吉列牛忌廉烏冬專門店 (彌敦道) (已結業)

小編比較細食，一個人一定食吾到好多吉列牛，不過呢度有套餐叫，可以二人分享平時食吉列，好怕脆皮太硬太厚，這個脆皮是脆脆粒組成，好香口，吾會厚粉和硬。牛肉方面都算嫩，不過有少許筋。原本挺期待咖喱忌廉烏冬的，但只是不過不失，還是喜歡吉列牛配飯，才不會蓋過牛肉味。最有驚喜的是額外叫的蛋餅，裡面有熱熱的拉絲芝士，配上其秘製的醬，帶有少許wasabi味，實在係天堂美食！！為左蛋餅，特意來encore~~如果唔想排長隊，建議中午或晚上早點來，不用訂位都會有得坐

 星期四放工後，跟朋友一起去旺角食飯，想起了還未試過忌廉烏冬 就去咗Kobekyu 吉列牛忌廉烏冬專門店食飯。去到餐廳，不用等位就可以入座，枱面已放咗一個燒吉列牛嘅石燒爐。感覺是提醒我們一定要點這兒的吉列牛啊！ 我哋散叫咗 吉列牛定食 及 咖哩忌廉牛肉烏冬 ，小食方面叫咗 骨付豬肉腸。 燒吉列牛的時候，表面的吉列皮很容易掉下，所以要小心一點燒。大概燒2分鐘就食得。燒完嘅牛肉無乜味，要沾提供嘅醬汁，跟豬肉腸碟上的芥末特別配合！ 至於忌廉烏冬新看起來平平無奇，但味道不錯。咖哩牛肉粒烏冬俾一層厚厚嘅忌廉蓋住，搞混後食好食，好juicy ，唔辣。而於小食骨付豬肉腸就不過不失，幸好上菜時還是熱的，食到脆皮的口感。 最後，燒完晒d 牛後，要叫店員拎番走個爐。餐廳環境不錯，座位算闊落，如果能提供放置隨身袋的空間就更好了！餐廳的油煙味較濃，但到後來就習慣了。 

✨ 今日同朋友仔去旺角睇戲，睇戲前梗係要食吓好西啦。朋友仔就帶咗我去佢去開嘅忌廉牛食。✨餐牌✨ 咖哩忌廉烏冬 (牛)👧🏻 朋友仔點嘅係烏冬。賣相唔洗多講。上枱黎一碗白雪雪嘅烏冬，望住佢嘅外表，我真係唔想破壞佢咖😆😆終於要將烏冬拎出黎嘅時候，散發出好大陣咖哩香味，真係同時有視覺同嗅覺嘅享受。再講講味道，烏冬好煙韌，咖哩味好香，而且忌廉creamy得黎唔會好濟，完全無諗過咖哩同忌廉係會咁夾。✨ 吉列牛定食👧🏻 小妹嗌嘅當然唔會咁簡單！定食包咗湯、前菜、飯同牛扒。先講講飯，飯粒分明，喺面加咗鰹魚碎餸口，愈食愈過癮😂😂。而吉列牛外皮已經炸咗脆粉，但肉仲係好夠生，可以俾小妹我慢慢調節生熟程度。牛肉唔好會好韌，好容易咬開同入口👌🏻👌🏻。✨ Kobekyu 牛油蜜糖單骨雞翼

作為吉列牛嘅愛好者由日本到香港大大話話都食過四五間吉列牛啦。每一次食我都有一個疑問，就係點解食吉列牛一定會配依款爐呢？真係百思不得其解。吉列牛定食一份，價值$148。相比起我以前食過嘅都算係最抵嘅一間，先唔計味道如何，如果齋想過下口癮、手癮嘅話，就絕對要來一間食，因為性價比相對高。依間吉列牛啲牛好似比較難熟少少，我以我以前食吉列牛嘅經驗平均都係大約擺肉上爐20秒，就會熟。但係依度我就要擺耐小小先可以食，但係因為肉嘅厚度比較厚。咖喱忌廉烏冬配牛肉。好靚呀～成舊雲咁。本身睇個樣就以為好會好油膩或者係甜嘅。食落係咖喱味，係估唔到嘅味道。估唔到依個會比吉列牛好食，烏冬好滑，配上忌廉成個感覺好有趣，好食。推介推介！牛油蜜糖單骨雞翼。最貼心嘅雞翼菜式一定係單骨，唔使食到好論盡又可以好完整咁食晒啲肉。再配上個檸檬汁，酸酸甜甜～好食！

朋友今日突然想食燒牛肉 就帶佢黎呢間吉列牛專門店食啦 我都五系第一次黎食啦！！ 嘻嘻嘻 吉列牛定食 $148 定食有哂 湯🥣 ，飯，牛🥩 ，小菜 ... 都夠飽既 牛肉炸到半生熟 自行放系熱石版到加熱後點少少醬就食得 夠牛味 帶少許根 夠咬口 ， 怪在有幾件頭尾 。 咖哩忌廉烏冬 ( 牛肉 ) $78 白雪雪 ☁️☁️ 好似雲呀 雲層下就系咖喱烏冬啦 食落一啲都唔會唔夾架 又五會油膩喎 口感 軟綿綿 ！！ 牛油蜜糖單骨雞翼 $65 一啖一件都幾方便食 ， 蜜糖令到外皮有少許脆脆地 蜜糖甜甜地 蒜味又夠香 食到停五到口 。

今日終於決定試一試厘個吉列牛 ，忌廉咖哩烏冬 去到都8:30 吾洗等位 不過啲座位就有啲迫 餐牌上都有不小的選擇我地點左吉列牛加忌廉烏冬加汽水厘個套餐厘個吉列牛好吸引 肉好淋 白色果個醬簡直無得輸 我個人對咖哩無咩興趣 不過一場黎到就試一試 食完覺得一般般 無咩特別之後點左兩個小食蜜糖雞翼都係我最愛的食物之一 雞肉好滑 而且份量多 價錢又唔貴味噌蟹蓋 一般 飯太鬆散 紫菜又淋 我食完一舊已經無食總括而言 厘間餐廳值得再黎 而且服務都不錯

Weekend 又黎到MK逛逛街，正好一田大減價，買完野就同朋友一齊食lunch! 朋友想食吉列牛，所以就黎列呢間餐廳食番個招牌吉列牛set! 吉列牛定食 $148: 吉列牛弄得半熟，之後我地可以自己擺係mini鐵板上燒，按照自己的喜愛熟既程度，不過我建議大家唔好太熟，7成左右就ok, 牛小排油花均勻，經210度高溫油炸20至40秒，薄切成一口size。火候控制得很好，吉列皮薄且鬆脆，再點埋wasabi 食口感更豐富；定食仲配埋白飯同miso soup! 咖哩忌廉烏冬牛肉 $78: 一大碗咖哩烏冬被好滑身既cream 包圍住，撈混去之後食落口好creamy 一d 都唔會覺得好濟，而且咖哩味道好濃郁，又唔會太辣，仲配埋牛肉一齊食真係好match! 😋😋Kobekatsu 秘製蛋卷 $68: 蛋卷切開一小塊，卷內舖滿芝士，呈現流心既效果，一夾起芝士絲可以拉到好長，蛋味好香滑濃郁，oishi!☺️+++++++++++++++如果大家喜歡💕我寫既食評，麻煩比個❤️鼓勵一下我，我會寫更多更好既食評比大家！😊

雖然市面上提供吉列牛的餐廳越開越多，但這家仍然非常受歡迎。來到位於旺角的分店，地方也夠大，其中一邊更有落地玻璃，可以一邊吃一邊看風景。餐廳裡每張枱都放有烤爐，招牌吉列牛絕對是指定動作。吉列牛定食 $148 餐廳主打，除了主角吉列牛，還有麵豉湯，冷豆腐，番茄和白飯，非常豐富。吉列牛的厚度控制得不錯，因牛肉太薄會失去口感，太厚的牛肉中心位置又較難熟。自己將吉列牛放上石爐上加熱，時間不用太長，好快已經將表面炸得香脆，中間呈微微的紅色，外脆內嫩，同時有提供不同醬料，配搭出不同滋味。咖哩忌廉牛烏冬(小辣) $78雪白的忌廉有治癒感覺，將忌廉和咖哩撈勻，味道甜而不辣，澎湃的白色忌廉不但沒有破壞咖哩味，令味道更香滑，而且烏冬入口亦更加順滑creamy。Kobekyu牛油蜜糖單骨雞翼 $65除了牛油蜜糖，其實還加入蒜香，整體味道更香更突出。單骨雞翼吃得方便，蒜味和蜜糖味香濃。雖然這類餐廳競爭激烈，但當晚仍看到餐廳坐無虛席的情景，可見餐廳品牌的吸引力。

之前同朋友食過忌廉烏冬覺得唔錯，所以今晚特登帶男朋友黎呢間忌廉烏冬試下！仲諗住試埋興左好耐但都仲未食過既吉列牛！！！726呢幢大廈都嚟過幾次，餐廳全部都係落地玻璃可以望到彌敦道嘅街景。六點幾嚟到已經差唔多坐滿，店員好好安排左卡位，所以坐得好舒服。餐廳主打吉列牛同埋忌廉烏冬，另外都有其他小食。我哋今晚就叫咗吉列牛、忌廉咖喱雞烏冬同埋牛油蜜糖雞翼。首先嚟到嘅就係忌廉烏冬，見到面層係滿滿嘅忌廉，一夾就見到係浸滿咖喱汁嘅烏冬，烏冬用上讚岐烏冬，所以好有咬口，咖喱汁係類似日式咖喱，撈埋忌廉醬汁更濃滑！之後就係牛油蜜糖雞翼，旁邊有一小塊檸檬，可以隨自己喜好加入雞翼，蜜糖汁溝埋檸檬汁酸酸甜甜好開胃，雞翼炸得好香脆。之後就係主角吉列牛定食。定食包括有牛、白飯、芝麻醬豆腐、麵豉湯同芝麻醬番茄仔。吉列牛有先炸過，熟度係一至兩成。吉列牛黎到之後店員會點著鐵板，然後可以將牛放上鐵板，燒至自己鍾意嘅熟度。牛肉有先調味，更能帶出牛味，肉質軟腍。果然係專門店，兩款主打菜式都好好味

近曰看得kpop 多，好想吃韓食。行經旺角的食廈，發現這兒有人氣吉列牛烏冬店，一於去試試看。由於他們剛剛營業的關係，所以暫未見到人龍。這兒的裝修整潔企理，有落地單邊窗，透著陽光，感覺開揚又時尚。既然主打吉列牛和忌廉烏冬，不得不試吧！吉列牛定食$148吉列牛的份量唔少，還有前菜、白飯和面鼓湯。蕃茄香甜,胡麻豆腐也不錯。這吉列牛送上來的時候是半熟的，但配以小鐵鍋，吉列牛的生熟程度可自行控制。把吉列牛輕煎兩面，牛肉表面炙熟，內𥚃保持軟嫩。加上脆口的吉列皮，真正內脆內軟，肉味十足。先沾上wasabi 和豉油，微辛的味道令肉味更為突出。再沾上芥辣沙律醬，吉列牛的味道變得更加creamy豐富。白飯上有香口的飯素，惹味可口。再飲下面鼓湯，是幾完滿的午餐。咖喱忌廉雞烏冬$78這烏冬送來的時候有如小雪山一樣！在雪白的忌廉下原來藏著咖喱烏冬。本以為忌廉烏冬會好膩口，原來這忌廉配上烏冬，就是輕柔滑溜，口感creamy! 咖喱味道溫醇，十分濃香而帶一點微辣，加上嫩雞肉和滑滑烏冬，真好食！Kobekyu 牛油蜜糖單骨雞翼$65平曰好仲意吃雞翼，但吃起來有點麻煩。這單骨雞翼炸得脆香，而且肉質嫩口，加上上甜蜜蜜的牛

今日個晚餐勁早食，餐廳入面有大玻璃，仲見到日落添🌇叫咗個🐂吉列牛定食同咖哩忌廉烏冬🤤吉列牛好食，又可以自己控制幾成熟，唔會過老過靭，定食仲有配菜，麵鼓湯同飲品送😬烏冬表面好多忌廉怕會好膩，但加埋下面嘅咖哩又出奇地夾，小小辣唔會膩，好味👍🏻最大嘅敗筆係杯飲品，張相嘅rose garden好似好靚，點知出到嚟好似螢光色咁而且勁甜，唔好飲☹️.👍🏻推介：吉列牛定食加忌廉烏冬set($246)😋指數：7/10

仲記得今年一月日本旅行去左間好出色既吉列牛便當一試就上癮！決心番到香港帶埋女朋友都要試一試！今日同女朋友出旺角行街  即興就黎到依間吉列牛專門店上到去環境佈局唔錯  好寬躺  坐耐少少先唔怕我依d腳長既人彈唔舒服！同女朋友叫左兩set吉列牛定食過左十五分鐘左右就有得食啦！牛肉既脂肪分佈同顏色都好靚！餐廳提供石鍋爐將牛肉燒熟老wil提提大家！燒至7成熟口感最佳！依餐的確勾起日本旅行果餐吉列牛！美食指數我俾＊＊＊＊唯一不足之處係每份吉列牛大細就肉眼觀察都唔係同等大細不過入口口感、味道、肉質都相當高！下次有機會希望可以試埋店內馳名既烏冬！

咖哩忌廉烏冬忌廉跟咖哩，一辣一甜的配搭，非常開胃，一客烏冬可跟雞／牛／豬？（唔肯定），烏冬用料ok，夠煙韌，雖然用左忌廉但唔漏，大力推介吉列牛本店主打，炸得夠脆，牛用料非上乘，但食落都唔差，有肉味，口感不錯，呢個價錢就當係食佢個噱頭（吉列牛＋自己用石燒牛）豚肉釜飯普普通通，沒什麼特別，可以不叫。總結：價錢不算平，cp值一般，定食既話正常人食量應該都食唔飽，烏冬幾值得試，吉列牛就主要試個噱頭，數量太少

母親節其實唔一定要夜晚慶祝既，中午夠少人食又唔使等 之前係東京食過吉烈牛，我媽成日聽我講得多，今次就想帶佢黎食下個定食set 1 雖然多左汽水，但比散叫貴左$20，個人覺得唔太抵。價錢唔算抵，不過節日就要食好d!一黎就會比呢個爐我地一陣將d肉按自己喜好燒到幾熟。不過呢度就算係叫左2個set 都只會得一個爐等左20分鐘先有得食 飯素得好少沙津都只係得丁丁個皮炸得唔夠脆，但欣賞個肉仲見到係紅色肉比較韌，用力先撕得開，不過香港食都唔會太多期望不過不失蓋飯望落好細，不過食落其實好多下面個爐不斷會加熱 食幾耐都係夠熱鰻魚好大條，不過食落唔夠鰻魚味，只係食到好重燒汁味，而且唔夠冧，食落有d怪。不過好彩下面個飯配搭蛋，紫菜同蟹籽，都算幾好。

日式吉列牛興左一排，今次終於比我食到啦話明係專門店，呢間既吉列牛一定唔輸得👑吉列牛本身外層已經炸好左，再放上石燒爐仔上面加熱返d肉，自己控制幾成熟🥩無論燒幾耐，牛肉都好多肉汁，而且一炸一燒後成塊肉都好香～食落口簡直齒頰留香！成份吉列牛定食都好豐富，有飯有湯有配菜，一定夠飽🤣.忌廉烏冬夠哂gimmick，賣相亦好得意喺厚厚既忌廉入面夾返d烏冬出黎，令每條烏冬都一定掛滿忌廉🍜忌廉望上去好creamy，但食落口又唔會heavy，口感唔係白汁咁濃稠，似厚身既牛奶多d🥛忌廉唔算好甜，夾埋烏冬又無咩違和感.牛油蜂蜜單骨雞翼🍖味道不錯，抵讚既係d蜂蜜做到拉絲效果，牛油味唔算好出，整體味道偏甜🍯炸左既雞翼淋上蜜糖食落口無咁熱氣，但保持香脆