名館 (已結業)

復活節長假期無出外旅遊就當然要約下屋企人聚一聚啦，帶埋小朋友同長輩飲茶就要搵一間地方要坐得舒服既餐廳但係中環區就難d勒, 呢間名館位置係擺花街既商業大廈一樓亦係鏞記同一條橫街，上到去空間感十足，裝潢特色得來又很乾淨企理，適合一家大細聚餐既好地方。中午時分有點心紙劃食物，款色選擇好多，點了幾個點心小菜及飯，最後仲叫左d甜品。海葡萄沙律菜-沙律汁溝埋少少wasabi落去醒神又開胃風味口水雞-味道濃郁但並不辣，雞肉嫩滑老鼠愛大米-外形精緻可愛，外皮用米槳做成，入面就係類似咸水角既料，不過一定要襯熱食，凍左個皮就無咁Q彈蜜椒土豆安格斯牛柳粒-牛柳香嫩，薯仔粒炸過好香口金銀蒜蒸娃娃菜-簡簡單單清清地又可以中和番d濃味油膩野燕窩流沙包-箭豬造型好得意呀，外皮較厚但夠軟綿，流沙效果亦做到和風櫻花蝦抄飯-每啖都有好多櫻花蝦好足料，抄飯抄得夠乾身，做到一粒粒飯唔會一嚿嚿，蝦味亦香濃麻雀十三么-其實係椰汁糕，造型非常盞鬼，連張銀紙都食得