合香園

营业中

休息中

係街市入口行入去，無路牌指引我行去邊個方向，都係跟住人行入dd就到熟食中心!大概2:30pm去到，每檔都有人食緊，個都有空位。😆沙爹牛麵$28真係好抵☺️質素好過一般茶餐廳！牛肉唔會太林，醬料幾香🤣沙爹雞好有驚喜😍😍唔知點解沙爹雞花生味再出d😳😳雞肉一d都唔鞋😎想要特別少少可以叫沙爹雞🐓奶茶都jeng😆😆必試🙈🙈係海防道臨時街市裝修前未去過食嘢，做唔到前後比較。但環境好乾淨，有d檯重有膠板隔住👍🏻👍🏻唔洗驚唔乾淨

對上一次嚟呢度食嘢已經差吾十年啦!地方全翻新了，少了一陣懷舊老店嘅感覺!但幸好仲見到以前食開嘅食店仲係度，可以好好懷念一番!食物質素沒有太大吾同，仲好彩仲可以保留到舊有嘅風味!有時間會嚟懷舊一下

下午茶時間過尖沙咀，知道海防道臨時熟食中心開返，過去八下！揀左其中一間有圓形餐肉食既嘆個tea！沙嗲雞柳餐肉麵$30雞柳滑滑的，好食！圓圓的餐肉味道唔錯，但係太薄啦！厚切會更高分！沙嗲係甜甜的，花生味較重，但同個雞柳非常夾！麵質ok，冇乜特別！熱檸茶$12杯茶又係正野！要飲好既檸茶真係要去d有返咁上下歷史既茶記先掂架！枱上面有d蔥可以任加，不過疫情關係咁樣好似唔係咁好喇😬其實呢個市場位置冇變，裝修左環境乾淨左好多，出面一樣係街市，而食店有成十多間，一入去就會有d呀姐呀哥叫你坐底，但請各位認清自己目標！睇下枱上面寫住既店名係咪你想食個間先好坐落去😂

重新裝修後的海防道熟食中心乾淨企理咗好多每間熟食店都有既定的枱下午茶時間就先試下合香園簡單一份咖央多士 好有椰香唔會過甜 味道啱啱好多士烘得好脆 而且即叫即整熱烘烘值得一讚沙爹雞柳麵 $28沙爹重花生味 唔算非常濃 一般般啦 雞柳都幾多公仔麵唔會煮得過腍 整體好食+$2多塊餐肉 一整塊圓形的餐肉好少見🤣不過就薄左少少😅熱奶茶香濃幾滑 再厚身啲就正啦熱鴛鴦的奶茶同咖啡比例做得好好 唔錯喎!簡簡單單平靚正飽肚下午茶之選

早餐：沙嗲牛肉麵加蛋 奶茶 $30咖央多 $15 ▪▪▪▪▪▪▪▪▪▪▪▪▪▪▪沙嗲牛肉麵🐮 牛肉 有筋道 口感好仲有少少掛汁沙嗲味正常不突出 ▪▪▪▪▪▪▪▪▪▪▪▪▪▪▪▪咖央多🍞 咖央 椰香清幽🏝 選用厚身多士 麵包軟熟兩邊微微烤熱 如果多士烘得脆身啲 口感會更好＊聽說這咖央多 是這裡的名物更有人說成是全港最好吃的咖央多公道一句 味道不俗 下次來會再點但沒有到很驚豔的地步 也不會封冠😂

無意中見到人哋講呢度嘅葱係自助，最鍾意食麵叫多葱嘅我，真心係為葱以來。天氣冷，順便試吓佢嘅沙嗲牛肉麵。到嘅時候係早餐時間，$32連茶走。叫咗沙嗲牛肉麵配煎蛋，少湯。碗麵送上見到個湯底係有啲似清水湯底，就叫職員幫我加啲沙嗲汁，佢好爽快拎咗一碗沙嗲汁俾我。叫咗小湯再加埋呢碗小小嘅沙嗲汁，再加咗少少辣椒油，味道就剛剛好。佢嘅沙嗲牛肉唔多，而且是一隻蛋不是兩隻蛋，早餐冇多士跟，好少食晒一碗沙嗲牛肉麵嘅我今日都全部食晒，女仔來講夠飽嘅，滿足，男仔可能要加多份多士，或者加餸。公仔麵爽口彈牙，唔會太生都唔會太淋，剛好。多青，再篤爆個蛋黃，又坐喺大排檔嘅圓枱嗰度......葱，生雞蛋🥚，牛肉，圓枱，大排檔。突然間，好有三十年前去大排檔食火鍋嘅感覺茶走少甜，見到個底都仲有好多煉奶，我冇攪勻，直接飲上面，奶茶好滑，飲咗半杯。因為已經係今朝嘅第二杯奶茶，所以幾好飲都係飲半杯算。食完不口渴，份量同埋味道對我來講都剛剛好，唔使同人講多葱，自助任加，地方乾淨，會再來。

1. 咖央多士 $15本身係諗住叫咖央西多，但口快快叫咗多士😅烘好嘅飛邊厚切方包搽滿咖央醬，甜甜哋唔會漏超級香😋雖然叫錯但係冇失望，如果方包再乾身脆口啲就更好。2. 西多士 $24一心嚟食西多點都要叫番份啦😂呢個係最經典冇咖央醬嘅純西多，多士炸到金黃色外脆內軟，再將上面舊牛油搽勻配埋煉奶同糖漿🤤入口鬆軟，蛋味香濃又唔油膩👍🏻👍🏻雖然做幾多gym都扣唔番但超滿足！3. 沙嗲牛肉麵 $28沙嗲湯底偏清，唔係嗰種好濃厚有沙粒感嘅湯。麵質軟硬適中，唔會太腍。牛肉份量好足，係肉味偏重有咬口嘅牛。覺得呢個試過就可以喇。4. 熱奶茶 $10茶味濃而不澀，質感濃厚夠滑掛曬杯🤤味道啱啱好，完全唔洗落糖👍🏻

由youtube得知呢度有間好出名飲瓦煲奶茶嘅地方，我都喜歡飲咖啡奶茶，所以特登嚟試一試。熟食中心未裝修之前就未試過嚟呢個熟食中心度進食，因為都怕衛生環境問題但聽聞佢裝修後情況得以改善，間隔又分得開，食客之間嘅距離又夠遠所以應該都安全嘅。我哋二人前所以叫咗兩杯奶茶同咖央多做下午茶。先講講奶茶茶好香好有奶味比起一般茶餐廳嘅感覺好飲但有少少楂，可能喺嗰煲茶有少少茶渣喺裏面，飲落唔夠完美。但總括而言比一般茶餐廳好飲，夠香同夠奶茶味。但比較有驚喜係個咖央多士，多士夠熱同夠脆，好香多士味。咖央醬十分之香，兩個配搭簡直係完美，雖然食咗午餐但都覺得呢個兩個配搭直係完美之作，好滿足。

重建后的海防道熟食中心比前干净很多，又光猛又通风。里面有几家必食名店，合香园是其中之一。周末早上人不多，更觉得地方宽敞。找到近铺前的桌子，菜单也贴在挡板上，点东西一目了然。也不用多想，来了一份加央多士和著名的瓦煲奶茶。 加央酱是他们自家制造的，现在只有极少店有得吃。搽在多士上可以吃到椰子味，也不会太甜，又不腻，是很好的轻食。他们的奶茶是出名的，加了花奶后口感十日滑，没有苦涩味，现在很多茶餐厅都没有这个水准。这顿早餐只是25元，经济实惠。

再次來到剛剛重新開業不久的海防道熟食中心，吃了一頓下午茶，而這一次光顧的，是「合香園」。一碗招牌「沙嗲牛肉蛋麵」（$30）、一份「咖吔西多」（$26）、一杯少甜「茶走」（$14）、一杯「凍檸茶」（$16），就成為兩夫妻的一份下午茶餐。「沙嗲牛肉蛋麵」是及格的，牛肉多，但不算靚；沙嗲汁過得去，但就未算出色；麵條一般般，太陽蛋反而煎得不錯。「咖吔西多」賣相看來不大好，但原來水準不錯，多士軟熟不硬實，澆以糖漿，與牛油、咖吔一同為這西多士添上甜蜜的味道。「茶走」是不錯的，少甜後味道好，不太甜，茶味雖可濃些，口感就幾順滑。「凍檸茶」是老婆仔的，我一點也沒喝，就不說三道四，評頭品足了。下次再來這熟食中心，我應該會幫襯「華香園」吧！

聽咗好耐，今日終於有機會去尖沙咀海防道熟食檔打卡，最後選咗合香園，叫咗1碟咖吔多1碟鮮油奶多同1杯奶茶，口味好特別，咖吔多有好香椰子味，鮮油奶多除咗鮮牛油同奶味之外仲加咗檸檬嘅清香味，出奇之甲，奶茶都好飲，有茶味奶味，不過唔夠滑同香濃，整體黎講下午茶以呢個價錢真係超值之選

海防道街市翻新完真係企理咗好多，雖然疫情依然緊張，但食肆檯上檔板間隔功夫都有做足。經過食個快tea，歇一歇腳都可以。其中合香園嘅瓦煲奶茶真係夠晒gimmick! 時下餐廳為咗快靚正都唔會用個豆潤咁細瓦煲煲奶茶，但呢間老字號依然堅持做法足足50年，無論冷熱奶茶都係瓦煲製，茶味突出但唔會過搶，奶味適中，好回味。配埋傳統奶醬多烘底，無得輸！咖央西多就一般般，都係維記正啲！✨好味指數：🌕🌕🌕🌕🌑🥤人均消費大約$30

👉🏻瓦煲奶茶(熱)跟麵加$10杯茶一擺低，我就第一時間聞下，茶味相當濃🤩之後已經快快趣落糖就飲返啖。果然冇令我失望😋好香濃嘅茶味，而且夠厚身，茶同奶嘅比例好好，茶雖然濃，但唔會遮蓋奶嘅香，飲落亦好滑口，讚👍🏻👉🏻西多(糖膠)$24西多都幾厚身，但切得比較大件，中間亦都冇夾住花生醬，食開有花生醬嘅我表示唔夠滿足。不過塊包都幾鬆軟嘅，咬落個質感唔錯。味道就同一般嘅西多士差不多，冇乜特別之處。👉🏻沙嗲牛肉煎蛋麵 $30啲沙嗲好濃，濃到本身嘅湯都變埋沙嗲湯，食完都忍唔住飲返幾啖🤫麵就正正常常，冇乜可評之處，不過不失。而牛肉就食得岀冇落過梳打粉去處理，牛味都算重，不足處係有啲鞋口，但以香港今時今日嘅物價，呢個價錢收貨架啦。

今日跟老婆去海防道熟食檔食tea，雖然係星期六，但入到去都即刻搵到位。今次食嘅係合香園，叫左碗沙爹牛麵、花生醬西多士同茶走。碗麵先上，沙爹牛正牛肉有咬口，唔係一般「乸」到「林」晒嗰種，食到牛肉嘅質感，沙爹味道唔錯。不過個麵就「林」左啲，可能係預先淥好，大家可以加3蚊轉出前一丁，可能會好啲。茶走十分好飲，叫左少甜，甜度啱啱好，飲到好香嘅茶味，但又唔會濃到有苦澀味，值得一試。個花生醬西多士因為係即炸嘅關係，食完碗麵先到，時間啱啱好。個多士一入口就食到好香嘅蛋味同花生醬味，質地好鬆軟，熱辣辣，超正！甜度亦剛剛好，食得甜嘅朋友可以落埋糖漿。兩個人埋單都係76蚊，呢個質素，超抵！

讚1.環境的確乾淨左好多，以前坦白講真係唔想黎2.奶茶唔算滑，但茶味好足，亦係佢既特點；咖央多塊多士烘得唔過乾彈1.好嘈，唔係現場啲人，係啲抽氣同風扇超嘈2.咖央係罐頭貨，唔緊要，但可以用啲好少少既貨嗎？起碼都有啲香味丫，家下得個甜字