吉列牛忌廉烏冬專門店 (彌敦道) (已結業)

今次同女朋友黎叫左個烏冬鍋同埋吉列牛，兩樣份量都幾多，牛既數量都有10幾片，而且都唔算薄，同女朋友兩個人食兩份都卓卓有餘。吉列牛原本就4-5成熟，再燒下熱下好快就食得，加上配料都正常。而牛肉烏冬鍋都唔錯，湯唔會偏咸，牛肉同烏冬量都多。

喺附近番工，冇乜選擇，間中都會喺呢棟大廈食lunch，今日同幾個同同事去左呢間韓國野，我喺韓國都食過一次，當時係食吉列牛，味道正正常常冇乜特別。今日午飯就費事咁heavy，點左套餐就算。雖然係吉列牛專門店，但都有其他野食。午市供應幾款茶漬飯，定價$55-65，湯底三選一，配飯，可加錢轉拉麵、烏冬，亦可加錢配沙律或飲品我點左一客茶漬飯，同事補左錢轉烏冬，但睇落一般。韓式炒牛肉茶漬飯 $58：湯底可選清香抹茶湯、蔬菜鰹魚湯、豚骨湯是但一款，我揀嘅係清香抹茶湯，其他同事揀另外兩款，我問過佢地，所有湯底都好清淡，冇乜味。飯上面有啲芝麻、蔥、蛋，其實飯嘅味道主要係靠呢幾樣野調味，特別係芝麻比較突出，顯得抹茶味好淡。抹茶湯底同另一位同事點嘅豚骨湯底都係熱辣辣，可惜點鰹魚湯嘅同事可能唔好彩啦，唔夠熱。牛肉甜甜地，鹹鹹地，肥牛都夠厚，唔會好似紙皮牛肉，如果加少少辣味更加好食。份量正常，唔會太少，男士食都夠飽。加埋汽水都要63蚊一個餐，另外同事轉左烏冬又加汽水埋單75蚊，就再貴啲。試一次囉，未必會回頭。

我時常聽到吉列牛，今晚老公話帶我去旺角吃它，咁就當然好啦，又有新野食。老公訂咗位，所以唔駛等就可以直入，不過如果下次再來都係要早些，因為到了七點，已經有人坐係外等。這裡可以選擇不算多，我們揀了這裡主打的兩個食品，一個是吉列牛定食，另一個是忌廉咖哩牛肉烏冬，如果兩個一起點只係$248，仲有兩礶汽水。吉列牛定食有飯、蕃茄、豆腐，仲有一碟wasabi 沙律醬及一碟酸汁，用來點牛肉，至於牛肉用吉列粉和蒜粒炸過外皮，內𥚃是五成熟的，侍應為我們將枱上火爐點火之後，我們試過最好味的牛肉，係燒大約20-30秒，再用少許wasabi 點來吃，肉質都幾好，不過兩件牛肉都有唔同牛肉味。忌廉咖哩牛肉烏冬，忌廉經攪拌過，所以好軟滑，撥開忌廉就見到有烏冬，仲聞到濃濃的咖哩味，烏冬唔算彈牙，不過混合了忌廉和咖哩，都算幾好味。我們覺得兩個吃了這個餐，都算飽肚，都係2佰幾，已經算低食。

我之前留意Openrice ，見到Openrice 介紹的吉列牛專門店，所以今天我們訂了六點四十五分，到達時，有五成客，到了七點十五分，已經要等位，在埸的客人，大部分都好年青，至身其中連自己都覺得後生了，上網時，發現有wifi提供，真係貼心服務。入門時，接侍員提示用餐時間為一小時15分鐘，我們都覺得時間充裕。打開餐牌，種類只有十幾種，呢種安排，通常只有專門店先會，因為要做精，不是做多。我們點了一個吉列牛定食和忌廉咖哩牛肉烏冬，呢個餐包兩礶汽水($248)，未連加一。首先上枱是烏冬，全個碗只見到忌廉，當撥開忌廉就嗅到好香咖哩味，食落覺得忌廉和咖哩，味道唔會好濃，反而口感覺得好滑。吉列牛定食，包括一個味噌湯、胡麻小蕃茄、胡麻豆腐、一碗加了些紫菜芝麻的白飯，吉列牛已經切開了十七件，肉質唔硬唔靭，放在爐上燒半分鐘係最正，另外加少量山葵食仲好味。第一次吃吉列牛，感覺幾好，有機會再試😍😍😍

揀尼間餐廳嘅原因好簡單,就係因為上左OPENRICE好評十強。如果你係日本或者韓國食過尼個吉列牛,都不妨係香港試下, 感受到當中嘅不同之處丫。今次選擇左閒日放晚去食,由於book左位嘅關係,唔洗等就入面去, 仲有卡位坐添,我地4個女仔諗都唔諗, 就決定大家都食同一份餐喇,但可能係位置嘅關係, 我地要兩個人share一個爐,整體黎講係冇特別, 都係試一次就OK...暫時未搵到D咩地方覺得好吸引好想再去多次...

朋友是愛牛一族，經常同我介紹要試試呢間餐廳的吉列牛。星期日family day所以便帶埋大小公主一起去吃吉列牛時間可能尚早吧，不用等就可以入座了睇menu，食物賣相好像挺吸引的餐廳頗為光猛出菜效率非常高，一會兒就把美食放到我面前這個套餐除了牛肉和白飯外，還配上味噌湯及前菜，而且賣相精緻薄如蟬翼的吉列脆皮 ,  和鮮嫩半生的肉質，入口雖未算即溶，但十分有口感像石頭鍋黑芝麻色的迷你烤爐，爐上的書法字為烤爐添上美感，就如一件藝術品放上一個火精膏，點火後，便可以即席燒牛了

招牌吉列牛真係值得一試，生熟度可以跟自己口味，好玩又好食。兩個人食嘅話可以一個叫吉列牛一個叫其他野食，咁樣無咁濟。環境就普通舒適，下午坐卡位會比較曬，如果野食款式可以再多d就更好

上次黎726食野 見到呢間餐廳已經覺得好吸引 已經mark實下次要黎今日同朋友出開旺角行街 就順便食個lunch啦地方都幾大 有自然光透入 坐得好舒服吉列豬扒豚骨湯烏冬炸得都幾脆 不算太厚粉點一點醬汁食 味道更突出豚骨湯不太濃呢個烏冬算是中規中矩味噌蟹蓋配紫菜飯團都有好多蟹膏 好香好濃好好味但得3個飯團真係唔夠啊好想再包都2舊味噌個味如果再強啲就更好不過呢個價錢黎講都幾抵Kobekyu秘製蛋卷反而呢個秘製蛋卷有驚喜蛋卷裡面有芝士 仲有拉絲效果上面加左d紫菜芝麻等一齊食已經好香但原來點埋芥末醬食先係最好味整體食物質素唔錯 價錢合理我地見到好多台都食吉列牛賣相都好吸引我同朋友下次想再黎食晚餐再叫個吉列牛食下先!

上個weekend賣甩左小胖男友約左閨蜜出旺角"濕平"係無準備既情況下 走左去近住旺角地鐵站既彌敦道726號搵食(成棟building都係食店 唔知食咩時小妹就會去碰下運氣) 上左間吉列牛忌廉烏冬專門店一坐低就見到塊好文青既餐牌同一個用黎食吉列牛既爐但由於時候尚早唔想食太飽既原固 就無試到招牌既吉列牛 揀左幾吸引既set lunch同閨蜜點左兩個set lunch share蒲燒鰻魚茶漬飯 賣相別緻又抵食第一次食茶漬飯 日本珍珠米上除左有蛋仲有香脆惹味既飯素 湯底揀左較清新既蔬菜鰹魚湯 係炎炎夏日感覺清爽另外點左一個日式牛里脊炒飯配流心蛋牛里脊肉味香濃炒飯帶肉汁 有別於港式炒飯 將流心蛋篤穿撈埋d炒飯一齊食飲品單點左杯藍色既Citrus Ocean吸睛既海藍色係味道清新既柑橘梳打好fresh一路食 見到隔黎枱食緊個忌廉咖哩烏冬賣相得意又過癒 下次再黎一定要試下

吉列牛之前在日本大熱香脆的外皮加上半熟的牛排令人垂涎今天就和你來到這家吉列牛忌廉烏冬專門店嚐嚐吉列牛定食第一個上場沾上了炸粉的牛肉很香口香氣溢滿四周肉的生熟度可以自由決定個人認為煎至五至六成就好牛肉口感細膩毫無半點韌的感覺沾上旁邊的沙津醬和甜醋吃更加美味吃畢有點意猶未盡白飯是珍珠米上面鋪了一些椒鹽令味道更豐富再追加忌廉咖喱烏冬烏冬跟忌廉和咖喱的配搭充滿新鮮感烏冬軟硬適中有咬口忌廉令整個烏冬醬汁顯得很creamy惜咖喱味道過於濃烈完全把味道遮蓋下去但整體味道也是不錯的

趁放假咁好天，一早同老公出去舒舒服服食個lunch先，之前係Facebook 見到個同事食左間忌廉烏冬，d相睇落好正，一路都好想去試下，一於就今日孖住老公去啦食肆位於彌敦道，一落車就係，地點10分方便。呢幢大廈都好多唔同嘅食肆，都屬於兵家必爭之地，係得呢度生存嘅餐廳，相信水準都無可能差一上到去，發現呢度樓底好高，地方闊落之餘仲有落地玻璃窗。感覺好開陽。安排左我哋坐係近窗嘅卡位，望住咁好天氣實在身心舒𣈱餐牌主食選擇唔算好多，來來去去其實都係果幾樣野，反而小食種類比較多，仲有唔同嘅手工啤酒tim 本身一心想食佢個招牌吉列牛，奈何皮膚敏感到一個點，中醫吩咐絕對不能食牛，唯有忍一忍口啦叫左個吉列豬定食定食裏面包括麻醬番茄，麻醬凍豆腐，蛋飯同埋吉列豬扒。最特別嘅就係佢係湯撈飯，湯可以自己選擇既，而我哋今次揀咗蔬菜見鏗魚湯蔬菜鏗魚湯味濃，好重味琳味，配上炸到好脆身既吉列豬扒一齊食，口感岩岩好，唔會話好乾最吸睛既忌廉咖哩烏冬終於到了，咖喱味10分香濃，而烏冬溝埋忌廉一齊食之後，更加滑，成件事好加分！10分好食。我地仲叫左個卷蛋Tim. 卷蛋上面有滿滿嘅飯素，好脆口。最開心既係佢係爆芝士嫁！點埋佢既芥

地點唔算難搵~出面見到好多人排隊~好彩book定位姐地點比我想像中細，加上好多人都食吉列牛，每張桌散出既熱氣都幾勁同好勁油煙味 .....anyway, 黎到緊係要試下招牌菜：吉列牛定食喇！份量唔算好多，而家切得好細舊聽人講放上爐度燒大約5 秒就食得，結果仲係好硬同好"un" 係未熟既感覺。於是再試下燒耐d得閒就反下佢，終於咬到了外脆內軟的感覺~但牛肉味唔係好重。我個人認為燒耐d係好咬d~~再點埋佢提供兩隻醬，其中有隻味道似芥茉醬，好送飯唔錯唔錯定食仲會有d小菜食下：麻醬豆腐同番茄仔~份量黎講真係有d細份，而家吉列牛好細舊，食下食下就好快食晒男人黎講係唔夠飽的~另外仲叫左非常出名既咖哩忌廉牛肉烏冬外貌好吸引，令人好想去撈下佢撈果陣原來外層既忌廉係好稀同埋好似溶左係d烏冬度咁~聞落就得咖哩味~一撈起熱辣辣同埋見到底有好多舊牛肉烏冬好滑好濃既咖哩味！D汁有少少咸但都接受到！而牛肉就有d硬同埋食落完全唔覺有忌廉既感覺可能係焯頭黎~之後再叫左秘製蛋卷~睇menu張相好似好吸引咁但黎到有少少失望，因為得6 舊而且好好好細舊重點係唔熱+ 近乎微暖既感覺食落都唔差，芝士份量多，有得拉絲再點埋芥茉醬

出糧日，當然要好好獎勵自己一下！韓式餐廳，但去到又似日式餐廳，地區大，擺設、裝璜都具日式。order左吉列牛餐， 吸晴度高，份量大！除左牛之外，仲有蒜蓉牛油果醬，另有小食：麻醬豆付， 蕃茄仔 等， 仲有：飯同湯。個牛旁邊有日本芥辣，職員說可以生吃的！於是立即試下～唔係太香牛肉味，而且唔容易咬開。所以...之後就放上燒熱左既石面上再煎。每面需燒五至十秒 (鍾意食熟既可燒耐d)， 燒完見好多肉汁一啲，外皮好香，保持肉感。外面既吉列粒又再脆d~少失望的是；飯有d硬…

服務態度係好既，限時1小時15分鐘我都算。只不過食物真係好麻麻，麻麻到普通到一個點，招牌吉列牛上菜時已經5成熟，油過熱，炸過龍唔金黃，「外皮軟曬濕濕地」，明顯預先炸好，而且起碼1個多小時前，極之失望，用完石鍋燒更加老更加un，禁就百幾蚊。烏冬食落似5蚊包個d，無特別，忌廉除左影相打卡我唔知有咩作用，無奶香唔挺身，又係失望之作。唯一可取就係蛋卷，7成熟，唔乾身，合格，可惜連放題大喜屋既蛋卷都好食過佢。埋單三百幾。無下次，完。

自己上次去日本同韓國既時候又無機會食到吉列牛，而近年香港都引入左好幾間主打食吉列牛既廳餐，但聽聞間間都要排隊先有得食，自己又懶得排，所以一直都無食過而今朝同朋友出左去旺角太子個邊準備另一個朋友“大喜日子”既野，整左一輪又係時候食飯啦朋友同我講附近有間食韓式吉列牛既餐廳一直想去試，問我有冇興趣一齊去食下依家吉列牛既熱潮無咁勁，加上只係中午時份應該無咁多人既，所以我地就決定去睇下先呢個鐘數上到去見到人流都唔算多，唔洗等位，而且環境都唔錯，咁就緊係坐底左先再睇meun啦中午時份除左散點之外亦有lunch set，仲唔洗加一添我地對店內另一主打既忌廉烏冬興趣不太，所以我地就叫左一個lunch set“照燒雞扒茶漬飯”HKd$55同“吉列牛定食”HKd$148一齊食朋友話要減肥，飲水就算！我就有理無理，加HKd$5要罐汽水先過左一陣，個照燒雞扒茶漬飯set就送到黎啦，set lunch仲會有埋麻醬豆腐同車厘茄做前菜茶漬飯既湯底有三款選擇，我地就揀左最基本同清淡既抹茶湯茶漬飯表頭灑上蔥粒同飯素，炒蛋蓋住白飯注下茶湯後吃下，能夠食到茶既淡淡清香，而且雞扒亦夠嫩滑，不錯了食到一半，今日既主角吉列牛都出