吉列牛忌廉烏冬專門店 (百樂中心) (已結業)

今日同朋友行開銅鑼灣念緊去邊度食Lunch, 然後念起好多人話呢間好似幾好味, 經商量後就決定上去食啦！ ♕✧✧✧✧✧✧✧✧✧♕【美式頂級牛里脊配大啡菇】上枱時, 牛里脊已經燒到一成熟, 將佢切開一細塊, 燒到自己想要的成熟度就可以食, 牛里脊肉味濃郁, 而且肉質嫩滑多汁！🤤✧✧✧✧✧✧✧✧✧✧【咸蛋薯條】呢個邪惡咸蛋薯條, 真係幾抵食又大份, 薯條熱辣辣, 真係勁鬆脆同埋好香薯仔同咸蛋黃味, 咸蛋黃夠晒多一d 都唔孤寒, 連黑松露沙律醬都係勁大兜, 真係好好食, 大力推！👍✧✧✧✧✧✧✧✧✧✧【叻哩忌廉烏冬(牛肉)】睇落勁邪惡既忌廉咖喱雞烏冬, 呢個烏冬嚟到嘅時候係白色, 好多cream, 以為會好濟, 點知撈起啲烏冬入邊有好多咖喱醬汁但唔辣, 加埋啲忌廉食好香, 一啲都唔濟。咖喱香味同烏冬融為一體, 大力推！👍✧✧✧✧✧✧✧✧✧✧P.S：這家還可以的, 有機會會再返黎食既😜

之前食過吉列牛覺得唔錯，今次就再同朋友嚟食，順便試吓上次冇食到嘅忌廉烏冬☺️☺️.咖喱忌廉烏冬 $78有牛肉同雞肉揀，我地揀左食雞肉😆😆成碗麵白雪雪，烏冬比厚厚既忌廉包住，忌廉比想像中稀，唔會好膩，撈勻之後，每條烏冬都掛起啲醬汁，唔算好重咖喱味，但口感好creamy👍🏻👍🏻.吉列牛定食 $148定食有吉列牛、配菜、飯同味噌湯，吉列牛已經預先炸好，可以自己係鐵板上煎一煎，吉列牛外脆內軟，唔想食咁熟既話，燒一陣就得，牛味都幾香濃，但我覺得口感就有小小靱～仲有啲醬可以點，食落就冇咁油同開胃啲～☺️☺️.咸蛋黃薯條 $38薯條一上枱已經好香咸蛋味，新鮮熱辣辣，仲好香脆，食完一條又一條，不錯😆😆😆

大食妹今晚同朋友仔去食吉列牛忌廉烏冬專門店 之前睇openrice見到佢嘅忌廉咖哩烏冬成碗都係白色, 睇落好特別, 就心郁郁想去試<咖哩忌廉雞肉烏冬>大食妹嗌咗份咖哩忌廉烏冬 佢嘅忌廉烏冬有得揀要雞肉定牛肉 我哋就揀咗雞肉, 因為諗住另外嗌多份牛扒, 就費事重覆啦 原來白色嘅忌廉係泡沫狀嘅, 配上下低嘅咖哩烏冬, 感覺偏向日式 但烏冬更加有咬口而且Q彈, 雞肉嘅份量都幾多, 而且相當嫩滑<美式頂級牛里脊配大啡菇>大啡菇好juicy 牛里脊上枱嘅時候係半生熟嘅, 大家可以根據自己鍾意嘅熟度喺石板上燒一燒 牛里脊鮮嫩多汁, 配上韓式燒汁, 好好食<鹹蛋薯條>因為怕唔夠飽, 我哋再嗌多左份鹹蛋薯條share 薯條嘅鹹蛋味好重, 食下食下仲會見到原粒嘅鹹蛋黃喺裏面覺得食得悶悶 地嘅時候, 仲可以配上佢嘅黑松露醬tim

今晚收工後同老公仔一齊去行街街，聽朋友講有一間好好食嘅石燒牛，行到肚餓嘅時候又係時候搵食啦🤤咖喱忌廉牛肉烏冬，剛剛上枱嘅時候真係俾佢嚇一跳，因為個樣好似雲呢拿奶昔😆首先要將啲忌廉同啲咖喱烏冬撈勻佢，撈下撈下就會有啲好香咖喱味道飄出嚟😊烏冬好煙韌好好味，入面啲牛肉粒好香，配上咖喱同埋忌廉撈埋真係一絕仲勁滑😋美式頂級牛里脊套餐，一上枱嗰時見到塊牛嘅份量都唔少，當然唔少得大啡菇加芝士🍄上面仲有啲香草啊😍塊牛肉上碟嗰時係只有一成熟，之後就切開佢一塊塊，你睇吓牛肉係粉嫩嘅顏色🥰依塊就係我哋用嚟整熟塊牛肉嘅石燒版👍🏻之後將切好嘅牛肉，放上去熱辣辣嘅石燒板上面，之後就聽到啲牛肉咋渣聲啦，好快會問到啲香味添，之後就隨自己喜歡落些少鹽同埋黑椒，食落口塊牛肉好有牛味同好Juice😋另外一個重頭戲就係佢嘅鹹蛋黃薯條，平時食得鹹蛋黃炸魚皮，今次呢個鹹蛋黃薯條🍟又估唔到出嚟個效果真係好好味喎，好香蛋黃嘅香味同薯條一齊真係好夾呀，好食到停唔到口🤣呢間餐廳食物質素都幾好，環境都好舒適，大家有機會嚟試吓😋

呢間餐廳一直都好hit，呢排終於有機會食到啦❤️我哋叫咗美式頂級牛里脊套餐同咖哩牛肉忌廉烏冬😋牛里脊份量不少，兩個人share啱啱好👍🏻食客可以將牛里脊放上鐵板上，烹調成你鍾意嘅生熟度🥩牛里脊肉質較結實，口感較實在。套餐仲包咗咸蛋薯條，薯條炸得金黃脆身，配上黑松露醬，相當滋味👍🏻而咖哩牛肉忌廉烏冬上枱成只見滿滿的一碗忌廉，原來牛肉和烏冬都埋喺忌廉下🤪忌廉味道較想像中輕盈，不會過腻🍜

Cwb好多餐廳,今日去好耐無去既吉列牛.今次想食返之前lunch同朋友嚟食個個咖哩忌廉烏冬.咖哩底好濃郁,加埋忌廉的確又係另一返口感.而且份量都唔少.可以揀雞肉,配落去食都唔錯,但食嘢時小心咖喱會咁到件衫太污糟.另外,今次無揀吉列牛但反而想食呢個牛里脊,配有秘製醬汁同黑松露醬,配備爐比客人可以揀燒到幾成熟.芝士大啡菇亦可以燒一燒更美味.不得不讚咸蛋薯條,咸蛋味嘅食物都非常惹味.唔係每個餐廳有提供,所以食到都好興奮,加上味道又唔錯.

話說前排同男朋友去sogo行街，終於去試一試馳名既咖喱忌廉烏冬🍜 日式咖哩🍛加上打成泡泡既忌廉混埋一齊， 好幼滑既口感，而且係好有奶香味，有少少蓋過咖哩既味道，不過食落唔油膩，烏冬又夠滑溜，不錯不錯🤗雖然依度係吉列牛專門店，不過新出既牛里脊鐵板燒好吸引😍😍 仲有鹹蛋薯條，好邪惡的組合，一定要叫呀😋 美式頂級牛里脊套餐有一大塊牛排同芝士大啡菇。牛排輕輕煎過， 大概只有一成熟，你可以將牛扒切開，然後放上鐵板火爐慢慢燒到你中二既生熟程度🤤 牛扒牛味夠濃，而且肉質軟淋。芝士大啡菇烤得好香好juicy~~鹹蛋薯條當然無得輸。薯條炸得香脆，而且沾滿鹹蛋黃蓉，好惹味。另外仲有黑松露醬，一樣咁正🤗超好味的一餐

今日朋友生日，嚟咗一間食吉列牛嘅專門店，其實本人就好唔鍾意食吉列上邊嘅炸粉，所以今次亦都係第一次食買相係相當之吸引而佢放喺一個石爐上燒。由於本人唔太鍾意食炸粉嘅關係，所以如果佢冇炸粉嘅話，應該會覺得好好食😋呢間野仲有另外出名嘅忌廉烏冬，忌廉食落去真係有啲淡，但係因為入邊有咖喱烏冬嘅關係，啱啱好可以中和左佢哋牛舌雞尾卷，呢個食落去感覺上好似食魚肉。炸雞嘅份量非常之多，因為最後我哋都係食唔晒鰻魚係我咁多個菜裏面最欣賞嘅一個菜式，佢鰻魚有鰻魚汁同紫菜嘅配搭，令到呢碗飯增加左好大量嘅日本風味但係服務真係麻麻,因為朋友生日所以我都冇特別嘈佢

雖然今年的情人節少咗節日氣氛，但係平時顧住湊仔少咗一齊食飯的時間，就去咗食我哋都好喜歡的牛肉。職員帶我們到座位，看到枱上有個石燒爐，好奇的在想究竟是用來煮什麼呢？咖啡忌廉烏冬(牛)忌廉鋪滿碗面，把烏冬混在一起，讓香滑度的層次提升。而咖啡就在忌廉下面，粒粒牛肉是滲出陣陣香味，但唔辣的。美式頂級牛里脊套餐牛里脊是放在鐵板上，職員担心唔夠熱，便開啓石燒爐上煮下。煮完之後肉汁很豐富，好彈口的。煮埋大啡菇暖暖的軟軟的。另外，薯條大大條又夠熱，最重要係以我最愛的咸蛋製，帶出陣陣咸香味正～

食過一次番尋味，一直都好掛住佢果幾道招牌菜😛。✨咖哩忌廉雞烏冬（$78): 😍必食之一，未食過一定要試下。面頭嘅忌廉好soft好輕盈，好似d 奶泡咁，慢慢撈完就同個咖哩湯底融為一體。✨呢個咖哩真係好香，而且辣度啱好好，連我呢d 平時唔食得辣既都食到😍，烏冬滑滑好彈口，超掛汁～～材料除左雞肉，仲有爽口洋蔥，菇，超美味。✨咸蛋薯條（$38): 呢個薯條我都好鍾意，新鮮熱辣辣聞落已經好有咸蛋香。入邊既咸蛋黃都幾多，薯條食落夠鬆脆，加埋黑松露沙律醬真係好好味好邪惡。✨美式頂級牛脊里配大啡菇（$178): 個牛切落去軟綿綿，之後可以再石燒下，輕輕辣幾下好快就食得🤤個牛超好味，雖然我已經燒到熟晒既顏色，但食落去keep 住咁嫩滑，同埋牛味勁濃，加埋燒汁同芥末好好食！✨大啡菇好香好juicy, 連d 洋蔥加埋甜甜既醬汁都好好味👍呢間可以再encore

忌廉烏冬忌廉烏冬忌廉烏冬重要嘅嘢要講三次，好食嘅嘢都要講三次依到嘅忌廉烏冬真係好好味，食極唔厭無錯就係你啦，忌廉烏冬！仲嗌咗肉肉同薯條豐盛嘅lunch咸蛋薯條 $38炸得香脆，加埋咸蛋香美式頂級牛里脊配大啡菇 $178好大塊肉肉先切開再放上熱版上面整返熱想要幾多成熟就睇個人喜好另外仲有秘製醬汁同黑松露醬我同朋友都鍾意拎個黑松露醬配薯條咖喱忌廉烏冬 $78重點嚟啦白雪雪嘅忌廉，底下蘊藏住神秘嘅國度嘩睇返相都好想食咖哩香而濃郁，加埋忌廉，令成個醬汁好滑，層次更加昇華依個汁真係嚟咁多次都仲係比一百分價錢又唔特別貴，超值每人$160左右唔錯嘅lunch選擇

聽就聽得多，但真係食就第一次，之前普遍聽既comment 都係讚既較多，今次趁odd hour , 少啲人，唔駛等位上來食美式頂級牛里脊配大啡菇餐牛里脊非常嫩，份量唔少，放上個石爐燒至自己鍾意既生熟程度，入口好淋，一啲都唔鞋，仲有都幾有牛味，個啡菇就正正常常，咸蛋黃薯條如好咸蛋黃，呢個真心值得食，38蚊唔算貴，佢啲咸蛋黃整得好乾，同啲薯條好match, 份量亦都唔少，每條薯條都有咸蛋黃沾到，好均勻忌廉咖哩雞烏冬呢個係最期待又最緊張，望相成日都驚會好漏，但原來食落係好輕身既忌廉，咖哩湯濃度適中，唔會好杰唔會好稀，話說自己曾在日本食過難食咖哩湯烏冬，所以都有啲陰暗，但呢碗烏冬真係食過返尋味

上次食吉列牛有個愉快體驗，今次再黎試其他都同樣令人滿意。咖喱忌廉烏冬哩個烏冬可選雞或牛肉，今次我就選了雞肉。烏冬材料簡單主要有烏冬，雞肉粒，咖喱同忌廉。賣相普通，特點在於烏冬面層舖上一層厚厚忌廉。口感是輕軟淡薄的一層泡沫，食落一點也不膩。忌廉味道不濃，同咖哩烏冬攪拌後，忌廉可以中和咖哩濃烈味道，想不到兩種味料是絕配。咸蛋薯條鐘意食咸蛋味朋友必定大愛，因為咸蛋醬味非常重，醬料均勻灑滿薯條上面。薯條口感唔會太乾太硬，軟薯條是我最愛。牛里脊套餐套餐採用頂級牛里脊部位，價錢二百蚊有找，CP值絕對高。芝士大啡菇非常入味夠淋夠多汁，牛肉配大菇可以減低油膩感。牛扒厚度十足，將五成熟既牛扒放上鐵爐再燒一燒，即使天氣凍放涼左牛扒或者是慢食既朋友，都可以確保食到熱辣辣既牛肉，仲可以按照自己喜好燒熟啲牛。肉質細軟多汁，份量唔算好大，不過牛肉本身脂肪油膩感，食完絕對令人滿載而歸。

今日放假係屋企悶悶地就約左友人去傾計食飯，黎到銅鑼灣比我發現左呢間餐廳。店員熱情既招待好快就坐底左。首先我地叫左個雞肉咖喱忌廉烏冬，面一層厚厚既忌廉打到起泡，睇見都流曬口水，咖喱味好香濃，而且烏冬十分彈牙，真係好好味，雞肉既份量都十分之多，好抵食。之後叫多個美式頂級牛里脊配大啡菇，呢道既食牛方法非常特別，平身大約3成熟，要自己放係鐵板道自由調教幾成熟都得，肉汁好鮮嫩多汁，口感一流，入口即溶，牛味十足，再點啲秘製醬汁食非常野味。再加多個鹹蛋薯條真係非常滿足，重有黑松露醬點咪黎食真係好好味。而且唔會好油膩，外脆內軟。非常好味。

突然間好想食牛又唔想去普通鋸扒 就拉左frd一齊食呢間👯‍♂️之前去過旺角個間 再黎呢到 我比較鍾意黎銅鑼灣既環境 成間鋪幾好氣氛🥰D擺位好舒服 店員都係一樣服務不錯又有效率👍🏾一排冇黎 多左D新菜式 就決定試試去😋首先叫左個咖哩忌廉烏冬（牛）🐂忌廉溝落咖喱烏冬到覺得成個口感滑左同creamy D😌而且牛保持一貫嘅水準 都係唔鞋 又juicy 烏冬質感煮得啱啱好 唔會太過火令到好林👹咸蛋薯條係其他地方食都有一個共同特性係太鹹 食到好口渴😢不過 呢到既係唔會好鹹而且好有鹹蛋黃嘅香 最鍾意佢係即刻煮完即刻上碟 超熱辣辣個下食真係好正♨️💛美國頂級牛里脊背大啡菇 呢個就係我嘅新嘗試 個牛肉質真係好冧好juicy 生熟程度啱啱好🤩牛既汁再配埋洋蔥同大啡菇即刻升華咗不同層次😚