合香園

营业中

休息中

今日跟老婆去海防道熟食檔食tea，雖然係星期六，但入到去都即刻搵到位。今次食嘅係合香園，叫左碗沙爹牛麵、花生醬西多士同茶走。碗麵先上，沙爹牛正牛肉有咬口，唔係一般「乸」到「林」晒嗰種，食到牛肉嘅質感，沙爹味道唔錯。不過個麵就「林」左啲，可能係預先淥好，大家可以加3蚊轉出前一丁，可能會好啲。茶走十分好飲，叫左少甜，甜度啱啱好，飲到好香嘅茶味，但又唔會濃到有苦澀味，值得一試。個花生醬西多士因為係即炸嘅關係，食完碗麵先到，時間啱啱好。個多士一入口就食到好香嘅蛋味同花生醬味，質地好鬆軟，熱辣辣，超正！甜度亦剛剛好，食得甜嘅朋友可以落埋糖漿。兩個人埋單都係76蚊，呢個質素，超抵！