吞POT 雞煲火鍋.住家菜

营业中

休息中

放假掉低屋企人，約朋友出街輕鬆下，講食野， 真係好耐冇食雞煲，而家冇晚市雞煲食，但旺角呢間吞pot, 中午都有得食雞煲，興之所至，就同朋友來過口癮吧！23樓的高度，可以看到旺角街境，下午陽光透射進餐廳，感覺很柔和，而且座位也挺舒適的。職員先送上九格調味料給火鍋用，全部分量 細小一樽的，用完再添加，保證調味料的新鮮衛生。由於午餐平時吃得不多，吃雞煲真的很突破，就點個胡椒豬肚雞煲半隻$178,有湯飲又有雞食，來滿足雞煲癮吧！雞煲一上桌便可即食，不用等煮，非常好！性急的香港人就是喜歡快。先飲胡椒豬肚湯，胡椒的辣味很香，在冬天暖身最適合， 飲湯飲到出汗了，而且味道不錯哦！有雞煮在湯裏份外清甜的，我們二人都很喜歡，幾乎把湯喝光光，很快要加湯繼續火鍋。雞煲裏材料充足，半隻雞份量也很多，越吃越有的，吃了個多小時才吃完。用的是新鮮雞，肉質結實，在湯裏煮過也仍然很有雞味，吃雞肉也吃得夠飽了。加上還有豬肚、芽菜、枝竹、什菌、粟米、唐芹等的配料，吃得非常滿足，全程彷彿吃個不停。豬肚份量不少，而且所有配料在胡椒豬肚湯裏煮完很入味，幾乎都不用點醬油，味道真的值得讚賞。雖然吃了雞煲，不過火鍋總要吃個麵才完美，點了

因為疫情之下，好耐冇出街食晚飯，所以好懐念之前可以糸夜晚食麻辣雞煲，而家唯有改喺午餐食番補數。今次就揀咗糸旺角嘅吞pot雞煲火煱，因為朋友話呢度啲雞煲好好味，所以就陪佢食個好刺激嘅午餐。首先我哋order咗一個重慶雞煲，只係BB辣都已經好刺激，可能系我唔係好食得辣嘅原因，食到流晒汗。首先隻雞都幾大隻，D雞肉都好入味，同埋好嫩滑。之後我哋再加左一個四寶手打丸（手打墨丸，手打黑墨丸、手打牛丸、手打蝦丸各2粒），都唔錯，幾彈牙。至於小食方面，我哋就試咗Wasabi牛柳粒、椒鹽豆腐。Wasabi牛柳粒就可以多啲Wasabi, 可能糸已接受辣嘅程度已經大大提高。總括嚟講，下次應該要半隻雞，咁就可以留番個肚試多啲其他食物。😊

見媽媽生日，襯佢翻工前同佢出街街，食餐好嘅。bookmark左呢間嘅雞煲好耐，就即刻帶佢去食。lunchtime時間食雞煲又唔算heavy~~ 1200準時到達都仲有好多空枱，坐低左逐漸就開始愈黎愈多打工仔放飯黎食lunch, 所以早少少去到就唔使等位啦入到去安排咗個窗邊位，有落地玻璃，有景即刻加晒分 坐低佢哋會即刻比調味罐黎整醬料 服務周到今次嗌左個胡椒豬肚雞煲，叫咗半隻雞，係記憶中胡椒豬肚嘅味，有雞件 豬肚 菇菌 蘿蔔 個湯真係好甜 好好飲食到最後不經不覺已經飲咗大半兜湯 隻雞清清淡淡又唔肥膩 啱啲唔食得辣嘅人 另外添加材料嗌咗紅薯粉同淮山 紅薯粉係偏幼嘅面 都幾大碟 淮山都爽脆清甜 整體黎講 兩個人食唔晒 份量好大 價錢偏少少貴 遲啲限聚令冇咗 就再嚟幫襯 多啲人食會抵食啲

疫情下想lunch time 搵雞煲食，好多都2:00後先開，呢間12:30就有得食。仲有配料半價，叫左牛小排，半價左都係$160,份量又ok 喎，2個人食真係好足夠重點係雞煲，叫左半隻雞，份量合理，有肉有骨有翼有腳，唔似d 低質店求奇比d 頭頭尾尾。店員有禮貌，反應快。果日坐窗口位，23樓望落街真係幾唔錯。食得開心。

辛苦得來志在食，今日又去旺角打邊爐偷下懶。 當然又係去吞pot 呢度性在用了心先我就最喜愛喺度叫生蝦。邊度啲生蝦係即叫即整隻隻大大隻上次嗰時仲係生三晚晚。識得旭之後就叫佢哋個白泡魚手工雲吞好好味隻隻鮮蝦包製手工水餃同樣都係非常之精緻。仲要即叫即整的貢丸爽口彈牙嫩滑。配合番個皮蛋芫茜豬骨煲皮蛋芫茜究下火，冬天草熱的時候食番個皮蛋芫茜煲進補一下最後呢度都有好多種醬料配搭非常之適合我哋呢班麻甩佬。飲番罐街多寶做個好朋友

😋味道：8.6/10📸打卡：7/10🗣服務：7.8/10🏡環境：8/10💵人均：$200-350💰性價比：7/10👍🏻推薦度：8.5/10🏃🏻‍♀️回頭率：40%.🏡呢間喺726號嘅上面位置方便 空間闊落 坐落幾舒服.🥘重慶麻辣雞煲(bb辣) $178/半隻 (8.5/10)麻辣湯汁好香好濃 我唔食（極憎）芫荽但都唔會好影響個汁個味😋而且雞肉嫩滑 仲要半隻都好多肉 唔會得骨🤣啲雞仲好入味 好香😙.🍡十全大寶丸 $138/10 (8.5/10)呢個真係值得一試🤩有驚喜！除左個涵之外 粒粒都好好彈牙尤其墨丸真係彈牙又香 真材實料！😍唯獨海膽有啲腥 可能唔係咁啱咁樣食🤣.🧀爆芝響鈴$45/3 (10/10)✨必試之選‼️🤩原本好擔心佢唔抵 冇乜芝士 或者會奇怪結果佢勁大條 仲要芝士份量恰到好處佢唔係爆涵嗰隻 食到中間啲芝士會漫漫滲出嚟好match!! 唔點豉油都好好食！😋.🥗冬瓜片 $38 (7/10)講到打邊爐冬瓜就係我嘅最愛🥰佢切得好似花咁🌸清清地得嚟又索到麻辣汁 正！😍.🍜紅薯粉 $35 (6.5/10)意料之外嘅係紅薯粉比較一般般原本期待會好咬口 煙韌但咬落比較似係粉絲 一咬就斷冇乜口感

今日 我和朋友Dinner食雞煲由於我朋友比較怕辣，所以只叫咗個重慶麻辣雞煲 bb辣侍應一開始就會拎醬料過嚟俾我哋加，免卻咗要加醬料就要行嚟行去嘅麻煩。🍽🍽🍽🍽🍽🍽🍽🍽🍽🍽🍽🍽🍽🍽🍽🍽🍽🍽🍽重慶麻辣雞煲：個雞煲一上到嚟就聞到好香，食落都麻味十足，而雞件都件件都有肉，唔會只係得骨。清完個雞煲，係時候上湯打邊爐。十全大寶丸：各具特色，有黑松露有芝心。自創爆芝響鈴：浸一秒就拎埋上嚟就啱啱好，好脆口，而入面芝士漏出嚟，必叫菜菜藍:有生菜 小白菜 金菇 仲有其他菇 裝得好滿紅薯粉:配湯雞煲底餘下嘅麻辣都好勁，食到我哋嘴都感受到隻麻。青瓜特飲：幾清新解膩凍檸茶：紅茶底幾濃郁CP值🌟高

同朋友凍凍地想打邊爐，上OpenRice 就發現呢間吞pot店，叫左個花膠響螺雞湯好好味，飲完好補；個牛肉好有牛味，唔同平時d肥牛有d雪藏過既味道；d丸好有驚喜，爆晒漿，好彈；芝士響鈴好食到飽都要食呀！總結吞pot, 服務員冇吞pot既；環境都整潔舒服，價錢貴得合理，我會再去囉，大家值得一試！多謝！

秋季來臨，又想食返餐熱辣辣嘅雞煲。前兩日經過旺角就黎試下呢間專做雞煲的食店👍🏻黎到23樓，一入到去就見到餐廳有行落地大玻璃，可以居高臨下咁睇到旺角夜景，都幾有格調！點餐時有幾款雞煲可以揀，我同朋友就鍾意食辣野，理所當然地揀咗重慶雞煲底😂每台都有專屬嘅調味料set，有成九款咁多，同埋俾我嘅感覺都好乾淨姿整👌🏻一上到黎就聞到好香嘅的麻辣味，雞件比我想像中大，都算入味👍🏻食完雞煲就開始加湯打邊爐，額外加嘅湯底比較清，唔重味精，啱啱食完咁重口味嘅雞煲都覺得適合👌🏻牛柏葉同千層豆腐都係入味之選，可以吸晒湯底嘅精華，係我個人嘅最愛。打邊爐料都大大份，最後我哋兩個人買單五百幾蚊，食得好飽😂

打邊爐最緊要湯底正呢間既湯底好濃郁 完全唔係味精既味道就咁飲都幾正！我自己就推介招牌螺片濃雞湯煱！-雞煲我之前都試過 湯底都一樣咁正 啲雞都幾嫩 可以再試 -之後啲牛認真唔錯👍🏻首先份量夠大 之後牛既質素都好高牛頸脊同牛小排都正-一定要試既就係芝士響鈴即order即整 熱辣辣食 裡面既芝士仲係流心好正！！不過一人一個就夠 食多就漏-如果4個人食 2碟牛都夠晒試過好肚餓 4個人嗌左4碟牛待應都好好咁提我地份量有啲多好彩提一提 如果唔係真係食唔晒😂-最正既係 7半前離座同9半後 打邊爐既材料都有半價！真係好底！

今日天氣好好，就陪老公出旺角金魚街走走。現今的金魚街已經大不如前，很多賣魚仔的舖頭都變左食肆和賣貓狗的𠖥物店。 行行下，我突然好想食火鍋，就開Openrice search一下，原來附近有間叫「呑POT雞煲火鍋.住家菜」都很受歡迎👏。於是我拉埋老公急歩走去。我地上到去晚市剛剛開始，客人不算多。雞煲和火鍋湯底各有7款口味，選擇真多。我就嗌左滋補螺片花膠雞煲（半隻雞），火鍋料點左蜂巢豆腐、自家炸響玲、野生竹笙、餃餃陣、手打四寶丸、蟹籽蝦滑和水魷。兩個人食應該足夠。 滋補螺片花膠雞煲：香噴噴的雞煲，滿是大大件的花膠和螺片，花膠雞湯非常濃郁，十分吸引，急不及待每人先飲一碗，補補先！🥘 自家炸響鈴：1份有6件，全部都係即叫即炸，熱辣辣入口鬆脆，一啲都唔油。之後放入煲內吸收雞湯再食，立即昇華到另一個層次，真不能用言語來形容。👅 餃餃陣：係韭菜餃、鮮蝦雲吞、蟹粉蟹肉雲吞和魚皮餃4款，各款都皮薄餡料足，各有特色。🥟 手打四寶丸：牛丸、墨魚丸、蝦丸和黑墨丸。果然係手打有咬口，我最喜歡黑墨丸，除左有墨魚粒之外，仲有點墨汁的味道，好特別。 蜂巢豆腐：香濃豆腐6大件都係＄55蚊，超值。👍👍

之前同朋友想食雞煲, 係Openrice度Search 過呢間, 約左幾次都食唔到, 今次終於成行. 我地預約左夜晚7點黎食, 呢個時間餐廳內人未算多, 所以侍應安排左我地坐窗邊位.餐廳內環境乾淨舒適, 光線稍暗, 但氣氛唔錯, 而且有個大魚缸可供觀賞. 侍應服務態度好好, 定時幫我地收野同加湯. 食物方面, 叫左半份香辣雞煲(BB辣, $178), 2人分量剛好, 雞好滑入味, 多肉, 帶甜微微辣,無雪味.食完雞之後, 我地就加水打邊爐. 湯底依然濃郁, 唔會寡淡. 必試自創爆芝饗鈴($75), 芝士同饗鈴好夾, 唔會太膩. 而且芝士份量多到流出黎, 非常抵食. 下次再黎一定會叫. 蟹子蝦滑($88) 同新鮮肥鵝腸($108)不過不失.食到最後, 我地用粉絲($33)收尾, 粉絲吸收曬湯入面既精華,食落去滋味順滑, 係必選火鍋良伴~

秋冬最岩食雞煲 約左朋友一齊嚟食吞POT一早就知好出色 今晚就試下佢😬😬兩個女仔食 點左香辣雞煲 BB辣 半隻 $178👍蟹子蝦滑 $88自創爆芝響鈴 $75 / 6件 👍新鮮肥鵝腸 $108👍🏻龍口粉絲 $33 每樣份量都比較大碟 認真唔錯👍🏻👍🏻👍🏻 樓底算高 食耐左 身上都唔會有太大雞煲味❤️👍因為本人同朋友都唔太食辣 所以叫左BB級 辣味好入味 但唔會太過分 正👍🏻 仲有好多配料洋蔥 我最愛😽😽😽自創爆芝響鈴 同 肥鵝腸 我覺得係必點 響鈴內層浸淋即爆芝 溜哂出嚟 正！ 鵝腸份量比出面多 色澤靚 都算彈口😻另人頭加一$12/位 Total 係$557 埋計 我覺得算唔錯 推薦大家🎃

天氣開始轉涼，又係食雞煲既時候😌吞pot都出名好食，今日黎食個辣酒花螺雞煲（半隻）BB辣，超級好食！啲雞一上枱就已經熟，可以食得，酒味香濃，雞肉質地有少少諧🤧有啲失色。花螺好大隻😍鮮甜爽口又好入味，洋蔥炆得好淋好好味，雞煲份量都唔細，我地兩個人食完個雞煲都夠飽😌不過我地仲另外嗌左招牌芝士響鈴同珊瑚蚌。我地食哂雞肉同餸就叫店員加湯打邊爐，芝士響鈴果然係招牌菜，響鈴入面有好濃既芝士，多到有啲膩，加上響鈴比平時食既大舊，所以食完一舊已經好滿足，中意芝士既朋友一定好中意！🤤🤤🤤必試招牌菜！炸魚皮😈😈魚皮香脆可口，大大份！加埋湯底不得了😍珊瑚蚌都幾大份，一份大約有14片，不過建議大家淥耐啲，可以淥幾分鐘，咁會冇咁腥，口感爽口👍🏻

嚟到旺角打邊爐 一定要叫啲新鮮好味的特色 食物我就叫咗山下半打 新鮮 生蝦 紮紮跳好鬼新鮮的 生 蝦 大大隻蝦肉紮實 一口咬落蝦肉彈牙好鬼鮮甜味美手打魚肉同樣靚 魚肉味濃郁打到起膠 咬甩大牙有少少果皮 味八寶餃每樣兩隻 最鍾意食佢個魚皮餃爽口彈牙雲吞都好好味 新鮮蝦肉包腸豬肉 拗落口感豐富餃子味道鮮甜 皮薄餡靚 用料十足每隻都係脹卜卜咬落又唔會爆料 應該係手工餃子先至做到芫茜皮蛋湯底 皮蛋好鬼入味呢度夜景好靚一覽無遺彌敦道的夜景 把酒談歡一樓的地方