君悅咖啡廳

营业中

休息中

Grand Cafe 係灣仔Grand Hyatt，午餐是十分容易訂座，因為餐廳地方夠大，很喜歡他的電話訂座系統，他們會保留你的資料，所以每當再次訂坐，就不用重複所有資料。講返餐廳，餐廳返新後設計摩登，全餐廳落地玻璃設計，海景view, 淨係睇嗰view, 都令人輕鬆放鬆。每次的餐前麵包，全部新鮮自製，又香又熱，每次都會食很多。我最喜歡他們的海南雞飯，侍應會問你要什麼部位，每次的海南雞，都是又滑又入味的。飯後再來一杯香濃咖啡，真是一個完美配搭。另外他們的甜品也有很多選擇，甜品部設計在餐廳的中央，這就更能夠吸引大家。

一年一度媽咪生日，都要諗去邊度食嘢，不過多數都係會去灣仔君悅酒店，因為佢哋係會員。本來諗住去池伴燒烤自助餐，但係上面好似已經唔做buffet ,所以就落咗去coffee Shop。本身想去啱啱裝修完嘅tiffin試吓，但係媽咪話啲椅唔好坐，而且佢唔食生蠔，所以就去coffee shop。對上一次去coffee Shop食buffet ,已經好似係一年之前，今次去到啲嘢食完全唔同晒。最驚喜嘅係連招牌菜海南雞飯都有得食，而且海鮮數量亦都好多，真係食龍蝦同埋刺身都已經值回票價！加埋鵝肝同埋燒牛柳，真係食到反晒肚！

星期天任你點瞓都好似瞓唔醒咁。食返個豐富早餐提提神係必須。啲包包真係高水準超好食咁多都KO曬佢。碗粥又係估佢吾到的咁正。唔攞粥同包就走寶喇😆特別是外脆內軟牛角包及軽柔軟熟甜甜圈。吃過就知已差不多是全城最好的了。其他質素都非常高，如叉燒酥、溫泉蛋、烤火腿及沙律，瑞士凍麥片等等。多款鲜榨果汁任飲，生果任食真享受整個早上。讓我感到滿滿辛福的一大早上話説從來沒發現自己那麼大食。此時此刻驚覺自己在這兒有超大食量。

以往君悅酒店的兩大自助餐，茶園及君悅咖啡廳都各有千秋，實在難分高下。上回提到翻新過的茶園大不如前，令我信心盡失，今次重臨君悅酒店，可說是屢敗屢敗，結果果然不負眾望，令我重拾信心！先談咖啡廳的外觀，餐廳樓底比一般高，裝修時尚具氣派，十分大體。宏觀自助餐的食物種類繁多，用料新鮮，職員更不時refill，確保有足夠食物提供。最值得一讚是職員時刻積極保持場內環境清潔，不忘抺走桌子因食客不慎而留下的芡汁。龍蝦更有多樣不同煮法有最基本的冷盆食法，然後是中式炒法（下圖）單看照片也能嗅著滿滿的「鑊氣」，最後是芝士燒烤，喜歡熱騰騰上碟的食客必須要試。其他款式的菜餚都絕不失禮。熱葷整體表現較為出色，特別推薦--海南雞飯。單是醬汁就已經有三款，做法更是「即叫即斬」，油飯入口香而有咬口。甜品屬一般水準，沒有太大驚喜，但整體而言，君悅咖啡廳屬高水評之作。

呢個海鮮自助晚餐真係要乜有乜!! 呢度最出名當然係龍蝦啦! 淨係龍蝦已經有幾種不同做法..有蒜蓉開邊蒸, 有芝士焗, 有薑蔥炒, 有凍食! 其次推介係煎鵝肝! 未食已經聞到香味而且入口即溶! 超正! 另外, 佢個燉湯, 海南雞飯, 蒸帶子, 薑蔥肉蟹, 蒸清石斑同焗豪又係必食之選! 刺身方便, 佢有甜蝦同日本帶子...都好新鮮㗎! 反而我覺得佢個牛扒就麻麻哋! 吾太juicy冇咩驚喜!個人覺得攞食物嘅位置距離餐枱有啲遠, 唔太方便! 如果佢可以將個Food Area重置, 放返係餐廳中間位置就perfect!價錢方便加埋一大概每人$750!

今晚提前做節，我地四大一細再戰海逸自助餐． 我地被安排落坐熟食區附近的半梳化坐，環境很舒服，酒店的待應仲好貼心安放好BB櫈． 今晚主打龍蝦，由湯．撻到雪糕冷盤都以龍蝦為主．味道則仍在水準以上．而我最中意而且百分百推薦的是蒜蓉蒸蟹，煎鵝肝及燒蝦．蒸蟹鮮甜，酒店用花蟹配搭，蟹肉入口清而蟹味濃，鵝肝則配上煮好的蜜桃，入口既不肥膩，仲帶點蜜桃香甜，但絕不搶走鵝肝的美味． 主角龍蝦也非常出色．龍蝦撻非常好味，另有一道類似青咖喱燒龍蝦微辣，但好刺激味蕾及食欲．最得意的是龍蝦雪糕，咸咸地，幾過癮． 甜品多用dark chocolate 制，很有水準，我最中意奶茶薑汁涼粉，又滑又香． 酒店由食物的味道．新鮮及服務水凖而言，於今晚都是超水準發揮，絕對是五星水平之上．

$698 的buffet，食足4個鐘到10點。餐廳上年裝修過所以無以前咁黑。黃昏6點入坐太陽未落山都幾曬，所以唔好request window seat,因為太曬見到好多人request 調位。可能因為食足4個鐘關係，6點都唔多人，可以慢慢揀，慢慢食。主打係任食a la carte 價值$200幾的海南雞飯！我都食左4碗😝😝又真係幾好食，d雞好滑又無骨、油飯又好香，如果a la carte 要我比$200 幾我就唔會食咯。即煮生滾海鮮粥都好食，粥好甜好綿。其他食物我都覺得弱左少d，熱食得3/4款、steak 得一款，有即焗蠔，都幾大隻。沙津bar 都係得幾款而且唔特別但有生牛肉他他。反而龍蝦有凍食、青咖哩即燒同芝士即焗。我覺得最好食係芝士焗，其次係青咖哩（但好辣），同埋香煎鵝肝配蘋果都好食。甜品我覺得算強，記得留肚！綠茶千層蛋糕推介必食！整體唔算太出色，但都可以再黎食，因為有幾樣野真係值得再黎食，包括海南雞飯同綠茶千層蛋糕。

來到今天，妹妹4歲了！今晚沒時間一起慶祝，還好上週四在灣仔君悅酒店慶祝媽媽生日時，也一併預祝了妹妹生日快樂，今篇就來一起紀錄當晚的開心片段～雖然這晚主角是兩母女，但選擇再訪 Grand Cafe，其實有一半原因都是為了囝囝：一來，為食仔最近熱烈愛上海南雞飯，Grand Cafe 的出品是個人心水之冠；二來，餐廳六歲以下的小孩不收費（成人週一至四則 $658／週五至日 $698），自然要趁生日前趕快再來！當然，另一半原因也為滿足私心：餐廳由8月初至10月5日，推出一連串寰宇龍蝦傳奇菜式，對於愛吃龍蝦的媽媽，自然吸引極了！開始前先送上影片，大家數到幾多款龍蝦菜式呢？其實，就在入口位的甜品櫃邊，已經見到 Lobster Ice Cream Berliner Sandwich 龍蝦雪糕三文治！當然，龍蝦只是裝飾，鬆軟的柏林三明治中夾的，其實是酒店自家製的龍蝦味雪糕～ 當然，不想夾包、淨食龍蝦雪糕也絕無問題！其他口味還包括：清新椰子雪葩、意大利特濃咖啡雪糕、香滑雲呢拿雪糕、香濃朱古力雪糕、開心果雪糕，以及必食的港式奶茶雪糕及美妙冧酒提子雪糕！愛吃雪糕的，真的要留肚來品嚐啊～ 其他的甜餅選

愛吃龍蝦的朋友，這段期間來到灣仔君悅酒店Grand Hyatt的Grand Cafe，相信會吃得特別開心盡興。Grand Cafe的自助晚餐，正以寰宇龍蝦菜式為主題。整夜在不同的冷與熱美食區，甚至連甜品，都會遇上分別以英、美、法、日、中、泰等不同食譜烹調出的龍蝦菜式蹤影！而且酒店選用的是更環保的可持續龍蝦，值得一讚。開開胃的，先有冰鎮開邊龍蝦及即點即製的美式Classic lobster cocktail。中式的海鮮湯炒龍蝦，龍蝦肉爽甜鮮味。與中式蒜蓉蒸龍蝦鉗一樣，都是愛吃熱辣辣中式海鮮朋友之選。還有其他各款蒸與炒海鮮，如清蒸龍躉、剁椒蒸紅蟹與辣海鮮汁蒸海螺，這夜所見都很受食客歡迎呢。我最喜歡就是即點即製的Coconut green curry lobster with Thai basil。泰式金不換青咖喱龍蝦，龍蝦肉啖啖都是濃郁青咖喱香，微辣惹味。其實還有lobster pie龍蝦批配香煎鵝肝，及龍蝦鉗壽司等，可惜這夜我沒有quota吃了。因為龍蝦以外，還有不少其他海鮮與美食呢。冷盤方面，有多款冰鎮海鮮、刺身、壽司卷物、即製沙律、自家製煙三文魚等。其他熱食方面，有朋友大愛的現場燒烤

本人好喜歡食海南雞飯，但香港真正好食的新加坡海南雞飯不多，今天是特意來試全城數一數二貴既海南雞飯是日下午接近2時都相當full house 環境以一間5星酒店來說有點強差人意，枱與枱之間既距離都好密另外感覺上這兒trainee 比較多，看到落單時也要找senior 或送菜送錯枱既情況。落單後先有麵包籃，熱辣辣相當討好，有紫菜面的小圓軟包比法包好食。從落單到海南雞飯上枱等了約20分鍾，應該是即叫即整吧。先喝一口冬瓜粒雞湯，相當濃雞味，感覺似食雞燉翅時的金華火腿雞湯味。個人口味覺得食海南雞飯飲清雞湯會襯點，所以沒有再飲這濃雞湯。再食一啖雞飯，值得一讚係佢相當相當熱！熱到微微冒煙！雞飯是正宗雞油飯不是雞汁或雞湯飯，因為佢夠熱，所以也不覺得太油膩，飯感覺是絲苗米混入珍珠米，口感不錯！ 雞肉，相當的滑！連最厚身位置既雞胸肉都相當滑！ 雞真的煮到剛剛好，不會有血水但又不會過熟變鞋！真係要一讚佢既功夫！雞皮算薄，而且底下無多餘既肥膏。因為是新加坡式而不是泰式，所以雞本身就是白切雞沒有太多味，靠的是3種醬汁。我最喜歡左面的有少少甜辣又好香薑味的黃色醬！ 中間的甜豉油都好好食，右面既䓤蓉就是平時一般的味

The magic about good food sometimes lies in the ingredients rather than the cooking method. Especially when it comes to supposedly normal day to day food. I've had the pleasure to try the Cha Siu rice in Grand Cafe @ Grand Hyatt. You can feel that the pork was fine and the portion was just right, not too much or too little. One of my favorite cha sius in Hong Kong!

這家自助餐沒有生蠔，有質素不錯的西式凍海鮮，包括龍蝦、三點蟹、海蝦及蛤蜊。龍蝦達中上水準，不會過熟、有膏，不錯。三點蟹雖然比較細隻，但多膏，肉厚而且鮮甜，感覺就如食著蟹味雪榚一樣，入口即融。實在較其他有提供三點蟹的餐廳優勝。令人驚喜的是這裡的中式海鮮，當中最出色的是上湯龍蝦。相對西式龍蝦只加香料用水煮熟，這味中式龍蝦先把龍蝦泡油，內裡的水份因此保存在龍蝦肉中。然後落鑊加上湯快炒上味，泡油後的龍蝦肉面甘香的肉焦盡吸上湯精華，上湯浸入龍蝦肉內，十級美味！上湯快炒後變成汁掛於龍蝦上，濃淡適中。這個上湯龍蝦真的必試。燒大蝦、牛肉他他、鵝肝、刺身都不錯。另有一味創意十足的黑松露西多士。多士內夾的是花生醬，因看不到黑松露真身故推測是加了黑松露油到蛋醬肉再炸；炸起的多士再淋上練奶。一入口濃濃的黑松露味直衝腦袋，然後是花生醬及蛋香，最後才食到練奶的甜味。黑松露與花生醬這個大膽的配答十分特別，個人覺得新奇刺激兼而有之，有膽的不妨挑戰一下。另一個推介是這裡的自家製雪榚及拿破倫蛋榚。開心果味雪榚香醇質厚而軟滑，十分nutty。椰子雪芭則椰香爆發。其他口味包括雲尼拿、朱古力、提子冧酒、港式奶茶、特濃咖啡都不錯

小弟從前是非常喜歡嘆下午茶的，與午市人頭湧湧的時候比，下午茶時段人客落得稀少，餐廳環境也不會太嘈吵，可以靜靜地享用一下或與朋友聊天。可是，工作開始繁忙起來，嘆下午茶的時光一去不返，只可靜悄悄地偷下時間去。由於看見多位食友曾到訪Grand Café，小弟被那個「三點三」下午茶所吸引，於是就趁上星期有一日空檔，靜雞雞來到嘆下午茶。 這個「三點三」下午茶的驚喜之處就是包括了招牌的海南雞飯及雲吞麵，份量相當豐富。於是小弟就連午飯也不吃，就一支箭狂奔去等位了，幸好當天未致滿座。 為了盡快享用，一看見「三點三」的字樣就點了，傳統的下午茶都是甜點比咸點多一點，再加上鬆餅等，可是這個卻相反，咸點比例會較多。首先，會先送上咸點拼盤，當然有小弟喜愛的招牌海南雞飯、蝦籽雲吞麵、蜜汁叉燒酥、芝麻蝦多士、炸春卷及鵪鶉蛋燒賣，份量真是頗多，細食的真是可以分享來吃，因為除了鵪鶉蛋燒賣得一件外，其餘點心都是兩件，一個要飯，一個要麵，絕對是二人份量的。 吃過咸點後，甜點拼盤也送來了，不過這份的份量又回復到一人份量了，有一個大蛋撻、港式奶茶雪糕配薑味西米果凍及生果拼盤幾款，再配合君悅招牌瑪德蓮蛋糕及馬卡龍

早幾日睇Openrice, 見到Grand Cafe有3點3 Tea Set, 好似幾吸引！响星級酒店，$270 一個又唔係太貴。一於响放下午既日子和爸爸媽媽去high tea啦！宜家有3款tea set供選擇，我地order 左2個「3點3」tea set share. 最初都擔心唔夠食，想 order 3 sets, 不過都係睇定D先! 唔知係咪即叫即整呢？落左order都等左10-15分鐘先有野食。食物上枱時，我急不及待影相，而侍應姐姐就走埋黎問要唔要幫手影相，好細心，值得讚賞！其實我覺得响酒店食地道港式下午茶都幾得意，而且亦合老人家口味。海南雞飯確實幾好味！不過雖然話配自家製醬料，但冇另上。問左侍應，話已在飯內。我就喜歡平時有好多醬可以自己點果D! 雲吞麵既雲吞好爽口，味道鮮，可惜個麵好大鹼水味，難接受！蝦多士及叉燒酥幾鬆，但只係暖，唔夠熱！燒賣都幾好味！但對春卷就好失望，頭尾部分脆，但中間位置既皮係淋左，4條都係咁！😩😩😩食完鹹點，等左一輪都無侍應黎收碟，亦未上甜品。到上甜品既時候，侍應只收左枱面部分既碟，但飲完奶茶既杯又唔收走。而且，我地食完鹹點，個碟有雞皮和蝦殼，但係都唔

Despite being one of the so called best hotels in Hong Kong, I never really felt the class in all the dinning outlets at this hotel. In all fairness, food at the Grand Cafe is not bad, I personally never liked Grissni nor The Steakhouse so in terms of food produce, I think the Grand Cafe has done what it needs to deliver 5 star hotel quality. However, if the food is 5 star then I would say the service is 1 star. Not only was it impossible to get a wet towel or tissue (we had to ask 3 times), the