吞POT 雞煲火鍋.住家菜

营业中

休息中

天氣開始轉涼，唔知點解就會好想食邊爐同埋雞煲。即刻就約個friend出嚟食雞煲。之前我都食過呢間鋪嘅另一分店，覺得唔錯，所以再返嚟食。我地早到唔洗等位🥰我哋上一次食咗花膠雞煲，今次試吓新野，叫咗個辣酒花螺雞煲。我哋叫咗BB辣，我覺得個辣度啱啱好，但個friend就略嫌辣咗啲。我建議唔係好食得辣既朋友仔最好都係試吓BB辣先，唔好直接食小辣。講返個雞煲，個雞煲嚟到嘅時候啲雞已經係熟左，可以即刻食。啲雞煮得啱啱好，幾滑，啲花螺亦都好新鮮，粒粒螺肉都爽。我哋兩個人嗌左半隻雞都夠食，但係如果花螺數量再多啲就更好啦。食完雞煲都飽咗一半，我哋冇嗌太多送去打邊爐。我哋叫咗魚皮，芝士響鈴，同埋脆肉鯇。魚皮好大份，我哋最後食唔晒，魚皮好脆。今次係第一次試芝士響鈴，佢嘅響鈴真係好大碌，兩個人嗌三條係絕對夠食。我覺得原味好食d，不過如果你係芝士愛好者既話可能會鍾意。脆肉鯇係我既至愛，次次打邊爐都嗌，佢d口感真係好正。下次想再黎試下叫邊爐湯底，唔食雞，試下d肥牛！😚

最近天氣轉涼左唔少，又來到食雞煲同埋打邊爐嘅季節，即刻約朋友一齊試吓呢一間吞pot 雞煲火鍋。一嚟職員就上咗雞煲先，我哋食完雞煲，佢先再加水落去俾我哋打邊爐。啲雞都唔錯相當嫩滑，另外，我哋仲嗌左魷魚、牛柏葉、牛小排、薯粉、娃娃菜和金菇等。。。呢啲食材都算新鮮，最推介就係牛小排，油脂分布得好好，牛味十足。仲有打邊爐點少得汽水，最欣賞佢哋嘅汽水係好大杯，可以飲足成餐👍🏻總括而言，下次都會再約其他朋友食呢間！

今個禮拜日同朋友去街，事關我真係好鍾意打邊爐同雞煲，所以毫不猶豫咁就決定咗要食。我哋大約7:00左右入去餐廳都已經full左八九成，環境寧靜比想像中冇咁嘈，而且高層可以望到樓景。講返嘢食嘅水準先🥰1.麻辣雞煲BB辣（適合一啲唔係好食得辣嘅人，但講明先其實會越煲越辣😂🥘唔知係我錯覺定係點）👍個雞味道10分濃郁 啱晒重口味嘅人👅2.水魷魚🦑（冇話特別好、係正常嘅味道🤣)加埋個雞煲湯底其實都幾正3.響鈴🔔打邊爐必備4.脆肉鯇（唔係好脆，個人覺得可以更加脆同彈牙）5.牛柏葉（唔使我講，鍾意食嘅人一定會叫）👍6.再加埋個薯粉圓滿結束今次淨係食到好滿足，因為好飽好飽🥘，本人覺得可以再戰👍

今日同朋友一齊去旺角行街，天氣轉凍就好想打邊爐，咁啱見到openrice上呢間餐廳好似評價唔錯，於是就嚟食雞煲同打邊爐。首先我地揀咗重慶麻辣雞煲（BB辣），對於食唔到辣嘅朋友嚟講，BB辣無咩辣味容易接受。食完雞煲我哋揀咗好多邊爐嘅配料。首先有打邊爐必食嘅響鈴，據聞佢地嘅響鈴係即叫即炸，所以上咗就要盡快食。然後叫咗頂級安格斯牛小排，肉質柔軟、油脂分布均勻。飲品方面飲咗大檸樂同解綠茶，大大杯大檸樂最適合打邊爐，打完飲返枝解綠茶無咁油膩。🤤🤤🤤呢餐三個人，我地叫多咗火鍋配料，每人人均消費大約$400，適合想食好啲嘅人😋😋

今日想食雞煲就去左食啦！我同朋友叫左個花雕藥膳雞煲，個煲一上到黎已經聞到好好好好香！即刻不左一碗上黎飲，好好味，酒香好重但又唔會難入口，亦都冇太咸，反而有種好進補的感覺😂😂飲完落肚即刻個身都暖左，大家一定要試呀！至於雞，數量都唔少，我地只係嗌左半隻，但都可以食到尾😂😂雖然湯唔濃味，但啲雞仍然入味，好正！龍口粉絲係必食！佢索晒啲好味湯底，每食一啖都有陣湯底味，真係好正😍而且分量又多，兩個人都唔係好食得晒😂豬肉片係好厚切，而且又大份又嫩！正各種餃都好正，皮好薄又唔易穿，入面好juicy!!款款都係我至愛！咸檸七一杯大大杯，同朋友share都可以由頭飲到落尾唔記得介紹，醬汁都有好多配料選擇，唔會得鼓油咁單調！

同飯婦人慶生，佢話想食雞煲，而我就好想打邊爐，於是就靈機一觸諗起呢間喺旺角嘅吞pot，啱晒我哋放工聚一聚。食品選擇都算多，起碼我哋想食嘅都有。調味盤排列整齊，選擇又多，有辣有唔辣，任君選擇。作為兩位中女，梗係要食得知音養顏啦，所以就揀咗滋補螺片花膠雞煲。雞湯呈奶白色，味道非常濃郁而鮮甜，花膠份量俾得相當大方，煮得夠淋且入味，雞件非常鮮嫩，就算係雞胸都非常之滑。我哋每人起碼飲咗兩碗湯，即刻覺得自己皮膚都Q彈咗！牛三郎即係有三款牛肉，分別有雪花肥牛、牛肋片和牛柳粒，個人口味就比較鍾意雪花肥牛多啲，貪佢肉味夠重又有油香。自家製響鈴係即叫即炸，上枱嘅時候仲熱辣辣，店員仲提醒客人小心燙手，入口香脆無比。紅薯粉份量夠兩個人食，我哋結果都食唔晒。娃娃菜排列整齊，感覺乾淨衛生，唔會俾啲爛菜客人食。離開嘅時候見到門口有個lunch Menu，原來呢度午市時間係會做午餐嘅，而且價錢都唔貴，附近返工嘅朋友可以試吓啊！

相信大家依期好少出街，更少去打邊爐，怕做下一個邊爐群組一員🤭今次唯有趁人少少去到旺角吞pot火鍋加雞煲，睇下佢嘅質素係點先！喺疫情期間人數的確少咗，啲空間都會多咗。不過本身餐廳嘅枱隔得都遠又加裝膠板，食客應該都旚心啲👍🏻落一個湯底，之後就要睇下啲餸，其實點餐紙上嘅食品價錢都合理，種類都好多，係怕自己叫完食唔晒咋！今次叫咗一個花雕藥膳雞湯底，你見啲料都真係好足，聞落更加有好濃郁嘅「藥材」味，就算係以前未食過藥膳嘅我，我都比佢嘅香味吸引到，今次實在冇試錯！淨係食啲雞見未飽就落多3個餸，第一個係「餃餃陣」有4種餃子嘅，分別有韭菜餃，鮮蝦雲吞，蟹肉雲吞，同魚皮餃。第二份係豬肉片，睇就好細份，食落就啱啱好（唔好睇少雞嘅份量！）第三份係粉絲，雖然一份要40幾蚊，但係佢比嘅份量係真係夠3個人份！所以想填一填肚，可以叫一份！食到咁上下口渴就當然要飲嘢，呢杯係大杯嘅咸檸七，飲過一啲酸酸咸咸嘅就好開胃啦！

女朋友鍾意食雞煲，又鍾意打邊爐，上次食完呢間覺得好唔錯，性價比高，因此再帶女朋友嚟！其實佢地個環境唔錯，特別係個大魚缸，同埋個夜景好舒服. 我哋大概六點幾上到去，可能疫情關係，唔使點排隊。食下食下都大概七點幾，全場滿座.首先梗係叫個麻辣雞煲食住先.雞煲嘅醬汁好惹味，雞肉都好嫩滑。邊食邊叫其他嘢打邊爐. 打邊爐主打梗係要叫肥牛啦. 有好多肥牛選擇，我哋就揀咗安格斯肥牛，賣相靚，口感簡直不得了👍🏻. 食完又再叫，嗰晚都食咗幾碟肥牛😋我哋都叫咗雞子，鵝腸，蝦滑，墨魚滑，桂花膀，娃娃菜等. 全部都好新鮮，特別係啲娃娃菜，好鮮甜，可能食完雞煲再加啲湯，令到所有嘢都覺得好鮮甜. 打邊爐最後當然唔少得食烏冬，啲湯浸入晒烏冬入面再擺落口，簡直讚不絕口👍🏻當你有需要嘅時候，實有一個服務員在你左右，服務態度一流.食完買單，價錢唔貴. 下次會再同朋友再嚟食.

今次同朋友經過旺角見度有間叫吞POT雞煲,個名幾特別就上去試試佢，上到去地方都大,7點幾都坐左7成枱,好在唔洗等位啫🤘如果五,六,日來既話大家一定要訂位好小小,入到去環境ok,個魚缸好大,入面d魚幾特別好一坐低睇下有咩雞煲選擇先,除左雞煲仲有其他煲喎最後選擇左個麻辣雞煲( 中辣)試試佢先🤘,一上枱服務員話可随時食得,唔同出面有d又話要等等又話要焗一焗,呢度一到就岩岩好食得,一打開就傳來陣陣野味,我地點左一隻份量,目測岩數🤣🤣,食落會有一點點酒香味,口感爽滑而不鞋,果然時間岩岩好,味道濃郁而不咸好喇，食到7788喇，點火煱料先,都好多選擇醬料都一概齊全😱個新鮮鵝腸有膏嫁，真係唔係度度有,巧感動,打邊爐必選再來指定動作,緊係肥牛喇,肥牛都有好幾款選擇,我地選擇左安格斯肥牛喇,一上枱賣相冇得輸,肥膏同肉比例均勻,食落爽而不鞋雞子又係必點,靚仔新鮮冇穿窿脆肉鯇魚腩新鮮,件件都係腩位,冇話搭頭搭尾,堅👍呢度係用明火嫁,而家出面好多都用電磁爐, 講真啦打邊爐梗係用明火正d喇，明火一定夠晒力,快滾🤘

全港九新界咁多間食雞煲既真係唔知點揀，經朋友介紹下book咗呢間試下，因為朋友話呢間唔係好貴而且啲嘢食唔錯！一出lift 就見到一個特大魚缸作為屏風，入到去雖然佢地係樓上餐廳，但空間感十足，其中一邊整個牆身都係落地玻璃！坐低之後，店員先奉上調味配料俾我地，選擇到幾多種類。因為我哋個個都食得辣，於是就叫咗一隻麻辣雞煲。雞煲嚟到嘅時候已經熟咗可以食，一打開蓋嗰陣濃烈嘅香味湧晒出嚟。雞肉咬落去好鮮嫩，醬汁香濃惹味，鎖住系雞肉度，啖啖都咁惹味！重點：我食到兩隻雞翼，即係佢哋真係比成隻雞。另外，叫左份蟹子墨魚滑同蟹子蝦滑，墨魚滑嘅口感較為彈牙，兩種滑都食到落足料！鍾意食海鮮嘅我就叫咗一份桂花蚌，煮20秒左右食得，口感超級爽口！鮮味十足！！！仲有每次打邊爐都唔少得嘅雞子，大大粒既雞子，咬落去d汁咇晒出黎！清甜無騷味！呢碟脆肉鯇腩都好鮮甜，肉質爽口！腩位較少細魚骨，岩晒唔中意魚骨既我！當然唔少得蔬菜類，佢哋嘅鮮淮山好鬆軟，索晒湯汁嘅味道

呢間已經係第二次去食！因為佢哋嘅價錢中等，而且食物質素唔錯。平均一個雞煲先二百幾蚊，絕對超值！再加埋呢個無敵夜景🌃居高臨下，飽覽成個旺角嘅街景～餐廳選用落地玻璃感覺上，整體感覺更為寛躺舒適！佢哋總共有8種醬油配料可以選擇，不得不表揚一下佢哋嘅蒜蓉，非常幼細，蒜蓉嘅香味更出！而且沾點食物時更容易沾上食物一併食用食雞煲打邊爐又點少得飲品，通常打得邊爐都會飲好多嘢！我就叫咗佢哋呢一杯大凍檸茶慢慢嘆我哋叫咗一隻麻辣小辣嘅雞煲，小辣唔算好辣，雞肉鮮嫩，味道非常惹味！麻辣嘅味都唔算好重，決定下次挑戰中辣！呢盆牛肉真係極力推介，頂級安格斯牛小排脂肪同肉嘅分布非常平均！咬落去勁香濃嘅牛肉味絕對鮮嫩！呢碟新鮮肥鵝腸都係我嘅最愛！而家好少搵到咁多肥膏嘅鮮鵝腸！肥膏勁香！鵝腸口感非常爽口！打邊爐當然唔少得蔬菜，蔬菜非常新鮮，而且掛湯一齊食好清甜！

由禁堂食開始，搵食兵團都無啖好食。望川抽水終於都開放返二人堂食，點都要出食返餐好既。我比較鐘意食雞煲，所以今次靚女就我去食呢間吞Pot。位於油麻地同旺角中間，地點唔難搵。大廈門口有大大張Poster指示係22樓，易睇易搵。上到去𨋢口個地下乾爽，呢個印象好好。最怕啲地下好滑，要就住就住行。入到餐廳唔算大，但好闊落，唔會為做多兩枱生意而要食客坐逼啲坐低叫左個香辣雞煲，特級雪花牛肋片同埋自制蟹粉蟹肉雲吞。首先出場當然係雞煲！一開蓋香噴噴既辣味陣陣飄埋黎，但我地叫左BB辣都已經好惹味！同埋唔會食食下痴低食完就落湯打邊爐。要提一提佢個調味架，乾淨，多款，個架唔會有上手用完既污跡係到，而且隻匙唔會見到濕完又乾，痴住啲蔥咁。乾淨加哂分牛肉望落唔似融完雪再雪返咁，每塊牛都好靚，肉味重，抵食！至於雲吞皮薄，足料，蟹肉唔會有雪味，可以一試。雖然食咁少款，但貴精唔貴多，呢餐食得出手功同心料。有機會可以再一試

這一間餐廳位於太子與旺角之間的一幢商業大廈樓上。 雖然"呑Pot"這名稱非常有趣獨特， 但要留意老闆在這棟大廈開了兩間同樣名稱， 但菜色風格不同的餐廳(LOL), 大家記住睇清楚係邊間先呀Haha!!!!一打開𨋢， 就見到餐廳嘅玄關有一個好大嘅觀賞魚缸。 入面嘅魚仔七彩繽紛， 大小各異， 真係好盞鬼。 餐廳入面有近玻璃窗 嘅位置， 由於樓層高， 望出去嘅風景都好別緻， 可以俯瞰旺角嘅街道同埋大廈景色。因為得我同女朋友兩個人去食火鍋， 我哋冇嗌好多嘢食， 但最後都好飽。 我哋揀咗一個魚骨湯底， 個湯上嚟之前， 侍應小姐捧咗一大盤調味品醬料畀我哋自己放響碗入面， 之後佢會幫我哋收返。 醬料調味品嘅選擇非常之多， 亦都好乾淨， 望落去亦都好新鮮， 亦都切得好仔細。個湯嚟咗， 雖然撈唔到有魚肉魚骨， 但飲落去都有好濃嘅骨膠原味， 煲到奶白色， 最驚喜既係入面嘅豆腐， 蕃茄， 同埋香草菇， 真係好新鮮， 特別係嗰隻豆腐， 唔似平時街市買嗰啲豆腐， 更加似我哋平時食甜品豆腐花， 或者百福嗰種好滑好嫩好鮮甜好純正嗰種。 呢種水準嘅豆腐好少喺火鍋店入麵食到！！我哋嗌咗海蝦， 一碟有六隻用竹籤串起咗，

因為之前疫情嘅關係都無乜出街食，好掛住啲雞煲🥺呢排襯疫情無咁嚴重，即刻約朋友去食！-旺角呢間雞煲都幾爆場😯平日都full哂咁制！餐廳唔算大，但每張枱都夠哂大，方便打邊爐擺好多碟野😆-呢度比較出名係食雞煲，有辣有唔辣我就緊係要揀個重慶麻辣雞煲試下啦😌🥢重慶麻辣雞煲嗌呢啲雞煲廚房會即刻煮一拎出黎就可以食得😆嗌左半隻雞，都算好多！啲雞斬得幾大舊，啲肉好滑😁好好食麻辣味夠得黎唔會好搶，唔會麻到食唔出其他味而啲洋蔥都好好食😁好甜又入哂味👍🏻🥢手打丸佢啲手打丸真係做得唔錯墨汁墨魚丸好正，墨魚味好濃，手打得黎非常彈牙😁牛丸都正，唔算十分彈牙，但好有口感牛肉味好豐富☺️呢個手打丸拼盤十分推介👍🏻👍🏻👍🏻🥢螺片有螺味！淥一淥食得😁如果切得大片啲食落會爽啲🤣🥢牛柏葉有咬口得黎唔會咬唔到，十分爽脆吸埋雞煲啲汁真係一流🥢金菇打邊爐點都要食返啲蔬菜🤣金菇幾粗身，淥完都無縮👍🏻總括黎講，雞煲好食，火鍋料新鮮好味👍🏻

夏日炎炎 好耐冇打過邊路的豬仔突然好想吃 今天剛好約了喜歡打邊爐的朋友他找來了位於旺角的這間餐廳餐牌選擇多樣化最後選擇了吃花膠雞煲 然後再慢慢打邊爐滋補螺片花膠雞煲先一人喝一碗湯 濃稠湯汁清甜 魚肚吃下去軟綿半隻雞雞件份量也不少 兩個人剛剛好滑嘟嘟 蟹子墨魚滑、蟹子蝦滑、鯪魚滑圓圓一團 份量十分分成多粒 慢慢食入口彈牙 濃濃鮮味 很滿意兩個人來說 這樣的份量也挺多的龍口粉絲滾一會就十分軟綿通透彈牙 沾上湯汁 好味道 和配料一齊食 好味道菜菜藍新鮮生菜、大白菜、金針菇、雞髀菇 、冬菇應有盡有 選擇十分多 健康之選接近傍晚的景色特別美麗在這裏打邊爐 感覺特別美好