吉列牛忌廉烏冬專門店 (百樂中心) (已結業)

依間吉列牛算係香港幾早有吉列牛食嘅餐廳，仲係一間人氣都幾高嘅韓國過江龍🥳今次叫咗Set 2，有得食晒兩款招牌菜，吉列牛定食 ＋ 咖哩忌廉烏冬 💰246✨🐂吉列牛💫評分: 7.8/10📝吉列牛定食包吉列牛、白飯🍚、 麵豉湯🥣、麻醬豆腐同車厘茄，吉列牛外脆內嫩，覺得同其他餐廳嘅吉列牛最大分別係佢蒜香味都幾出，基本上每枱都有叫呢款💁🏻‍♀️根據個人喜好去燒屬於自己鍾意嘅生熟程度✨咖哩忌廉烏冬 💫評分: 8/10📝烏冬上鋪滿白雪雪嘅一層忌廉，好cute cute，烏冬食落好滑又煙韌，加左忌廉嘅烏冬更加creamy✨雞軟骨餃子 💰38💫評分: 7.5/10📝脆卜卜既餃子皮包住香脆雞軟骨，外層香脆，內裏有咬口，一次過滿足晒我又想食雞軟骨同餃子嘅慾望🤣吉列牛忌廉烏冬專門店 𝕂𝕠𝕓𝕖𝕜𝕪𝕦📍銅鑼灣駱克道463-483號銅鑼灣廣場2期6樓(銅鑼灣🚇C出口行1分鐘就到)💫評分: 7.9/10💬美食配埋香港🇭🇰製造嘅手工啤酒🍻一流，試咗兩款灶君蜂蜜黑啤+玉皇大帝IPA(each💰68)，呢間舖頭就嚟過三次，自己覺得性價比都幾高🥰❣️其他分店❣️📍旺角彌敦道726號17樓(旺角🚇B1出口行2分鐘就到)

呢間餐廳一直BOOKMARK左好耐，今次終於黎食。所以叫左佢個招牌 – 吉列牛定食同埋咖哩忌廉烏冬。吉列牛係有個爐比你自己燒，個人覺得6-7成熟就最好食，d牛唔會un。個定食仲有加左飯素既飯同面鼔湯。燒完d牛仲可以點下d醬，有個綠綠地色，係似加左芥末既沙律醬，另外仲有款係鼓油，見佢仲有就咁配WASABI，食落冇咁膩。咖哩忌廉烏冬如果要影相就要襯一開始影啦，因為一搞混d CREAM就會溶，係甜咖喱黎，入面既牛肉就實d，都幾重牛味。之後叫左雞軟骨餃子，食落幾特別，中間有軟骨脆脆地。野飲都好岩用黎打卡，ROSE GARDEN成杯粉紅色架，PASSION PUNCH就飲落好FRESH。

吉列牛忌廉烏冬專門店 人約銅鑼灣,友人推薦來訪忌廉吉列牛排隊約十分鐘,晚市都坐滿,位置稍迫,但整體問題不大,服務態度幾好叫左招牌吉列牛套餐,定食set一份吉列牛扒,切好上件,附一個熱石爐,給我們食客自己煎想要既熟度爐火易控,煎至3-5成熟就好食,唔好太熟,牛肉本身肉味濃郁,夠油花,雙重口感,外層脆,肉嫩滑定食配飯,湯,小菜,走日式風格,最值錢係件牛肉,份量都夠食另外再叫一碗同樣係出名既招牌烏冬麵咖哩湯底既烏冬,上面一層厚厚既忌廉,將佢拌勻,食落麵條香又滑,忌廉中和咖哩汁既辣,食落味道豐富銅鑼灣耀華街3號百樂中心22樓平均消費 $150銅鑼灣mtr行十分鐘就到評分:8/10#吉列牛忌廉烏冬專門店

銅鑼灣百樂中心絕對係飲食天堂， 你絕對可以喺度搵到你心儀嘅食物。今次去食嘅就係 韓日式嘅 吉列牛 忌廉烏冬專門店。一入舖頭已經聞到好香嘅燒肉味。點咗個套餐，$246， 裏面包吉列牛定食同埋忌廉咖哩烏冬。吉列牛定食真係有得玩有得食， 揸到外層脆卜卜嘅吉列牛， 裏面嘅肉大概都係 兩三成熟， 之後就要 自己 在石板上燒烤調教熟成度。 個人認為 每邊大概烤 15秒左右 就已經達到五成熟嘅熟成度， 口感非常之好， 點埋專用嘅沙律醬更加美味。忌廉咖哩烏冬賣相非常特別， 乍看之下 就係一碗忌廉， 攪拌之後嘅烏冬 就還原返咖哩嘅模樣， 食落重非常惹味。另外點咗一客雞軟骨餃子 作為前菜。

Citrus ocean 有柑橘柚子既味道 同埋小小薄荷味既有汽飲品～ 😌Passion punch呢杯酸酸甜甜 熱情果既味道都出既仲有小小百香果既核 所以整體我地都覺得呢杯好飲啲🥰吉列牛定食 $246定食裏面有吉列牛、沙律、胡麻醬車厘茄、胡麻醬豆腐、麵豉湯同白飯。 而醬汁方面有兩種～ 個人覺得芥末蛋黃醬配吉列牛都幾好食😋🥲咖哩忌廉烏冬 見過好多人都有打卡呢個烏冬 我覺得正正常常 值得一提烏冬口感好彈牙煙韌 😍呢個烏冬幾好食 有咖啡同忌廉溝埋一齊 口感creamy 🥰雞軟骨餃子 $38外皮香脆 雞軟骨令餃子增添多左一種口感 好特別😚

Kobekyu 吉列牛忌廉烏冬專門店，位於銅鑼灣耀華街百樂中心，韓國人氣吉列牛過江龍，終於可以於周日晚上一試。餐廳以吉列牛為主打，吉列牛定食配有白飯，味噌湯，芝麻豆腐，沙律。吉列牛上碟時大約三成熟，食客可以隨個人喜好將吉列牛以石燒爐煎熟，牛肉嫩滑，肉味濃，口感一流。忌廉咖哩烏冬，日本咖哩口味，辣度絕對老幼咸宜，配上幼滑忌廉，加添彈牙烏冬之口味。餐廳飲品選擇亦多，推介打卡飲品 Rose Garden ，帶有玫瑰花香梳打飲品。

適逢東京奧運開幕 就介紹吓吉列豬嘅朋友吉列牛就係位於銅鑼灣嘅吉列牛忌廉烏冬專門店唔使我多講 都知一定要嗌吉列牛定食 ($246)除咗可以嘗試吉列牛之外 仲有埋忌廉烏冬個餐仲包括味噌湯、麻醬豆腐、白飯、蕃茄仔可以話係超級豐富🥳吉列牛自己燒 個人認為五至七成熟就啱啱好咁樣就可以令到牛嘅香味澎湃啲有咬口得嚟又唔韌 件件都披住香脆金黃外皮架😆至於忌廉咖喱烏冬 係夢幻嘅組合食之前記住將忌廉和咖喱烏冬撈勻等忌廉沾上每條烏冬 口感就會好creamy😋最後加多一客雞軟骨餃子($38)啖啖肉兼有咬脆卜卜嘅感覺 推薦‼️額外推薦大家試吓佢哋嘅特飲($38)配合夏天嘅Passion Punch 就係百香果味而Citrus Ocean 係柚子味道 兩杯都好飲👍🏻👍🏻-裝修環境：✨✨✨✨✨服務態度：✨✨✨✨✨食物質素：✨✨✨✨✨(5個✨為滿分)唔信我嘅可以自己去試試😂

吉列牛去咗呢間吉列牛忌廉烏冬專門店試吓，見佢有得用鐵板燒啲牛肉幾好玩咁🤪🤪我哋叫咗一個吉列牛定食，一個咖喱牛肉忌廉烏冬～再加一個雞軟骨餃子做小食！••🍀吉列牛定食相信呢個菜式都係呢間舖頭主打之一，成個定食便當有麻醬豆腐、麵豉湯等等～最重要係佢嘅吉列牛，擺喺小型鐵板上面燒一燒，根據自己嘅口味而決定佢嘅生熟程度～啲牛肉入口好香口，正到呢。。。。。•••🍀咖喱牛肉忌廉烏冬睇張相都知道幾咁震撼，一上菜嘅時候心諗咦咁特別嘅🤣🤣係真係有忌廉喺面㗎喎仲以為真係平時食甜品嘅忌廉點知原來係唔同😝😝佢嘅味道清淡好多同本身嘅咖喱融為一體嘅時候又幾特別～出乎意料地夾wo係一個好新鮮嘅嘗試😎😎

食左幾次都唔怕悶既吉列牛🤤今次又同左個frd去啦 銅鑼灣呢間雖然舖頭唔算好大但坐位都坐得舒服 店員既招待都還好👍🏾•吉列牛套餐🐮•-呢次就點左每次必叫既吉列牛套餐同咪咖哩忌廉烏冬😼吉列牛一如既往既剛好唔會冧又唔會靭 想燒幾成熟都得 外脆內軟 都係偏瘦既牛🤪而個套餐包埋既小食都細細件算夠候既•咖哩忌廉烏冬🍜•-而咖哩忌廉烏冬真係好適合任何人 又有濃厚既咖哩汁但又唔辣加上忌廉真係好creamy😋烏冬亦都係日本個種 裡面亦都有牛同洋蔥🤤•雞軟骨餃子🥟•-作為餃子既粉絲我覺得呢到做到幾好 皮又唔會厚 又足餡料 而且雞軟骨放入去既配搭真係新穎之餘又夾 好有咬口成件事仲有菜 豬肉同少少粉絲😻•Passion Punch🍹•-我地就叫左杯Passion Punch😻個杯仔裝住真係勁qq 中意酸甜酸甜既人一定要叫🙋🏽‍♀️係平衡得好好唔會偏甜或酸 而且仲有passion fruit既粒粒咬口 食前飲啖都幾開胃👹

喺銅鑼灣行完街去搵食，呢次上左去好多食肆進駐嘅百樂中心，搵到呢間吉列牛忌廉烏冬專門店。咖喱忌廉烏冬：上檯時驟眼望落去只有鋪滿白色Creamy的忌廉，而下面係香氣撲鼻嘅牛肉咖喱烏冬。佢哋嘅烏冬口感爽口彈牙，烏冬每條都掛滿濃郁的咖喱汁，而牛肉咖喱香氣四溢，將忌廉混埋一齊，口感變得更加幼滑，而佢哋入面嘅牛肉肉味甚濃，無比咖喱搶哂啲肉味，仍然食到嫩滑嘅口感。吉列牛定食：定食入面有一碗飯，一碗麵豉湯，一份麻醬豆腐，當然仲有一份用上高級優質嘅牛肉所做嘅吉列牛，吉列牛嘅表面裹上簿簿一層的麵包糠，將其外皮炸至金黃香脆，而牛肉入面仍然保持顏色呈鮮紅，肉質鮮嫩濕潤。而牛肉油花比例均勻，食落入口鬆化，完全做到香而不膩嘅感覺。雞軟骨餃子：餃子入面加入雞軟骨，增加脆卜卜嘅口感。叫左兩杯飲品分別係Rose garden，Passion Fruit，前者較為清新，帶有淡淡嘅玫瑰花香，而後者果味濃郁，好有夏天嘅感覺，兩杯都好啱喺食完較油膩嘅吉列牛享用。

吉列牛唔止係日本餐廳嘅專利，如果想搵間抵食嘅吉列牛，可以試吓韓國嘅過江龍代表，位於銅鑼灣嘅吉列牛忌廉烏冬專門店。餐廳除咗名物吉列牛，仲有忌廉烏冬，加上餐廳有唔少特飲，好似去咗韓風cafe！雞軟骨餃子呢個雞軟骨餃子好好味！餃子煎到好香脆，餃子餡料有豬肉同雞軟骨，勁有口感！吉列牛定食已預先切件嘅吉列牛扒，上枱時大概3成熟，可以靠石板爐將牛扒燒熟至自己喜歡嘅生熟程度。燒過嘅牛扒可以鎖住肉汁，而肉質好嫩，吉列皮微脆。定食除咗吉列牛，仲包埋白飯、 麵豉湯、麻醬豆腐同車厘茄。忌廉咖喱烏冬嘩！望住碗烏冬已到經感受到有幾creamy啦！烏冬預先撈勻咖喱汁，加上澎湃嘅忌廉，真係好滑呀！亦估唔到忌廉同咖哩係咁match呀！Passion Punch、Citrus Ocean飲品方面，就叫咗酸酸甜甜嘅Passion Punch同帶有清新柚子嘅Citrus Ocean。

最近我好鍾意喺百樂中心度搵好野食，貪佢一棟入面有齊好多野食，今日就約咗朋友試我期待已久想試嘅吉列牛，同埋忌廉烏冬。吉列牛定食 $246枱上既經有一個石爐準備好，上菜時店員幫手加熱熱石，係等待加熱時梗係睇下個set有咩，呢個定食包左前菜，沙律，麵豉湯，同埋份量好夠既吉列牛，吉列牛質地軟滑，食開5成既大家唔需要燒太耐，加埋個汁，送飯一流。咖喱忌廉烏冬賣相非常吸引，我未食過烏冬係咁，面頭有一大舊好似cream咁既，將佢同埋烏冬撈埋一齊，意想不到咁夾，又有香濃嘅咖喱味，又食到好滑嘅烏冬，都係我第一次試，印象難忘。雞軟骨餃子$38香脆既外皮，加埋雞軟骨既脆卜卜口感，配上餃子醋，非常好味。Passion Punch 味道清爽，而且入面仲有果肉，帶有甜味。.Citrus Ocean 呢杯野有檸檬同埋少少薄荷既味道，好岩解膩。

咖哩忌廉牛烏冬定食今次發現咖汁溝上忌廉都真心幾好正。可能因為上次等朋友，等到烏冬都攤到涼咗，所以入口就無咁好食。但今次一上菜就食，就發現真係溫度造就好味道😀 雖然裡面嘅牛肉都一定無吉列style gum 好味：外脆肉鮮軟！但係烏冬嘅麵條好煙韌，係令人食完想再食，應該都係幾靚嘅道庭雞軟骨餃子就麻麻哋、下次就應該唔會再叫，除非好想食餃子啦😂 感覺都係似普通豬肉餃子，食唔出有雞軟骨味道。女朋友另外叫咗一杯Rose Garden 🌹 佢就話真係有好香玫瑰味。唔錯

黎自韓國首爾嘅「吉列牛忌廉烏冬專門店 KOBEKYU」黎咗香港已經好幾年 🍖 兩年前同friend黎食過覺得唔錯，但真係好多人好難book 🤭 宜家好似唔洗等咁耐，所以終於再黎食 😂去「吉列牛忌廉烏冬專門店」食飯一定要嗌佢哋嘅招牌吉列牛、忌廉烏冬 🤩 如果有friend一齊食建議嗌套餐，比散嗌抵 😝吉列牛定食包咗吉列牛、白飯、麵豉湯、胡麻豆腐、車厘茄，好豐富 😀 吉列牛外脆內嫩，放喺熱石板上燒多十秒左右就喺我鐘意嘅生熟度 😙牛肉咖哩烏冬俾好厚嘅忌廉泡沫遮住，上枱時淨係見到d忌廉 😂 一夾起烏冬，誘人嘅咖哩香味撲出 🤤 烏冬味道香濃，口感煙韌彈牙 😋雞軟骨餃子炸得香口酥脆，入口清爽唔油膩，簡單蘸醋食已經好好味 😁最後嗌多咗杯嘢飲 🍹 呢杯citrus ocean加咗檸檬片、薄荷葉、柚子蜜，清甜解膩，好啱食完燒肉飲 🤗

📍#銅鑼灣 #吉列牛好耐無食過嚕～ 第一次係日本試完 覺得幾特別 今日香港第一次食1. 吉列牛扒 脆脆地 幾香口2. creamy curry udo noodles 🍜 好滑 唔會好膩 （有牛柳粒）3. 牛舌雞串 濃味香口4. 玫瑰soda 5. 柚子 soda ( drinks are quite gd 👍🏻) Service is good, food comes fast 💨 Will come again for sure, price is reasonable.