吉列牛忌廉烏冬專門店 (百樂中心) (已結業)

正所謂：「要做的事情總找得出時間和機會 ；不要做的事情總找得出藉口！」 後天朋友生日， 今天趁大家都要返公司工作，便相約在放工後來吃個「快晚餐！亅 在疫情中偷偷出來呼一口新鮮空氣！地點，就選了在這家位處銅鑼灣一幢可以遠眺馬場景的商廈22樓 。。。餐廳是我們一直想吃、但又不想排隊。。。的排隊店kobekyu 。今天雖然只是星期三， 但我們約八時來到， 依然是座無虛席， 十分旺場。。。 餐廳的景觀，一個字：美！今天吃什麼？ 就看今天的心情、和 今天的天氣 ！在看餐牌的時候，突然想起張愛玲的名句： 「陽光溫熱，歲月靜好，你還不來，我怎敢老去。亅 下次約朋友食飯，如他遲到， 也可以說：「你還不來，我怎敢點菜😂😜。。。亅生日。。。就是歲月年輪又增一個圈！ 雖然我不想腰圍都增一個圈，但還是忍受不了 旁邊食客在食烤牛肉傳來的一陣香， 於是狠下決心。。。點了店家的招牌菜「美式頂級牛里脊套餐 」($178) 及 配餐的side order 「鹹蛋薯條亅一客($38)。 i生日飯，就是不要讓自己留有半點遺憾！把半生熟的牛肉放在爐火上烤， 幾多成熟！由我自己話事。。。我沒有點醬汁，我比較喜歡吃牛肉的原味，

平時很少到耀華街，但其實呢度都好方便，就喺時代廣場隔離！📌美式頂級牛里脊配大啡菇 $178 ～ 店員上菜後詳細解釋玩法！牛脊里上枱時是很生的，切開後就可按個人喜好再放上石爐上整熟。我就鍾情三、四成熟，自己控制，包啱心水！嘩～入口嫩滑，肉質軟綿，仲有2種秘製醬汁任你點。但其實唔使點醬，原味都好好食！仲有隻舖滿芝士、香草嘅大啡菇、洋蔥索滿肉汁⋯舜間KO冇難度！📌咖哩忌廉雞肉烏冬 $78 ～ 一大盆白雪雪好吸睛呀！咖哩汁被忌廉混和咗唔覺有辣味，小朋友都食到。烏冬爽滑Q彈，濃厚忌廉令烏冬香滑倍增。📌咸蛋薯條 $38 ～ 粗薯條外脆內軟，舖滿咸蛋黃，咸咸香香，好惹味！

今日去銅鑼灣食晚飯，平時食嚟食去都係果幾間，所以就上網搵吓有咩特別野食喇！見到Kobekyu吉列牛，之前一直都好想試吉列牛，今日就試下喇～（不過其實最終我係冇試到吉列牛，但就食左佢最推介嘅石燒牛）美式頂級牛里脊配大啡菇$178牛里脊比我想像中厚肉，我呢啲大鄉里仲諗會唔會太快燒到太熟，點知原來唔會，仲可以燒到保持肉汁（不得不稱讚下自己，可能係因為我燒得好食！）咖哩雞忌廉烏冬$78本身見到忌廉烏冬有少少卻步，因為忌廉係我心目中係甜嘅，應該同咖喱同烏冬唔係好襯，點知又唔係喎～食落去好Creamy！同啲烏冬好夾！咸蛋薯條$38簡直係極品！亦都係我最愛！講真鹹蛋薯條望落好易整，但如果真係整到有鹹蛋粒真實一啲都唔易，仲要勁足料！咸蛋薯條十分我比十二分！

吉列牛定食 $98午餐既吉列牛定食有味噌湯，沙律，麻醬豆腐同加左飯素係面既飯。吉列牛上檯時入面仲係血淋淋既，將吉列牛放係熱石板上燒熱，可以自己控制鐘意食既熟度。外層炸到脆卜卜好香口，牛味重肉汁多，肉質都淋但有筋。咖哩忌廉雞肉烏冬 $78咖喱忌廉烏冬可以簡雞或者牛，忌廉係上面厚厚一層好輕盈，好似泡泡咁， 撈埋下面既咖哩烏冬食好滑溜，食落有淡淡既忌廉味，好creamy唔會好漏，咖哩微辣，烏冬彈牙掛汁，配搭起來好食。

今日約左朋友食飯，想請佢食好野但又唔想太貴，㨂左呢間睇落幾特色嘅餐廳。叫左個午餐set, 包左吉列牛set 同埋忌廉udon, 夾埋2百幾蚊，我覺得吉列牛好好味啊！仲可以自己燒，想幾熟都得。而忌廉udon我就覺得一般，雖然食落唔heavy又幾特別，但就唔覺得好好味。 見佢lunch meun都唔貴，附近番工嘅人值得一試！

今日约左朋友去銅鑼湾時代廣場附近揾食，上網推介左間專食忌廉烏冬餐廳，這間名為吉列牛忌廉烏冬專門店，位於铜鑼湾百樂中心，整坐商厦滿佈食店餐廳，非常方便。 同朋友坐低，環境闊落，餐牌上款式選擇多，名式各種都有。每張台上放至一個石燒爐，應該系食燒牛肉我哋先点左美式顶级牛里脊配大啡菇，上餐時，店員提醒牛里脊只燒得2至3成熟，我哋將牛放在燒爐上燒至啱自己熟度先食。牛肉高質素，肉質軟腍同好有牛香味，大大件又夠厚身，放在石燒爐上燒，散發陣陣油香味，未食都感觉好味，牛肉燒得外脆內軟，入口鬆化香口，juicy有肉汁，超正另外点左咖哩忌廉忌烏冬+雞肉，烏冬被忌兼包裹著一層厚厚嘅忌兼，好特别。將烏冬攪均，熱滕滕地散發好香咖喱香味，食落滑一滑，每條烏冬都掛起酱汁，非常好食至放鹹蛋薯修亦好正炸得香脆熱辣辣加上鹹蛋香，灑上小量香草碎，簡直冇得輸

成日都見到人地食呢間，終於去食下，7點幾上到去都幾多人食，個個都燒下燒下咁。香辣忌廉雞肉炒麵 $78朋友想食辣我地就叫左呢個，厚厚嘅忌廉下面收埋左雞肉炒麵，原本以為忌廉會好膩但食落好輕盈唔膩，雞肉炒得嫩滑唔老身，炒麵都幾辣，忌廉醒炒麵好夾。美式頂級牛里脊套餐一上台店員話牛肉表面熟，入面都幾生，可以自己燒到中意嘅熟度，牛里脊肉味濃郁，肉質唔會好韌，芝士大啡菇好香菇味。咸蛋薯條$38呢個一定要點，薯條新鮮炸起熱辣辣，滿滿嘅咸蛋黃痴薯條，好邪惡，配埋黑松露醬雙重享受。

吉列牛忌廉烏冬專門店.今日同男朋友喺銅鑼灣行街夜晚就喺度食，而家已經想食好耐，因為佢個忌廉烏冬勁吸引😍😍😍.忌廉烏冬❤️一嚟到個賣相真係好吸引，忍唔住影多幾張相。佢可以揀牛肉或者雞肉，我就揀咗牛肉😋佢個烏冬比我想像中淋左少少，但都唔大影響，因為佢個忌廉配咖喱真係好夾😭超級好味😋😋.美式頂級牛里脊配大菇❤️牛里脊超大件😍佢幫你煮咗一成熟左右，要自己再喺石板上邊煮多陣🥰男朋友亦配多咗一個白飯，牛配白飯真係好正😝😝而我就唔食菇，男朋友話舊菇放上石版燒多陣會好食一百倍🤣🤣.鹹蛋薯條❤️薯條比我想像中好食，佢真係會有啲鹹蛋碎喺底😍熱辣辣好好味👍🏻👍🏻.嗰度地方都幾大，員工都好好態度，非常有禮貌👍🏻👍🏻

出到嚟銅鑼灣想食吓燒牛同烏冬嘅話 就可以試吓呢間啦💁🏻‍♂️佢入面嘅環境都幾舒服🤓即是係燒牛肉店又唔會好大油煙味喎--咖哩忌廉牛肉烏冬 $78🍝呢個烏冬都相當特別 一上到碟成個碗都係怖滿咗忌廉係面頭 食起上嚟又唔會特別搶走咖哩味 仲令到個烏冬更加滑😋不過啲牛肉粒就細塊咗啲--美式頂級牛里脊配大啡菇 $178🥩嚟到重頭戲啦 就係呢個自家燒牛肉啦 有個細細地嘅爐🍳要等一等個爐熱咗之後 就可以放啲牛肉上去 當聽到燒牛肉聲同塊牛漸漸變熟 會好有成功感🤓味道唔錯 好有牛味好juicy仲有冬菇同洋蔥--咸蛋薯條 $38 🥔呢個小食亦都係本人中意食嘅小食之一🤤今次仲要加埋咸蛋黃醬落去 令到個薯條昇華左😋每口都充斥住咸蛋黃嘅香味 絕對適合大人同細佬哥嘅食物--📍 吉列牛忌廉烏冬專門店 (銅鑼灣)銅鑼灣耀華街3號百樂中心22樓

今日黎到銅鑼灣食一間一路以黎我都好想食既kobekyu。🤩佢既咖哩忌廉烏冬好都幾出名。我地兩個人叫咗個美式頂級牛里脊配大啡菇，咸蛋薯條🍟同埋咖哩忌廉烏冬配牛肉🍲。美式頂級牛里脊配大啡菇 🐮🍄 $178 佢嘅牛里脊大約1-2成熟🥣，可以等顧客自己再喺塊鐵板到燒到自己鍾意既熟成度👍🏻，我自己就鍾意～5成熟🙂。配埋燒肉汁都幾夾，咸甜適中。不過大啡菇反而遜色少少，上面既芝士唔夠香同唔夠多，可以再落多少少芝士🧀。 配菜仲有洋蔥添。😎咸蛋薯條　🥚🍟　$38 好重咸蛋味🤤，好多咸蛋碎，廚師好重手我鍾意🤤值得欣賞。咖哩忌廉烏冬 🍲 $78 一黎到已經聞到好香嘅咖哩味，濃厚嘅忌廉味再配烏冬，都幾特別。埋單$323，都尚可接受😎可以再試👍🏻

韓國過江龍 Kobekyu 主打吉列牛同忌廉烏冬🇰🇷想試呢間餐廳好耐，嗰日去完時代廣場行街就順便去試下😍美式頂級牛里脊套餐🐮頂級牛里脊上枱嘅時候大慨只有 2-3 成熟🥩入面仲係血淋淋，然後可以放喺預熱左嘅鐵板上燒到適合自己嘅熟成度☺️牛里脊肉質食落有彈性帶有少少筋，感覺肉汁多😋芝士大啡菇🍄大啡菇上係一層烤過嘅芝士🧀大啡菇厚身得尼又軟腍，仲好 juicy👍🏻點埋佢地嘅秘製醬汁同黑松露醬🤤咖喱忌廉雞肉烏冬🍛厚厚嘅忌廉下面係咖哩烏冬，烏冬食落一啲都唔膩，主要係咖哩味，有少少辣🌶忌廉令烏冬更滑溜😝仲有一啲雞肉同西蘭花🐓🥦蒜片牛舌芯👅牛舌芯肉質爽口，連埋蒜片同葱粒一齊食🧄充滿蒜味

美式頂級牛里脊配大啡菇 $178牛里脊即係牛既腰部，上枱嘅時候只有大約三成左右，要自己放上熱石道燒♨️，但其實靚牛唔需要太熟🤪，燒到五成已經好夠。牛里脊肉質軟嫩😻，牛味超濃，又多肉汁，超正💯！仲有芝士大啡菇做配菜，大啡菇夠厚身🍄，軟滑多汁，趁熱食好食啲！-咖哩牛肉忌廉烏冬 $78成日睇IG都見到呢個烏冬，好吸引😻！上層既忌廉好輕盈，一啲都唔膩😽，因為咖哩味好濃，所以忌廉岩岩好可以減輕到咖哩味既濃烈👍🏻。牛肉粒份量都唔少，而且牛味都幾出。-咸蛋薯條 $38 薯條上面仲有啲咸蛋碎🙀，咸蛋味超濃，而且新鮮熱辣脆卜卜，超惹味🤩。仲配有黑松露醬同秘製醬汁，黑松露醬超濃郁，好快就清空哂🤪！

果日係1月17日(五)夜晚7:30左右, 我們共2人。餐店在時代廣場附近幾分鐘路程, 喺單棟式大廈百樂中心樓上。我地到已經有幾十人排隊等升降機, 分2條隊。大家睇清楚隊列, 因為升降機係去特定樓層。基本上全層都係屬於呢間餐店, 外面有男女洗手間。晚上7:30 已經座無虛席, 幸好只係等大約5分鐘就有位。我們點了吉列牛定食 ($148+10%) 和帶子蜆肉蟹籽釜飯 ($128+10%)。帶子飯很精緻, 睇得到廚師的心思。蜆肉先放旁邊, 蟹籽均勻放在頂呈圓形, 紫菜則鋪在外圍。 朋友的帶子飯我只係食左一口, 感覺很燙嘴, 好有鮮味。朋友最後食唒整個飯, 沒剩一粒米, 沒投訴。既然是招牌菜式, 我點左吉列牛定食。完整一塊吉列牛已被炸至外圍脆身, 並切件上桌, 但內層仍然係鮮嫩紅色, 就是生的。另外有個正方體黑色鐵板爐, 可以平放牛件燒熟。不用另外放油, 溫度很高。牛件已醃, 鹹味適中。建議唔好放手機在桌上, 因為油點都會彈出。另外有沙律菜、豆腐、蕃茄、飯和麵豉湯。小吃都無特別, 飯好細碗, 感覺男生應該可另叫小食。

今日因為久違了想食日式刨冰，所以特登出左銅鑼灣。記得之前去過百樂中心，都幾多食肆，所以今次去左呢到搵食，最後揀左22樓既吉列牛。一入到去，見到每枱都準備左一個石燒牛既爐係到，估計應該都幾多人叫吉列牛？不過因為係餐廳出面睇相，見到牛里脊既set好似幾正咁，所以同朋友叫左一份美式頂級牛里脊配大啡菇，香辣忌廉雞肉炒麵同埋咸蛋薯條。首先牛里脊唔係煮熟哂上枱，店員話只係稍為煮左一兩成，然後我地自己可以慢慢燒到自己想要既熟度。牛肉肉味唔算好濃，不過肉質唔錯，算嫩，唔會韌。大啡菇加左芝士焗，好食！個底仲有啲洋蔥。忌廉炒麵方面，面層有厚厚既忌廉，好吸引！炒麵對我黎講唔算太辣，雞肉炒得嫩滑。而且佢份量都幾多下，加上面層既忌廉，就算大食既朋友都一定夠飽！咸蛋薯條好香口，粗薯條炸得唔燶，入口有咸蛋黃香味，就咁已經好好食。再加上應該係跟肉黎既黑松露醬，無得彈呀！另外就係佢既景觀十分開揚，果然高層既餐廳係舒服啲既！

留意左依間來自🇰🇷韓國嘅「吉列牛忌廉烏冬專門店」一段時間, 次次見到佢個忌廉烏冬, 隔住個mon都已經留晒口水🤤-午後時間, 我地✌🏻個人叫左個1️⃣個小食, 1️⃣客同1️⃣個忌廉烏冬~~-🔸咸蛋薯條🔸😈邪惡嘅咸蛋薯條, 無得輸🙌🏻咸香味⚠️超級重⚠️, 🍟薯條又夠熱夠脆, 一定要試‼️-🔸美國頂級牛里脊套餐🔸頂級牛里脊上枱時內面比較生🥩 可以切細之後再石燒🥢 燒到自己心水嘅熟度🔥▫️配菜有芝士大啡菇🍄同炒洋蔥🧅▫️肉質又夠林又有牛味, 無論醮佢嘅⚫️秘制醬汁定🟤黑松露醬都一樣出色❗️-🔸咖喱忌廉烏冬🔸🍜咖喱忌廉烏冬可以揀🐔雞或者🐮牛, 如果想食重辣味啲嘅, 就可以揀香辣忌廉雞肉炒麵🌶🌶🌶我自己就揀左咖喱忌廉雞肉烏冬~~▫️上層係滿滿嘅空氣感忌廉▫️下層咖喱味道同濃度都調教得十分好👍🏻撈勻一齊食, 令烏冬整體食落更滑口🤩 同埋一啲都唔濟🥰-餐廳仲有吉列牛定食, 一樣咁吸引, 下次食!😋-