吉列牛忌廉烏冬專門店 (百樂中心) (已結業)

假日又係瓹窿瓹罅搵嘢食嘅好時候，見到網上好多人都推介呢間來自韓國首爾嘅 忌廉烏冬同吉列牛套餐我哋就決定今日嘅午餐食佢啦！套餐吉列牛定食 🔺咖哩忌廉烏冬(可選牛/雞)🔺$246hkd吉列牛定食 🔺有小食，麵豉湯，白飯，同吉列牛一份；份牛上枱時係半生，店員會開著旁邊個小火爐比我哋自行加熱食用，加埋啲醬汁同wasabi連同一口飯一同進食真係好滋味，外皮嘅吉列亦都非常酥脆，眼見份量唔算好多，但食完都幾飽。咖哩忌廉烏冬🔺 我哋揀咗牛肉，面頭有一層好厚嘅忌廉相當好食，撈住嚟食發現入面有些少洋蔥增加甜味，呢個烏冬真係响第二度唔會搵到！食完一個又忍唔住想再食～雞軟骨餃子🔺$38hkd 餃子煎到香脆增加軟骨脆卜卜咬口，絕對佐酒必備小食之一日本梅子梳打🔺$58hkdhighball威士忌梳打🔺$58hkd個人都幾推介呢間店鋪，ＣＰ值高得嚟而且佢哋有分店都幾就腳，有興趣可以一試。📍銅鑼灣耀華街3號百樂中心22樓 📍旺角彌敦道726號17樓

收工約左朋友嚟耀華街食大餐，朋友介紹嚟試下呢度既日韓料理。吉列牛定食餐廳既招牌食物之一。吉列牛肉質粉紅鮮嫩，一放上個熱石爐就炸炸聲，油脂不斷釋出，煎至熟透再放入口，仲帶點肉汁。配埋加左飯素既白飯一齊食，送飯真係一流。跟餐有胡麻豆腐、番茄同麵湯豉湯。咖喱忌廉烏冬另一招牌菜式之一。大大碗既烏冬，上面鋪滿奶白色既忌廉，下面係香濃既咖喱，食落唔辣，個汁既味道相當豐富。烏冬嫩滑得嚟亦幾掛汁，配埋少少肉，真係幾唔錯。雞軟骨餃子一碟有四件餃子，外層既餃子皮煎得香脆，食落帶點嚼勁。韓國蜂蜜紅棗茶清甜滋潤，女仔飲就啱哂。韓國柚子蜜夠哂冰凍又唔會太甜既飲品。

呢間吉列牛幾年前開張嘅時候食過，早幾日出銅鑼灣諗唔到食咩好，中午時間又驚d cafe好多人，見呢間有得openrice book位又再去試吓先😋♥ 蒲燒鰻魚茶漬飯🍵 $78一上枱已經聞到鰻魚燒香嘅味道😍 熱辣辣食落口真係好好味，鰻魚好入味無骨😋😋😋 茶漬飯有得揀三種湯底，抹茶湯、蔬菜鏗魚湯同豬骨湯，我揀咗蔬菜鏗魚，但係偏鹹我倒咗少少就冇再加，前菜都會有蕃茄仔同豆腐♥ 吉列牛定食 🥩🍚 $148難得嚟到梗係要食返佢嘅招牌菜，前菜都係包括蕃茄仔同豆腐，跟埋個麵豉湯，但係麵豉湯真係完全冇味，可以形容為只係帶有略少鹹味嘅水🙈 吉列牛外皮炸至酥脆，內裏肉大粉紅色大概三成熟左右，再用熱石燒返熟少少，燒熟之後食食落一啲都唔韌，肉質好嫩仲帶牛香😍名副其實外脆內嫩好味道 😋♡ 咁耐冇黎對主食都滿意鰻魚同吉列牛都好味😋石燒可以自己燒仲好好玩添，又容易控制唔會燒到濃晒😂

呢間係我最中意食嘅吉列牛，上枱個陣吉列牛生生地，店員會遞上爐，睇自己食幾多成再燒，我自己中意食5成就燒一燒就得，牛肉肉質嫩滑，味道濃郁。吉列牛有個醬汁酸酸甜甜帶少少芥末味，好夾。雞軟骨餃子皮薄餡多，餃子外脆內軟，加左雞軟骨增加口感，幾有咬口。雞肉咖喱烏冬咖喱唔係好辣，少少辣帶d甜味，雞肉嫩滑唔乾，厚厚嘅忌廉好creamy。叫左Rose garden 同Passion fruit，兩杯飲品都係梳打黎，酸甜好解膩。

我哋四個人叫咗兩個吉列牛定食 入面分別有 咖哩忌廉烏冬(可以揀雞肉或者牛肉)咁我哋梗係揀牛肉啦😋另外仲會有兩份吉列牛餐 每人一杯飲品 仲另外加咗一個雞軟骨餃子🥟 吉列牛定食係餐廳嘅推介之一 相信大部份人都係為咗呢個而過嚟食 咁店員拎過嚟嘅時候啲牛肉仲係生嘅 需要放上去鐵板上面燒 可以自己控制幾多成熟 如果已經有一層炸粉喺上面 燒熱左之後會更加香 我自己就鍾意大概6-7成熟 口感岩岩好唔會太硬 仲會有好多肉汁🤤另外，吉列牛定食入面仲有其他配菜 白飯同飯素(送飯好正)同麻醬車厘茄仲有凍豆腐 另外當然唔少得醬汁 其中一款我超級鍾意 芥末沙律醬 同吉列牛真係好夾😋😋 。另外仲有一樣大家都話必食嘅嘢 就係咖喱忌廉牛肉烏冬 烏冬食落去好似比起平時更加滑 不過味道就比較普通 忌廉同烏冬撈勻之後 好凍就會好似多咗啲汁咁 比較重咖喱味 烏冬入邊嘅牛肉 肉質就麻麻 比較難咬 要嚼好耐 另外入面都會有好多洋蔥 忌廉味唔算太重 比咖喱嘅味道冚晒 。仲有叫到雞軟骨餃子 🥟就係好普通嘅餃子 好似完全食唔到雞軟骨嘅感覺咁😂😂😂😂室內環境方面都唔錯 我哋四個人一台淨係可以用一個鐵板燒爐 (呢一方面有待改進 四個人用

今日又心思思想食吉列牛，如果係想食吉列牛就一定要黎呢間吉列牛忌廉烏冬專門店，係招牌菜式之一。上次周日午飯時候黎等好耐，今次醒目等人潮過左先到就可以直入。呢間吉列牛忌廉烏冬專門店位於時代廣場附近既百樂中心。一如既往，招牌菜式係吉列牛同忌廉烏冬。另外餐牌仲有釜飯，Shabu-Shabu，冷麵，炒飯，韓式牛肉飯，小食，大阪燒，亦都有午餐，主食，套餐，美式頂級牛里脊套餐同各樣飲品。落單要用QR code。例牌叫左招牌套餐，即吉列牛定食 + 咖哩忌廉烏冬（小辣）或香辣忌廉雞肉炒麵（辣）+ 2汽水，價錢$246另加一。吉列牛定食係成個套餐上枱。吉列牛一客九件，外皮香脆而入面嘅牛肉已經有三成熟左右，等你自己喺個爐仔上面整到自己鍾意嘅熟度先食。跟吉列牛有蒜蓉mayo同甜酸燒肉汁等你點，仲有wasabi，個人覺得點蒜蓉mayo最好味，令塊牛好滑溜。伴碟有少量胡麻醬梛菜絲沙律。定食仲有兩款前菜，分別係一粒細細粒車厘茄切開兩半加左胡麻醬同一細磚加左胡麻醬嘅豆腐。定食仲跟一碗白飯，上面撒滿飯素，同一碗味噌湯。咖哩忌廉烏冬我哋揀左招牌咖哩忌廉烏冬。大碗烏冬上面滿佈白色忌廉同少少蔥花。碗烏冬好熱，放耐左先食都仲熱

好耐之前食過Kokekyu吉列牛旺角店，蕃薯妹覺得相當唔錯～ 今次同朋友仔去完銅鑼灣shopping，帶咗佢嚟銅鑼灣店試吓🤤呢度一樣有三款二人set，我哋揀咗$246嘅套餐二：吉列牛定食+咖喱忌廉烏冬+2杯飲品，可以試曬兩款招牌菜🤤好抵食！另外為食妹再叫多一個小食🤣吉列牛定食定食有麻醬豆腐、麻醬車厘茄、麵豉湯同白飯～每張檯都已經預先放咗一個石燒爐響度，睇嚟幾乎所有食客都必定order吉列牛🤤醬外層炸到金黃色嘅吉列牛扒放上石燒爐上面煎，自己控制生熟程度👍🏻 牛扒軟嫩，外層炸粉又薄而且炸到好脆～沾上沙律醬、Wasabi或者燒肉汁嚟食，可以食齊唔同嘅口味🤤 好好味！咖喱忌廉烏冬蕃薯妹覺得呢個係必食推薦！👍🏻👍🏻👍🏻忌廉嘅奶滑口感同日式咖喱真係非常之夾！ 令到烏冬口感煙韌得嚟又好滑溜～ 而且咖喱味好香濃～ 一定要試💜雞軟骨餃子外皮脆薄嘅餃子，入面係雞軟骨碎同菜肉，外脆內軟口感都唔錯😋🍹Citrus Ocean我俾佢嘅藍色外表吸引咗😂 好夏日嘅感覺，飲落去酸酸甜甜，有少少柚子響底部，幾開胃～每人$166！抵食

之前日本都試過吉列牛但唔知點解⋯⋯居然唔係熱既唔係石燒款式返到香港2年前試過呢間飲品試下新奇野Rose garden🌹玫瑰味十足，加上氣泡水的香氣Passion Punch酸甜開胃，而且好新鮮的感覺宜家2人套餐👍🏻✨有吉列牛肉定食裏面有沙律🥗小菜等等牛肉係生生地需要擺石燒上面慢慢自己整熟～好有成就感而且好快熟，唔好擺太耐啊！✨咖哩忌廉扁冬呢個真係一流，2個人分享無禁漏而且好香濃咖喱味道唔會辣～反而同忌廉好夾✨雞軟骨胶子熱辣辣又有咬口❤️

《食上癮吉列牛🐄》————————————-———#kobekyu 🐮-最近真係好鍾意食吉列牛，呢間已經食咗唔止一次啦😎 經開銅鑼灣，就同朋友上咗嚟百樂中心，食過返尋味😋-今次我哋就無散嗌啦，叫咗個二人餐，包左吉列牛、忌廉烏冬、一款小食同兩杯嘢飲，都幾抵食😍-🐮 吉列牛外皮香脆，粉嫩嘅肉好嫩，放喺燒熱嘅石板上就可以按喜好調節中意嘅熟度😚 熱辣辣咁夾埋啲帶有飯素嘅日本飯一齊食，正呀！🥘 咖喱忌廉烏冬上次淨係食到炒麵，今次仲要見到咖喱烏冬，成碗都係cream，充滿奶香又厚滑，配搭埋香濃嘅咖喱味非常夾～🥟 雞軟骨餃子朋友揀咗個小食，非常驚喜，炸得十分香脆，好有去咗日本食嘅感覺🏯-⭐️價錢參考：吉列牛定食及咖喱忌廉烏冬：$246雞軟骨餃子：$38Passion Punch: $18Green Tea Latte: $25🍌抵deal 指數：8/10💰人均消費：$180

餐廳：吉列牛忌廉烏冬專門店地區：銅鑼灣地址：銅鑼灣耀華街3號百樂中心22樓日期：2/9/2021時間：6:15人數：2人 等位： 0mins 價錢： ＄352上年已經黎食過尼間分店一次，對咖哩忌廉烏冬一食難忘🤩，之前疫情嚴重期間仲嘗試自己整可惜都係失敗收場🥴高難度嘅美食都係黎餐廳食最滋味😝今次嗌左套餐2有吉列牛定食同咖哩忌廉烏冬（$246），雞軟骨餃子（$38），飲品嗌左Passion Punch（$18）同Rose Garden（$18），加一後總共$352。吉列牛肉中間好粉嫩😚夾上石燒度慢慢燒，自己控制熟成度，咬落軟腍好juicy!😋加上吉列皮好香脆😆定食仲有麻醬豆腐，車厘茄，味噌湯，紫菜白飯，燒肉醬汁同芥末醬😌可以揀自己鍾意嘅醬汁重頭戲我最愛嘅⭐️咖哩忌廉烏冬⭐️ ，厚厚的忌廉和超濃郁的咖喱，兩者混搭起來，令口感變得更柔滑😍 咖喱本身有啲辣但混合忌廉後令咖喱的甜度提升，裏面有蘑菇，牛肉同西蘭花🥦仲可以均衡飲食😙小食方面，雞軟骨餃子🥟長長薄薄的餃子皮包著口感脆脆的雞軟骨，外層煎到金黃香脆，配上醬汁享用，令人回味🤤

呢間專門店過咗黎香港好似都幾年好想試忌廉咖哩烏冬好耐因為好似好creamy好邪惡其實佢其他嘢都幾似日本料理咖喱忌廉烏冬 (雞肉)嚟到嘅時候同平時喺IG見到嗰碗一樣真係非常期待，話晒都等咗咁耐成碗嘢熱辣辣先用筷子撩下啲creamy試下先啲忌廉比我想像中厚身同綿密，有啲似忌廉泡沫食落負擔唔會重，唔會話好滯撈埋下面嘅咖喱同埋烏冬一齊食咖喱味係偏甜少少似日本咖喱烏冬係屬於比較淋身，完全掛晒啲咖喱喺上面雞肉就一口大小中規中矩，同碗麵都幾夾雞軟骨餃子餃子有五隻，新鮮炸起咁餃子皮好脆而且加埋入邊嘅雞軟骨餡料雖然勁熱氣，但完全滿足我想食炸物嘅心仲叫咗咸蛋黃薯條同豚肉蕃茄湯涮涮鍋前者即叫即炸夠重口味涮涮鍋湯底超級濃郁，菜超級多建議一到就即刻放啲肉入湯，咁就快啲熟

忌廉烏冬見到好耐但都未試，今日黎到居然唔洗等位，可以熱潮都過左啦兩個人叫左吉列牛定食同埋咖哩忌廉烏冬又估唔到個忌廉烏冬咁好味，食落去令烏冬更加滑口，同咖哩既味道好夾，忌廉既油脂味令個咖哩口感更多層次，好豐富既味覺感受反而個吉列牛就不過不失，普普通通既好味

這家餐廳靠近銅鑼灣時代廣場，很容易找到。 點了它的招牌脆脆得吉列牛。 現場烤牛肉很有趣，所以我可以控制我對牛肉熟度的偏好。 咬一下牛肉的時候，先是覺得酥脆，然後是牛肉的嫩滑和肉汁，juicy爆，最適合搭配日本米飯。 有趣的是，他們在旁邊提供芥末，可以用它蘸牛肉，有一種清新的感覺。 另一個亮點是奶油咖哩烏冬面。 首先聞起來完全是咖哩味，但當我看到的是奶油湯。 享用前攪拌均勻。 從來沒有在我的嘴裡找到這麼光滑的咖哩烏冬面，咖哩混合著忌廉的味道。 好吃。 叫了雞翼很划算，蜂蜜味好出，好惹味👍🏻

Kobeyu - 日韓吉列牛今日介紹一間位於銅鑼灣的日韓料理，主打耳熟能詳的石板吉列牛料理，每當吉列牛癮到時都會想起這間元祖級別的吉列牛專門店。吉列牛定食首先是主打的吉列牛定食，定食包括了前菜、麵豉湯、白飯和吉列牛，牛扒外層是金黃色香脆的吉列外皮，內裏是一成的熟度，按自己的喜好利用燒熱的石板控制熟度，再配上鹽粒或醬汁。咖喱忌廉雞烏冬另一款餐廳的主打菜，香甜的咖喱加上香滑的忌廉，忌廉令到咖喱更加順滑，配上烏冬十分夾。雞軟骨餃子非常有咬口飽滿的雞軟骨餃子。

噚日同好友去銅鑼灣睇戲, 睇完戲就去附近搵餐廳食晚飯,好友話好想食吉列牛, 咁我就帶佢嚟耀華街呢間”吉列牛”, 我好耐之前食過, 覺得幾好食, 可以再嚟。我地叫咗一個吉列牛二人餐, 包括一份吉列牛、香辣忌廉雞肉炒麵、Citrus Ocean、凍菊花蜜。另外加點韓式甜辣醬單骨雞翼。吉列牛: 將吉列牛放在細細的爐上, 燒兩燒, 唔使4分鐘就可以食, 最鍾意將牛肉沾少少燒汁送飯食, 燒完嘅牛肉好香香辣忌廉雞肉炒麵: 忌廉看似好多, 但只要拌幾下, 就會融入個炒麵裡面,中和一點辣味, 仍然非常惹味, 食下食下就食晒成碗, 好好味韓式甜辣醬單骨雞翼: 最喜歡單骨雞翼可以唔使用手掂到隻雞翼都能夠輕易食到,甜辣醬偏甜, 加上芝麻幾滋味的凍菊花蜜: 不過不失, 可以潤喉一下。