名館 (已結業)

周日从家步行至soho，想找间悠闲好味的中餐厅。餐厅装修很花心思，非常漂亮也很Instagramable。然而饭菜端上来，却是各种“四不像”：-鸡丝粉皮第一次见用黑色红薯粉做鸡丝粉皮的，红薯粉十分厚重也粘连成一团，整体很干口味不佳，麻酱也结作一团- 担担面大量汤的担担面？？是我少见多怪吗……花生酱和辣的味道自然也很淡-虾饺和小笼包只能说还算正常，然而小笼包的汤汁和面皮都差强人意，完全不如楼下对面的小店祥兴记…-净鱼蛋是日唯一的味道可以达标的菜====很惊讶openrice上面的这么多的好评/like从何而来？！难道真的只是被颜值吸引吗？不可思议。我个人不会再来，完全浪费了我吃淀粉的quota，口味方面还不如美心皇宫一类的连锁餐厅。服务态度总体很好，但是无法弥补口味上的短板。很可惜，openrice最少必须评一颗心，另最终评分为ok，其实我个人评价体系认为应为“差评”。

以前食過同集團的名苑，食物有一定水準。這次跟朋友可以來吃名館，一點也不怕中伏，更是滿心期待呢。中環粵菜的選擇十分多，單是鄰店已有一家米芝蓮推介餐廳，要在此地段立足的話，不乏實力之外，相信廚師和員工的壓力也不少呢。 餐廳的英文以「Bistro」為名，環境跟平時中菜廳不一樣，而是走較新潮型格的路線，就像一個海底世界的感覺，裝潢十分特別，擺設亦格外講究。 最令人注目的，莫過於那幅粉色蒸籠墻，旁邊的一個個碗就跟用餐的碗一樣有心思，有玩味。 碗上盡是有意思的句子，尤其能感受到設計者的心思。像這句「時間是一個圓，春夏秋冬又一春，過不完我對你 週而復始的思念」，很有意思，對嗎？ 先嚐一壺熱湯。對，你沒看錯，我沒打錯，這裡的湯的確是以「茶壺」送上，再倒上杯中淺嘗。 天山雪蓮燉海星 $88 這種壺與茶杯令喝湯這件事變得有趣，又增加了幾分噱頭和玩味，不喜歡喝湯的我也因此而喝了幾杯！ 湯暖暖的，不會太膩，鮮味足夠之餘，感覺亦清潤，無味精。雖然用上了海星，但湯卻沒有半點腥味，有點意外，亦難得。 厚切叉燒皇 $88這裡必吃的名物就是這個叉燒皇！你看，它絕非全瘦或偏肥，而是肥瘦均勻，每一片的厚度亦相

連續放幾日紅假，可以有得抖抖，但紅日去旅行實在太昂貴，決心留港消費，食下hea下又一day，慢活一下。今日家姐請食飯，佢出錢我出胃，何樂而不為啊哈呢間有別於一般中菜菜式既中式菜館，內裡裝潢好有新派中式菜系裝潢感，有種摩登既時尚，地方坐落亦頗闊落舒適，連用既餐具碗碟上菜都睇得出餐廳既心思。食物方面款色選擇多，由於老納我係有選擇障礙症侯群，同親家姐食飯幾乎都係由佢發板食咩，一家人開餐，老姐點左好幾個餸。菜蜂蜜柚子蝦球:上菜器皿實在講究用心，很有驚喜，蝦球爽彈鮮甜，配上柚子汁酸酸甜甜，好開胃，不錯哦。厚切叉燒皇：老納我係燒味殺手，呢個乂燒堅正，肥瘦比例剛剛好，入口蜜味，鬆軟即溶，佐飯一流。姬松茸燉花膠: 家姐最鐘意飲湯，又名湯告老師，每人都有一個小茶壺盛載靚湯，好不別緻，料足湯燉在小茶壺內一直熱住，令湯味好出。鮮蝦金魚餃: 新鮮炸物實在無得輸，外層香脆，內裡彈牙，口感十足，啱哂我呢炸物狂人。其他家常小菜都得到位，煮功了得，好啱配飯食，是日食左兩碗飯。上餐前，家姐手痕又點左啲點心止下口痕，點心精緻，手工好細膩，賣相very吸睛。呢間菜館好有驚喜，食材新鮮配搭味道出眾，做到色香味俱全，一分錢 一

今天是一個重要的日子，而我一直也知道她很想再回來這裡食多次，所以趁今次就帶她再來，而且這裡的確也水準依然。這次，我們點了宮廷點心盤，內裡有7款各種精美的點心和前菜，都蠻好吃的，特別是天鵝形狀的點心。湯是她很喜歡的糖心黑蒜燉嚮螺，味道依舊係咁正。厚切叉燒王，夠厚切又肥美。還有金銀蒜蒸勝瓜金菇，勝瓜咸咗小小，但金菇唔錯。另外還有蝦球蟹籽銀絲煲，蝦球精緻夠彈牙，好食。還有不得不數的私房金黃球泡飯，黃金球外脆內軟，泡飯的湯又好好飲，好入味，配埋上面d小菜一齊食，真係一流ga.食到我地2個停唔到口！最後則是蠻有驚喜的麻雀13么半份，麻雀是椰汁糕配威化紙，好靚好好食！值得推薦大家過來一吃再吃的高質餐廳。

復活節長假期無出外旅遊就當然要約下屋企人聚一聚啦，帶埋小朋友同長輩飲茶就要搵一間地方要坐得舒服既餐廳但係中環區就難d勒, 呢間名館位置係擺花街既商業大廈一樓亦係鏞記同一條橫街，上到去空間感十足，裝潢特色得來又很乾淨企理，適合一家大細聚餐既好地方。中午時分有點心紙劃食物，款色選擇好多，點了幾個點心小菜及飯，最後仲叫左d甜品。海葡萄沙律菜-沙律汁溝埋少少wasabi落去醒神又開胃風味口水雞-味道濃郁但並不辣，雞肉嫩滑老鼠愛大米-外形精緻可愛，外皮用米槳做成，入面就係類似咸水角既料，不過一定要襯熱食，凍左個皮就無咁Q彈蜜椒土豆安格斯牛柳粒-牛柳香嫩，薯仔粒炸過好香口金銀蒜蒸娃娃菜-簡簡單單清清地又可以中和番d濃味油膩野燕窩流沙包-箭豬造型好得意呀，外皮較厚但夠軟綿，流沙效果亦做到和風櫻花蝦抄飯-每啖都有好多櫻花蝦好足料，抄飯抄得夠乾身，做到一粒粒飯唔會一嚿嚿，蝦味亦香濃麻雀十三么-其實係椰汁糕，造型非常盞鬼，連張銀紙都食得

成日覺得係中環食個正餐消費一定會好高，今日同朋友特登約係中環一間開了不久的中菜館。整體感覺新穎，有別於一般中或茶樓，簡潔西化。 地方大又坐得寬敞，有足夠空間感。 點了餐先喝蕎麥茶，純香順喉，味道令人覺得舒服。很快點了的菜紛紛上台先來壺天山雪蓮燉海星用茶壺載著，有中國特色，可觀又帶點噱頭湯溫溫的，清潤又夠鮮味，可以再熱一點會更好。 喝過湯，吃舊厚切叉燒，鮮嫩多汁，肥瘦得宜。 朋友點了個海葡萄沙律，中餐吃沙律會以為有點格格不入。 但見到滿滿載著一盤，沙律菜新鮮又爽口，海葡萄沒有什麼味道，但咬下去有微微卜卜聲，又夠特別。 鮮蝦金魚餃， 造型不錯，可愛小金魚。皮夠薄，蝦亦很鮮味，一個人想吃光3粒其實也不過份。 蜜椒土豆安格斯牛柳粒微甜，土豆夠腍，安格斯牛柳粒很嫩，送飯一流。 主食點了個水煮螺片有點意外，因為份量還算頗大用料也很多螺片很爽脆，吸了麻辣汁極極極惹味爐內還有豬紅、午餐肉、薯粉做配料…非常好吃最後甜品都好有驚喜唔係一般的糕點甜湯竟然整成麻雀形狀，用米字貼埋圖呢舖好明顯係《炸糊》味道係桂花椰汁糕，不會太甜。錢都係用米紙扮，無味，但可以一嚐狠狠吃錢撕錢既感覺又真係好爽爽爽!想不到中菜都好以

今晚訂左中環名館，因為一直想來試下玩味十足嘅麻將和銀錢。我地早早就去食，可以靜靜地。一上到去，裝修以藍白色為主，牆上用細細個蒸籠同幾個碟裝飾，環境乾淨企理，餐枱之間算闊落，d櫈夠宽，成間餐廳環境好得呀。去......相.........跟住⋯⋯坐低開餐啦。佢哋送上杯清清地嘅熱麥茶，放低餐牌....我地好快叫左幾道菜，等左五分鐘左右，好快咁一道接一道上菜，拎起筷子開動吧！食完以上四道菜，我地已經好滿足，最後主角出現，我地雙倍滿足：）麻雀白色部非常滑，食落似椰汁糕，唔係，應該係椰汁啫哩，而綠色部分帶有微微的酸，係咩咧？麻雀上面貼左塊「紙」，都可以食，無味。而果張美金同人民幣係米紙做嘅，單面打印，都可以食用，不過都係無味，唔緊要，做影相道具一流！最後，餐廳服務非常好，各服務員對食客都好殷勤，仲密切留意我地茶杯夠唔夠茶，加茶好爽快，非常值得稱讚👍🏼整體來說，名館嘅環境簡約舒適、員工服務表現優秀、上菜爽快、食物色味俱全，而且佢地喺餐牌、餐具、菜式同濕紙巾都花心細搞搞創意。我會再食再食再再食...😊

中國人食嘢除咗講究食物之外，環境亦十分重要，當你介紹朋友去一間中菜館富有特色，亦恰好證明你個人各方面都、有要求！呢間中菜廳我介紹畀朋友一點也不失禮，位於擺花街樓上舖，如果你未嚟過，去到門口亦很難想像是一間中菜廳……裏面裝修很有特色，擺設亦很講究，餐具亦很有玩味，可以想像店主係經過一番心思去佈置！平心而論，價錢合理，款式亦多，尤其是簡單的點心、小食很精緻！每碟餸菜份量不算多，最適合貪心的客人，可以試多幾味特色小菜！最難忘係呢個甜品好別緻，謀殺了我不少菲林！ 呢頓晚餐我們都十分滿意！

好一排冇同哥哥嫂子出街食飯，老公選址中環擺花街有點遠，起初我都擔心食裝修、價錢貴味道欠奉，上網一望盡是好評，但試無妨平時少有湯水，叫返壼湯潤一潤，糖心黑蒜燉響螺（$98）湯料塞滿茶壼燉出嚟既湯味濃郁，倒落茶杯慢慢品嚐，黑蒜製過唔會有辛辣味，飲落寧舍清甜天山雪蓮燉海星（$88）估唔到海星煲湯一啲腥味都冇，比起黑蒜湯仲清澈鮮甜，剩係飲湯都覺得老公今次冇揀錯餐廳中式餐廳都可以食到海葡萄沙律菜（$58）用日式麻醬拌沙律菜，放耐咗菜會出水，影響味道鮮蝦金魚餃（$58）賣相精緻到唔捨得食，外皮Q彈，而家蝦餃少有落筍做餡，口感鮮甜爽脆霸王辣子雞丁（$138）香口食物係老公既最愛，炸雞件鎖住肉汁，再以大量辣椒乾炒均滲入辣味欖角肉鬆蒸秋葵（$68）前排睇到報導秋葵有蟲都有啲驚，上菜時發覺切開蒸就唔怕喇，欖角同肉鬆香味已滲入秋葵，想食清淡啲可以撥走面頭既醬料例牌脆皮燒鵝（$128）唔知係咪熱住上煮耐咗，鵝肉有啲靭，脂肪都溶晒落碟底蜜椒土豆安格斯牛柳粒（$98）呢個餸薯仔先係主角，黑椒糖衣包住薯仔粒再吸收牛肉香味和風櫻花蝦炒飯（$118）炒飯乾身超有咬口，加入粟米鮮蠶豆帶點甜味，櫻花蝦入饌脆卜卜增加層次詐糊

放工同老公拍住拖由中環街市嘅石板街行到擺花街，揾到間中菜館食晚飯，上到間菜館見藍、白、啡黃為主，色彩鮮明，摩登得嚟又不失傳統，座位寬闊，一大群人相聚，抑或三五知己傾計，都有足夠空間感；海葡萄沙律菜，自己好少煮海葡萄，知道營養價值好豐富，所以覺得好珍貴；糖心黑蒜燉響螺，真材實料嘅湯放向功夫茶壺，慢慢以杯仔飲用，好寫意；鮮肉一口小籠包，唔好以為一口好細咁，其實同出邊坊間嘅差唔多大細，有少少肉汁，味道尚可；脆皮燒鵝，例牌有四分一隻，放向精美保溫蠟燭瓷器上，高級非常，可惜鵝皮唔脆，但夠肉味；詐糊，即椰汁桂花糕，賣相無得輸，係呃like至尊，米糊做成嘅米紙，用食用墨打印成美金及人民幣，像真度極高。

今日有個係我中三就移民左去美國嘅朋友返左黎香港，有個姊妹就提議去呢間"名館Ming Bristro"，話個個同事食完都推薦喎，我哋四個姊妹花就即管試下佢嘅真面目。地方都算容易搵，係擺花街附近，地面搭𨋢就去到啦。入到去好似去左後門咁，原來係有個正門係另一到嘅哈哈！唔緊要，我哋book左七點鐘，好彩都未算多人，無咩人睇到我哋"lor"左！地方好寬敞，藍白色嘅報置最啱我歡心，令人感覺好舒服，仲有一一幅仲點嘅"蒸籠牆"，上面全部都係蒸籠，中間個幅係特別有啲唔同色嘅，我哋幾個係到討論嘅時候，侍應就好nice咁走過黎同我哋講，原來內藏玄機嘅。。。係某一個特定嘅點睇，就會見到個人樣㗎啦！貫徹名館fusion嘅本色，枱上面嘅碗每一個都有唔同嘅言語架，咁樣不特只，連一般中菜館會俾嘅濕紙巾都會令人想入非非。。。點菜方面，就好似普通茶樓咁有張點心紙俾我哋剔嘅，唔知食咩好嘅情況下，當然就係睇下其他枱食咩啦！！！本身諗住嗌個個鍋嘅，但係朋友話想食多啲唔同嘅野，所以我地嘅是日餐單有：湯： 天山雪蓮燉海星（＄88）------我個移民朋友話好內無飲過湯嘅關係所以我哋就嗌左呢個seems to be好補身嘅湯啦，上菜

一行四人嚟左呢間高質中餐館食晚飯。入到去見到都幾開揚，流線型西式裝修設計。餐具卻是高質中式款，筷子是用雞翅木做成，每隻碗𥚃面都有一首打遊詩，有趣。先嚟左個金魚造型嘅蝦餃，做得好似，食入口嘅蝦亦彈牙，夠新鮮。上枱嘅燒鵝脾一直有小蠟燭在碟下面點著，可以一直保持温熱，幾有心思。清淡嘅秋葵開半之後用欖菜肉崧一齊蒸，可以細細啖去品嚐。炒飯上面鋪滿左櫻花蝦，個飯炒得好香，我食左三碗。佢哋嘅薯仔炒牛肉好有水準，薯仔切粒易入口，亮點喺食入口好似食拔絲香蕉嘅感覺，外脆內軟，牛肉粒喺用安格斯牛肉切成。最後甜品上枱時大家都好有驚喜，好似真的麻雀(𥚃面有桂花)同埋銀紙，全部都可以食。

今日約埋幾位好朋友，試下呢間位於中環係網上都幾高評價嘅中菜-「名館 Ming Bistro」。一入到餐廳，有少少懷疑自己去錯地方。因為佢裝修真係幾潮幾特別下，有少少似高級西餐廳嘅格調。但望當中有唔少中式擺設融合左係入面。真係好有心思。餐牌選擇十分子多，我地係諗左好耐之後點左三味點心 - "鮮蝦金魚餃，"老鼠愛大米" 同埋" 鮮肉一口小籠包" ，跟住點左個"天山雪蓮燉海星" 湯，再點左三碟小菜- " 霸王辣子雞丁" ，" 欖角肉崧蒸秋葵" , 同埋"蜂蜜柚子蝦球" , 仲有"和風櫻花蝦炒飯" ，最後就係甜品- "詐糊". 先講點心 - 賣相真係好吸睛。鮮蝦金魚餃係一條好可愛嘅金魚樣。放係一個六角形嘅小蒸籠入面。真係好似一個小金魚缸咁，好攪笑。一食落口係包住一隻好大隻嘅彈牙大蝦，睇得又食得。另外一味老鼠愛大米，我地都係見佢個名咁得意，貪得意叫黎試下。點知佢個樣係成隻老鼠仔黎，好可愛! 佢係一d 糯米皮咁，包住少少豬肉餡。感覺似食煙靭嘅咸水角。味道帶小小甜，算係好睇又好食。小籠包就皮薄薄同幾多湯汁。不過前面兩款太得意。相對佢就失色左XD .跟住講下湯， 天山雪蓮燉海星用一個茶壺載住，用小杯慢

裝修好新穎，唔似食中菜嘅地方，以藍白為主，坐位都好舒適，可以慢慢傾計，店員仲會為你不停添加好香好好飲嘅蕎麥茶，飲後先發現呢隻茶原來可以降血脂，血糖同尿糖其中一度牆上仲擺放咗好多彩色的小蒸籠，原來喺某一角度睇係一個人樣，別出心裁裝飾！今晚想試下點心，主菜，同吸晴嘅甜品，所以都叫咗9樣嘢1）天山雪蓮燉海星 $88/2位- 幾濃味嘅，似無味精,唔會有腥味，都倒到好多杯喎2）欖角肉鬆蒸秋葵 $68 - 入面一粒粒，有dd潵，味道幾好3）鮮肉一口小籠包 $68 - 都幾多汁，幾好味，皮再薄d就perfect 4）鮮蝦金魚餃 $58 -個樣真係好精緻好靚，成條金魚咁，皮薄餡靚，不錯5）老鼠愛大米 $48 個樣好得意，好似老鼠，面似水晶皮，似厚粉果皮，幾黏糯，餡料似餡水角6）霸王辣子雞丁 $138 - 個籃係雞嘅造型，好有趣，食落幾香口好味，應該加咗麻辣火鍋嘅花椒，少少辣，唔係太食到辣嘅人都食到，似鹽酥雞咁脆口，after taste留喺個口好耐，腰果都好香，如果雞丁無骨就最好喇，佢有少量骨7）和風櫻花蝦炒飯 $118 - 有不少櫻花蝦，仲有大大粒似枝豆嘅豆，粟米，飯炒得好乾身8）蜂蜜柚子蝦球 $8