吉列牛忌廉烏冬專門店 (百樂中心) (已結業)

今日終於難得出城食🤤就去試我呢間想食好耐既吉列牛同忌廉烏冬🤤一早起身勁肚餓 叫咗個美國頂級牛里脊套餐($178)佢本身塊牛里脊燒列一兩成熟 每張枱都有塊鐵板俾你燒返自己鍾意既熟成度🤤燒完可以點佢配有既黑松露醬同豉油 再加上塊肉就算我燒到全熟都唔係好韌 食到心心眼～😍佢啲伴菜炒洋蔥同芝士大啡菇都唔錯啊！👍🏼咸蛋薯條($38)好香濃咸蛋醬 佈滿哂啲薯條到 每一啖都好惹味😆咖哩忌廉烏冬(雞肉/牛肉) ($78)我地就揀咗試雞肉啦 另外佢都有得揀烏冬定麪 侍應介紹麪就會比較辣 而烏冬就唔辣既 唔食得辣既我 即刻揀咗烏冬☝🏽上面佈滿厚厚忌廉汁 下面啲烏冬撈咗咖哩汁 撈埋一齊 口感豐富～～仲有呢間餐廳位於百樂中心既22樓 間餐廳個view都幾開揚 望住跑馬地馬場食嘢 都幾梳乎最後埋單$323 想食吉列牛既可以值得一試啊～～

Kobekyu-人氣石板燒牛肉石板燒牛熱潮一時無兩，直到今天也是人氣的日韓料理，經營這類食品餐廳也越來越多，但我始終也是最愛這間很早以前已經是專門石板燒牛肉的食店。美式頂級牛里脊套餐以平底黑鐵鍋盛著的牛里脊，牛肉大大件，厚度十足，廚師把表面輕輕炙燒過，內裡是一成到三成熟，再用熱熱的石板燒烤牛里脊，燒烤時肉汁流出，肉的香氣四溢，套餐還有惹味炒洋蔥和熱溶芝士大啡菇。咖哩忌廉烏冬（牛）首先映入眼簾的是滿滿的忌廉佈滿整個碗，忌廉幼滑，充滿奶香，底部是甜甜的日式咖哩，兩者互不相識的食品想不到有很好的衝擊，而烏冬有咬口，不會一團團在起，每條烏冬也沾上咖哩忌廉。鹹蛋薯條即叫即炸的粗薯條，外脆內軟，更邪惡是加入鹹蛋黃磨成的蛋黃泥蓉，有金沙的香、蛋黃碎的口感和滿滿的油香，想味道更豐富的話更加可以再配上黑松露沙律醬。

每個人都有屬於自己既Comfort Food，我既comfort food就係忌廉烏冬，而女友comfort food係薯條，所以今日同女友去左有齊以上兩款食物既Kobekyu。餐廳以忌廉烏冬同吉烈牛馳名，不過望一望餐牌，發現餐廳推出左以下兩款新食物，我決定要捨棄吉烈牛，試下牛里脊！- 美式頂級牛里脊套餐牛里脊係石板上燒最原汁原味，肉質非常鮮嫩，而且肉汁豐富。另外有焦糖洋蔥作陪襯，可以解膩。大啡菇幾juicy。不過大啡菇size竟然仲大過主角牛里脊🤔- 咖喱忌廉牛肉烏冬比起吉烈牛，我認為咖喱忌廉烏冬先係餐廳signature，咖哩同忌廉既組合令烏冬更惹味順滑，真係食極唔停。入面仲有大量牛肉洋葱，份量好足夠。- 鹹蛋薯條而家鹹蛋薯條幾常見，但kobeuyu既鹹蛋薯條相當抵食，只係$38。另外可以食到新鮮鹹蛋黃碎粒，點埋松露醬一流。用一句總結今餐：忌廉烏冬真係食極唔厭！

見到朋友成日都食呢一間野，所以就特登約朋友一齊嚟食！冇諗過原來我朋友都食過呢一間佢都話好好食！夜晚大概七點幾啲客人都算多，但好彩都唔使排隊。呢個忌廉烏冬一定要試，係呢一間店舖嘅招牌菜式！佢食落去甜甜哋，但係又諗唔到佢哋烏冬都幾夾，食落去又唔會覺得好膩。佢哋嘅鐵板牛都好厚身，食落去啲胡椒味道比較重，隔離都有洋蔥同埋好大一個冬菇做配菜。啲牛可以放上呢一個石爐上燒，燒到自己想要嘅熟嘅程度，啱晒一啲怕食太生牛肉嘅人！

This time we decided to try something new. We thought it was a Japanese restaurant but it seemed to be a Korean restaurant instead.We quickly made up our mind to order  美式頂級牛里脊套餐, 咖喱忌廉烏冬 and 咸蛋薯條 to share.The 咖喱忌廉烏冬 arrived first. We got to choose between either beef and chicken. Of course we had to go for beef given the name of the restaurant! It looked so interesting that the whole bowl was full of cream. When we moved the bowl, we saw that some of cream sank a little bit. Then we stirred it a

朋友好鍾意食嘢，尤其係牛，佢今日帶我去銅鑼灣「吉列牛忌廉烏冬專門店」，佢話呢度除牛好食之外，仲有佢哋唧忌廉烏冬，都係值得一食舖位係耀華街，由銅鑼灣港鐵A出口，唔使5分鐘就到，百樂中心有好多樓上食肆，所以都幾人等搭lift叫咗個美式頂級牛里脊套餐，雞肉咖哩忌廉烏冬，咸蛋薯條牛里脊套餐一塊厚厚牛里脊，一隻芝士大啡菇，跟兩個醬汁（秘製醬汁，黑松露醬），牛里脊只微熟，店員幫我們點起熱石的火，叫我哋可以將牛肉放在熱石上，燒至自己鍾意熟度牛里脊肉質好嫩滑，個人鍾意較熟，但入口仍然好嫩腍，同juicy，蘸少許黑松露醬，提升牛肉鮮味芝士加上啡菇獨特的香味，真係好好味咖哩忌廉烏冬，呢個係朋友極力推介，烏冬上面滿佈忌廉，撈起已聞到好香咖哩香氣，入口咖哩味香，忌廉掛上彈牙烏冬，真係幾特別同有驚喜咸蛋薯條🍟，有粒粒咸蛋，加上薯條一齊食，入口咸咸香香，真係又邪惡又美味的小食

最喜歡來百樂中心食野，每次來都總有驚喜，印象中棟樓層層都有好野食，所以樓下等升降機總係要排長隊。今晚和朋友到此一食開飯得獎名店，果然係實至名歸，美味指數爆燈，CP值高價錢貼地，好難唔返食。鹹蛋薯條 $38超正小食，薯條炸得香脆，達至外脆內軟，均勻沾滿好薄的鹹蛋黃蓉，蛋香四溢，食落唔膩，掂！咖喱忌廉雞肉烏冬 $78白雪雪厚厚嘅忌廉覆蓋住咖喱烏冬，賣相邪惡，但不要被其外表呃左，忌廉比想象中輕盈，令烏冬帶來滑滑口感食落唔膩，每條烏冬好掛汁保留住香濃咖喱汁味，雞肉質嫩，烏冬煙韌口感彈牙，相當美味。美式頂級牛里脊配大啡菇 $178兩三成熟的牛里脊可以自己動手切片，用熱石鍋爐慢慢燒過下癮，燒起來所產生的煙甚少，唔會食完件衫大陣味。熱食真係好味好多，牛味濃口感嫩滑鮮美多汁，醮埋醬汁多種味道，美味非常，仲有大啡菇口感彈牙，同樣美味不比牛里脊遜色。

耀華街呢幢商廈隱藏好多食肆，今日Lunch試22樓呢間吉列牛專門店，最近熱石牛好Hit, 原來韓國餐廳一樣興起呢種食法。揀咗個吉列牛定食套餐，有味噌湯．沙律．碗飯仲加上飯素，吉列牛放上熱石加熱，想食5成熟又得...定10成熟亦得，熱辣辣脆卜卜，肉質好淋滑，唔會韌又唔會鞋，正...小食揀咗蒜片牛舌芯，牛舌食得多，原來牛舌芯都好正，夾埋蒜片一齊食，Yummy😋鍾意食牛...一定會愛上，下次要嚟試埋忌廉烏東

成日聽朋友講忌廉烏冬好好食，我就諗忌廉同烏冬呢個配搭咪又咸又甜好奇怪，所以今日終嚟見識下先。主角上到嚟，真係用忌廉舖滿成個碗，白雪雪，令我諗起搭飛機時見到嘅雲層。而挾起啲烏冬原來係咖喱烏冬嚟嘅，好香。而忌廉咖係甜嘅，只係令烏冬食落更加滑。而佢個烏冬煙煙韌韌，好味。然後嗌左個牛里脊大啡菇，個菇菇好厚身，加埋啲炒香左嘅洋蔥，唔錯。而塊牛扒呢，佢上嚟時煎熟左表面，姐係一成熟，然後俾你自己煎，要幾多成熟絕對自己控制。而另外我地仲試埋佢個咸蛋薯條，佢啲薯條夠粗身，而且有小小軟身，係我喜歡嘅口感，加埋香噴噴嘅咸蛋黃，真係乜都唔洗點。

不時都見到有朋友食呢間吉列牛，成日都以為好貴，但嚟到食先知都唔係啫，可以再嚟！同朋友一齊食晚飯，我就推薦去試下呢間，咁啱佢都冇試過。我哋兩個女仔叫咗三樣嘢，份量亦剛剛好。吉列牛定食：一份吉列牛，一碗飯，兩種醬汁俾我哋沾吉列牛，仲有沙律小碟同麵豉湯吉列牛表面是炸過的，然後可以自己放上板上燒，牛的熟成程度完全可以控制，呢點真的很好👍🏻鹹蛋薯條：本人好鍾意食鹹蛋類嘅食物，所以對呢個薯條亦好感興趣，而且佢嘅鹹蛋夠份量的，加上有少少紫菜碎，風味更佳有吉列牛又點少得咖哩忌廉烏冬呢，唔好睇佢好似好多忌廉一定會好膩，但完全冇呢種感覺，因為佢嘅忌廉比較空氣感，對咖哩不是好鍾意太濃烈果種，所以佢呢個烏冬嘅咖哩味道幾啱，唔會好濃，又有啲creamy

同閏蜜寶寶好耐無見，見佢喺日本返嚟無咩事，都喺去食吓日本嘢😂美式頂級牛脊里套餐 $178上碟時牛脊里底表已經熟熟哋，可以再放上鐵板燒多陣，裡面啲肉轉色就食得喔！燒咗一燒好快就熟🤣牛脊里肉質嫩口好juicy🤤一咬落去流汁咁🤣鐘意有埋芝士大啡菇同有大量洋蔥🤩放上鐵板熱一熱就食得好惹味😋咖哩忌廉烏冬（雞/牛）上碟時一埋白色忌廉好好笑😂原來裡面喺白色忌廉加日式咖哩，帶有輕輕微嘅日式咖哩辣💫可接受的💁🏻‍♀️粒粒一口雞肉同烏冬都好彈牙☺️呢個食到停唔到口😂個咖哩好過癮 加配 咸蛋薯條$38黑松露醬熱辣辣嘅邪惡薯條，仲要咸蛋黃味加黑松露醬😈薯條放耐咗少少仍然脆卜卜唔錯！咸蛋黃味夠蛋黃味但唔夠咸😂黑松露醬較淡似沙律醬🧐

呢間餐廳之前已經食過，因為好味又抵食好多朋友都鐘意來，我小朋友好鐘意食烏東，成日好想帶佢嚟，不過驚食咖喱佢食唔到，今日難得放假一於帶小朋友嚟試下。原來日式咖喱佢唔可以分辣同埋唔辣，我就點左個雞肉忌廉烏冬俾小朋友，一大個烏冬賣相已好靚，忌廉好似旋轉花咁，小朋友一見到已經嘩嘩聲，日式咖喱其實唔會好辣，我小朋友六歲都食到，佢本身非常鍾意食烏冬又鍾意食忌廉，呢個配搭佢一個人可以清晒一整碗大大烏東，其實真係好犀利，亦都證明呢個烏冬真係好好味。我自己就叫咗個牛肉，係牛脊肉特呢嫩，牛肉自己切好再用石頭燒，食落口完全唔會好硬，牛肉好軟身好林，自己鍾意食幾成熟就自己燒，好重牛味唔使點汁都已經非常夠味，因為冇澱粉質所以點埋個薯條一齊食，薯條有鹹蛋黃，配埋黑松露醬，鹹香鹹香特別好味。

成日係網上睇人地食 今日終於到我食啦!!!同朋友去銅鑼灣搵食 次次都好想去試之前唔知以為佢得烏冬 原來menu 都有好多野食試左必食既打卡咖哩忌廉烏冬配雞肉 $78見到厚厚既忌廉包圍住碗烏冬食既時間記得 要撈暈先好食 將忌廉同咖哩撈埋烏冬一齊食如果唔係就會無咩味再叫左美式頂級牛里脊配大啡菇 $178自已係熱石上燒呀燒 感覺好特別頌可以自己選擇要幾多成熟 同埋牛里脊口感好好配上大啡菇 感覺無咁油膩想食D香口野 另外再叫左咸蛋薯條 $38佢既味道唔似普通薯條配芝士 配咸蛋味真係好特別呢種味道出面未必咁容易搵到如果想搵D特別小小又可以打卡既 呢到真係唔錯

疫症期間，不敢隨便外出，困了個多月，難得相約友人一起吃晚飯，品嚐美食，去吃我們最愛的燒牛肉。看到餐廳內座無虛席，可見這餐廳受歡迎程度。咖喱忌廉牛肉烏冬賣相吸引，面層鋪上滿滿的鮮忌廉，似是一道甜品，與底層的咖喱烏冬拌匀吃，散發出陣陣咖喱香味，忌廉很滑很香，烏冬甜而不辣，烏冬煙韌有咬口，輕易吃完一碗。美式頂級牛里脊配大啡菇以鐵板上，牛肉只燒至表面熟，再自行切開燒至個人喜愛的成熟度。牛里脊肉嫩無筋，切開燒至五成熟剛剛好，配以鮮甜的洋蔥及芝士大啡菇咸蛋薯條炸得香脆，伴以咸蛋黃，充滿咸蛋香，再沾上黑松露醬，相當邪惡！

Fatbrown 一路好想試鐵板牛，女朋友又唔肯陪食，近排又好難約到朋友食終於，今日lunch 迫左同事陪Fatbrown 去食牛牛餐廳名都有得你叫，吉到牛忌廉烏冬，牛同烏冬一定烏必食喇<咸蛋薯條$38>叫menu 上面張相咁吸引，忍唔住叫左客黎share 咸蛋鋪滿薯仔面，勁邪惡<美式頂級牛里脊套餐$178>牛里脊超級厚身，上的時候底面已經煎熟，食客可以按自己喜好再放上鐵板燒多陣牛里脊咁厚身都keep 到肉身嫩口，抵讚<咖哩忌廉烏冬$78>忌廉係泡泡狀，唔會太濟，夾埋咖喱食，陣味好match