吉列牛忌廉烏冬專門店 (百樂中心) (已結業)

收工約左朋友嚟耀華街食大餐，朋友介紹嚟試下呢度既日韓料理。吉列牛定食餐廳既招牌食物之一。吉列牛肉質粉紅鮮嫩，一放上個熱石爐就炸炸聲，油脂不斷釋出，煎至熟透再放入口，仲帶點肉汁。配埋加左飯素既白飯一齊食，送飯真係一流。跟餐有胡麻豆腐、番茄同麵湯豉湯。咖喱忌廉烏冬另一招牌菜式之一。大大碗既烏冬，上面鋪滿奶白色既忌廉，下面係香濃既咖喱，食落唔辣，個汁既味道相當豐富。烏冬嫩滑得嚟亦幾掛汁，配埋少少肉，真係幾唔錯。雞軟骨餃子一碟有四件餃子，外層既餃子皮煎得香脆，食落帶點嚼勁。韓國蜂蜜紅棗茶清甜滋潤，女仔飲就啱哂。韓國柚子蜜夠哂冰凍又唔會太甜既飲品。