吉列牛忌廉烏冬專門店 (彌敦道) (已結業)

今日約左個好耐冇見既中學同學食飯，就唸住揀d特別野食下同埋坐得舒服少少既地方，可以傾下計嘛，搵左一陣就揾左呢度啦，地點好，而且位置闊落，岩哂食飯傾計啦！雞咖哩忌廉烏冬我地2個都係第一次食，外形好治癒，感覺軟綿綿好舒服🙈咖哩同忌廉竟然夾，兩邊都冇搶大家既味道，仲有香濃咖啡味，好得意，真係為味蕾帶來全新感受當然要試埋吉列牛定食啦有得玩又有得食，有前菜、湯、飯仲有兩隻醬。吉列牛有好多件，擺上燒爐前後燒大約10秒就岩岩好啦，好香肉味，唔韌，吉列位脆卜卜雞軟骨餃子，煎得好靚，金黃脆口兩個大食妹，仲追加左個鰻魚飯原條鰻魚真係好大條仲有好多蟹子，口感一流

話說今日同朋友過銅鑼灣食飯，心血來潮想食吉列牛，於是就喺網上到搜尋，搵到呢間吉列牛忌廉烏冬專特色門店，朋友話見佢個忌廉烏冬都好似幾有特色，就決定去！我哋晚上八點左右到步，一開lift門已經有好多人等緊位，幸好有d客人已經食完出黎，我哋都係等左一陣間就可以入座啦～呢度除咗主打吉列牛忌廉烏冬之外，還有很多其他小食，我哋分別就叫咗兩款小食：韓式甜辣醬單骨雞翼（$65）單骨雞翼超方便，啖啖肉，食落雞肉都好嫩滑，呢個韓式甜辣醬唔係我想像中平時食開韓式炸雞那麼橙紅色的甜辣醬，反而外面沾左好似蜜糖加芝麻，我都十分喜愛海鮮薯餅（$38）一向薯餅控的我當然要叫薯餅啦，呢個海鮮薯餅總共有四舊，一咬落去好軟綿綿，有d似薯蓉，而海鮮味就不太突出，偶爾會咬到一兩粒好像是章魚粒(忘記是什麼傢伙了🤣），畢竟呢個係一個薯餅，所以我都唔會太大期望會食到有海鮮味，但作為一個薯餅黎講係出色既～接下來就到主角啦，登登～吉列牛定食（$148）一心諗住呢度當然係食主角吉列牛啦，本身朋友對忌廉烏冬都有興趣的，但怕太漏，見餐廳另有吉列牛定食就一致決定點呢個！定食包括有兩小碟前菜同麵豉湯，前菜就係凍的麻醬豆腐同車里茄，好開胃，再有埋一

7月6號去食的 因之前日本食過一直回味 加上近來香港開左好幾間吉列牛店 打算試下 一入到去先見到原來係韓店 唔緊要照又試下 當日叫左個吉列牛定食+忌廉咖哩烏冬餐吉列牛 無論質感同味道完全兩回事 香港食到既係味精同鹹既味道 牛味欠奉 味噌湯一般既味道忌廉咖哩烏冬面 一見到造型好似好特別咁 未撈前先試cream 係奶味 忌廉味無乜 撈幾下食烏冬 開頭食都有d奶+咖哩味 食到中途就只剩低咖哩味 可以一讚既係烏冬好咽’硬’ 為碗烏冬加唔小分 個人覺得好食過吉列牛 因為吉列牛實在....想講一下店入面既氣氛 韓店播開韓歌係正常的 不過我去個日仲有另一種聲 台灣歌 好似人地唱k咁唱童話等等既舊歌 大聲過韓歌咁 但我望唔到歌聲係邊度出黎 令我一路食只係覺得嘈雜 好似被逼聽人地唱k咁 但又聽到播韓歌 員工比人感覺少許冷淡 你叫就應咁 當時全店只有6-8枱 大部份2人 得一張3人 唔係忙都咁 繁忙時間🙈食完飯睇返資料 原來係弘大受歡迎既專門店 我未去過弘大店無得比較 但香港店 恕我講句唔會再幫襯....

呢間雖則係食日式料理，主打日本名物吉列牛同忌廉烏冬，！但其實呢間日式餐廳係由韓國引入香港。雖然香港都有好多地方可以食列石燒吉列牛扒，但要食埋另一名物忌廉烏冬就好似無乜幾多選擇。而且仲可以套餐價滿足晒兩個願望！加錢轉左杯Rose garden$18超少女心粉嫩顏色，飲落有淡淡玫瑰同荔枝香氣Ge sparkling!牛舌雞肉串 $38拌了牛舌Ge 雞肉串比一般小食雞肉棒會紮實dd!整體味道都類近。套餐 吉列牛定食+咖喱忌廉烏冬 （可選雞肉/牛肉）$246 連兩罐汽水, 可加錢轉特飲。兩人share 呢個套餐就fit晒整碗被白雪雪忌廉包圍住，揭開濃烈日式咖喱香氣慢慢滲到鼻入面，咖喱雖則不屬於辛口類別，但拌勻忌廉入口的烏冬食落頓時變得非常綿滑。吉列牛定食（吉列牛、味素飯、凍豆腐、芝麻醬蕃茄仔、麵豉湯）吉列牛扒每份約十件左右，如再追加可以加$98每次放到3塊左右。一放落去咋咋聲，牛脂香氣洋溢。吉列牛扒厚薄適中，咬落牛味濃郁juicy 外又唔會過韌。牛油滲透飯粒內，佐飯一流。

咖哩忌廉烏冬面層富質感，厚滑結集奶香從味蕾中保持creamy，蓋面狀態呈現濕潤光澤邪惡度賣相十足樣子緩緩白滑狀態黏著凝固，烏冬同咖哩忌廉中和兩者味蕾在泡沫之間拌勻來吃層次究是個驚喜 ! ( 咖哩忌廉烏冬面 )招牌主打吉列牛定食，嫩紅薄薄牛燒約半熟由自己掌握，不但能鎖住上盛牛香肉汁燒後油香四射焦脆，薄切脆香金黄幾乎啖啖無筋，點睛位竅門在於料薄漿緊緊鎖住精髓( 吉列牛定食 )( 雞軟骨餃子 )撈埋鹹鮮即使拌飯或單吃味道更突出，咬出滿滿肉汁記載鮮美，完美不一樣牛美味體驗盡在不言中 

對上一次來食大概係兩年前，適逢最近食咗幾間食石燒牛嘅餐廳，所以今次就重遊舊地，順便對比一下唔同餐廳嘅分別🐷上到去係估你唔到有咁多人😶 我哋大概都排咗半個鐘頭先入到去😂 餐牌裏面嘅款式非常之清晰簡單，分別可以叫set 或者單點😆 我同女朋友商量好之後就決定要set 2 🤭 即是：吉列牛定食、咖喱忌廉烏冬、配汽水兩杯（😉其實計落以同樣嘅菜式，單點計算的話，只係爭$20；換具說話，$20 兩罐汽水🥤大家可以按照自己嘅需要點餐）［如果叫其他set的話可再自行計算🧮］✅ 咖喱忌廉烏冬上一次來食就冇叫到，起初望落去以為係非常creamy並好厚的忌廉🤣🤣 原來係打成泡嘅忌廉鋪上咖喱湯味嘅烏冬😎 整體來講都味道香濃，而且咖喱唔係太辣，啱晒我呢啲唔食得辣嘅人☺️✅ 吉列牛定食講到明定食就一定有飯有湯。白飯面上加紫菜、芝麻同木魚粉，不會單調；味增湯普普通通。吉列牛每塊嘅厚度相若，大概有10塊；吉列脆脆有點厚，但好在牛肉嘅厚度都唔輸蝕😂😂 大概廿秒燒好一面，口感脆身，牛味都濃（🔥由於火力不大，建議大家先等石版燒熟，才放上吉列牛🔥）其實兩個人嘅話，以上嘅套餐都非常之夠食！😘 不過今次見到小食餐牌裏面有一樣野好吸

餐廳位置方便 好近TOP商場 位於一棟全餐廳既大廈裹面 一入到餐廳 感覺好侷促好大浸油煙味可能未到晚飯時間 餐廳唔多人總共叫左吉列牛定食 韓冰冷麵配牛肉同一杯凍菊花蜜吉列牛定食個牛正常 唔可以同日本比 份量細 配置既爐火力唔夠 燒熟少少都需時 配菜正常 最錯係碗白飯 唔熱啲飯好似未熟 一粒粒好硬碗冷麵得個名 完全唔係韓式 係日式拉麵底配醬油冷湯 裹面仲有獅子狗同一大堆生菜 九唔搭八 個麵幾硬下 碟牛肉比較好啲 似平時金菇肥牛既牛肉 好林好夠味幾咸同有杯菊花蜜得個樣 無乜味 凍飲要加5蚊 待應又冇提 埋單先知

呢間餐廳俾我私藏左好耐🤭依家終於去試啦！1️⃣吉列牛定食$148今次嘅牛牛🐮就唔使DIY嘅。牛牛外脆內軟，口感冇得彈!🤤配埋飯一齊食，d肉汁嘅精華比啲飯索哂😍佢仲配埋番茄仔同豆腐，連麵豉湯，令整體感覺即刻健康哂🤭2️⃣咖喱忌廉牛肉烏冬$78忌廉烏冬就有啲漏，烏冬嘅味俾咖喱忌廉蓋過，肉的份量較少，不過打卡一流📸飢餓的你就可以試吓呢個，即刻飽返晒👻

실망이였습니다.下午1點去 入面得2枱人首先一進去完全沒有指示坐邊 當我地透明人 算到叫唔該落單 職員行到黎 我叫完野食 覆都冇覆就走左 落單過程個男仔一句野都冇講過 仲要打側身 塊面黑曬男朋友韓國人黎覺得佢好冇禮貌 係佢落單個陣望左佢幾眼 佢仲要啤我男朋友到野食黎到 又係一句野都冇 黑口黑面 pat低落枱1.吉列牛 量好小 仲要切到勁厚 (meun有2行)咬都難 仲要外皮一啲都唔脆 2.烏冬好冧 不彈牙 西蘭花處理差 發黃根部冇切走再加上 全部侍應既黑口黑面俾錢買難受！不過韓國合井個間係好好食 一個月都去幾次返黎香港想試下 失望至極!점심시간때 갔는데 들어가서 직원분들 지시안 해준데다가 주문했을때 직원남성분이 말이 하나도 안 했고 표정 어둡게 서있었습니다 주문도 확인안 해줬습니다 음식 왔을때 무리하게 놓고 갔습니다. 남자친구는 한국사람인데 제가 주문했을때 예의 없는 직원분이 쳐다봤는데 그 직원분이 지렸습니다 완전 오이 없었습니다 이런 서비스는 최약이래요 우동에 있는 야채 처리 안 되는 상태였고 고기도 맛없고 샐러드가 음식물쓰레기 같습니다

今日行開旺角就諗住試下呢間吉列牛忌廉專門店，店舖走木調風格，頗有韓式風味，晚上六點令既時間餐廳人潮已經好多！今次點了其中兩款招牌-忌廉香辣雞炒麵和忌廉咖哩雞烏冬，未食已經相當期待！右邊👉🏻忌廉咖哩烏冬左邊👉🏻忌廉香辣雞炒麵望見兩碗面層都係白茫茫一片被厚厚忌廉浸住，第一口沾上一口忌廉，感覺係好正既，第一口係好軟綿綿，又甜甜地。咖哩烏冬融合左忌廉，口感好creamy！不過食到中段就略嫌有點膩！另外一碗忌廉香辣雞炒麵，真係好辣！對於本身譚仔食十小辣既我黎講，呢碗已經達到大辣既程度，但係平心而論，底層好似平時食到既韓式辣雞炒麵，加入忌廉，感覺好兩極，但好神奇地兩者既感覺又幾夾窩，所以食得辣既朋友千祈唔好錯過！

今次去試呢間吉列牛忌廉烏冬專門店，叫咗兩個set。有吉列牛定食、咖喱忌廉烏冬（小辣）加汽水。吉列牛厚度適中，送嚟嘅時候係半熟，可以自己喺石爐上面再燒一燒，會更加香口！配合放上飯素嘅香飯，十分滋味。主角咖喱忌廉烏冬，雪白嘅忌廉下面隱藏住咖喱烏冬，忌廉creamy得嚟夠輕身，加上濃濃嘅咖喱，食起上嚟都唔會太膩。整體嚟講，食物質素算唔錯，但份量就有啲細，胃口大嘅朋友就一定唔夠食，同埋價錢都略貴，令到CP值拉低咗。

夏天午飯時間本來想輕鬆食個午餐。點知食物水準真係好一般。個雞扒我覺得係好過個烏冬，但我覺得M記個雞扒又好過佢。唔通我下次應該去M記買個包，再自己買個淨烏冬？可能會好味啲。問個員工可唔可以加大冷氣點知得到嘅係冷笑嘅回應。俾到黎嘅水仲要係滾水。令我同朋友未食完就出曬汗。到中午1:00開始多人先開大少少個冷氣。衛生方面都希望可以改善一下，令食客坐得更安心舒服。

是日與同事仔來呢間店食午餐，一入到去都有不少人在午餐~~~見到呢個餐就諗突然好想自己燒肉食，始終自己喜歡自己燒自己食~~~呢間店的午餐價錢都唔太貴，怪不得都有些人來光顧~~~咖哩忌廉烏冬，外表望落去好似一堆CREAM~~~撈起來見到裡面係有咖哩烏冬，食落感覺忌廉味濃，喜歡食忌廉的朋友值得一試~~~Kobekyu牛油蜜糖單骨雞翼($65)，食落感覺甜甜地幾得意~~~吉列牛定食($148)，有飯有湯~~~D燒肉比較厚切，燒耐DD又可以慢慢邊傾計~~~午餐如果唔趕時間，想坐下來慢慢邊食邊傾計，呢度係唔錯的選擇~~~,

平日下午大概6:30倒到的話人不多，點了最多人點的兩款，先講講個烏冬，味道不錯！但點了的雞呢？可以用雞丁來形容！再講講個吉列牛，個樣不錯，但對比在荃灣食過嘅...就有點比下去了，原因係牛味有點失色吧！如果要排隊的話就...

星期六兩點半去到可以即刻入座 大概只有兩成客人 所以就坐咗喺窗口邊嘅卡位Menu唔算多野食 不過嚟到專門店就緊係試晒佢兩樣招牌菜✨吉列牛定食套餐包一碟牛肉 一碗飯 一碗湯 一嚿芝麻豆腐同一樣醬嘅蕃茄仔所有前菜都係預期中嘅味碟牛肉睇外形就唔係好吸引嘅 因為入面啲肉其實已經好深色不過燒完嘅味道同肉質都唔錯嘅 ✨忌廉咖哩牛肉烏冬上菜嚟講幾靚幾吸引嘅 咖哩幾濃幾好味嘅 而烏冬都彈牙 不過個忌廉就一啲作用都無囉 真係純打卡用總結嚟講 食物味道唔錯不過間野係非常熱 熱到係要自己開住風扇仔都不斷流汗同店員反映過 但表示已經開到最大😐店員亦都唔友善 帶位收錢到走都可以全程一句野都無同你講過食物係唔錯 不過咁嘅環境同服務就真係唔會返轉頭