吞POT 雞煲火鍋.住家菜 (譽發廣場) (已結業)

疫情放緩下同朋友臨時起意想食雞煲，但好多都已經full了，由其是嗰d 可以一個價錢任食的，好在咁都被我book 到位，仲要位置咁方便。比朋友早到，全場已full, 我們2人佢都俾卡位，座位同座位之間有透明膠板分隔， 餐廳最吸睛嘅就係嗰個魚缸，好大條龍係度。朋友未到唯有先order 飲品，咸檸7,大大杯。之後order 半隻麻辣重慶雞煲，$178,正常價位，但多肉，唔會下下要損骨，雞煲內有花椒、辣椒、蒜、豆寇、洋葱等十多種材料，香氣迫人，叫左小辣都夠晒味。食完雞煲都半飽，仲要留肚食糖水，所以火鍋材料只是點了皇帝菜同水餃併盤。水餃併盤共4款餃，每款2隻，隻隻都大大隻，新鮮製手工餃，肉汁充足， 有韭菜餃， 鮮蝦雲吞，魚皮餃, 蟹肉餃。皇帝菜係我最愛的打邊爐菜，唔係間間有，時令的野我真係唔知，但如果menu 見到有我就一定會order。埋單450左右，價錢尚算合理。