吉列牛忌廉烏冬專門店 (彌敦道) (已結業)

果然是與別不同🥳！同兩年前喺TigerSan食到既世界級難食忌廉烏冬差好遠。呢間既烏冬係非常煙韌，真係要咬兩咬先斷同回彈嗰種！而且個咖哩汁好香，混合埋面頭滑滑既忌廉，食落去好濃郁。雞件都係大大舊，肉質嫩滑，好味！

這家店除吉列牛很出名外，主食還有忌廉烏冬、釜飯等等，小食亦有不少不同的款式。咖哩忌廉雞肉烏冬忌廉在上，咖喱烏冬是放在底撈埋一起吃時，烏冬同時沾上忌廉及咖喱汁。忌廉質感好軟滑，同咖喱mix埋一齊食完全不覺得會太「流」。日式咖喱味道，帶一點點的甜味，烏冬軟滑煙韌成個配搭係勁match而且係平時唔會食我到既新鮮感。泡沫感的忌廉味道不會太濃郁，份量岩岩好忌廉令咖喱味烏冬更為香滑，令人食唔停口！Kobekyu滋味單骨雞翼甜甜的單骨雞翼，個人黎講幾鐘意單骨方便易食，而且肉質較爽，不錯不錯

位於旺角的吉列牛專門店，來到這裡當然要吃吉列牛！7點來到已經有很多人在等位，我們等了半個小時才能進去吉列牛定食$148元的吉列牛套餐相當吸引，價廉物美，有得食又有得自助燒，將吉列牛放在石板上，燒到自己想要的生熟程度有飯，味噌湯，豆腐，車厘茄，沙律和吉列牛！呢間食吉列牛都幾抵食，質素都不錯的說，份量都幾多，值得一試。比其他餐廳，呢度既吉列牛係厚切每一片都有好多肉汁，而且肥瘦均勻的，賣相吸引而又唔難燒！生熟度隨個人喜好，我個人喜歡7成熟，燒出牛脂既香味，香口兼惹味，正！

黎到吉列牛忌廉烏冬專門店，我地當然都會叫返佢地既招牌菜吉列牛定食（$148)呢個都幾抵食，首先吉列牛嘅份量都比較多，而且佢仲係一個定食。除咗有白飯之外，仲有沙律、小食、麵豉湯，雖然小食份量唔係好多，但係都算包羅萬有。同其他吉列牛一樣，每個定食都會跟返一個小小嘅燒烤爐。牛肉咖喱忌廉烏冬（$78)嚟到嘅時候，只係一碗白色嘅嘢，要撈勻左先見到下便嘅咖喱汁同埋烏冬，牛肉係一粒粒嘅，口感都幾好，有咬口。至於烏冬同果汁都幾夾，有啲西日式風味。Kobekyu 蜜糖牛油單骨雞翼（$65)呢個雞翼都幾有驚喜，開頭擔心單骨雞翼會唔會好細件，但係呢度用嘅雞翼都算幾大隻。至於調味，呢度嘅蜜糖牛油嘅調味都非常之出色，兩樣唔會互相搶左味，配合得幾好。而且雞翼都揸得非常之香口，算係驚喜之作。。

有一段時間吉列牛非常熱捧的，我自己喜歡等熱潮過去才去吃，今次來的這間店位於鬧市中的樓上店，整棟大樓也是吃好吃的餐廳，這次要介紹的是位置17樓—吉列牛忌廉烏冬專門店🐂樓上店算大，枱與枱之間都闊。用餐時間較早，所以安排我們坐卡位。說明是吉列牛忌廉烏冬專門店當然要吃吉列牛和忌廉咖喱烏冬。😋😋他們餐牌有set-2正符合我想要的餐點。枱上有個熱爐，我們點了餐，店員便把熱爐點上火。吉列牛定食定食一般都有涼拌，白飯加主菜和味噌湯。而今次的涼菜較簡單，就是車厘茄和豆腐，而也是加上日式芝麻醬。吉列牛份量是一塊半的大小，應該是有標準的重量。吉列牛已炸了一次，用熱爐把中心弄熟就可以，而我先試弄全熟，但太煙韌。本身我喜歡吃3-4成熟的牛扒。😋我決定第二塊先煎炸了的邊，令到邊邊是脆口的，就如炸過一樣，而再煎中心，夠熱就伴飯，簡直是外脆內軟，非常好吃。忌廉咖喱烏冬滿滿又白白的忌廉蓋滿表面，從外面看完全不像咖喱黃黃的外表，過了一會兒，會見到不斷有氣泡從表面冒出，原來是烏冬的熱力把忌廉溶化了，已經忍不住要破壞它😈用筷子把烏冬從白色忌廉下夾起來，終於見到黃黃的咖喱汁包圍著烏冬。😋本來是辣的咖哩，但遇上忌廉，口感立即變溫

難得一日出去旺角，上網睇一睇有咩好食。搵到呢間餐廳，好彩我哋早到6:00左右就有位坐，食到咁上下，半個鐘頭左右已經有一大條龍。吉列牛肉，有個鐵板附上可以自己衡量熟嘅程度，肉質都係幾靚嘅！吉列忌廉烏冬都值得一試，比想像中好食，夠滑又唔會太膩。中間價格，都唔錯。

從未去過一間餐廳有著如此惡劣的服務，而且食物質素亦很差，慕名而來的我，真的覺得很失望。招牌吉列牛定食的定價一點也不便宜，牛肉亦不新鮮，而且台上煮食的用具亦一點也不專業，火焰都全出來，很危險。向店員提出更換煮食用具之後，竟然只是叫我們轉轉用具就草草了事。經過多次要求後，店員端上新的用具，但放下來的時候是放上桌上的餐牌上，覺得服務很不周到。點了的日式燒雞釜飯真的很乾很乾，食物來到的時候還是點著火在煮著，但店員一點指示也沒有，結果整個飯真的很乾很乾，亦沒有味道，很失望！另外點了的咖哩忌廉烏冬，說是有雞肉，卻只要幾塊小小的雞肉粒和很迷你的西蘭花，其實味道還不錯，只不過配菜嚴重不夠，份量很小，不值一點。最後點了的 Kobekyu 滋味單骨雞翼，跟餐牌上的圖示完全不像樣，味道很濃，雞翼很乾，配上的調味粉很重味精，吃過後一直很口渴。

好耐之前食過既吉利牛一直令我念念不忘今次再俾多次機會佢，果然無令我失望🥰黎到當然係叫吉利牛，叫左一個set($148)有湯有前菜(麻醬車厘茄同豆腐)，仲有飯素白飯，牛肉都有好多舊，就算男仔都實夠飽。上枱個時牛肉係剩係兩三成熟，有個鐵板可以自己決定食幾多成熟，牛肉好嫩滑，有牛肉味又一啲都唔un，就算煎耐左都一啲都唔乾，好易掌握！好味好味！另外叫左一樣佢都好出名既野，就係忌廉咖喱烏冬($78)可以揀雞肉或者牛肉。烏冬好煙韌，面層嘅忌廉同下邊嘅咖喱汁溝埋一齊好香好濃郁但都唔會太漏，入面仲有牛肉同洋蔥，好滿足啊💕💕以為會唔夠飽之後仲帶咗一個芝士流心蛋卷，點知未黎之前已經好飽，但個蛋卷竟然都有驚喜，蛋捲上面有啲飯素，入面有啲沙律醬味嘅芝士，夾起嘅時候仲有拉絲嘅感覺夠晒邪惡，旁邊嘅秘製沙律醬好match，配搭起上嚟可以減輕左芝士嘅膩，好正🤤🤤鋪頭仲有好多唔同嘅小食選擇好多，不過今次真係食唔落下次等我帶多啲人再挑戰過！

之前聽朋友推介呢間餐廳，一直好想試，今日同男朋友仔黎終於都試到啦。中午黎到唔算好多人，我哋兩個人叫左最出名嘅吉列牛定食，忌廉咖哩烏冬同秘制蛋卷。吉列牛定食第一次食吉列牛，將吉列牛放上鐵板上自己燒，一路燒啲香味一路出黎，真係好香，未食落口已經流哂口水。自己燒仲可以自己控制啲牛燒到幾熟，好適合好似我同我男朋友呢啲兩個鐘意唔同程度牛肉既人食。啲牛一啲都唔油膩，好食！另外估唔到係連啲飯上既飯素都好好食！非常推介！忌廉咖哩烏冬一上菜哥下，見到成碗都係忌廉，成碗雪糕甘，賣相很特別，好神秘。而係哥層忌廉下面就係煙韌的咖哩烏冬。第一次食甘既配搭既烏冬，攪勻嚟食，估唔到又幾好味。秘制蛋卷賣相好似一般既蛋卷，但係一夾起就發現原來中間包住好香既流心芝士！有驚喜！一點都唔膩！相當抵食！

附近做完facial, 食埋個dinner先返去。呢到主打吉烈牛同忌廉烏冬就直接試呢兩樣。【咖哩忌廉烏冬牛肉 】$78雪白既忌廉厚厚一層鋪系面，食前將忌廉拌勻入咖哩烏冬，令質感柔順滑溜，咖哩味仍好濃郁，吾濟但食多會有啲膩。【吉列牛定食】$148牛小排粘著麵包糠落高溫油炸，薄切成一片片，皮薄鬆脆，內裡生的，油花吾多。自己放系石板上慢慢燒，不過等左好耐石板先熱，火候好細。【牛油蜜糖單骨雞翼】$65食食下先記得影相，其實份量好多。單骨雞翼炸到金黃色，肉質嫩口，加上牛油蜜糖汁，好開胃。

黎吉列牛忌廉烏冬專門店緊係要食 吉列牛 同 忌廉烏冬見到身邊好多朋友食 , 自己燒牛肉好似幾好玩 , 忌廉烏冬個賣相又幾特別 , 所以都黎左試夜晚都幾多人食 , 記住要訂位 , 唔係有排等 一去到 ... 勁大陣油煙味 ... 好辛苦 ... 真心想問抽氣扇係咪壞左 ... 🙄一坐低 ... d 餐具油淋淋 😓 ... 張枱都櫈都唔係好乾淨 ... 吉列牛有一舊大一舊細 ... 賣相怪怪地 ... 味道正正常常 , 有 d 油膩成舊吉列牛外面脆卜卜 , 裏面軟林林 , 口感唔錯 , 自己燒牛肉係幾好玩 😝 ~ 又可以控制生熟程度 忌廉烏冬冇咩特別 ... 又唔係唔好味 , 又唔係好味 係咖哩烏冬加左 d 滑滑地 ge 忌廉 ... 有少少唔知自己食緊咩 ge 感覺 個人覺得正正常常一個咖哩烏冬仲好 d叫左杯 Rose Garden , 有氣 甜甜地 正常質素總括黎講 冇咩特別 ,  但未試過 ge 朋友仔可以試下 ~

聞名已久的忌廉烏冬，然而我係想食好耐不過都無機會食到，今次終於搵到機會食！位於17樓既餐廳，人流非常多，一出升降機就見到好多人，好熱鬧！仲見到好多報導有關吉烈牛同忌廉烏冬！係升降機門口仲張貼左幾張門神海報，非常過癮有特式！咖哩忌廉烏冬（雞肉）$78一上枱已經心心眼😍咖哩烏冬既面頭好夠忌廉，滿滿既白色，好治癒～咖哩味非常特別，唔會太辣，咖哩味香而烏冬非常入味好吃，煙韌得黎彈牙，口感十足，配上攪拌均勻既忌廉，唔會好甜，烏冬變得好滑身，好得意過癮既口感，比到好大驚喜我！另外仲叫左炸芝士薯仔年糕$38年糕非常軟熟，一夾就已經感覺到軟軟既質感，外層炸粉夠薄，一咬入面既忌廉芝士爆出黎，勁滿足！一定要趁熱食！配上外層既脆卜卜既紫菜同七味粉（？）非常滋味！Kobekyu 滋味單骨雞翼$65我最中意食單骨雞翼，因為食得非常方便，肉多骨少！呢款單骨雞翼上面佈滿左燒烤味既調味粉，非常均勻！食落肉質鮮嫩，仲有食緊shake shake 薯條既感覺，今次係shake shake 雞翼！今餐所有食物都非常滿意，下次必定會試埋另一個辣味忌廉烏冬！

旺角彌敦道726號成座大廈都係食市見到有朋友推介呢間，於是就嚟試下星期二的夜晚，八點鐘已經差不多滿座，幸好小弟一支公，都算快就有位🌌 吉列牛定食 $148🌌定食有冷盤 - 蕃茄仔 + 豆腐而醬汁有兩款，一款似芥末味道醬汁，另一種為醬油，仲有一個麵豉湯吉列牛未熟，需放在石板上燒吉列牛外皮有蒜香味，肉質可以， 不會太韌，味道唔錯，白飯上有飯素，對於一個成人男士來說，份量亦足夠總括而言，呢個吉列牛定食都唔錯，難怪咁旺場，一位難求👍🏻

今日上完一整天的課，難得在旺角，就卷約朋友去食埋晚餐，朋友俾幾間特色嘢去選擇，見到有忌廉烏冬，好似好特別咁，於是就去試一下！因為來到才六點半，所以好容易找到位，見到個個都叫那個烏冬，當然係好想試⋯⋯見到有二人餐，所以就叫了一個二人餐，有吉列牛和烏冬！烏冬雖然有一埋忌廉，但當攪勻之後，又唔會覺得好滯，反而帶出咖哩的香味，有驚喜！吉列牛的份量唔多，二人餐來說是稍為少了點，但肉質無得彈，仲可以自己控制生熟程度，不錯！另外加了個蟹肉蟹膏小食，比想像中鮮味，整體而言，是值得一試的餐廳⋯⋯唯一要改善的是限時只有一小時十五分鐘，稍為有些趕！

早前出現左股吉列牛熱潮，裹上麵包糠炸香令口感更有層次之餘又食到牛肉既鮮嫩朋友知我好牛，特意向我推介呢間吉列牛專門店，話性價比極高喎。果然無花無假，$148就可以食到，仲要係定食價成個set非常豐富，唔打得都嚇得副菜既蕃茄同豆腐冰涼開胃，清清地唔會搶過主菜既風頭。外層既麵包糠炸得金黃香脆，牛肉鮮嫩，直接食同煎至全熟都一啲都唔韌。蘸配唔同既醬汁又係唔同既感覺，點燒肉汁鹹香惹味，配日式芥末提鮮解膩，仲令牛肉增添一點鮮甜餐廳另一款主打既就係呢個忌廉烏冬，一上枱即刻相機食先好似雲朵咁雪白，打卡必點呀～～～拌入忌廉令本身濃郁既咖哩入口更滑更輕盈，忍唔住一口接一口，比起吉列牛我更愛呢道菜，令我對一直以黎唔抱好感既咖哩完全改觀雞翼開邊食起黎更方便，無加多餘醃料炸香，全憑淋喺雞翼表面既牛油蜜糖汁提味，酥香清甜。見大部分客人桌上都有碗忌廉烏冬，睇黎忌廉烏冬贏左舖勝仗呀