君悅咖啡廳

营业中

休息中

真係好有水準既Buffet, 平時成日食Buffet, 都覺得呢間好好, 可以話係Buffet中既Top 3.平時唔多食熱食既, 今日都食左好多, 最滿意有鵝肝醬, 可以伴不同種類既餅一齊食, 我就鐘意用塊好似多士既野夾住食, 個鵝肝一啲都唔腥, 仲好幼滑添, <必食> ~~ 另外有個三文魚醬, 雖然都好新鮮, 好好味, 但係我覺得好喊, 可能連包一齊食會好啲.另外個蒜茸焗龍蝦又係<必食>, 好大隻, 好新鮮, 食完隻都巳經飽, 想食多隻都無能為力, 但係真係好好味.仲有個自製德國腸都係好好味, 唔似得平時食個啲腸咁一味得個喊字, 好幼滑, 同埋好似加左啲芝士咁, 我同媽咪都覺得好好味, 食左2 次~~~~仲有好多都好好味, 不過我無試晒, 但係我覺得啲沙律都係好好味, 尤其係菠蘿薯仔沙律, 啲菠蘿係新鮮唔係Can, 好甜, 食左好多, 個醬又好好味, 不過薯仔就一啲好味, 一啲好喊, 一般啦~~~~~刺身好新鮮, 冷盤都係. 不停refill, 真係唔洗驚食唔到.甜品唔係好多選擇, 最好味係綠茶紅豆, 真係好soft 又唔太甜, 又有紅豆香, 好正,

位於會展傍邊,面對維多利亞港,五星酒店內,無法形容的relax。先來個串燒咖喱雞,不過不失,其實去之前早知重點不在其它,而是在甜點,事實上那裡70%都是甜品。凍薑汁撞奶及凍木瓜雪耳都不錯,想來弄熱的肯定會更好,至少香一點。雞旦仔有玫瑰,朱古力,及薄荷味,內裡不用軟心,改為鬆化甜餅,質感不錯。朱古力球味香濃,可惜過甜。還有waffle,三文治,各式蛋糕,水果等,太多沒法全試。

我和男友以前成日去Tiffan食8:00pm果輪甜品buffet 架!tiramisu超水準,不能替代!酒味芝士味咖啡味都勁濃! 包羅萬有- 朱古力噴泉, Pancake, 麵包布甸, 英式餅仔, 楊枝金露杯, 多款新鮮生果..... cake款雖然比想像中少,但每款都有水準, cheese cake 和朱古力mousse cake 各有2-3款! 正!可惜05年11月去去蛋糕師傅走左,無Tiramisu無cheese cake無朱古力mousse cake無木槺布甸這些皇牌....超失望!!! 當晚變晒apple cake, apple pie, all made by apple...!!! 不會再去了!其實我想問,有無人知個蛋糕師傅係咪回來做喇? 或者近來去過有返tiramisu,cheese cake,朱古力mousse cake,木槺布甸等等...? 唔該知道就做好心話我知啦

因為6月份係我兩位最好o既朋友生日, 而且佢地今年話想食自助餐wor!!本來係book左inter-cont.架, 可惜朋友們突然唔得閒, 所以立即轉鈦book grand hyatt....我早一日之前book, 都比我book到window seats(仲要個日係6/11 sunday)...都幾好彩book左6點半, 我地準時到達, 個host好有禮貌咁greet我地...一開始我地就食頭盤先, 試左d salad, 都唔錯幾fresh...d soup都ok, 主菜方面d生蠔好新鮮(必食)..有d貴價野好似鵝肝醬, crab咁...d牛扒就一般je, 有d "un", sushi就中上la, 唔及日本個d咁好食去到dessert la, 我個兩個fd就發哂癲咁食la, 焦糖燉蛋and green tea cake are the best, 我地食左幾round先跟停手, 如果我個fd唔係怕肥佢一定掃哂lor >.< 始終grand hyatt d dessert都係有水準service都算幾好, 我個fd有個怪癖就係飲野個陣一定要加3倍冰, 因為佢好鍾意食冰,

周日買件蛋糕去慰勞正開OTo既姐姐, 選擇左到grand hyatt o既cafe 買左件hazelnut chocolate crunch -- 外型就好似一個黑色o既火山咁, 外層係比較結實o既chocolate mousse, 中間係脆米同埋栗子mousse, 以鬆化o既杏仁榛子餅墊底. 稍嫌朱古力味搶左d, o係炎夏時食會有d過濃o既感覺. 如果可以加添一d生果啫喱或果蓉o係內層減低濃稠感覺會更佳.

首先講一講個環境....一流....個view直望IFC同會展個邊...冇得頂!!! d service 唔錯....好細心...值得一讚...講下d食物啦~~個龍蝦好好食wo .... 好彈牙...佢見少左少少...就立即refill ~~~ 效率好高~~~d龍蝦好入味...一d都唔"um" ... 掂Ar !!! 另外仲有一個撻..係朱古力既....但我唔知叫咩名...好好食...d朱古力味好重...食落個感覺好軟硬遘適中....好得....個感覺好難形容~~~但好似加左少少價咁...但都仲係值得....拍拖去就啱晒...

我很喜歡去Grand Hyatt吃Buffet，但基於以下兩個原因，每年也只能去兩、三次：1)極難book位，如果是十二月至二月，基本上起碼要早一個月訂位，好誇張2)又是十二月至二月，大時大節，價錢竟然貴至五百多至七百多一位這天，有幸可以去，真的很開心。八點開始，但我們七點四十五分便到，還可以早些入去。如果早些到，可以揀到窗口位。基本上，所有甜品也很好吃，我最愛的是朱古力噴泉和三文魚卷。有多款生果可以做coating，而當你看見整個噴泉的朱古力源源不絕地流，你一定會很感動。至於三文魚卷，出奇地好吃，每次一出現，很快便清貨。順帶一提，侍應們很有禮貌，服務很週到。以後一定會再去！

今次係同公司黎食0既.所以唔使比錢..如果自己黎食就唔捨得喇..3..400蚊..種類唔算多..此終我覺得佢0既甜品係最出色.所以我都係最後專攻甜品!!我覺得最好味係風乾牛肉.但係其他野就一般.d魚生choice唔多.得3文.北寄貝.豆皮.油甘.連tuna都冇-_-".龍蝦都幾好味.但係成日都比人夾哂d body我次次都夾唔到-0-"但係d腳都好味.因為好粗入面d肉.! 仲有d cheap野食.eg 排骨.燒雞.我都冇夾.~ smoked salmon都ok.仲有俄奸醬都ok.又有路荀.都正.好新鮮!.甜品就有最出名紅豆greea tea cake啦.正! 仲有豆付芝士cake.tiramisu.new york cheese cake.仲有d好似, 雪芭0既rasberry野.好味.! 芝士就有cheeder.mozarella,唔知係咪camberat <--唔識串..~ 但都幾好味.!其實呢個價唔算抵食.但都可以一try..! 環境唔夠樓上食dessert buffet果度好..!

又係商務午宴, 今次係公司大客, 老闆帶埋我出席. 呢類三唔識七o既應酬飯, 講多過食, 好多時食左d乜都唔係好記得. 我對呢餐o既印象係-- 頭盤係沙律, 主盤係魚, 但係味道都係普普通通, 無乜特別. 反而係坐低先送上o既餐包籃裡面暖烘烘o既蒜蓉酥就勁正! 如果唔係客人o係度, 我想食多一個添呀!今次o既笑係俾個餐包o既>.<

聽朋友講依度o既甜品自助餐好好味,所以o係我生日果日就同o左男朋友o黎依度食,雖然係五星級酒店,但有d 失望,因為款式唔係咁多,而且味道都係一般,更加令人失望o既係竟然冇朱古力蛋糕,而cheese cake 又唔係好夠濃芝士味,本來覺得個朱古力噴泉都幾靚,但就勁甜, 又冇朱古力味,食o左一塊就冇食lu~~非常後悔去o左依度食tim~~下次都唔會再去!!!

10/31晚早幾個月前才來過dinner buffet.但今次再吃, 水準下降, 食物款式亦冇乜轉過.今次坐近window seat. 賣點之一lobster, 上次舊舊肉, 又鮮甜今次只見成碟龍蝦殼,好寒酸,搵舊肉食都好難,d肉又冇鮮味. refill 後都係殼多過肉,好心揀下先拎出黎啦,好失望! 鵝肝依然好味OK.牛柳OK,炸魚柳唔脆林patpat.其它食物如炸雞炸得太"loan",蒸魚,車仔面,香腸,魚生,...冇特別, 度度有得食.甜品有幾款cake, 楊枝甘露.湯丸,紅豆沙慶買學單才知加了價每人$375 plus 10%total 每人over $400, 唔抵食!相信唔會再黎

上星期慶祝朋友生日真係唔抵, 埋單每人成五百多完(生日果個唔駛夾), 成晚食既野唔多, 好慘!佢地d款唔多lor, 雖則味道唔錯, 但好快就試左一round, 無咩係特別好好味, 龍蝦都ok既, 但好快飽肚.我好快就試佢地d甜品, 最正就係香蕉芝士餅, 但好快就比人攞晒, 其後居然無再出, 真失望.pancake麻麻, 仲要排長龍, 真係蝕.有個面檔, 個碗大得誇張, 但份量好少<---- 連湯都少過人, 想食又要排過隊, 慘.咁既價錢, 我寧願去番紅磡海逸酒店啦, 邊鬼個朋友話揀呢間架, bad taste

I had a fantastic birthday dinner with my good friend in there last night. The food, service, and atmosphere were way better than the Marriott Cafe. Everything was just perfect! I give it TWO thumbs up for sure!! Yeah~~!!!!

I must say... WOW... is beyond my expectation~well... maybe to many people food is not AMAZING~ but after i read the post from here, i try not to expect too much... but i must say... this is the best buffet so far i have had in Hong Kong~ much much better then JW Marriot~altho is a little more expensive but i think the food, service and place is well worth it... just like the previous post~spent $8XX for 2 of us... next time i will try their dessert buffet at Tiffin~ hee hee~Money well spend~

2005年10月8日, 二人到聞名己久的君悅Grand Caf擐Y dinner buffet。先說說環境, 好靜, 人不是很多, 未滿座, 隱約聽到Tiffan Lounge的鋼琴聲, 觀景算不錯了, 落地玻璃, 如果放煙花的日子, 會是很好的選擇。食物方面, 本人覺得以這樣的價錢, 僅屬一般, 我會覺得Island Shangri-La CafToo比較好(不過較嘈, 可能樓底較矮有關), 詳情如下:日式魚生有三文魚, 火灸鏗魚, 魷魚, 八爪魚, 甜蝦, 油甘魚, 北寄貝這數款, 壽司是即場搓的, 但搓得好核突, 不是握, 像中式飯團, 而且飯太爛, 甚差; 魚生則合格, 不過北寄貝有少少霉。熱葷方面, 主攻中式薑蔥炒龍蝦, 雖然不是澳洲級, 但極新鮮爽口, 回本之食。另外, 很多網友提及的煎羊排, 試了一點點, 雖只有很輕微的羶味, 但小弟不太喜歡吃羊, 沒有特別的意見。還有炸蝦, 畸嫌太老火, 有點乾及刮口。中式炒牛肉味道不錯, 老火湯也不差; 而其他的熱葷則屬大路貨式, 不作詳述了。甜品方面, 如果以為這裡的西式甜品是跟Tiffan Lounge一樣的話, 會有一點失望,