吉列牛忌廉烏冬專門店 (彌敦道) (已結業)

726係旺角新地標，原來有咁多餐廳，仲要咁好景添。之前睇FB，已經想食吉列牛和忌廉咖哩烏冬，今日同友人黎食個日韓lunch。17樓景觀不俗！餐廳格局好開揚，又有卡位，十分舒適。Korean style menu 設計頗有心思。係日本食過吉列牛令我再三回味，今次非點不可。套餐2有吉列牛定食+忌廉咖喱牛肉烏冬連汽水x2 ($246)。吉列牛set有白飯、胡麻豆腐和蕃茄。吉列牛有兩大塊，切得好薄，只需在熱爐上每邊3秒便成。肉質嫩滑加上吉列脆面，口感不錯，可以點芥末沙律醬，幾清新。忌廉咖喱牛肉烏冬上的時候好靚，軟綿綿的白色soft cream。夾一夾就發現咖喱烏冬了，終於食到！咖哩和忌廉的味道又係幾夾，令濃郁的咖哩汁更滑更香濃。味噌蟹蓋配紫菜飯糰($58)都幾多蟹羔包飯食不錯。照燒雞扒茶漬飯($55)可以揀湯底，清香抹茶湯頗有特色。自己加湯，茶漬飯清清地都幾好味，配照燒汁雞肉中和返個味，唔會咁dry，lunch set抵食。

早一個星期book左7點，去到話8點3要交枱。個環境幾舒服，同朋友叫左個二人餐，有兩份吉列牛+汽水。吉列牛沾左d炸粉，而唔係用炸粉包到實嗰種，呢個燒完好香口但又唔會好熱氣！岩晒怕生暗瘡的我 最開心係牛冇筋，喺元朗食嗰份好熱氣又有筋！吉列牛附送飯同小食，芝麻豆腐好味，點牛嘅蒜味醬好特別 雖然有十舊牛，但食完唔飽，飲品想轉特飲冇得轉，要用正價叫 埋單服務生態度亦麻麻

晚飯時間.......去到門口已經好多好多人等位....幸好book佐位....好快就入得....................吉列牛套餐......吾錯吾錯 有個爐比你整熟啲牛........想幾成熟就幾成...........忌廉咖喱烏冬...........好creamy...........不過一個人食好濟.......但推介👍👍👍手工啤酒.......有多款選擇......吾錯吾錯！

收到公關公司試食邀請,同老公o係今日(15-7-2017 Sat)晏晝o黎試食,上o左openrice睇應該試咩招牌菜,就決定要$148.00o既吉列牛定食,同$78.00o既咖哩忌廉牛肉烏冬,落完單等好耐,成25分鐘,吉列牛定食至到.1分鐘後, 咖哩忌廉牛肉烏冬都到o黎,我o地開餐喇.吉列牛切薄片,應該有3成熟,如果嫌生,客人可以自己再放o係石板上再烤熟啲,我先唔烤,食佢原本o既生熟度,牛肉味道唔濃郁,烤吓佢,味道一樣;而口感,無論再烤唔烤過都係幾難咬開,一定要成件擺入口o趙;而佢o既吉列漿本身都鹹香.味道: 1.5分--->1分麻醬菜絲, 麻醬豆腐同麻醬車厘茄,完全冇問題;但白飯竟然係未熟透,中間仍硬;海帶麵豉湯竟然淡到近乎飲水,老公更要加蘸吉列牛醬油飲.味道: 2.5分--->1.5分而咖哩忌廉牛肉烏冬呢,呢個熱騰騰,咖哩入晒烏冬內,味道充足,口感又彈又滑,而除o左牛肉外,配料都幾多,有冬菇同西蘭花.我o地重用咖哩汁撈飯食.味道: 4.5分--->4分份量係我o地食完兩個鐘後就開始餓了.由於佢o地事前已經知我o地係試食,所以呢篇食評除o左抵食唔扣分外,其他

今日帶女朋友嚟食好嘢，好開心呀同預期中一樣咁好食！我哋9:30 夜晚嚟到，即刻就有位，不過鋪頭都好多客日式木魚秋葵 $38秋葵係好有益嘅蔬菜嚟 近年都好流行 呢個秋葵爽口 配上木魚同少少日式醬汁，係好開胃嘅前菜其中一個必食之一：咖哩忌廉牛肉烏冬$78佢同餐牌上嘅相一模一樣一放上枱就流曬口水喇原本仲好奇邊度有咖哩呀 原來撩起就見到濃濃入曬味嘅咖哩烏冬喇！好正！忌廉一啲都唔會太溜 只係令個烏冬汁更加濃郁同creamy，同咖哩配合得剛剛好牛肉粒都有唔少 即使成個烏冬主打唔係啲牛肉，佢哋都用唔錯嘅牛肉，好夠稔另一個必食梗係吉列牛定食$148！佢啲吉列做得好鬆化酥脆！牛嘅肉質好靚會有個火爐仔俾你燒你想要嘅牛肉熟度 熱辣辣好好食！佢個牛肉汁都好好味，enhance 咗成嚿肉嘅味道$148 有咁嘅份量真係好抵！因為要燒吓啲牛 都可以慢慢傾計食咗成個幾鐘㗎 唔錯唔錯！ 兩個人晚餐嚟講唔算太貴

之前在韓國吃過一次吉列牛，實在令人難忘。那時候又要排隊，但這次我發現了旺角這個高質吉列牛專門店。因為我是假日中午時份到，所以不用排隊就可以入坐。聽說是韓國兄弟組合來港開的店，把韓國技術帶回來聽起來就很吸引。午餐時間算是比較划算。餐牌如下:吉列牛定食$148一份吉列牛定食用上的牛肉分量也不少，差不多有十三件。食物端上台後可以看到吸晴的鮮嫩粉紅色。他們有把牛肉稍稍佔上麵包糠炸過，但不會太熟。他們提供一個熱石燒板讓你控制肉的熟度。如果不同朋友分享一份定食也可以因自己喜好食用。石板的熱度很夠，不消幾十秒就可以把粉嫩的牛肉弄熟。吃下去牛肉品質真的不錯，相信用上上乘牛肉。而且吃下去肉還是很嫩，不帶有殘渣。秘製蛋卷 $68好好吃的蛋卷，熱呼呼的放進咀裡。而且上面的調味紫菜令蛋卷味道層次升級。有港人最愛的拉芝，非常吸引。真的是滿足的一頓。

如果我是老闆，那位半啡不金長髮侍應可以炒得!!!!!!!!!!!!! 9時入座，點了一個吉列牛+忌廉烏冬套餐，包2罐汽水。半小時後，沒有任何食物送上，只換來一個背脊傳來既「等等」, 再20分鐘後，牛肉還未送來，傳來另一句「廚房慢，唔關我事」。後來得知漏單，「係咪取消！」即走，賣單 $130 （汽水$20罐）仲要勁黑面，全晚只見佢行行企企，一肚氣，已飽。無下次!!!!!!!!!!如真要評論食物，可樂，夠凍! 如果你有2小時晚餐時間，可以一試。

前幾日同女朋友食，個咖哩烏凍好失望。似街邊咖哩魚蛋啲咖哩。另外，吉列牛啲牛肉都係麻麻地。唯一可讚係芝士蛋幾好。店員的服務態度散漫，吉列牛到左，但係等左店員拎個爐要3分鐘。唔係應該知客人點左吉列牛就一早準備好嗎？個爐之後無火，頭一位店員聽完無左件事，要再嗌多次另一位店員先幫到手。可能我夜晚9點幾先入座晏啦，感覺店員唔多想幫客人。可能趕收工掛。店鋪就算有幾好味，但服務差都幾難有回頭客。希望貴鋪可加以改善。

旺角彌敦道726號，真係好多野食。今日去17樓食LUNCH，一入到去就見到開揚嘅廚房:仲要每一枱都放咗一個火爐仔，好日式FEEL~ 第一次嚟到咋，睇餐牌好似樣樣都幾有特色幾好食咁，選擇困難症揀唔到。眼見枱枱客都用個爐仔燒緊野食，仲好鬼香，睇下餐牌，只有呢款吉列牛定食係燒嘅，個個都叫，梗係要跟啦~ 吉列牛定食$148，擺盤精美，有兩款醬汁、Wasabi、胡麻醬豆腐、小蕃茄、珍珠米飯、麵豉湯。個沙律醬混左少少芥辣味，好惹味。吉列牛份量都唔少，外層係炸得脆口嘅麵包糠，入面嘅粉嫩紅潤嘅微熟牛肉，略帶油花。小火爐點火後待熱:之後就可以將啲吉列牛放上去喇，一路燒，牛油慢慢滲出，好香呀~ 牛肉入口冇渣，有吉列嘅脆口，又有燒肉嘅微焦，雙重滋味，好正!午餐仲有茶漬飯:叫左個韓式炒牛肉茶漬飯 $58，有胡麻醬豆腐、小蕃茄、珍珠米飯。加一罐汽水都係$5咋。湯底有幾款選擇，清香抹茶湯、蔬菜鰹魚湯、豚骨湯，我地揀左蔬菜鰹魚湯，鰹魚湯味道清甜，但冇乜蔬菜味，最可惜係個湯嘅溫度只係微暖。我最鍾意熱辣辣嘅湯，微暖嘅湯對我嚟講唔係我杯茶。問左店員湯嘅溫度係咪微暖，佢地回覆係正常架喎。將湯慢慢倒入珍珠米飯中拌勻。韓式炒牛

回歸當日本來想去沙灘玩，但見天陰陰...最後冇去到!咁就係旺角行下街順便食下野喇...本身係想搵烏冬或者拉麵的鋪頭，見到呢間野係網上食評好似唔錯....就去試一試喇...去到樓下，根本見唔到一間話自己係食拉麵或者烏冬的鋪頭，個心已經一沈...最後搵返OPENRICE先搵得返呢間野...去到門口先知原來呢間鋪頭係韓國野....坐底之後睇返MENU先知佢最出名係食吉列牛....午市MENU就係食茶泡飯...好啦咁..即係要轉食第二的野....最後自己就叫左個茶泡飯..友人就叫左吉列牛套餐...先講講友人的吉列牛套餐先...賣相係唔錯的....同埋仲可以自己係塊熱石上面燒下燒下，好似自己有份整咁..情感上係會好食的..但實際係...因為塊牛拿黎個陣係唔熱的....放係塊石上面都要燒一陣先食得..最後就會令到塊牛熟得滯....如果唔係牛肉就會有小小凍...咁講返肉質...牛肉係淋的..但係完係冇肉味...唔講真係唔知你食緊咩肉...只係知食緊一塊淋淋地的野...所以絕對唔算得好食...以午市$148一份黎計...佢都真係唔係幾值...再黎就係本宅的茶泡飯，當日叫左吉列豬扒茶泡飯的..但一拿到上

吉列牛近排好似好興咁，呢間系新開左冇幾耐，以吉列牛黎講算系平民價吉列牛，難怪吸引左咁多人黎試；食店既位置系一座大廈其中一層，戈座大廈我本身都去過食野，一上到去已經勁多人，計拎完籌之後等位足足等左成粒中，腳仔都軟埋餐廳坐無虛席，如果有3人或以上可以坐最近窗既卡位，私隱度高，好羨慕呀，可惜我淨系同友人兩個人去食就冇得坐卡位😕傳說中既吉列牛，系正架！原本已經系炸定左所以見到有炸粉，但炸完後略嫌炸粉位置吾夠脆身。啲牛系生架，擺系個爐仔度可以燒到自己想要既程度，個爐都幾熱，啲牛好快熟。可以點wasabi同埋醬油，成個定食有蕃茄仔、胡麻醬豆腐、麵豉湯，個豆腐幾好食，開胃開胃等食物戈度就真心搞笑，叫左2個定食，等左差吾多20分鐘黎左第1個，等左1粒中先黎第2個最主要整野食既得1個人，仲要斯斯然咁整，我明試業系要等耐啲，但咁樣既時間我相信大部分人都吾會接受到囉。

香港真係愈來愈多世界美食，宜家連本來得日本先有得食既吉列牛都開左咁多間。吉列牛本身係日本食過，都覺得幾好味，所以都對呢間餐廳有D期望。不過我覺得好奇怪，佢係日本餐廳 定 韓國餐廳呢？先唔好講個吉列牛，講下個香辣忌廉雞肉炒麵先。雖然雞肉份量唔多，而且陣味真係好「冰鮮」，完全冇雞肉味，但我欣賞佢個麵真係夠辣，冇令我我失望！通常辣炒麵，都係偏醎，但呢個加左層忌廉係上面就唔同晒，因為d cream甜甜地，可以中和返d醎味，仲令成個麵好creamy, 不過食食下都幾漏。講完忌廉炒麵，係時候講下個主打吉列牛。實不相暪，其實個吉列牛都真係好麻麻，睇圖都見到個吉列皮顏色係偏暗，我覺得食落係有炸油味，不過配埋Wasabi一齊食係好d，可以中和左陣味，但都有好熱氣既感覺，食左幾舊就唔想食。

吉列豬就食得多，吉列牛真係未試過！所以一直都好想試韓國大hit 的吉列牛忌廉烏冬專門店，今晚約左朋友黎試下，一見到門口已經大排長龍，可見受歡迎程度不容忽視！食物款試選擇不算太多，主打都是吉列牛日式木魚秋葵（$38）細細地一碟，秋葵新鮮爽口，配埋木魚碎同醬汁十分清新叫左兩杯分別Curtis ocean ($38)嗯，味道不突出，一般另一杯（前)Passion punch($38)反而幾Fresh 醒胃香辣忌廉雞肉炒麵（$78）單看賣相十分邪惡🙈炒辛辣麵係幾香口幾惹味，麵條夠Q夠彈，還有無骨雞塊⋯⋯口感幾豐富，整體味道偏辣，雖然忌廉可以中和一下辣味，但整碗吃完會有點漏～～吉列牛定食（$148）經酥炸過的吉列牛，外面脆內裏仍見到血紅的牛肉，之後可以放上鐵板輕輕煎兩面，可以自己控制熟嫩度，一般數十秒已經聞到香氣便可吉列牛果然夠嫩滑，肉汁豐厚，入口後仍保存那份香氣，不用沾醬已經可以嚐到牛肉的原汁原味，伴飯亦一流。整體黎講位置方便，價錢合理，食物亦不俗，不過座位則有點細與隔離枱距離太近，傾計不太方便～～如果食完好似韓國有清新噴霧同薄荷糖提供會更好～

雖然呢間係主打吉列牛，但夜mama唔想食飯所以叫左個忌廉咖哩牛肉烏冬。第一眼見到嘅係白雪雪嘅忌廉鋪滿係上面，好特別，但忌廉本身係冇咩味，而咖哩本身就同烏冬撈好左，所以食個陣要將烏冬同忌廉撈混。撈完之後仲有啲忌廉係撈唔混，甘我就夾啲烏冬落匙羹再潷少少忌廉一齊食，係好食啲架，會香啲。不過我覺得烏冬有啲淋，冇咩咬口，同埋啲咖哩係好似日式咖哩甘冇咩辣味，奶香味較重。而啲牛肉粒唔會太熟，唔會嚡，一碗都有5-6粒到牛肉。如果鍾意奶香味比較重嘅咖哩可以試下🤗

好朋友生日喎，梗係要諗下食咩好啦！咁岩見到有間係專食吉列牛既餐廳，愛牛既壽星仔諗都唔諗就拉左我地兩個上去喇 xd 等左一陣好快有位，而且仲係窗口位haha，叫野食就唔使點諗，吉列牛、烏冬同shabu shabu少不了架啦！再叫多枝啤酒賀下佢先！吉列牛黎得好快，應該係預先整定架啦？味道黎講呢，我好鍾意佢外脆內軟既感覺，而且一啲都唔肥膩丫！啤酒加牛肉=不得了肥牛又係真心正！一開始既咖哩忌廉牛肉烏冬攪勻左之後就....hahahaha 起哂泡喎，但味道係正既最後大家都食到好滿足啊，壽星仔超級開心！呢個價錢食到咁好既野真係幾抵！下次一定會再試既！