吞POT 雞煲火鍋.住家菜

营业中

休息中

疫情開始之後都好長時間冇出過街打邊爐，今次放工就同朋友嚟到呢間雞煲店食番餐好既～雙拼湯底 $95我地就揀左豆腐清湯鍋同香濃沙嗲鍋～個鍋一嚟到就超香沙嗲味😆本身諗住清淡啲就叫咗個清湯，結果最後都係係咁食沙嗲鍋，沙嗲鍋最在太香濃❤️牛三郎 $278又一款啱晒選擇困難症嘅朋友，呢一款有牛腩片，雪花肥牛同埋牛柳粒，個人認為牛肉唔使煮太耐，就算睇落有少少紅都OK，咁樣食唔落肉質最鮮嫩！！爆芝響鈴(三件) $45呢款係佢地既自創菜式，我自己都好鍾意，喺沙嗲鍋煮幾秒然後一咬落去，滿口芝士味，但又唔會覺得好膩，芝士控必叫！皮蛋 $18 我同朋友就就咁調麻辣口味既醬汁點黎食，過下口癮，皮蛋都冇乜特別～中規中矩😗開心樂園餐 $72呢一份我就覺得唔算特別抵食，因為份量唔算多，性價比唔算高，但都幾鍾意佢哋嘅午餐肉，應該係炸過嘅，食落真係香啲🤤龍口粉絲 $33碳水化合物怪人打邊爐當然唔少得主食🤣我自己就鍾意放落沙嗲鍋煮然後撈芝麻醬食，超邪惡但好滿足～甜甜咸咸既味道好過癮～菜菜籃 $70健康人士（扮）出去打邊爐當然唔少得菜，唔食返啲綠色嘢點得呢🤣🤣呢個菜菜籃入面有小白菜同生菜，仲有幾種菇！啱晒咩菜都想食嘅朋友仔整體

放假去旺角行下，咁啱撞到中學同學，好耐冇見，搵間餐廳坐低聚下舊，睇到有吞POT 雞煲火鍋.住家菜，位於樓上23樓，同學話幫襯過都覺得唔錯，一於齊齊食火鍋，邊食邊傾。餐廳主打雞煲和火鍋，因為我哋得兩個人，唔食得咁多嘢，所以只選擇食火鍋。喜歡食魚的我見到有鮮魚湯鍋，立刻order，好快一煲熱辣辣嘅魚湯就在眼前，用火滾住飲，真的像在家飲緊阿媽煲的湯，奶白色有鮮味，豆腐嫩滑，秀珍菇爽口，還有蕃茄。自創爆芝響鈴，即叫即做，即食香脆可口，中間的芝士好惹味，放入火鍋吸收湯汁食也不錯，魚湯加埋芝士，又是另一種滋味！西班牙頂級黑豚豬梅肉，豬梅肉肉質好鮮嫩，油脂味道甘香，豬肉味香濃。手打蝦丸比較普通，唔夠彈牙。

陪阿妹去花園街買嘢，天氣熱到唔想行，等佢買完立刻搵餐廳食嘢兼休息涼下冷氣。去咗附近嘅吞pot 雞煲火鍋食火鍋。入座後，侍應即送上火鍋混醬調味料。阿妹好鍾意火鍋店的招牌鮮魚湯鍋，一上檯立即飲返碗，奶白色的湯味道好濃郁鮮甜，還有蕃茄、豆腐和菇。西班牙頂級黑豚豬梅肉：外表肥美，脂肪比例分佈均勻，口感柔嫩，一咬落肉汁香甜四溢，肉味之香濃絕非一般的豬肉可相比。自家製鮮蝦雲吞：雲吞以鮮蝦、豬肉和韭黃包裹而成。皮薄餡多鮮蝦爽口。

之前去尖沙咀食過呢間火鍋，覺得唔錯，所以今次帶埋屋企人食旺角分店，今晚去到都幾full，全場差不多滿座，最好真係早一日打電話book位先，就唔洗等位配菜料都幾吸引，丸類基本上都是手打系列，亦有不少特色小食，當中炸魚皮、炸大腸睇圖真係好吸引👍🏻菜菜籃 $70打邊爐一定會叫菜籃，主要有金菇、茶樹菇、冬菇、生菜同白菜仔，滿滿一籃，蔬菜新鮮，洗得幾乾淨滑嘟嘟 $120三款滑都好想試所以就叫左呢個總合滑，分別有蟹子墨魚、蟹子蝦滑同鯪魚滑，鯪魚有少少腥🙈所以加左蔥去除味道，彈牙方面我比較喜歡墨魚滑，爽口彈牙，稠度都幾高，唔洗再加調味直接食都好味🤤炸魚皮 $65因為即叫即炸既關係，所以都要等候時間，但都幾值得一等，魚皮唔會油淰淰，咬落好酥脆，魚皮香脆且無腥味，不過如果冇咁碎口感會更佳

已經好耐冇食雞煲，有朋友帶路黎到呢間吞POT火鍋店，地方唔算大，大約有20張檯左右，抽風系統不錯，周圍唔會煙霧彌漫呢到除左火鍋之外，午餐仲有住家菜可以叫，套餐包左湯、菜同飲品，平均一份餐$60內，外賣仲有折扣，都幾抵食👍🏻點餐途中店員就送上調味盤，共有9款配料，醬料每位收$12，乾淨衛生上菜都好快，好快就齊哂食物，冇漏單，份量比想像中多，三人食都食唔哂🙈餃餃陣 $120見到都幾多人推介呢款餃餃陣，三款自制餃，包括韭菜餃、鮮蝦雲吞、蟹粉蟹肉雲吞，仲有魚皮餃，自制餃隻隻都好大粒好足料😍特別是韭菜餃，一咬滿口都是韭菜，皮薄適中，不過鮮蝦雲吞比較咸，調味較重紅薯粉 $35一大碗紅薯粉，分到三至四碗，好飽肚，不過口感同想像中有出入，腍身同好易碎，有點似煮耐左米線，唔算好掛湯，但絕對夠飽🤣

吞Pot雞煲火鍋位於旺角726號23樓，係香港總共有三間分店，可以食雞煲或者打邊爐都得，招牌雞煲可揀全隻或半隻，款式有7款，仲可以選擇不同辣度，由走辣至大辣任君選擇，當中辣酒花螺雞煲更是必食推介，但因為我同朋友都食唔到辣，就揀左胡椒豬肚雞煲🙈胡椒豬肚雞煲 $178雞煲已經煮好，一上檯店員就話食得，打開煲蓋胡椒香四溢，非常香，雖然只是點了半隻雞，但相當足料，食到最後仲有雞件湯頭愈煮愈濃稠☺️濃濃的胡椒味食到辣既刺激感，但不會使人滿頭大汗，豬肚好爽口，雞肉嫩滑，不會太肥膩特級雪花牛肋片 $198牛肋片有8塊，切得好靚🥰油花均勻，輕涮幾十秒，口感軟嫩適中，同時不覺得好油膩脆肉鯇片 $78鯇片開邊，魚片雪白大片，肉質結實清爽，食落冇骨又爽脆，不錯👍🏻

身為一個火鍋熱愛者，打邊爐對我黎講絕對係一年四季都可以做嘅事💕一早就聽聞呢間雞煲好出名，再加上最近因為翻工太忙已經好耐冇食過火鍋，今次就一於同fd黎試下呢間~胡椒豬肚雞煲($178半隻雞)雖然半隻雞聽落唔係好多，但其實對於兩個女仔黎講已經完全足夠，可以食到好飽~胡椒豬肚雞煲個湯絕對係全個火鍋的重點，因為加左雞入去煮的緣故，令個胡椒豬肚湯底極鮮甜~💕我同朋友最後幾乎飲曬全個湯，而且值得一讚的係，呢個胡椒豬肚雞湯絕對唔係cheapcheap味精湯，因為食完全餐落黎完全唔會feel到口渴，絕對真材實料！材料方面，豬肚同雞件分量都好足，豬肚夠爽口，雞件就算煮到最尾都依然好好食~自家炸響鈴($60)本人覺得響鈴絕對係火鍋必點的配料，因為響鈴可以吸收曬個火鍋d湯汁，絕對係世界之最！💯而且現場見到幾乎每枱客人枱面都會有碟響鈴，可以見到響鈴究竟有幾受歡迎~紅薯粉($35)紅薯粉偏向似粗身粉絲，唔洗等太耐已經夠淋可以食得，係同樣可以吸收湯汁的配料，又係火鍋必點配料之一！另外值得一提的係，呢間個雞煲係一上台已經可以食得唔洗等，絕對岩曬d冇耐性的朋友仔~

今日同同事吞pop唔OT，又想食🐓雞煲。咁最啱不過就係去位置超方便嘅旺角區食吞pot雞煲。今次第一次嚟食，一入門口就覺得環境比其他食雞煲的店舖乾淨、舒適。而窗外的風景是很多座亮著霓虹燈的建築物。在這環境下進食👀視覺和👅味覺均能非常享受🤩。吞pot雞煲有很多款式雞煲選擇，但是我們還是選擇傳統的重慶麻辣雞煲bb辣。我們差不多清曬成個煲入面所有食物，包括🐓雞，蔥，芹蒜，洋蔥等。每種食材均索曬香濃好味的重慶麻辣醬味道，非常。食完雞煲後，其實都已飽咗八成。但當然唔會放過原煲加湯打邊爐啦。今次我們選擇了：手打四寶丸$118，牛柳粒$90，紅薯粉$35。手打四寶丸：包括墨汁墨魚丸、🐂牛丸、🦐蝦丸、墨魚丸。每款丸都手打至非常彈牙，各式丸亦有各種材料的味道混入在丸內，證明非常新鮮及足料，值得一試。牛柳粒：size正正方方，一口一啖。不用淥得太耐，口感不會太韌，肉質腍好好味。至於醬料方面每位加12蚊，就可以在這個九格架內任選醬料。包括蔥粒、乾濕蒜粒、辣椒、辣醬、沙茶醬、豆瓣醬、麻醬和豉油。雖然我們是點bb辣，但是雞煲內都有多款不同的辣椒作調較辣味，就算我們不太吃得辣，但辣度我們完全能夠接受到，並食得出香

黎到旺角呢D咁花多眼亂既地方要揀餐廳食個lunch都真係唔容易 之前聽朋友講有間餐廳叫吞pot唔錯, 終於有機會試 一出lift既時間個環境真係眼前一亮, 景觀又開揚,枱櫈都算企理 lunch menu 都算幾多選擇 價錢又唔算貴, 今次試左個肉絲炒麵, 我幾鐘意佢個麵底, 夠脆又唔算油膩 肉絲芡汁又唔會好杰, 食落又唔會好膩 加埋杯檸水養一養生 為下午既工作打打氣~

花膠雞湯足料惹味，自家製芝士响鈴,牛小排及韮菜餃好味，即炸魚皮夠香口，蟹肉云吞及黑松露餃子麻麻地吾夠彈牙，wasiba 牛柳粒一般，雞子女菜及鱔片都新鮮，泰式蝦味道可以但不夠大隻，7人埋單每位320元

今日收工約左朋友去旺角行街, 行左一陣覺得有少少肚餓, 又想打下邊爐, 就上網睇下有邊間好食, 比我上網見到附近有間樓上火鍋有好多好評就一於上去試試, 一開LIFT門見到好大個缸有D魚游黎游去都幾治癒, 都幾吸睛。行到入店入面環境比較暗,  落地玻璃可以望到旺角既景色, 咁岩我地黎到既時候係黃昏仲有D晚霞睇到, 都幾有情調。咁我地坐低左, 坐位都算幾闊落, 坐得幾都舒服。而職員都提我地可以落左個湯底先之後再落其他配料,因為制作需時。我地ORDER左個麻辣重慶雞煲BB辣, 期間我地就整醬油同配料, D醬料都有好多款。等左十幾分鐘左右, 個雞煲就黎到啦, 聞到好香既麻辣味, 撈下D醬汁煮多陣我地就試下D雞啦, D雞食落非常惹味, 原來BB辣都幾辣,唔洗再加辣, 而D雞都大大件食落啖啖肉。之後我地再ORDER左紅薯粉同自制即炸芝士響鈴, 食完個雞就叫職員幫手加湯,之後湯滾起我地就加入紅薯粉, 紅薯粉煮左一陣就食得, 食落煙煙銀銀, 薯粉吸收晒麻辣湯底既味道好惹味。食到咁上下個即炸芝士響鈴都黎到, 響鈴岩岩炸起熱辣辣, 咬落好香脆,再加埋入面有D溶左既芝士,令到味道層次更加升華,而浸落湯底到幾

我諗好多人都係見佢好多個like 同入選左 就揀咗依間 點知中伏————————————————————————試左個 麻辣雞煲 bb辣。 一般 冇咩肉 叫左 雲吞 手打丸 之類。普通最最最難食 係佢個響鈴 我叫普通 響鈴佢個響鈴 好厚 ....去出面 現成買 仲好過佢—————————————————————————同埋 食完雞煲 佢咪加上湯既 D 上湯冇咩味 同埋佢落到好滿 3/4 之後食咩都冇咩味道冇下次 依個價錢 有更好既選擇——————————————————-

疫情期間都少咗好多雞煲邊爐約會，見今日早放工就同朋友落旺角揾食，喺OpenRice見到呢間雞煲咁多食評，就揀咗黎試下。我地叫咗胡椒豬肚雞煲、珊瑚蚌同自創爆芝響鈴。胡椒豬肚雞煲呢個雞煲比較特別，平時啲雞煲一開始冇咁多湯，比較乾身，而且比較重麻辣味，相反今次呢個雞煲一黎就有胡椒豬肚湯底，再加上味道濃味郁既胡椒味，食落好野味。雞肉亦都吸咗胡椒味，但我覺得個湯更加吸引。珊瑚蚌珊瑚蚌好爽口，一擺落個湯底到就食得。自創爆芝響鈴呢個食落都唔錯，一啖咬落去啲芝士就唧晒出嚟。

真係好好好耐無食過雞煲，朋友推薦呢間餐廳食，居然有唔辣，仲有靚景，又坐得好舒服。坐正窗邊位，可以一邊食一邊享受旺角夜景，真係唔錯㗎。如果你午市黎，或者同朋友早啲夜晚7點前食完，仲有得半價....下次再食呢間果陣睇下約唔約到呢啲時間。當然唔少得調味架，同台式唔同，唔洗自己出去，可以係位調好晒。重口味嘅我當野乜都落啲啦。野食等候時間嘅話，都需要等少少時間，野飲就好快上。（1）青瓜特飲，充滿青瓜清新嘅味道，天氣消暑佳品，有啲波子汽水嘅感覺，比我想像中好飲，$36杯。（2）王老吉，唔洗介紹啦呢個。（3）呢個係滋補螺片花膠雞煲，有半隻同全隻揀，$208半隻，係唔辣架，裡面超多花膠，介有螺片啦、菇啦等等。個湯好濃！（4）自創爆芝響鈴，$45，3件，呢個正呀，侍應姐姐同我地講呢個岩岩炸起，你可以即啪，又可以放湯浸3-5秒再啪。放湯嘅前提係唔辣，如果辣湯我估會com 左啲芝士香味。（5）唐生菜，$38，新鮮，放湯到吸晒湯嘅精華。食雞煲必嗌之一。（6）特級美國肥牛，$198，一膠就知靚野，雖然有少少貴，不過係好食嘅，雞煲必食之另一隻肉，肉同脂均勻，重點係個量都好多，啖啖肉。性價比來講，屬少貴。其實仲有啲

菜式價錢過高，食物質素一般。今次6人食，個個都不太滿意價錢，收費不合理。碟芫茜都要38蚊，得一小札，實在太貴。但環境尚算可以，服務質素也是不錯的，如食物質素調低會更好。此外，開心樂園餐極為不抵食，一碟細細碟，只有兩條廚師腸，兩條芝士腸，加半塊餐肉分兩邊和兩條蟹柳都72蚊，定價過高，質素一般，建議調低菜式定價較為適合。雞煲本來菜式及價錢都尚能接受，只有其他邊爐菜式價格尚高，牛肉質素也一般，此次晚餐都不太滿意。