君悅咖啡廳

营业中

休息中

同樣地,都係用我小小手機影o既...

睇左最新o個期飲食男女, 裡面介紹tiffin呢個dessert, 即刻心動想黎食.打電話黎book位, 佢話tea time己經full booking(因為佢地有tea buffet)...好失望...但係突然醒起上次o係上海grand hyatt,同埋平時去文華,可以嗌酒店裡面其他餐廳o既野食, waiters會transfer過黎...所以就打去地下o既grand cafe,問下得唔得. 個女仔話得呀!咁我就book左兩位!同家姐去到,個女仔就好醒目咁幫我地上去tiffin拎兩個dessert黎. 原來今日係第一日有呢個dessert!我地係第一批食客呀!就連個女仔都未見過呢個dessert!話見到個樣都覺得好吸引!magazine個重點係homemade chocolate ice-cream, 但係我同家姐都覺得個布甸係個靈魂!佢同其他地方有d唔同,裡面唔係pure melting chocolate, 而係朱古力榛子漿!!!!!!!我o既至愛呀!!!!!!除此之外,裡面仲有層鹹鹹地o既開心果蓉, 中和布甸o既甜味,令到個dessert無咁漏!一句講晒,好正呀!反而個ice

今日朋友好豪咁買左呢度o既朱古力請我食呀!點講呢?味道其實唔差嫁...不過由於我係godiva o既die hard fans, 覺得始終係godiva o既好味d...

起初，見到食評話呢度ｇｅｉdessert buffet 水準好高，同電視都介紹過，覺得好吸引。於是就趁有cupon ，係上個月鍾意試到lur。..去到..d 甜品睇落去好似好多..佢分開幾個section ..cheesecake 就有十款到..有紅荳綠茶蛋糕，德國芝士，瑞士芝士，芒果蛋糕，朱古力蛋糕(有幾款)，opera，puff，tart，waffle，芝士（比餅你搽）楊枝廿露，朱古力噴泉，souffle，pancake，tirimisu，三種雪糕，西米布甸，朱古力有甸，湯丸，糖水，豆腐花，仲有d 好細細件gei cake ，仲有好多款生果，仲有其他．．不過唔記得lur...不過環境幾好．．．好快我就已經食得好飽．．都試唔晒ｄ　野．．不過唔係話特別好食，反而我上次去凱悅．．有甜點有咸點．．覺得好似好d...

環境幾好，甜品款色雖唔係勁多(因佢主力做甜品，感覺上應該有好多款)，但每款味道都幾好，幾平均。加上有live band，都唔錯，只係間中比較大聲。但個人認為太過齋甜品，如能加插數款咸點會更吸引。

不過我唔o係coffee shop度食嫁播...而係o係一樓度...d souffle真係幾好味...不過我更鍾意佢地個chocolate hazelut dessert!我覺得呢個世界上發明將榛子蓉混合朱古力做甜品o既人應該拎奬!!!不過佢個dessert buffet真係太齋dessert啦(除此之外只有cheese & bread)...同我一齊去o既女仔就無complaint, 男o既就話好辛苦...返到去仲即刻渌公仔面食!

上次同個friend去食甜品自助餐, (基本上我唔太鐘意食甜品)不過個即製梳乎厘真係好好味, 其他就唔太鐘意啦, 不過發生左一個小意外, 食下食下有隻烏蠅跌左係我地張枱度, 嘩, 真係反胃d friend 仲係度we嘩鬼叫, 話隻野仲未死, 係度郁, 個waiter 即刻行過嚟幫我地執走佢, 話唔好意思囉.d friend 仲好抵死咁話" 嗱, 呢d就係六星級啦" 好搞笑, 不過真係好surprise係呢間酒店見到烏蠅, 仲要近距離.另一個小意外俾我見識到原來d waiter好好身手, 咁佢有一張枱擺生果, 有五,六款啦, 每款都有個大透明蓋蓋住, 咁我攞起個蓋擺係另外一個蓋上面啦, 點知一時失手, 個蓋就快要跌落地, 一個waiter突然出現, 接住個蓋, 好勁呀.由於呢晚齊食甜品做晚餐, 感覺上冇乜紮實野落過肚, 但又好飽, 渾身不對勁啦, 我都係鐘意晚餐食粉,面,飯.

好難訂位!不過都幾好味~d生果幾新鮮,d cake都ok~仲有即叫即整既疏乎里(酒店級果然唔同d),不過主角仍然係個朱古力噴泉,用菠蘿點最好味,千祈咪用綿花糖點,好難食~~仲有食得太漏建議食少少西芹,有d幫助ga~但好好笑,竟然有龜靈膏食,不過好難食,似係苦左既o者o里囉~

朋友係grand hyatt club member, o係度食飯有優惠, 所以就請我o係度食. 我地分別都叫左個set lunch.佢serve o既方法有d似日式定食,不過就係中式加東南亞食物. 最後仲有個西米布甸dessert.味道唔錯, service都幾okay!

嘩, dessert 真係好好食呀, 但就得好小野食及無咩特別囉, 連生蠔咁普通的都無, 好失望>_<成人一位要HKD350 plus 10%價錢都可以啦

THe dessert is very very good!The red bean and green tea cake is the best I've ever try!but, 是很難訂位,I made my booking 1 month ago a!Because someone told me that it's diffcult to make booking!

絕對同意綠茶紅豆蛋糕實在係好正，蛋糕香綠菜味而紅豆亦鬆化，每次有同事買回來都火速搶清光。值得一試！

2003年7月5日相約朋友到此餐廳品嘗下午茶自助餐，此餐廳是很難訂位的，記住早一至兩星期訂位；價錢為HK$165.00時間由3點15分至6點(但3點已可以取食物)。環境十分好，坐位舒適，有真人即埸演奏音樂；綠茶紅豆蛋糕真是名不虛傳，但留意此蛋糕有兩款，一款是蛋糕形、一款是蛋卷形，前者較後者好味及無這麼膩，前者只出一次，所以一去到就要立刻試，如果不是就蘇州過後無艇搭；甜品尚可以，沒有什麼驚喜，串燒過得去，雞翼我沒有品嘗；沒有魚生、生蠔及沙律，生果種類不多，但飲品就不停供應。食物及價錢對比起萬豪酒店就略為遜色一點，但環境就比萬豪優勝。不得不提是有一款鵝肝醬三文治十分搶手，初時我只取了一件與朋友分享(因不想浪費)，吃過後覺得十分好味(真是很像中國腐乳，食落感覺很甘香，很有鵝肝味道，我的朋友說曾在台灣吃過此味道，在香港未曾吃過如此好味)，相差不夠兩分鐘再去取，已經沒有了。但總括來說，抱住一個吃下午茶的心態，亦可一試。(如想以平靚正的心態去吃，就會令你失望。)

本來諗住訂Tiffin Lounge食tea buffet <br>掂知訂錯左訂左coffee shop，有d失望， <br>雖然係coffee shop食過dinner buffet好正。 <br>雖然個tea buffet都ok啦，不過品種唔多， <br>就無dinner咁正。 <br>至回味當然係甜品， <br>就係新鮮熱辣的waffle、綠茶紅豆蛋榚、scone、芒果拿破崙餅等 <br>熱盤就唔係好多選擇，其實每位150蚊，真係唔係好抵。 <br>

尋晚星期六同家人一起去君悅coffee shop 食自助餐, 每人收費350 蚊再加10% . 當初滿懷希望的. 不過食完一次下次都唔會再去.公平d 講, 佢唔係難食, 而且選擇都幾多. 沙律都有四五款, 不過唔夠凍, 味道都ok 啦. 熱盤都不少, 最好食我覺得係煎封豆腐( 同雍雅山房有得fight ), 其他燒味等等我就無食, 但媽媽話叉燒好好味. 其他仲有即場煮的湯粉麵( 不過來得呢度, 食呢d 咁市井的食物, 會唔會太浪費啦?? ).貴價食物方面, 有龍蝦, 不過唔夠甜美, 味道麻麻. 蟹我無食, 不過見佢凍冰冰都好似無咩味咁( 我家姐的意見), 所以留肚食其他. 壽司的樣子比其他自助餐的好及多樣, 仲有天婦羅食( 不過呢兩樣我都興趣不大).魚生有點失望, 我覺得唔夠fresh ( 食完個口有隱隱的腥氣, 新鮮的話不應如此), 連生蠔都沒有( 不過我食又得唔食又得, 但你如果想食, 可能會失望囉). 甜品有幾樣都整得幾好. 焗西米吉士布甸幾好, 唔太甜, 不過佢係一個大大的盤任你"畢", 由於放在室溫, 因此唔夠熱, 如果佢用一個個小小的焗盅來放, 再keep 住溫度會好好多.