吉列牛忌廉烏冬專門店 (百樂中心) (已結業)

這家店於韓國其實大有來頭，是當地的吉列牛專門店的人氣店之一，以往未開門就已經大排長龍，想食不用飛到韓國，在香港就能品嘗得到。上網見到好多人推介吉列牛同咖喱忌廉烏冬，一於食呢兩樣！吉列牛定食吉列牛上桌只有微熟，可以將吉列牛放在熱的石板上，自己控制生熟度，肉質軟腍，可以蘸wasabi、豉油及沙律醬同吃。另外，更附有飯、麵豉湯及豆腐，滿足感up。咖喱忌廉烏冬 白色的忌廉內有乾坤，原來下層是香噴噴的咖喱烏冬。忌廉由薯蓉混和忌廉而成，質地好輕盈，所以入口不會有膩感，配上濃郁且甘甜微辣的咖喱烏冬，視覺與味覺兼備。雞軟骨餃子炸至熱焫焫嘅金黃色，外皮香脆，餡料有肉汁又有肉香。Citrus Ocean 藍色外表好吸引，微酸口味好清新！韓國柚子蜜（凍）凍冰冰之餘又有清新柚子味，夏天飲一流。

銅鑼灣多野食揀就吾駛講， 但我仍想encore呢間，皆因好掛住佢個獨有的咖喱烏冬，尤其是一層厚厚的忌廉配上咖喱烏冬，口感Creamy！上枱時忌廉呈螺旋 ，形狀都幾靚㗎 ！放耐咗少少開始溶... 用筷子夾起烏冬，底部喺滿滿香香嘅咖喱，每次食完都有好滿足的感覺！今次少有地冇點吉列牛，而是美式頂級牛里脊套餐！都不錯啊！塊牛里脊扒夠厚，亦都唔細。牛扒本身只係外圍燒熟咗，可以自行用熱石燒到合適你的口味！非常好！另外，伴碟仲有好多洋蔥同一隻芝士大啡菇 。菇味香濃又多汁，配埋軟滑的芝士，正！ 仲有牛油蜜糖單翼也是推介之啊！

CWB百樂中心不嬲都好多野食,我地今日揀左位於22樓既吉列牛忌廉烏冬專門店.7點去到餐廳已經坐滿人,好彩仲有1張枱凈我地坐左.我地2人嗌左:吉列牛定食 $246呢個係2人餐,有跟咖喱忌廉烏冬，前菜(麻醬豆腐)沙律, MISO SOUP同飯餐廳名叫吉列牛忌廉烏冬，我地就1次過試曬佢2樣招牌菜.我鍾意個吉列牛係上左枱可以俾你擺落熱石燒,燒到自己岩心水既生熟度.唔使好似出邊食扒咁成日叫MEDIUM燒到WELL DONE俾我...我就鍾意每邊燒10-15秒左右啦,個面熟左,但入邊仲係嫩既，之後一啖食左佢落肚! 滿足🤤本身啲牛都落左鹽調左味架啦,可以直接食,但我鍾意點佢個WASABI醬,幾好味.咖喱忌廉烏冬上面鋪滿忌廉,下面係咖喱烏冬，烏冬煙煙韌韌，另外仲有牛柳粒,洋蔥,菇。個份量都幾多下。雞軟骨餃子 $38外面脆卜卜，入面有雞軟骨幾有口感。

喺韓國擁多間分店的Kobekyu登陸香港都有一段時間，招牌菜 吉列牛 x 忌廉烏冬 更喺 hit 爆韓國，當然要試吓啦 😎吉列牛定食可以自助放喺熱石上燒，火侯完全自己掌握，好食又好玩😝 將表皮的吉列粉燒到酥脆，咬落去外脆內軟，肉汁爆曬出嚟！牛的份量唔算太多，啱啱夠兩個人食，不過仲有麻醬豆腐、車厘茄沙律同麵豉湯 😚咖喱忌廉雞肉烏冬忌廉好creamy又帶有奶香，雖然忌廉滿滿，但都唔會覺得膩，可能因為被香濃的咖喱中和咗，整個配搭好match好豐富 👍🏻 而烏冬都係我鍾意嗰種，煙韌滑溜，仲有雞肉粒，正！雞軟骨餃子幾特別😛 餃子皮煎得香脆，而內裏就喺一粒粒爽口的雞軟骨，幾有咬口，蘸埋醬油食仲滋味～Passion Fruit賣相好靚，充滿着夏日風情🌼，少少酸，整體偏甜，好清涼的消暑飲料

隔左一排冇食又掛住😂 係銅鑼灣算係性價比幾高😆質素都仲係好穩定😛 係我canteen之一☝🏻💰套餐 $246💰❣️吉列牛定食🐂見到個擺盤都開心🥳 有少少前菜 同飯素飯配🍚石板溫度啱啱好 好易燒唔會過熟 🔥 有得玩又有得食👍🏻吉列牛配左幾款醬 自己鍾意食Wasabi mayo😍真係勁送飯 好食🥰❣️咖哩忌廉烏冬🥘平時都係食雞肉烏冬🐓今次食咗牛肉🐄朋友竟然冇食過 都幾surprise地好食🥳表面嘅忌廉好厚 睇落都好creamy😆 夾起撈一撈令到個咖喱更smooth ( ˙༥˙ ) 烏冬彈牙 份量都食得飽 牛肉我食到粒粒都冇筋幾香☝🏻係我嚟呢度必食之選୧⃛(๑⃙⃘⁼̴̀꒳⁼̴́๑⃙⃘)୨⃛❣️雞軟骨餃子🥟 $38有四隻都幾抵 而且真係食到好多軟骨🐓炸得又脆 口感滿分💯💯❣️Passion Punch🍹+$18覺得有茶飲店質素 竟然會有真嘅百香果粒🥲

今日黎到銅鑼灣覓食，約左閨蜜去呢個餐廳試下，平日都十分多人，好采唔使等位好快就入得。首先我地叫左個吉列牛定食，呢道既牛係一兩成熟，有一個石鍋可自由調教幾熟，我個人喜愛係7成熟，肉汁係最鮮嫩，而且表面有一層好香脆既脆粒，令口感更加豐富，又唔會好油膩，牛一啲都唔肥，入口即溶，真係好值得一試。另外加個咖喱忌廉烏冬，表面一層打到起泡既忌廉，賣相十分吸引，咁既配搭真係好特別，而且真係好好味，烏冬非常彈牙有口感。讚。跟住再叫多個雞軟骨餃子，炸到金黃色非常香脆可口，點小小醬汁食令味道更加特出好味。之黎重有叫多兩杯野飲，一杯係Citrus Ocean，賣相都非常吸精，藍藍既海水顏色好似去左世外桃源，好好飲，下面有啲柚子果肉，更加有口感。另一杯係日本柚子梳打有酒精，酒精濃度唔算高，女士們飲一杯都無問題，一啲都飲唔出有酒精，最岩女士們試試。

🍱•吉列牛定食 將吉列牛放上熱石爐燒生熟情況可以自由控制基本上唔好太熟就可以食得外層外脆內裡肉嫩 都幾好味♥️再配埋個飯仲有湯同小配菜都真係好夠飽肚•骨付豬肉腸脆皮外層 Yumyum•雞軟骨餃子🥟入口脆脆地 又幾特別同好有咬口唔錯•咸蛋薯條呢個食落咸蛋味就唔算話太多中規中矩•咖喱忌廉雞肉烏冬一點要點既招牌菜一大碗滿滿既白忌廉 深不見底充滿神秘感 將個咖哩烏冬完美地同忌廉攪拌好濃濃忌廉咖喱烏冬超級好味 呢個絕對係強制推薦🔥•韓式甜辣醬單骨雞翼個汁甜甜辣辣 都唔錯呀•KOBEKATSU 秘製蛋卷蛋卷中間有滿滿芝士不過就蛋略嫌老左少少 但整體都唔錯既呢間野好岩我心水呀🤎

呢間咁出名都唔洗多作介紹！食過三次三次都冇令我失望過，今次都仲係咁好食,必食推介忌廉咖喱烏冬，今次唔係好辣，勁易入口一啲都唔滯，太美味了，入邊啲牛肉粒有啲和牛味，口感軟熟😍😍😍上等嘅烏冬食落去好滑身，好掛汁吉列牛都係必食推介，放落個爐上慢慢煎熟，送飯一流。吉列牛定食加忌廉咖喱烏冬，只係$248 真係好抵！我哋加咗雞軟骨餃子$38 都係咁好食外脆內軟，好入味，都係要必食！用餐心情🎋：兩口子燒下牛，食下烏冬，兩份分享岩岩好！但由於係限時所以自己睇住時間嘢

朋友介紹依間餐廳，話佢啲嘢幾好食。我話睇見個忌廉烏冬好似好漏，朋友話一啲都唔漏，仲幾好味，咁就一於嚟朝聖下。依間位於銅鑼灣吉列牛忌廉烏冬專門店，晚上未夠7點，餐廳已幾乎滿座，而每張枱都擺咗一個爐。吉列牛定食，跟配菜，麵豉湯和飯。牛肉表面預先沾上麵包糠，將表層炸至金黃色，內裡仲係生嘅。食客就自行放在爐上燒，生熟程度完全係自己控制，醬汁有wasabi 跟豉油和芥末沙律醬，燒好的牛肉好幼嫩和juice, 我覺得同芥末沙律醬最夾。咖哩忌廉烏冬，一層薄薄忌廉係面，裡面熱辣辣出晒煙，咖哩味唔會太濃，食完都唔覺滯和油膩，幾好味和幾特別。小食係雞軟骨餃子和咸蛋薯條，雞軟骨餡料剛剛好，邪惡咸蛋薯仔有咸蛋香味，兩樣都煎炸適中，食落卜卜脆和香口。飲品係citrus ocean 和passion punch, 味道清新又解渴。

聽左呢間野好耐，好多朋友推薦，今日終於黎朝聖六點三左右上到去，不用排隊，但去到七點開始聽到要預約左先入到去，建議大家想食一係早啲一係預約左先～餐廳位於22樓，如果坐近窗邊位相信景色都唔錯🤤今次叫左一個吉列牛定食同忌廉咖哩烏冬，另外叫左個蜜糖雞翼同一杯野飲 - citrus Ocean.吉列牛定食份量好夠，有湯、飯、數款前菜，叫左吉列牛之後，侍應都好快手幫手處理個爐。吉列牛外面嘅炸粉好脆，煎完之後嘅牛肉亦都好軟熟，唔會好難咬，不錯👍但係牛尾唔係好濃忌廉咖喱烏冬好好食，上面係白色嘅忌廉，下面係濃濃嘅咖喱烏冬，撈埋之後一齊食，好好味，兩者好夾🤤🤤 烏冬好滑，食到咖喱未亦都食到淡淡嘅幾味，不會太鹹，味道適中 一定會再食！雞翼亦好脆口，雖然有醬汁浸住，但都無淋到。👍食物整體質素高👍服務態度良好👍合理價格👍近窗景色較佳👍野飲打卡一流👍份量夠🥲吉列牛牛味不太夠下次再試下其他野食先！一定會再黎呢間👍

對上一次食已經係一兩年前，已經係hit咗好耐!日本野其實唔係黎黎去去都係壽司，仲可以好多變化😉吉列牛同忌廉烏冬，出名就大家都知，今次居然比我發覺佢啲嘢飲都好得！介紹俾大家！🔹🔹🔹🔹🔹🔹🔹🔹🔹🔹🔹🔹🔹🔹🔹🔸吉列牛定食加忌廉烏冬$246🔸首先吉列牛佢真係好有創意，比個鐵板顧客自己燒，幾成熟都係自己控制，吉列牛嘅外皮炸都好香，好邪惡！同樣邪惡嘅忌廉烏冬，外表雖然純潔無瑕，其實都好邪惡，好creamy ，入面係咖喱烏冬，仲有雞肉！咖喱味嘅辣已經被cream中和，口感好滑，未試過既真係要試吓！😻🔸rose garden $18🔸兩杯野都好靚呢杯，係粉紅色，賣相好得，玫瑰味好香濃，但唔似其他坊間飲品甘甜膩，真係都算幾出色！👏🏽🔸citrus ocean $18🔸藍色呢杯，我都超鍾意！食啲咁熱氣嘅嘢一定要飲番啲fresh飲品！呢個完全做到，柑橘口味，有清涼薄荷，個底仲有柚子蜜🥰口氣都清新d！

假日姪女話帶我去食一間又邪惡又美味嘅日式野，於是就嚟百樂中心嘅吉列牛忌廉烏冬專門店，食完真係覺得好唔錯！😋雞軟骨餃子呢個餃子外皮煎得好香脆，裏面有雞軟骨，咬既時候好有口感，沾上少許醋食非常之好味😍！吉列牛定食呢個定食都幾豐富，有麵豉湯、日式豆腐和車厘茄、珍珠白飯和吉列牛。自己可以按照個人喜好決定吉列牛既熟度，牛肉肉質鮮嫩，吉列香脆，口感一流！忌廉咖喱烏冬初時見到碗上的忌廉以為好heavy，但食落一啲都唔會覺得肥膩，而且仲令到每一條烏冬好滑溜，並且中和了咖喱味，食完真係忍唔住舉起姆指👍🏻！Citrus 🍊 Ocean 雖然係橘子飲料，但飲落唔知點解有啲柚子嘅味道，味道清甜，好清爽！Passion Punch 🍹呢杯熱情果賓治味道香香甜甜，好有夏日嘅味道，覺得自己冇叫錯😉！

好味既牛絕對係百食不厭，出街食牛可以自己親自控制生熟度更加係難能可貴，近期都多左好多石板燒牛既餐廳，但未必個個friend 都鍾意自己落手，所以去間多元化就更好，吉列牛忌廉烏冬專門店就係不二之選普通石板燒牛好多，但生牛柳先以吉列形式炸左外皮再上碟比客人自己燒真係少有，咁樣又可以食到吉列風味，又可以自己控制生熟度，一人一份，唔夠熟又可以再煎🤣真係好食客friendly, 吉列牛既吉列皮薄薄，再配埋好juicy 同淋滑既牛柳，鍾意點醬又得，唔點也得，得左！ 如果一人食哂成個定食都幾full , 塊吉列牛份量一啲都唔細，足砰👍🏻另一主打菜當然係忌廉咖哩烏冬，可揀牛/雞，我哋繼續揀牛，上枱時成碗都係忌廉，見到一圈圈既忌廉，試左一啖，好滑，用筷子🥢一夾下面既咖哩烏冬，好煙韌彈牙既烏冬就sir 入口，裡面既牛係牛柳粒，都係好淋的，忌廉令咖哩更嗗口，成碗湯濃稠度非常好👍🏻，不稀不杰，飲落去好舒服雞軟骨餃子🥟中規中矩，4隻長形餸子都係飽滿既

呢排食日式壽司🍣，燒肉放題呢啲都食到有啲悶，朋友介紹呢個忌廉烏冬，齋睇相確實係有啲嚇人，嘩，咁大堆忌廉係咪會好溜，但唔食過唔知，不但一啲都唔溜，而且咖喱味出，原來咖喱汁配烏冬係咁好味嘅😋。咖哩忌廉烏冬，一黎到面頭鋪滿忌廉，感覺碗野好似雪山咁冷冰冰，點知用筷子將下面嘅咖喱汁撈上黎，熱勝勝嘅煙隨即升起，香噴噴日式咖喱味香氣撲鼻⋯⋯ 將所有忌廉同咖喱汁撈勻，稀杰度適中，忌廉令整個質感黎得更加順滑，非常掛汁嘅效果，食落一啲都唔溜，朋友真係無介紹錯，正斗😋。吉列牛定食，成個餐有麵豉湯、凍豆腐、蕃茄仔，珍珠米白飯🍚，仲有主角吉列牛😋。牛肉預先用吉列粉包圍，炸至外層金黃脆身，入邊仍保持粉嫩，然後切件，厚薄適中，只需放上鐵板將兩邊輕輕燒熟，入口外脆內軟。雞軟骨餃子🥟，外層煎得香脆，入邊雞軟骨係口腔迫迫卜卜😆非常過癮⋯⋯

之前食過其他吉列牛 今次想試埋依間比較下 無諗到咁多好評結果都咁伏嗌左個set 2 (吉列牛定食+咖哩雞肉忌廉烏冬+雪碧）$246 追加吉列牛 98先講一講塊石板 一入座就見到張枱已經有一個爐 爐面有好多油 而我地就係要用呢個爐 雖然唔知職員係幾時擺出黎 但係無論衛生定觀感上都絕對令食客唔舒服 建議個爐連埋定食一齊送上黎 一上吉列牛層炸粉已經腍腍地 唔清楚係咪炸個時油溫唔夠逼唔番油出黎 定係一早炸定擺耐左 燒完塊牛直情甩哂啲炸粉送上set牛之後 職員再幫我地點火 我地由頭食到尾（途中因為冇火 換過一次燃料）都冇食到一塊牛係燒到出煙/出聲 燒好耐裡面仲係生到食唔心斷利申唔係食家 但都知牛肉係高溫煎先有味同鎖汁 no colour no flavour 食吉列牛都係想每片高溫燒一燒外層就食得 而家用塊唔凍唔熱既板暖熟塊牛 結果顯而易見 無色無味 塊肉本身都唔靚 所以又韌又冇乜肉味 跟住講白飯 飯素份量唔多 口感太濕食落一patpat 無諗到依個價錢食到茶餐廳質素既白飯本身塊牛肉好淡冇乜調味 定食有兩款醬汁 其中蒜泥醬做得幾好 但黎得依度我都係想食牛多過食醬麵豉湯清清地淡過出面既日式餐廳 溝