合香園

营业中

休息中

我自己成日黎海防道街市，因為呢到價廉物美，野食又好食，又抵食！經常輪流食唔同餐廳，今日揀左合香園食。合香園最出名係沙嗲牛～～～～今日肚餓，點左三個餸，沙嗲牛肉，腸仔，蛋，出前一丁爽麵～～～～～另外加左個凍奶茶。合共51 大元。尖沙咀黎講，50蚊食餐飯，邊到搵呀！！！ 雖然無冷氣，但每間店都會放好蛋風扇，基本上都唔會太熱。尤其夏天落雨天，唔算流大汗食飯。其實合香園麵出名奶茶，熱既好值得試，不過而家夏天太熱只能飲凍。但係凍既都好好飲！ 非常重味，茶香奶又滑～～～～

經常到合香園食早餐或午餐。瓦煲奶茶;生菜好味;喜歡沙嗲雞柳米粉, 雞柳多而且新鮮; 多士醬塗滿且均衡於麵包上; 感受到店主的用心; 尖椒腩肉豬肝飯勁好味欣賞店主的用心及勤力

餐牌沒有餐類可叫，要凍飲要加12-14蚊。餐牌只寫有凍奶茶咖啡，問店員有否檸檬茶提供？店員沒回應，下完單將單飛埋給客人，態度惡劣。澳牛員工態度好過呢度多多聲。食物質素普通，不外如是。此店絕對不值一去。

知道海防道街熟食中心裝修完，所以又再同女友試唔同既茶記~裝修完既熟食中心好光猛同乾淨左~空間感都大左~ 通風亦比以前好好多！入面有好多間餐廳，但今日女友想食沙嗲，所以我地就去左合香園試下啦~我地叫左沙嗲雞柳米粉加熱奶茶~沙嗲雞柳米粉沙嗲味香濃，花生味重，雞柳都嫩滑～而且每枱都有蔥比你無限添加，因為女友好鐘意食蔥，佢見到雙眼發晒光！加埋蔥原來仲好食，我地食到連湯都飲埋~平時食開沙嗲牛既，不妨今次試下沙嗲雞~鐘意再濃味d既可以嗌少湯

入到去呢個熟食市場唔知食邊間好有個姐姐介紹尖椒炒豬腩仔豬潤飯於是就試一試叫咗一個炒牛肉一個炒豬腩仔豬潤個人覺得兩個味係一樣㗎😂不過有啲辣 尖椒好辣整體味道不錯 豬潤好食最搞笑嘅地方係個姐姐走出嚟會同啲客人分享佢點樣炒呢個豬潤飯奶茶不錯留意一樣野呢度係冇冷氣所以會比較熱但係食嘅係風味

第一次寫食評，多多包涵作為一個香港島人，平時都好小過尖沙咀。剛好有位朋友轉工返尖沙咀. 就趁今日偷得浮生半日閒黎接個fd 收工 上網睇到人地對合香園評語唔錯所以黎試入到去唔洗等位 坐低即叫 個位呀叔即刻行黎問哥仔食咩，作為一個小毒男 平時坐小巴都驚叫落車 我就係要依隻霸氣盡顯既感覺環境：熱. 好熱. 非常熱令我諗起新加坡熟食中心，作為一個肥仔比你既忠告係體脂超過22% 夏天要慎重考慮黎唔黎賣相：6/10 味道：6/10 性價比：6/10番食機會：夏天：3/10 冬天：7/10沙嗲牛肉蛋麵：味道唔錯 不過今天的牛老左小小 我自己就鐘意食丁麵 不過通常第一次去既餐廳食飯會叫返佢預設既配搭 奶茶我知佢地用瓦煲黎煲 咁當然要試試奶茶都ok 真係熱到食哂碗野都keep住熱我個人覺得唔錯 奶茶厚度差小小個咖央西多係入面最鐘意既 依個一定番食

☞ 好多年前去過海防道臨時街市食過牛丸麵，最近知道佢翻新咗乾淨好多就去咗覓食喇～😋.🍴咖央西多（$26）/ 普通奶醬多、西多、咖央多士就見得多，咖央西多就真係比較少見。/ 已經切好六件，煎得非常香脆。熱辣辣嘅多士配上好香滑嘅咖央醬同大大塊牛油，好鬼邪惡呀🤪

以前朋友帶我去海防道臨時熟食小販市場食德發牛丸覺得CP值高，但環境真係幾簡陋同壓迫。重開後裝修格局舒適好多，似個大型Food Court，有舊式街市照雞蛋的紅燈罩，旁邊仲有個懶有本土風格的貨櫃及牛丸，西多士，魚蛋等香港美食字眼及廣東拼音。重點是有風扇，除左降溫，亦都令空氣比較流通。今次試左香港沙爹牛肉麵關注組都有唔少人講既合香園，有人大讚有人覺得譽過於實，我食個沙爹牛肉蛋麵 $30就真係覺得無乜特別，普通茶記質素，牛肉夠腍但沙爹味唔濃。見話瓦煲奶茶出名，凍飲加$14都試下啦，幾滑但可能我平時唔係飲開奶茶，無乜研究，我唔係覺得好特別，CP值唔算高。

🇭🇰合香園·個日我自己一個係尖沙咀有少少肚餓 醒起之前係朋友ig story見到佢推介呢度既咖央西多 就決定黎試試佢😈😈·咖央西多$26 l 凍瓦煲奶茶$14佢個西多整得幾好食既 蛋味好夠 熱辣辣又唔會太油膩 我自己幾中意😌不過我覺得佢咖央既份量對我黎講有少少太多 但係大家中意咖央既話應該好滿意😈😈個奶茶我自己就有少少失望 佢個奶茶偏淡 茶味同奶味都唔係好出咁🤭😂·#rbyeat#rby港式#rby尖沙咀·📍尖沙咀海防道390號熟食檔

唔係奶茶狂迷，不過偶爾都鍾意飲呀咁地道既野飲呢個瓦煲奶茶十分出名，就算係隔離檔口食飽左，都特登唔叫野飲，留返過嚟試下個奶茶！😆😆5點幾唔駛等位，奶茶好快到一飲，超滑！！！😍😍😍真係未飲過咁滑既奶茶，唔澀雖然茶底唔係我最鍾意既，奶又唔算好香好出但係嗰個滑係令人好深刻～淨飲好悶，叫左個架央多士食下味道剛好，唔會太甜，唔會好濃味，good fit不過一個人食都too much😛麵包就普通，再厚啲會開心啲😁

🚃香港美食➡️尖沙咀海防道熟食中心重開這麽久，又怕夏天太熱，又怕人多沒座位的我，終於去吃了第一次，感覺沒有想像中難找位置，只是買食物只能集中買一間餐廳的呢🐮 沙嗲牛肉麵 $28牛肉易咬，麵質較為幼身，吸收了滿滿的沙嗲味，沙嗲味超有傳統茶記味道，有驚喜，裡面還有兩條🧇 咖央多士 $16甜度適中，剛烤起更香，更鬆軟，要不先吃甜品，要不後上吧，放涼了的確差一點☕ 瓦煲奶茶 $12茶味超級濃，甚至有點苦澀，很“削”的味道

海防道街市熟食中心重開左咁耐，今日終於黎到食啦！環境真係比起以前乾淨左好多！星期日都爆哂場😎·🐮沙爹牛肉蛋麵 (HKD 30)沙爹牛肉好入味，唔會太咸，肉質好彈牙，厚薄切得剛剛好！略嫌麵底有點太淡，可以再多d沙爹汁😋·🥪咖吔西多 (HKD 26)炸得乾身唔會好油👍🏼食到好香嘅牛油味，令到感覺冇咁膩！甜度都岩岩好，唔錯！·🧋各式凍飲 （HKD 16)各叫左一杯凍檸茶同凍奶茶，茶味都好突出，唔會太苦，不過價錢就唔算好抵🥲-📍 合香園地址：尖沙咀海防道390號熟食檔

海防道熟食中心裝修完 終於可以去食！裝修完感覺乾淨左好多 亦都好通風唔會太侷！沙嗲牛肉蛋麵 $30 + 凍奶茶 $14沙嗲唔算話特別好濃 但都食到有少少花生粒！ 牛肉份量都好多 亦都好淋～ 太陽蛋就煎得好出色！ 不過個湯底就好清～ 對比可能茶記就無咁濃無咁咸！食到好熱 之後忍唔住加$14飲杯凍奶茶～奶茶真係好好飲！ 茶底好香濃～ 好滑！之前先發現原來呢到係用瓦煲煲奶茶 好出名！奶茶真係推薦大家飲～不過如果下次有機會食 反而想試下咖央西多😋

濶別一年， 終於等到重開， 當然要來幫吃啦。環境是整理好了， 佈置寬敞了，台好像少了？但感覺反而生疏了， 沒了過去視切的氛圍。地方仍然沒有冷氣， 夏天來應該都是食到渾汗。我地是早餐時段過來的， 點了招牌沙爹雞柳麵， 煲仔奶茶。他們自家製的沙爹雞柳特好吃，入味得來不過過咸，加埋午餐肉真是最道地嘅港式早餐！奶茶是清香的味道，奶味不會過搶， 但茶味好像比以前淡了， 可能茶膽還需要時間調校吧。我地再另外單點一份「新野」share, 味道正常，純粹懷念一下。整體我覺得氣氛大不如前了， 只不過因為由細食到大， 所以對此處有點執念吧了。

今日咁啱放假來到尖沙咀，去到翻身了的尖沙咀大排檔，當然去佢最出名咖央西多的合香園試吓啦！咖央西多外皮香脆，麵包軟滑，咖央味鮮甜，真的回味無窮👍配以凍奶茶，味道啱啱好，真是下午茶美味之選👏👏值得一提，老闆和店員服務非常好👍因不小心整跌了杯奶茶，他們連忙幫我清潔，還額外送多一杯給我，服務真的非常之好，下次一定會再來！👏👏👏👍👍👍