影片
更多
2017-07-11
917 浏览
旺角彌敦道726號，真係好多野食。今日去17樓食LUNCH，一入到去就見到開揚嘅廚房:仲要每一枱都放咗一個火爐仔，好日式FEEL~ 第一次嚟到咋，睇餐牌好似樣樣都幾有特色幾好食咁，選擇困難症揀唔到。眼見枱枱客都用個爐仔燒緊野食，仲好鬼香，睇下餐牌，只有呢款吉列牛定食係燒嘅，個個都叫，梗係要跟啦~ 吉列牛定食$148，擺盤精美，有兩款醬汁、Wasabi、胡麻醬豆腐、小蕃茄、珍珠米飯、麵豉湯。個沙律醬混左少少芥辣味，好惹味。吉列牛份量都唔少，外層係炸得脆口嘅麵包糠，入面嘅粉嫩紅潤嘅微熟牛肉，略帶油花。小火爐點火後待熱:之後就可以將啲吉列牛放上去喇，一路燒，牛油慢慢滲出，好香呀~ 牛肉入口冇渣，有吉列嘅脆口，又有燒肉嘅微焦，雙重滋味，好正!午餐仲有茶漬飯:叫左個韓式炒牛肉茶漬飯 $58，有胡麻醬豆腐、小蕃茄、珍珠米飯。加一罐汽水都係$5咋。湯底有幾款選擇，清香抹茶湯、蔬菜鰹魚湯、豚骨湯，我地揀左蔬菜鰹魚湯，鰹魚湯味道清甜，但冇乜蔬菜味，最可惜係個湯嘅溫度只係微暖。我最鍾意熱辣辣嘅湯，微暖嘅湯對我嚟講唔係我杯茶。問左店員湯嘅溫度係咪微暖，佢地回覆係正常架喎。將湯慢慢倒入珍珠米飯中拌勻。韓式炒牛
仲要每一枱都放咗一個火爐仔，好日式FEEL~ 
第一次嚟到咋，睇餐牌好似樣樣都幾有特色幾好食咁，選擇困難症揀唔到。眼見枱枱客都用個爐仔燒緊野食，仲好鬼香，睇下餐牌，只有呢款吉列牛定食係燒嘅，個個都叫，梗係要跟啦~
吉列牛定食$148，擺盤精美，有兩款醬汁、Wasabi、胡麻醬豆腐、小蕃茄、珍珠米飯、麵豉湯。個沙律醬混左少少芥辣味，好惹味。
吉列牛份量都唔少，外層係炸得脆口嘅麵包糠，入面嘅粉嫩紅潤嘅微熟牛肉，略帶油花。
小火爐點火後待熱:
之後就可以將啲吉列牛放上去喇，一路燒，牛油慢慢滲出，好香呀~ 牛肉入口冇渣，有吉列嘅脆口，又有燒肉嘅微焦，雙重滋味，好正!
午餐仲有茶漬飯:
叫左個韓式炒牛肉茶漬飯 $58，有胡麻醬豆腐、小蕃茄、珍珠米飯。加一罐汽水都係$5咋。
湯底有幾款選擇，清香抹茶湯、蔬菜鰹魚湯、豚骨湯，我地揀左蔬菜鰹魚湯，鰹魚湯味道清甜，但冇乜蔬菜味，最可惜係個湯嘅溫度只係微暖。我最鍾意熱辣辣嘅湯，微暖嘅湯對我嚟講唔係我杯茶。問左店員湯嘅溫度係咪微暖，佢地回覆係正常架喎。將湯慢慢倒入珍珠米飯中拌勻。
韓式炒牛肉就幾大碟，唔辣，有好多洋蔥，甜甜地幾好食。
午市唔駛加一，其實幾抵食。 吉列牛定食幾特色，有雙重滋味，係必食。
张贴
