吞POT 雞煲火鍋.住家菜 (譽發廣場) (已結業)

已經唔係第一次上嚟油麻地呢間雞煲㗎啦～最欣賞佢用料新鮮，地方又唔會逼逼夾夾，一有朋友話想打邊爐都會諗起佢🤗今晚因為同阿爸阿媽過嚟，想食得清啲，就點左個胡椒豬肚雞煲（半隻雞）。三個人好夠食，阿媽仲好心水清話真係足半隻雞😂  一煲滾就聞到濃濃ge白胡椒香，入口滑順唔辣。豬肚雞有非常好ge滋補作用，果然飲左啖湯之後成個人暖起上嚟。之後追加左一碟頂級安格斯牛小排，雖然要$258，但見到份量真係好足，油花分布均勻就覺得很可以! 

今日黎到一間火鍋店，唔係任食火鍋店，所以係時間上冇咁緊張，可以慢慢食住叫，傾住食，唔洗咁急。單是外面個景已經好令人心曠神怡了，係旺角，可以咁高望出去，夜景，都真係好少見。餐廳有唔同既雞煲選擇，或者叫湯底火鍋都一樣可以架。雞煲都十分足料架，除左雞件仲有好多寶藏係裡面。醬料好多選擇添食物種類十分多，重點係新鮮，食材真係幾新鮮。叫了自家製雲吞，牛柏葉，稻庭烏冬，雞脾菇等等自家製雲吞特別之處真係同平時食有所不同，裡面係有韭黃既，令鮮蝦雲吞個味更加之正，真係好味道，調味亦調得好，唔會好咸。牛柏葉，稻庭烏冬，雞脾菇雞脾菇又係一個吸味達人，會吸曬湯既精華，又可以當蔬菜類咁食，最後我一定要叫個稻庭烏冬，食完火鍋，再黎個烏冬就岩岩好。叫了一杯西柚梳打，多數火鍋店供應汽水為主，但今日竟然有自家特調飲品，酸酸甜甜加上佢夠凍!!!!好岩火鍋一邊食，一邊飲，下下火，而且係大杯

胡椒豬肚雞煲其實可能有人覺得胡椒豬肚雞煲冬天先多人叫，因為食完會暖笠笠，但其實夏天一樣岩食，辣辣地，用黎打邊盧更加係開胃又好食。其實餐廳有大量既雞煲選擇，由一向出名既辣雞煲到一D較特別既，例如胡椒豬肚雞煲都有。一份胡椒豬肚雞煲,裡面其實除了有新鮮雞塊，仲有唔少配料架，例如係粟米，豬肚，蘿蔔，仲有腐片等等，其實都相當多料。即使湯裡面既配料其實都好新鮮，全部都好好味，食曬先開始打邊盧就都十分唔錯。雞件-又新鮮又滑，而且都好入味。蘿蔔-吸曬雞湯精華更加係正到不得了。當我地加料打邊爐都一樣正呀。必食係自家製響鈴係新鮮炸起，拎出黎仍然係熱架。同超市買到既完全唔一樣，熱辣辣。另外，叫了自家製雲吞，牛柏葉，稻庭烏冬，雞脾菇等等佢地與胡椒豬肚湯都好夾，食起來唔會太油，又食到食物味道。牛柏葉亦好爽口彈牙。難怪係星期2既晚上都咁多人，其實又真係幾好食，坐得又闊落，又舒服，大家傾住計恰下恰下，星期2晚就咁樣過左

吞POT 雞煲火鍋.住家菜 (油麻地).辣酒煮花螺雞煲-微辣但今次辣左好多，但呑pot的雞煲真係非常入味，惹味，雞肉嫩滑，內有八角辣椒洋蔥京葱等調味，滿分！.泰式生蝦刺身-每次到來必叫，性價比高，十二隻先$70幾，超抵，食到麻麻辣辣食番冰涼生蝦.脆肉鯇腩/ 韭菜餃-韭菜餃一碟有成8粒，粒粒脤脹卜卜好足料，脆肉鯇唔係每件都脆，但都好好食爆芝響鈴-吞pot自家製響鈴，佢真係即叫即炸，無以前咁多之前食落無咁濟.呢到嘅飲品又係好得意，因為真係超大杯，食雞煲火鍋飲品往往都好快飲曬，呢到嘅大檸樂大檸茶都好正！.吞POT 雞煲火鍋.住家菜 (油麻地)旺角彌敦道560號譽發廣場22樓

好耐無食雞煲，所以今日約了朋友去油麻地試下呢間主力賣雞煲的火鍋店平時食雞煲都食開辣味雞煲，今次試下轉下口味，所以點了花雕藥膳雞煲由於我地得兩個人食，所以只點了半隻雞，雞煲一端上來便聞到好香的藥材味，而且湯底非常之清甜，我地都忍唔住一邊食雞一邊飲湯我朋友原本點了大檸茶，但忽然見到呢到有咸檸七，因為唔係間間都有咸檸七飲，所以最後揀咗呢杯大咸檸七飲我就每次打親邊爐都一定要飲啤酒😎食雞煲當然最緊要係雞啦，雞食落好嫩滑，配上藥膳湯底，好juicy😍打邊爐另一樣不得不點的食物便是肥牛，我地點了特級雪花牛肋片牛肉也很有牛味，但要注意不要碌得太耐，如果唔係牛肉就會好韌我地仲點了韭菜餃和自創爆芝響鈴，韭菜餃皮薄，韭菜和肉類比例適中，配上藥膳湯底好夾自創爆芝響鈴見到個名都覺得好吸引，所以點左黎試吓，在湯內滾一滾便可以拿上來吃，中間會食到溶化嘅芝士，估唔到都幾夾而家七點前埋單，所有配菜可以半價，我地咁啱今日提早吃飯，還可以享有優惠，慳咗唔少錢

吞POT 雞煲火鍋.住家菜 (油麻地).🔹辣酒煮花螺雞煲🔹.BB辣，雞一如以往嫩好入味，小小辣，但恰到好處，真心雞肉嫩滑又惹味!!花螺份量比較少，好似有七到八粒，唔係好夠候！但個雞煲醬真係好惹味，BB辣今煩力好辣😂.🔹脆肉鯇腩🔹.平日我地打邊爐喜歡食脆骨腩，但呢到得脆鯇腩都照剎！ 一樣係邊位都算幾脆.🔹泰式生蝦刺身🔹.真係好抵食，平時出去泰國餐廳食6隻都要呢個價，呢度$76有12隻，二人share可以一人食六隻感覺好爽！.🔹爆芝響鈴🔹.白家製嘅爆芝響鈴，食落唔漏又邪惡但真係好好食😋我發現佢芝士比之前少感唔知係咪改良感驚太漏，炸得香脆入面仲有芝士流出，真係勁好食.吞POT 雞煲火鍋.住家菜 (油麻地)📍 旺角彌敦道560號譽發廣場22樓.

約咗女朋友喺旺角行街，行完梗係要搵間好食嘅餐廳食晚餐. 上網搜尋，就搵到附近有一間吞pot雞煲，所以馬上打上去睇吓有冇位。上到去個環境都幾舒服，由個窗睇出去見埋日落添，超正。因為都幾肚餓，我哋就馬上睇吓個餐牌有咩食。行左成日街好頸渴，呢度嘅凍檸茶好大杯，簡直一流。嚟得吞pot食梗係要點個雞煲先啦，佢哋有幾款唔同雞煲，我哋就揀咗辣酒花螺雞煲，呢間唔錯，可以有唔同嘅辣度俾你揀。叫完雞煲梗係要叫啲配菜啦，有一款我要特別介紹就係自家製既墨魚丸，因為我覺得都幾得意，佢有五隻唔同嘅味道，有蟹粉、黑松露、海膽、鵝肝同埋芝心丸. 第二樣就係肥牛啦，呢度都有唔同嘅肥牛款式，我哋揀咗最貴嘅極品本地手切牛頸脊，之後都揀咗幾款例如桂花蚌，娃娃菜，萵筍，冬瓜等。雞煲終於到左，睇個樣真係唔錯，份量都好足。食咗第一啖雞之後發現味道都好夠味，又唔咸，只可以用兩隻字黎形容就係「好正」！食晒啲雞就可以叫店員加湯打邊爐。我哋好快就食晒啲雞因為我女朋友鍾意打邊爐，同埋都好想快啲試佢哋嘅自製墨魚丸同埋肥牛，因為嚟到我哋面前碟野好吸引好想快啲食到佢。碟肥牛份量又多d肉色又好靚，睇落就好有食慾。食落去就知係靚牛，咬落去非常嫩滑。決

疫情稍為好轉即刻約朋友出嚟撐枱腳，見網上面好多人都推薦呢間性價比高。因為入到去見到一片落地窗，因為位於22樓高層，飽覽彌敦道街景仲有一片無際嘅藍天白雲。辣酒花螺雞煲（小辣）雞煲一上枱就食得，香氣撲鼻，味道非常惹味，煮到啱啱好，肉質仲好嫩滑！十全大寶丸分別有五種唔同口味嘅手打墨魚丸、蝦丸同埋牛丸。特別推介芝心牛丸，建議唔好煮太耐，一咬開，芝士慢慢咇出嚟，牛丸都好爽口彈牙。仲有個生拆蟹粉墨魚丸，慢慢細味就會品嚐到蟹肉嘅鮮甜。新鮮肥鵝腸平時我係唔會食，朋友極力推介叫我試吓，佢話咁肥嘅新鮮鵝腸而家好難搵，咁矜貴一於就試下。超級驚喜，食落去完全唔會覺得好肥膩，反而咬落好爽口，第一次覺得肥膏係香嘅。手切本地牛頸脊係全場最貴嘅一種牛肉，朋友話一係唔食，食就要食最好🤣果然不負所望，牛肉超級鮮嫩，有牛味而且脂肪分布平均。除咗食肉之外，我哋仲叫咗一啲蔬菜例如萵筍、娃娃菜、冬瓜。個湯底咁好味唔叫豆腐卜真係浪費左個湯底，豆腐卜完全索晒湯汁，一咬落去啲湯仲咇出嚟！好正！！！建議萵筍、冬瓜都煮耐啲，湯底滲晒入去。

自從疫情開始，已有一段時間沒有跟朋友一起外出聚會，難得朋友約好，一於到朋友推薦的吞pot火鍋試試！場地十分寬敞，枱與枱之間的距離亦足夠，可以放心傾計，而且位於大廈高層，可以望到全條彌敦道景色，很驚喜店子主打老火湯火鍋，我們點了花膠雞煲火鍋底。湯底入口鮮甜，而且有大大件花膠，完全可以當成一碗老火湯喝，用來作火鍋更加有滋補感覺火鍋料方面推薦牛柳粒，入口有肉香，油脂分布平均，極之香口韮菜餃是自製，皮厚薄適中，有肉汁，不錯無論環境及食物都值得推薦！

香港d雞煲店真係開到每行三條街都至少有一間既節奏，真係無d特色都生存唔到。今日介紹既吞pot算係比較有趣既一間，因為得兩個人食既關係，我地只係嗌左半隻花雕藥膳雞煲（$178)。好老實講，畢竟坊間真係太多出色既雞煲，第一啖飲依個雞煲既湯底我並無感覺好驚豔，但依度既湯係愈飲愈上癮，而家完全唔口渴，算係唔話得，至於雞既質素算係不過不失，如果再大件d同滑d會更好！.反而火鍋料既質素有驚喜得多。招牌自創爆芝響鈴（$45/3件）大大件，擺落藥膳湯底浸幾秒後，脆口之餘更啖啖都飽含半融芝味，我同個fd都勁後悔無嗌到半打嚟食！十全大寶丸（$158）係另一項必叫菜式，粒粒手造之餘又別具創意，例如墨魚丸裡面竟然係生拆蟹粉，真係食每一粒都有驚喜。當中最soso既反而係頂級雪花肥牛（$228)，油脂感唔夠強，價錢對唔住質素，俾我會想拎舊錢嗌佢其他handmade 野，例如同樣勁draw attention，主打手造餃子拼盤既餃餃陣（$120)，搞返場愛的迷陣。P.S. 最後為大家送上依間店既鎮店之寶:

之前同朋友食過吞pot既其他分店,今次第一次黎呢間分店試下。我地訂左位6點半入座,望出去一片藍天白雲,好舒服。過左一陣太陽準備落山,成個天色慢慢變左漸變色,個景真係好正!!!!今次我地就叫左個辣酒花螺雞煲,如果接受到辣既小辣都夠辣味,雞煲一上枱就食得,惹味得黎又唔會太咸,雞肉都好嫩滑,唔會煮得太熟。花螺都幾大粒,又惹味又有咬口,配啤酒一流。手切本地牛頸脊好新鮮, 肉質好嫩,清晰見到脂肪同肉既分佈都好平均,一睇就知係令牛,食落更加停唔到口。十全大寶丸有五款唔同嘅手打丸：生拆蟹粉墨魚丸、黑松露墨魚丸、黃金海膽黑墨丸、香煎鵝肝蝦丸、芝心牛丸。當中既黃金海膽黑墨丸就最吸引我,係真係包住滿滿海膽,鮮味十足!!!!!新鮮肥鵝腸非常出色,識食一定知道呢種肥鵝腸好難搵,係要真係肥同新鮮先好食。煮一煮就食得,好爽口,配合埋肥膏勁香‧桂花蚌都好爽口,鮮味配合埋湯底好鮮甜。呢度既食材質素高,環境舒服,服務周到,絕對會再黎食。

有無人同🧜🏻‍♀️一樣有種麻辣雞煲火鍋癮😹一排無食就會去食 今次食呢間真係幾正 坐得唔逼舒服之餘 仲可以睇曬旺角景 可以再Encore😚-🍴辣酒花螺雞煲 (半隻)(小辣) HKD208我地兩個人食 叫半隻就可以試埋其他野☺️半隻雞件唔算多 不過雞肉好嫩口 花螺細細粒唔多 肉質都可以😋 叫左小辣 辣得好惹味同埋帶有少少酒味好香 就算嗜辣🧜🏻‍♀️都覺得小辣都足夠 咁就唔會太辣蓋過其他香料味😛🍴十全大寶丸 HKD158推薦❗️全部都係手打丸 各兩粒 有齊生拆蟹粉墨魚丸 黑松露墨魚丸 黃金海膽黑墨丸 香煎鵝肝蝦丸 芝心牛丸🧆 全部丸口感都好彈牙好足料 粒粒丸都可以清楚見到佢地嘅饀料 好好食😍個人有鵝肝情義結所以最中意食鵝肝蝦丸🤪🍴頂級雪花肥牛 HKD228肥牛唔肥之餘都重牛味 肉質都好嫩 配埋麻辣湯底一級棒👍🏻🍴自創爆芝響鈴 (3件) HKD45推薦again❗️最中意食即叫即炸嘅響鈴 真係特別好食🙈今次仲要中間有片芝士 咬落去芝士味無比湯質蓋過 好正🧀🍴牛骨髓 HKD62純粹係🧜🏻‍♀️中意食滑嘟嘟嘅野所以次次見到都會叫🤣不過香港好少有 成條骨膠原係無味嘅 想試嘅話建議點多啲豉油食😝🍴大咸檸七 HKD

第一次黎呢間吞pot雞煲打邊爐吞pot雞煲位於油麻地譽發廣場22樓有海景！！ 好驚喜🤣🤣花膠螺片雞煲$208半隻雞雞湯好甜而去質感有點黏 富含膠質😽😽😽花膠預先煮的軟彈 雞肉 🍗花膠 螺片份量頗多 食左底料有5成飽😆 特別推介配料安格斯牛肉方塊🥩🥩好濃牛肉味道 同埋肥瘦適中質感軟熟另外有點小食 都有好多款式 例如炸魚皮 辣酒炒花螺$88好有鑊氣 🥰不過花螺比較細同埋唔夠鮮味nomnoms：8/10💞💞

好耐冇食雞煲啦~今次食依間雞煲唔係放題式，係逐樣散叫，而食物質素幾好同有特色。一入到餐廳，職員都幾有禮貌，安排左張窗邊的枱比我地兩個，望出去係樓景都闊落。醬料係人頭收費的，每位$12，可以自由加減喜歡的配料。我叫咗杯西柚特飲，果然打邊爐就應該配有氣嘅野飲。西柚特飲加左片檸檬，西柚特飲夠氣係加分位，整體係中規中矩嘅西柚汽水。之後就到胡椒豬肚雞煲出場，職員細心咁同我哋講已經食得㗎喇，但我哋都想佢滾起先食。配料有枝竹、蘿蔔、粟米等等全部都夠淋夠入味，呢個湯清得來胡椒味好重，雞件算滑，豬肚都有口感，兩個人半份雞剛剛好。另外試左十全大寶丸同餃餃陣，餃子皮爽口肉餡應該係新鮮整，無咩雪味。佢哋自家手打嘅丸都有驚喜，每款都有唔同內餡，我哋邊食邊估係咩餡都幾有趣。食成餐晚飯途中，都感受到店員服務態度好好。有第二枱客人比較多問題，但係店員都好有耐心解答。而過左黃昏店員主動拉開拉簾，等客人可以欣賞下出面嘅風景，非常細心。整體來講食物都足料，服務態度好，係高質雞煲的選擇之一。

星期日晚上同左朋友早早相約去食雞煲火鍋，吞pot喺油麻地站行出幾分鐘嘅譽發商業大厦22樓。我地坐到喺窗邊位，大約6點時份，開始見到日落，食飯望住都特別舍意餐廳好闊落。擺位好鬆動，有舒適嘅空間。坐低左一陣，叫完野食,店員就比左一盤熱水同我地講可以用嚟清潔碗筷.眼見本身碗筷都幾乾淨，冇明顯污漬或者水漬。但有熱水都會再洗一次。隔一陣店員就比左調味料，可以因應自已喜好混合，豉油，蒜泥,蔥，炸蒜，辣椒，胡麻醬等等。食物方面叫左胡椒豬肚雞煲(半隻) ，十全大補丸，餃餃陣。飲品我就叫左大檸樂 可以要zero!先講下個胡椒豬肚雞煲，一開始有D驚太重味。但個湯底係好香嘅胡椒味，唔會得嗆喉嘅感覺。飲落都好清爽。一撈起就見到滿滿都係豬肚同雞肉。另外雞煲本身仲有D配菜,白蘿蔔，粟米，芫莤，枝竹，豆芽。 配菜喺湯底滾兩滾已經吸左D湯汁嘅香味,特別係白蘿蔔同粟米，鮮甜又入味。 主角之一嘅豬肚唔會好韌，大小啱啱好，一啖一件! 雞肉半隻聽落唔算多，但一唔撈一路食都仲發現有好多雞肉，肉質都幾滑，雞胸厚肉但係都唔乾，果然係食雞煲嘅專門店!食完雞煲都有D飽足感，所以唔係叫左好多火鍋料。十全大補丸有五款手打丸，每款有兩粒,