吉列牛忌廉烏冬專門店 (百樂中心) (已結業)

CWB百樂中心不嬲都好多野食,我地今日揀左位於22樓既吉列牛忌廉烏冬專門店.7點去到餐廳已經坐滿人,好彩仲有1張枱凈我地坐左.我地2人嗌左:吉列牛定食 $246呢個係2人餐,有跟咖喱忌廉烏冬，前菜(麻醬豆腐)沙律, MISO SOUP同飯餐廳名叫吉列牛忌廉烏冬，我地就1次過試曬佢2樣招牌菜.我鍾意個吉列牛係上左枱可以俾你擺落熱石燒,燒到自己岩心水既生熟度.唔使好似出邊食扒咁成日叫MEDIUM燒到WELL DONE俾我...我就鍾意每邊燒10-15秒左右啦,個面熟左,但入邊仲係嫩既，之後一啖食左佢落肚! 滿足🤤本身啲牛都落左鹽調左味架啦,可以直接食,但我鍾意點佢個WASABI醬,幾好味.咖喱忌廉烏冬上面鋪滿忌廉,下面係咖喱烏冬，烏冬煙煙韌韌，另外仲有牛柳粒,洋蔥,菇。個份量都幾多下。雞軟骨餃子 $38外面脆卜卜，入面有雞軟骨幾有口感。