完gym都有啲肚餓，所以叫咗好多嘢食🥰呢度嘅上菜速度真係好快，而我哋亦好心急想食嘢， 所以都未影得切相，已經落晒啲食物入個鍋😜😜今次主要推介嘅係海鮮🦑 💎帶子皇雖然份量唔多，但粒粒都高質、鮮味😌💎貴妃蚌、珊瑚蚌其實我本身都唔係好識分hahaha 叫晒兩碟，即管一試😎 原來幾秒就食得，非常爽口😋肥牛都唔錯，大大碟😎 而四寶丸就好林，未算好彈牙🙊 食到最尾雖然好飽，但朋友都特登叫我鍾意食嘅蟹柳俾我（雖然喺度食唔係好抵😛）仲有烏冬🤪🤪配番茄湯真係一流！呢度如果七點前埋單，配料會有半價優惠（原價加一），計落都平返少少😬😬

今日去左食雞煲店，食到好飽好滿足！我地叫左個花螺雞煲，十全十寶丸，響鈴同蔬菜籃🧺兩個人都食吾哂，大家可能逐樣點會比較好，因為雞煲既雞都幾多，女仔份量應該食吾哂！不過吾鐘意有芫荽既朋友注意要走茜啦！十全十寶丸，入面有粒丸係有海膽架，有隻入面係有芝士，全部都超高質，好爽好彈，食落去同出面好吾同！同埋墨魚丸係我食過最爽最彈既丸😍😍如果鐘意響鈴既朋友要必叫，因為自家製響鈴勁脆口，勁多層，必食推介，即炸即上，勁新鮮！佢仲有另一款芝士響鈴，下次一定要再試😆😆好特別！菜籃入面有金菇，冬菇，生菜白菜仔等等，岩哂咩都想試都想試小小既朋友們！同埋飲品都好多杯，吾怕飲完一杯吾夠要再encore ,打邊壚一杯大飲品真係必需架！

吞pot雞煲火鍋店係油麻地站一出既譽發廣場，係22 樓，上到去個環境超靚超大，望到成個旺角街景，咁樣打邊壚真係一大享受。一去到佢會比你簡要咩醬料，基本上都齊哂，要咩有咩！入面既坐位好闊落，好干淨，同埋上菜速度非常快，侍應既態度好好🙆🏻‍♀️整體感覺非常好💪🏻我地叫左個花螺雞煲bb辣，半隻兩個人食都有小小多，因為仲叫埋配料，真係超飽🤣雞煲有雞有花螺，仲比埋牙簽黎食，不過口味較似平時食開既雞煲，因為花螺無咩味，同平時既雞煲主要係多左花螺！雞肉吾同部位都有，一上黎已經食得，又嫩又滑，吾會好干身！花螺好新鮮吾會好腥，出面比較小有哩款雞煲，推介一試。同埋食左十全十寶丸，好彈牙🙌🏻入面仲有好多吾同涵料，同出面真係吾吾同

好一段日子都無晚市堂食，好耐無食雞煲了。雞煲同火鍋一樣，係香港已經成為一年四季都有嘅菜色。今晚嚟到譽發嘅吞pot 雞煲，呢間好受歡迎，相信同佢有好多唔到嘅雞煲有關。我哋揀咗辣酒花螺雞煲。店家好好，辣度有好多選擇，我哋揀咗BB辣。一嚟到香氣撲鼻，仲炸炸聲，食慾大振雞同辣酒花螺味好搭，啲雞仲非常嫩滑。諗住用炸枝竹嚟索汁，點知枝竹同花雕味唔係好夾。食完雞煲可以免費加清湯繼續食火鍋。食火鍋點少得花牛，份量都幾大碟。另外仲點咗手打蝦丸同白菜仔，已經夠哂飽。補充一點，服務很好。有機會會再嚟食第二款雞煲

吞pot雞煲位於油麻地譽發廣場22樓，地點非常方便。周一晚上亦座無虛席，建議到訪前必需預訂，以免輪候太久。第一次來吞pot，未進入餐廳已經被濃香麻辣雞煲味道吸引，當然會試一下辣酒花螺雞煲，辣度選擇BB 辣，非常合適不太喜歡嘗辣朋友，麻多於辣，而且酒味濃郁，配上花螺及雞肉，以及自點炸枝竹，確實非常惹味。唯一美中不足，感覺花螺味道太好，數量太少。享受完雞煲後可免費添加清湯打邊爐，美國肥牛少不了，確實大碟夾抵食，再加多碟餐廳自家制作手打蝦丸，新鮮，彈牙。

同女朋友傾傾下計發現原來已經好耐冇食過雞煲，不如今晚食番個即興雞煲當係補祝唔知幾多幾多個月嘅拍拖紀念啦！ 經過我地喺openrice嘅一輪搜索後，發現呢間叫「吞pot」嘅人氣雞煲店，經openrice訂座仲有仲有85折同埋可以以$18換購原價$256嘅頂級安格斯牛小排一份，非常抵食！ 黎到門口見到大大個吞pot招牌同報導，原來吞pot除左晚市雞煲之外，午市仲有住家小菜，即叫即煮！餐牌有好多款唔同種類嘅雞煲可供選擇，有滋補螺片花膠雞、重慶麻辣等等，招牌雞煲莫過於辣酒花螺雞煲！喺雞煲未黎之前店員會細心拎醬料盤 ($12/位)俾客人先裝好需要用嘅醬料，醬料可以任加。==============================辣酒花螺雞煲 (半隻) $208雞煲好快即刻送到客人面前，見到相都睇得出熱辣辣起哂煙，配上蔥同芫荽賣相幾靚。雞件都非常嫩，花螺嘅份量都多，我地叫少辣都覺得幾惹味，夠麻！睇番餐牌火鍋配料都多，我地兩個人揀到花多眼亂。牛柏葉 $68我同女朋友最愛係加湯打邊爐之前加牛柏葉，索哂雞煲嘅汁，超好味！ 食完牛柏葉就加湯打邊爐啦，少少溫馨提示湯加少少先可以keep到辣汁嘅濃味喔  滑嘟

停咗晚市堂食咁耐，好掛住雞煲啊～ 今次嚟到OpenRice大量好評嘅「吞POT 雞煲火鍋」試吓，七點鬆啲已經全場爆滿😮 餐廳店員服務值得一讚，除咗有禮貌之外，亦會留意客人需要👍 辣酒花螺雞煲 $208雞煲出名梗係要嗌啦！我哋叫咗半隻雞，雞件斬得幾大嚿， 估唔到肉質幾嫩滑。 小辣啱啱好， 食到醬汁惹味嘅同時，少少辣少少刺激，洋蔥炆耐咗又甜又入味，略嫌花螺唔夠喉😆牛柏葉 $62雞煲未加湯之前，將牛柏葉放入醬汁裏面煮係我最鍾意嘅食法！牛柏葉切得幾大嚿， 有口感十分爽脆，索汁一流。滑嘟嘟 $120最啱一次想試唔同款式嘅朋友！有蟹子墨魚滑、蟹子蝦滑、鯪魚滑，三款都試到，食到墨魚滑中有墨魚粒有口感大檸茶 $36大檸茶真係幾大杯😂 比平時茶餐廳嘅凍檸茶高三分一，啱哂邊爐時熱辣辣用嚟gur吓～=========================吞POT 雞煲火鍋.住家菜📍旺角彌敦道726號23樓

因為疫情關係已經好耐冇食過雞煲，今日約左朋友出旺角行完街黎呢一間食飯。入到間餐廳，發現佢有一邊都係落地大玻璃，因為佢位於22樓，如果坐到窗邊位，一邊食雞煲一邊欣賞夜景都幾寫意。一坐低，服務員已經準備好兜熱水比我地洗餐具同自選邊爐醬料，而且態度慇懃，服務100分！雞煲選擇都幾多由於我地唔太食得辣，所以叫左個bb 辣既重慶麻辣雞煲試試。半隻雞2個人食岩岩好，雞肉算嫩，小小辣亦有麻香，味道不錯。不過食食下會愈來愈辣，如果挑戰中/大辣既朋友就要留意返喇。於是我地叫左枝啤酒，熱辣辣雞煲配凍冰冰啤酒，一個字：爽！食完雞煲就叫埋配料加湯打邊爐，見佢餐牌有啲自家製手打丸，餃同滑，就叫左個蟹子墨魚滑試試。個份量都算多，入口彈牙亦好重墨魚味，唔錯。最後加多個稻庭烏冬，烏冬掛埋個雞煲汁，飽肚又滿足！呢間無論食物，環境，服務都唔錯，有機會可以再黎。

因為疫情真係好耐無出過街打邊爐, 自己係屋企打, 成日食個小肥羊湯包OR自己整既清湯食到好鬼悶, 難得出去食緊係食返D自己煮唔到既老火湯底邊爐啦, 疫前食過油麻地吞POT雞煲, 佢個螺片花膠雞老火湯真係好正, 今日一於搵埋個FRD一齊去嘆返鑊.其實兩個人打邊爐真係食唔得多, 但係今日既重點唔係要叫幾多肥牛幾多脆鯇, 今日重點係要食佢螺片花膠雞湯, 真係好濃好好飲, 雞係新鮮雞, D肉點煮都係咁滑, 花膠勁厚, 淨係個湯已經好底食丫, 我地再叫咗個牛柳粒, 好有牛味, 唔係太肥, 啱啱好, 仲有叫咗個手工韮菜餃, 細細隻咁好好味, 仲有叫咗一個小食炸鯪魚球, 好彈牙好香, 全單加埋都係5百幾, 都真係幾扺食, 其代下次再去~

同朋友一齊Book 左7:30 p.m.限聚令關係只可以食到十點入座後待應好快已第熱水，給我們清洗餐具亦好快遞醬料給我們添加叫左：1.花膠螺片雞煲（半隻）味道濃郁，不過可能兩個人食得比較慢，要用多啲時間食晒啲雞，啲湯煲得來就會有啲鹹2.四寶丸好新鮮3.脆骨腩分量大，兩個人都食唔晒4.生菜5.換領嘅安格斯牛小排跟OpenRice做嘅優惠換領嘅牛小排，分量大，我同友人見到都嘩一聲，結果係食唔晒整體味道不錯雞煲半隻，二人食份量都好足夠價錢：$640

已經係第二次來呢間打邊爐火鍋啦～～～因為堂食限聚嘅關係，今次就係中午打咗個靚靚邊爐啦😚😚餐牌好似都無咩分別，照樣有好多嘅肉類同海鮮選擇～先叫咗椒鹽豆腐，做下前菜啊嗎～好似炸得膿咗少少，所以口感偏硬～但今次個湯底就想健康啲，於是就叫花雕藥膳雞煲，雖然只係叫半隻雞但都超級足料啊！！啲雞又係多到食唔曬，而且超級嫩滑。湯底有杞子，紅棗，多款藥材，一拎上來已經聞到濃濃嘅藥材味，相當足料。一飲入口甘甜無比，亦感受唔到味精，令人想一飲再飲～鍾意食菜嘅我地梗係會叫呢個個菜菜鍋～又有生菜同白菜，仲要有多款菇類，最鍾意佢嗦曬藥膳雞煲嘅湯汁，嗦滿曬再食真係好正啊！牛柏葉爽口彈牙，碌兩下就食得！不得不提當然係芝士響鈴！一咬入口芝士即刻湧出來，每次都被驚喜到杯檸樂都相當大杯

自從開放實施晚間用膳之後，我地兩個就心痕痕…不如今晚去吞POT (雞煲) 。防疫措施做足，入座前例牌度體溫 / 安心 / 搓手液，可以間枱座有距離，仲有提供口罩袋，盡量做到坐得安心； 先來加料😜😜🍴（料費$12）可以再添配料任君選擇我地兩個都是雞煲迷，當然少不了點雞煲 (中辣）例牌先吃雞煲再加湯 雞煲 (雞當然係主角 , 上煲後，小火煮滾，就可以吃，陣陣麻香，口水流流⋯⋯肉夠入味，時間剛好，不老） 如果是辣友, 可以要求加辣雞煲良友（啤酒）另一至配之選，萵荀魚肚，吸入雞汁後，食綿花的感覺之外，有麻辣雞味，一口一啖啤，吃不停。瘦身的朋友要考慮一下啦⋯⋯少不了的黑毛豬腩片不宜滾太耐，幾分鐘，轉色吃剛好，嫩滑唔牛的我地，就係豬的朋友。再來一個～～豬頸肉當然價錢分別，同黑豚沒可比⋯⋯但質素不算差，肥瘦適中整體可以再來偷食🐓🐓🐓