君悅咖啡廳

营业中

休息中

其實我地係order room service, 正常來講都係出自coffee shop廚房或者中央hot/cold kitchen.出席會議, order in room包括:一大堆finger sandwich, cheese tartlet, fruit tarts等等.房中有2個waiter 長駐侯命, 服務貼心. Finger sandwich你預左"又係果d野", 但其中卷狀的三文魚卷最正, 一片煙三文魚被麥包捲住, 最緊要d煙三文魚夠香夠嫩滑, 肥膩少少都冇辦法啦.搞到我對Grand Hyatt的high-tea回復點點期望.

朝早o係灣仔開會, 早左到又未食早餐, 就過左黎酒店cafe買大大個muffin食. 有朱古力同藍莓選擇, 每個$15, 用一個透明膠袋載住, 再以紅色絲帶綁口, 賣相靚到暈! 見藍莓muffin焗得好靚, 上面又有crumble, 就選擇左佢.五星級酒店用料果然唔同, muffin內有好多好大粒o既新鮮藍莓. 面層焗得焦脆, crumble 份量適中, 豐富左口感之餘又唔會有膩口感覺. 整個muffin o既油份同糖份都較坊間低一截, 係一個好清新o既選擇.$15係唔平, 但係覺得值回票價!

飲完咖啡hea下hea下就hea左過黎grand hyatt. 去到cafe, 見到好多靚靚pastries, 忍唔住手就買左想試好耐o既綠茶紅豆蛋糕卷同埋每次必買o既藍莓香蕉芝士蛋糕, 做晚飯後o既甜品. 綠茶卷o既賣相較home cooking靚好多, 海綿蛋糕o既綠茶味唔算, 但係就好香蛋味而且好鬆軟, 有d似donq o既綠茶方蛋糕. 至於藍莓香蕉芝士蛋糕就保持一貫水準, 紐約芝士蛋糕底又香又滑,外皮焗得香香, 有少少o既脆餅底, 增加食味同口感. 面層係香蕉乾, 鮮香蕉片, 藍莓, whipped cream同. 師傅好聰明放d香蕉乾o係上面, 令蛋糕有多一重口感同味道. 面層o既whipped cream係極品, 食過唔同地方o既whipped cream係grand hyatt o既出品最得我心! 將cream, 香蕉同芝士蛋糕一齊擺落口... 好幸福呀!

tiffin desert buffet值得一試真係好多選擇~~不過西式甜品比中式的好!!!而且有很多生果選擇

等bf落樓，唯有o係度飲o野睇書喇~ 杯Strawberry Pool ($45)，係雪碧加strawberry syrup & pineapple juice, 仲有新鮮strawberry, 唔錯~ 依度環境唔錯，有海景，service又好，好滿意~

今晚有舊同學要移民，食番餐當薦行，但又適逢公司在會展搞function，非出席不可，所以就移師在這裡食甜品自助餐，要大伙兒相就，真有點不好意思。八點幾鼠了來現身一陣，見人頭湧湧，全場滿座，可見這個甜品自助餐也不乏捧場客的。聽負責訂位的朋友說，都要預早個幾星期訂位的，看場面似乎是所言非虛。有三人樂隊即場伴奏，氣氛好，環境也不錯，二百零蚊有找坐一晚，都算值回票價的。因為不能久留，所以只試了幾款甜品。朱古力噴泉幾特別，幾得意，亦好受歡迎。有各種生果可來醮朱古力，個人而言仍以士多啤梨最好，可惜士多啤梨細細粒，用上品質好一點的更佳，其次就是蜜瓜與朱古力最夾了；蛋糕有成十款，仍以皇牌綠茶紅豆蛋糕最好，綠茶味濃，紅豆餡又美味，如見到這味是必吃的項目；雖說其他幾款如朱古力餅及栗子蛋糕也有水準，自問非正宗「甜牙齒」，食極都係甜野，也有點吃不消，加上公司function也要食野，所以每樣都只怱怱試了一轉就收隊。由朋友埋單，所以未比錢。側聞價錢是158蚊不包飲品，188蚊就有咖啡或茶。甜品也算有水準，計埋環境，也算物有所值。如喜好甜品的，也可以一試。

Food taste good & lots of choice .. especially Tiramisu

前晚到了君悅coffee shop 吃dinner buffet, 選料算認真, 用料新鮮, 但款式實在很少, 比萬豪少, 但比Ritz Carlton 多湯只有兩種, 中西式各一款, 那天是花旗蔘煲雞和意大利雜菜湯, 花旗蔘煲雞當然不及自家媽咪湯好, 香味倒是有, 味道則稍欠奉, 只有點鹹味. 意大利雜菜湯因為不是心頭好, 所以沒有試刺身只有三文魚, 魚, 油甘魚, 北寄貝, 八爪魚, 魷魚和甘蝦, 我個人覺得只有北寄貝和魷魚比較好熱盆方面, 龍蝦算不錯, 即場灼的肥牛,鮑片和蝦不錯, 不過實在奇怪場內竟然沒有蠔供應,另外也沒有牛扒或牛柳, 不過燒豬柳也ok,羊扒口感不大好而且鹹了一點. 甜品方面, 美式芝士餅幾好, Tiramisu 則酒味很濃但有少少苦, 但算ok, 豆腐花不錯, pancake 口感不錯. 再一個奇怪是沒有雪糕, 只在pancake counter 有, 而且放在有蓋不透明的器皿內, 似是只用作伴碟或是作pancake餡的, 只有vanilla 和朱古力選因為那天胃口欠佳, 狀態不大好, 所以有其他林林種種都沒有試: 燒味, 蒸魚, 日式冷麵, 巴東牛肉, 肉醬

人人都話tiffin的desert buffet好正，於是便抱着極大的希望去食，雖然無想像中咁好食，但事實上味道和選擇方面都不錯，侍應又smart，以下是本人認為必試的食物：1.綠茶紅豆蛋糕：好香綠茶味，和紅豆的配搭簡直一絕，cream又不是很多，正2.蒜蓉芝士：好香蒜蓉味，愛芝士之人必食3.梳乎梨：香港其實有梳乎梨食的地方，雖然話佢可能已經預備晒，不是既製，但絕對值得一試，不過最好坐低既叫，新鮮d嘛4.雪糕系列：供應不多，回本之選本人認為最好不要意圖一人食數件蛋糕，好快滯架！

昨晚食佢地既dessert buffet~款式冇變...同幾個月前既一樣呀!><我覺得水準都冇變,我鍾意佢既意大利芝士餅幾重酒味,puff,有d cake都出奇地好重酒味~紅豆綠茶蛋糕,唔知係咪我食到好飽巳冇哂味覺, 覺得冇咩綠茶咪,紅豆好少,所有紅豆味唔出,cream反而特多bo!昨晚既生果樣樣都好新鮮,有d失望木"康"pudding只出左一次, 因為真係好正,想食多次都冇了~芝士好似多左幾款bo!比既包又dry又冇味,多穀包好d,建議用餅送芝士食好d,起碼冇咁飽ma!可惜冇new york cheese cake呀!另外可能佢地係鬼佬形式,所以佢地既chinese desset做得唔夠西式既好,好似湯丸,皮奶,芝麻糊等,唔食都得,留肚食其他野重好~有樣野幾好笑,佢有個款係chocolate musse tart,第二個款就係banana chocolate musse tart, 就係多左塊香蕉, 有d搵苯wo~ 哈哈!梳乎"你"有三款都唔夠味,有d失望麵包pudding同西米pudding雖然好"漏"但一定要食,其實想平d,大家可以去大華既late night b

上海o既君悅酒店開o係金茂大廈，個view勁靚！我有同學去左食佢o既buffet，話好正（55樓view）；而我自己就去左君悅o既Piano Bar，環境好elegant好靚，又有黑人live music，勁好feel！朋友開左支蘇格蘭Whisky（陳化12年），雖然我唔係好識飲酒，但都覺得好香好正...哈哈，我個exchange原來係學飲食！

一行七個人去食buffet, 個環境好靚, 好典雅, 仲有特別節目, 就係見到關淑怡同個細路女食野(個細路女有D似關淑怡.....)食buffet的程序係先食冷盤, 諗住去食生蠔, 點知無得食, 個解釋就係, 因為生蠔近日唔靚, 所以冇入貨, 於是無生蠔就出了凍蟹, 凍蟹都幾唔錯, 肉質幾好, 幾鮮甜, 鵝肝醬好好味, 因為佢味道夠濃, 塗麵包一流。跟住我就走去飲湯, 個湯係蕃茄湯, 可能因為加了cream, 所以我覺得個湯好滑, 好好飲, 食到呢到, 就想周圍行下, 參觀下, 於是就上了樓梯去睇下有咩甜品, 嘩嘩嘩, 君悅最出名的紅豆綠茶蛋糕出來了, 於是唔理點, 第一時間去夾件食下, 果然係一流的, 蛋糕好香綠茶味, good good good, 其他的熱食都有咩特別, 好大隻的蒜蓉煮龍蝦, 魚生, 同埋車仔麵都幾好食, 保持穩定的水準。甜品記得要食紅豆綠茶蛋糕, 其他的芝士蛋糕同甜品都好好味, 但係呢d咁好食的buffet食一次會肥五磅的, 所以各位女士要小心呀!!!

幾年前o黎食過dinner buffet、舊年又o黎食過tea buffet，昨晚又o黎食，今次完全沒有驚喜可言，雖然水準都keep住，可惜款式同以前基本上差唔多，沒有創新或出d特別新款。不過最驚喜就係馮德倫坐係我o地隔離，非常之近，比上鏡靚仔好多。

終於還左咁耐心願,黎左君悅食buffet,不過結果係ok失望下就5點幾先book 果晚位,一心諗住只係碰碰運氣多數都係冇位,但竟然有喎,都幾出奇,可想而知呢度並唔係真係咁受歡迎,只少冇cafe too同萬豪咁多擁戴者(其實我地係book唔到cafe too先book grand cafe)果度環境的確正如個名咁,夠grand,樓底好高,落地大玻璃,對海,地方都幾大幾闊落,燈光暗都幾romantic不過食物款式好少,味道唔係特別好,以佢收一個350黎講,真係完全非所值,我令願去萬豪同cafa too好過,仲要平幾廿蚊首先,竟然冇sushi,得魚生,有冇搞錯...以我所知君悅buffet有幾道菜係比較出名,其中一道係海南雞飯,但竟然去到係冇!!我知以前係有嫁...肯定縮皮左...又冇燒味(我未見過over $3000既buffet係冇燒味),冇炒飯,得白飯,燒牛肉counter就真係得燒牛肉揀,其他貴價少少0既酒店buffet起碼多一兩樣啦,好似海逸除左燒牛肉外仲有燒火腿同pizza啦。其他熱盤都一般,咖哩雞重椰奶味,味道不過不失、炸魚夠脆但腥腥地、炒牛柳都ok,at least好過燒牛肉

今日咁o岩經過, o係度買左個banana & blueberry cheesecake返公司做tea. 件pastry好靚,五星級酒店出品,先至$20一件,好抵呀!食完之後仲唔得了,認真好好味!!!!同平時o既NY cheesecake唔同,佢無一個shortcrust pastry底,只係o係件pastry側邊圍住crispy layer. 件pastry o既芝士味濃得黎又唔會過份,而且仲有好香o既香蕉味添! 個面o既cream好滑,再配埋d香蕉脆片, blueberry, 所有野夾埋一齊食,好正呀!想即刻食多件呀!