吞POT 雞煲火鍋.住家菜

营业中

休息中

捉緊春天既尾巴，趁未係天氣熱既時候食多轉雞煲。🥸呢度地點好方便，而且上到黎環境唔錯，樓層高，一大面落地玻璃，🌃夜景幾靚架～食之前，店員會端出一大盤醬料你揀，自己調製醬料🤗先講雞煲，bb辣雞煲🐔雞肉幾嫩，夠入味，唔太食辣既朋友都食到～而且雞件夠多，四個人一齊食都夠😋.🔸以雞煲火鍋黎講，呢度既配料都幾特別下自己本來打邊爐就鐘意落丸，呢度原來好多丸選擇，😳仲要係自家製，出面食唔到。上次食過十全大寶丸，今次叫個手打四寶丸，一次過同朋友試曬另外四款先～羊肉片🐑一睇都知肉質幾靚，有羊味又唔會太羶芝工響鈴本身唔太愛響鈴，但呢間既芝士響鈴必食～一咬開就有濃濃芝士醬出黎，同響鈴好夾🧽蜂巢豆腐❤️最愛呢款，唔係出面食既普通豆腐，入面既小孔更易吸湯汁，火鍋一流💯唔係度度火鍋店都有提供🌱冰菜，呢度竟然有～🤔唔知點解今次食落有酸味，但口感依然夠爽！

旺角分店個位置好方便，如果坐窗邊位仲可以睇到旺角夜景，景色都唔錯架~今次試咗麻辣鷄煲，BB辣個辣度可以話係啱啱好，有少少麻辣味，好適合唔食得辣但又想食麻辣鷄煲嘅人。鷄煲非常入味，鷄肉好嫩滑！鷄煲醬味道好香，同埋食完之後唔會口乾，唔洗驚鈉含量超標。鷄煲分量十足，可以同幾個朋友share，200幾蚊嘅價錢可以話係非常抵食！其他配菜就有少少貴，不過見到特定時段配菜有半價優惠，咁就更加抵食啦！下次可以weekend黎食lunch~特別推介芝士響鈴卷！暫時未係其他地方見過，非常新鮮特別。響鈴入面卷住濃鬱嘅芝士，一啗咬落去就可以獲得流心芝士+響鈴嘅雙重享受,大家如果黎食一定要試下芝士響鈴卷！今次仲嗌咗個冰菜，但唔知點解煮完之後好酸，可能因爲煮太耐，或者冰菜唔當造？

算中伏，不值就算了，問我哋要咪配醬，送過來沒用過，居然收了60，走咗睇單先知。味道只能講一般般，各人見人見智，反正是不會去第二次咯⋯⋯lalalalalalala

好耐無同朋友食過雞煲啦襯依家限聚令放寬即刻約朋友食雞煲!!!去到都見到好多枱都坐左客~應該有好多人同我地諗一樣既野哈哈係嘢食到之前首先會比一個9格醬料架(人頭/醬料 $12 另加一)先比你調配醬汁~之後唔夠都可以叫店員拎比你添~重慶麻辣雞煲一隻 BB辣 $258等咗一陣熱辣辣嘅雞煲上枱啦! 店員話唔洗等佢煮已經食得~每件雞都已經包滿咗雞煲醬汁 超入味! 雞件份量都幾多~每個人都食到唔少舊~喺凍嘅天氣食雞煲真係一流~食完雞煲梗係加湯打邊爐啦!我地就加咗手打四寶丸($118) ~ 咁就有墨魚丸 蝦丸 牛丸 黑墨丸 4款一共8粒 果然手打既比一般丸更彈牙同有咬口~感覺真材實料! 另外我地仲叫咗好多人推介嘅爆芝響鈴 (7件) $75!! 店員同我地講係即刻炸好嘅就令我地更加期待~ 響鈴比一般食開既更加厚身~我鐘意響鈴吸滿湯汁所以要比平時煮得耐dd~一啖咬入去食到滿滿嘅湯汁仲有好多芝士! 真係好好食~ 呢個真係嚟到一定要點! 我地仲加咗羊肉片 蜂巢豆腐 冰菜 雞脾菇~ 唯一不足既係冰菜可能唔當造有d酸同埋店員好忙要等耐d 都係可以再encore嘅餐廳~

夜晚出到嚟旺角行街 好肚餓好想打個邊爐見到呢間喺726 23樓既吞pot都幾吸引就入咗嚟之前聽個fd介紹呢間雞煲邊爐很不錯但因為今次朋友唔想食雞 就齋叫咗個邊爐 鴛鴦鍋😙首先店員會俾你溝咗醬料先 好齊全 應有盡有！然後好快火鍋就嚟啦😍今次叫咗兩款 一款係招牌螺片濃雞湯鍋同埋另一款香濃沙嗲喎 兩款裡面都有好多料菇 雲耳 螺片等等 好多料 雞湯清甜比較啱養生 後者較濃味 啱哂我呢啲中意重口味既人😛自製韭菜餃 有八隻 聽講係每日新鮮包😙食得出裡面好多餡 好香韭菜味到庭烏冬 好煙韌！係高質not cheap cheap烏冬菜既份量都算多 同埋都乾淨叫咗個西班牙頂級黑豚豬梅肉 肥瘦適中 食落都唔會老 不錯！蟹子墨魚滑 好多！呢個真係必叫！可以整到好多粒出嚟🤣絕對抵食之選芝士響鈴都係必叫！！好特別 裡面有好多芝士好好好jeng😍😍😍西柚特飲 好大杯 幾好飲環境都幾舒服 啱哂同fd夜晚嚟烚吓烚吓傾吓計！

呢間野做緊晚市7點前半價,好抵食呀!有dressing可自由調配份量,我叫左個皮蛋元西湯,菜既份量好多,仲有d mushroom添!唔錯呀!好味!真係有成隻皮蛋架!仲叫左開心樂園餐,每樣食物都有d!日本蟹柳最正,肥美多肉,腸仔好邪惡但好好味呀!同埋叫左個手包野鮮蝦雲吞,份量好多,食到蝦既鮮味,同mushroom既碎,好配搭!只係食左呢2碟已好飽。呢度服務好,上菜快亦會留意客人需要。個景好靚,高層美景。

臨時臨急同幾個朋友喺旺角搵雞煲食 得返呢間有位見咁多好評諗住試吓啦 點知中中地伏首先叫咗半隻香辣同麻辣雞煲 份量都足料 味道唔錯後加嘅邊爐料價錢偏貴 份量又得好少一小籃魚皮$65 一碟牛肋片$198得九片唯一值得推介嘅係芝心響鈴$78六件 新鮮即炸嘅 其他都唔太值得一提 我諗最飽肚係杯$36嘅大檸樂食到最後服務員都黑黑地面 態度唔係咁好埋單每人253 質素其實同出面任食差唔多總括係唔值呢個價 食開陸x雞煲個人體驗好過呢到好多

雞煲好多地方都係食辣嘅，不過今次比我搵到間雞煲係有得食用花膠螺片做湯底嘅味道，聽落去都覺得好補除咗雞煲之外，佢哋嘅手打丸都好出名。可能我哋太早到，我哋五點幾就到，所以冇咩人一嚟到店員就拎定個調味盤過嚟，佢哋嘅調味料都幾多選擇，我自己食牛一定加芝麻醬個雞煲終於到，個湯底好香濃，啲花膠好大塊，個份量仲好多，呢個價錢真係物超所值啲雞好滑，啲花膠同雞吸收晒啲湯底，食落好夠味，啲湯飲落去仲唔會覺得好鹹好味精因為兩個人食嘅關係，食完個雞煲都已經飽飽地，另外我哋再叫多個雲吞同埋芝士炸響鈴，雲吞就唔太大特別，但係我覺得一定要試吓呢個芝士炸響鈴，個響鈴需時都耐，主要係因為佢即叫即炸，嚟到點一點湯食，吸晒啲未，入邊有陣濃濃既芝士，正

旺角油麻地不嬲都好多嘢食，同埋好多好嘢都要上樓食，今次試吓嚟到旺角同太子交界嘅一幢大廈，上面都好多嘢食，今次就嚟試吓間雞煲。入到去見到一個超大嘅魚缸，食飯除咗可以傾吓計之外，仲可以欣賞下佢哋啲魚 23樓望落去，一覽無遺。本人絕對推介滋補攞件花膠雞煲，佢哋真係好足料，兩個人食半隻都已經夠晒。想雞煲之前，店員會俾個調味料你自己落。雞煲嚟啦，佢哋啲雞好新鮮，好滑，另外佢哋嘅花膠好足料，花膠大大塊，另外配埋啲菇，淨係食個雞煲已經半飽。之後叫咗個海膽墨魚丸，墨魚丸入邊嘅海膽都好足了，食落口都好鮮甜。另外叫咗個芝士響鈴，我覺得呢個芝士響鈴必要，佢哋嘅響鈴係新鮮炸起，芝士包住喺入面，食入口個芝士味好濃。

今個冬天因為疫情嘅關係少左去打邊爐🥲但係熱愛打邊爐嘅我決定捉緊冬天嘅尾巴約埋好朋友一齊去食雞煲🥘上網見呢度位置方便 係旺角站一出就到而且仲好大份抵食 所以就黎左呢度食😋.上到去估唔到打邊爐嘅餐廳都有夜景睇🌃平日通常係高級西餐廳先會有咁靚嘅景色.一去到店員就俾左醬料我地自己調製佢亦都有提到有需要可以再添不過食完就知原來唔使咁用心去整醬料因為湯底同食材嘅原味道已經夠晒豐富（醬料每位$12）.🌟胡椒豬肚雞煲 （$178）今次我地兩個女仔叫左半隻雞🐔估唔到份量會咁多湯底好香濃 可以稱得上係煲出黎嘅例湯並非只係用黎做配菜，普通、淡而無味嘅湯底最欣賞嘅係真係食到好大陣胡椒味成個煲好足料 主要食材有雞件同豬肚而且仲包埋好多蔬菜 例如栗米🌽、白蘿蔔、菇 、芽菜、枝竹都幾健康 仲入曬味添豬肚亦都好難得咁冇腥味同埋一D都唔韌 食落夠爽口.🌟手打四寶丸 （$118）由於我地都好大食嘅關係我地再加左手打四寶丸🤪四寶丸每款有兩粒 啱晒想一次過試晒唔同口味嘅朋友!當中包括左手打牛丸、手打蝦丸、手打墨魚丸、同手打黑墨丸夾起上黎已經感受到好真材實料因係好實淨同墜手 唔似得平時外面麵粉多過魚肉咁輕飄飄個人最鐘意黑墨

窗邊位嘅景色好靚，仲睇到有少少海景添！非常驚喜再一次嚟食非常滋補嘅螺片花膠雞煲。同朋友兩個人食半隻雞已經非常之足夠，個煲入邊有大量嘅螺片同花膠，非常之適合女士們。花膠亦都煮得好淋，最後食晒成埋火鍋都仲有螺片。而雞嘅肉質非常之嫩滑，唔會太肥。兩個人食嘅話每人都食到好多舊。食完啲雞同配菜，基本上都已經有五成飽。加湯打邊爐，同朋友再叫多三個配料都已經好足夠。西班牙頂級黑豚豬梅肉（$118）韭菜餃（$68）配料都好新鮮，豬肉唔會太肥，肉質爽口，推介韭菜餃亦都好大隻，入面有好多韭菜，好足料。鮮淮山炸魚片頭（$62）味道不過不失，不過份量比較少。火鍋配料冇得叫半份，而每一份嘅份量都比較多，所以叫唔到太多款式。個湯底真係好出色，唔似食完平時嘅火鍋會覺得膩。另外特別提提大家，七點前埋單就有配料半價優惠，更加抵食

咁啱見堂食六點前有配料半價優惠，又夾啱時間睇戲，所以打咗個早邊爐。可能時間早，人唔係好多又有窗門位，都坐得幾舒服！野食方面，湯底嗌左花雕雞，個鍋一上嗰陣啲雞已經係熟咗，即刻食得，不過好在冇overcook，啲雞都幾滑下，另外配料試咗牛肉，墨魚手打丸同韭菜餃子都唔錯，仲嗌咗個即炸響鈴，不過要等一等，店員都有提我地係新鮮炸起快啲食，好香好脆。其實仲有個芝士響鈴，唔知會唔會好漏，不過下次會試埋。價錢唔算平，但有質素，有優惠試吓唔錯！

而家恢復左晚市堂食，又開放四人一台，即刻同朋友book咗吞pot打邊爐烚吓烚吓。一出電梯即刻見到大魚缸，令人心曠神怡，入面甚至乎有龍吐珠，新年見到簡直如魚得水啊哈哈由於六點入座嘅關係，餐廳未有其他客人，並安排坐窗口位，在大玻璃前見到鹹蛋黃超級正，仲要漸漸見到日落和天色漸暗，一等一的環境啊。同場加映，有一堆復活蛋和一隻雞陪你打邊爐，好搞笑！剛剛坐低，職員會附上調味醬料，等客人可以自行調配打邊爐醬汁， 10分細心餐廳環境寬敞乾淨，就算晚上有其他客人，感覺亦不會侷促，並做好防疫措施，椅背上都有隔板，唔會同隔離枱噴口水😆因為食咗少少野的關係，所以我同朋友只係叫咗重慶麻辣雞煲半隻 牛柳粒 花枝片同招牌爆芝響鈴，中辣也會有少少辣，所以建議怕辣嘅可能要叫BB辣，基本上雞尚算嫩滑，花枝片煙韌爽口，爆芝響鈴喺最有驚喜，內裏的芝士唔會太多，但都有十分豐富響鈴嘅口感，鹹而不膩，絕對值得一試！

其實我一直都超級鍾意食雞煲，覺得好食嘅雞煲簡直係味覺上一流嘅盛宴，啲雞要好入味，又香又辣，但又唔可以太過油膩，所以其實都幾難搵到特別好食嘅雞煲，今次就過咗嚟試呢一間吞pot。呢度環境唔錯，對住一塊都幾大嘅落地窗，坐得幾舒服。叫咗個麻辣雞煲一隻雞，一個wasabi牛柳粒、一份椒鹽豆腐，同埋一份手打四寶丸。雞煲啲雞都幾入味，啲醬都幾香濃，算係都唔錯嘅水準。兩份小食牛柳粒同埋椒鹽豆腐不過不失，豆腐有啲細粒，四寶丸幾彈牙

食團年飯點都要有隻雞，終是決定與男友一起去吃雞煲。我們太約12時半到達餐廳，可能時間尚早所在乎餐廳內人流比較少，1時多就開始多人了。呢間雞煲雖然唔係任食但口味方面選擇比較多，我們點了一個滋補螺片花膠雞煲（一隻雞）。等了大約十五分鐘便有，上桌時雞煲還是滾著。雞煲嘅湯底非常濃郁，雞件的份量很多（最後我們吃不完），花膠和螺片的份量也很足，大大煲和熱辣辣的，在還冷和下雨的天氣吃莫名有種幸福感。雞件肉質頗嫩，全部都是入口的大小。花膠有半隻手掌般大塊，質地很軟滑，感覺有豐富膠質。螺片肉質較腍，味道濃郁，重點是很滋補。環境方面，餐廳位於高層，我們坐靠窗的位置幾乎看到其他大廈的天台，景觀很開陽，晴天的話應該就得看到一片廣闊藍天。餐廳內部佔地不大，但枱與枱的距離有一定距離，不迫夾。兩人總共吃了大約$300價格尚可接受，大家可去一試！