合香園

营业中

休息中

海防道熟食中心常常聽過，但其實一次也沒有去過。終於在重開後找了天去吃吃看地道的熟食檔。當中有幾間可以選擇，所以要看清想吃哪間才找桌子坐下喔！於是這次先試一進去就看到的 - 合香園。✦ 沙爹牛肉麵 ($30) - 這間的沙爹牛肉麵有蔥，店員會問您要不要。沙爹十分濃郁，沒怎吃到花生味道，不過有點微辛。牛肉很鮮嫩，份量也算多吧!? 麵也沒有糊糊的。✦ 奶茶 (+$14) -加凍飲品要這價錢有點少貴，不過說到地道又怎可以少了奶茶呢而且這間是用瓦煲煲的茶，茶味更香濃的喲！✦ 鮮油奶多士 ($18) - 看起來不錯，但就沒有什麼特別驚喜。

今日去食外賣，叫咗兩個沙嗲牛肉麵同一個凍瓦煲奶茶。食完評價係：比普通仲要差。個面質地好淋、食入口真係一個糊仔。我諗佢個質素都幾浮動，因為我之前睇片介紹係話佢個面有燶味，但係面質係正常。沙嗲湯好浠，唔濃。瓦煲奶茶就係一杯正常味道嘅凍奶茶。唔會再成日都唔會推薦人去食。兩個面加埋一杯嘢飲70幾蚊價錢正常，不過好客觀咁講去普通茶餐廳個質素都會好過佢。佢唯一嘅優點係用鮮牛肉去煮，不過其他方面都太差，鮮牛肉搭救唔到。

本身麻麻地要去街市 同埋好怕迫餐懵但海防道熟食中心裝修後 變得乾淨同埋企理如果一心要去熟食中心的話 就唔建議係海防道入口行入去 因為你要穿過街市 賣花檔之煩所以係footlocker 即係近北京道個邊入就最好一入就望到哂所有茶記啦 檯都算多 但真係會坐得迫啲 我形容係背貼背今次係想試合香園 有幾間黐埋一齊㗎 唔好排錯我會建議搵位坐低左先 因為都幾多人之後啲姐姐又做到踢晒腳 唔得閒應你預左叫左野食都要等等咖吔西多 $26西多比起一般茶記相對較薄身 唔係厚實脹卜卜但炸得都算脆 咖吔醬都唔差沙嗲雞柳麵 $28沙嗲湯味濃 但麵底煮得有啲硬 似係滾水淥腳拿拿聲撈起上碗就算 但雞柳係大舊同埋算多算滑身既瓦煲奶茶 $15應該可以算係合香園招牌 奶同茶比例平均 而口感滑身又唔澀口 又唔甜 可以話完全係我杯茶💛 如果要我再坐低食就不了啦 外賣一杯奶茶都還好

去尖沙咀想食地道野，一定係去海防道熟食市場，而我每次都一定會去合香園食個沙嗲麵打底先。佢地嘅沙嗲湯底好濃，一啲都唔留手，令到公仔麵每條都掛住湯。奶茶都係佢地招牌之一，係好傳統嘅煲仔奶茶，加埋個環境真係好有風味。

⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️🍴美食資訊🍴沙嗲牛肉出前一丁（$31)可能之前食過荔枝角嘅好好運快餐店😂如果論沙嗲牛肉嘅湯底，呢間合香園唔叫話好濃。但絕對唔代表佢難食🤭只係相比較下略遜。牛肉分量算多，出前一丁都煮得彈牙唔叫淋，整體嚟講不過不失。蔥花咸牛肉蛋治（$30)成個蛋治好厚！蔥花蛋炒得好香，混合左咸牛肉又唔會話超咸，啱啱好👍我地都覺得如果個包烘一烘底會好食啲，因為如果唔烘嘅話，個包就好易變淋，影響左個口感😇咖吔西多（$26)大大份，而且好厚🍞唔算死甜，其實啱啱好，枱面嘅糖漿其實唔落已經好夠味。唔錯👍凍瓦煲奶茶（$14)呢間食肆嘅招牌，味道唔錯，奶茶香滑。熱瓦煲奶茶（$12)對比凍奶茶嘅話，熱飲口感會更醇滑👍⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️👑評分味道：4/5環境：3/5價錢：3/5份量：4/5服務：3/5會否推薦：會，但唔洗專登去呢間食肆係位於一個熟食市場之內。市場嘅食肆好多，場地同座位有限，其實每間食肆都平均劃分左啲區域。環境較迫同埋嘈就一定，基本上一入去，就預左會被各食肆店員爭相邀請😹😂呢間食肆整體嘢食都唔差，份量都夠，店員亦都算係好好態度。但係你會明顯地感受到，其實佢地會好想你食

和朋友傾開最好吃嘅沙嗲牛肉麵，朋友二話不說推介海房道街市，每天賣完就冇… 上網一找便找到合香園，昨天星期日5點9才到達，街市外很有禮貌的管理人員一眼就知道我們來吃麵，還提點快點進場點餐，茶餐廳6點半便會關門。第一次進入黑孖孖的海房道街市，絕對想不到熟食中心變了工業貨櫃風，經過活化後除了光猛還多了分文青味 找到合香園後快快找姐姐落單，但當天沙嗲牛肉已售完，聽到後很失望但姐姐立即話可以改鮮牛肉配沙嗲汁，香噴噴公仔麵上枱時發覺姐姐還額外追加了雞肉和五香肉丁，充滿愛 不得不提瓦煲奶茶咖啡，很有香港風味

一直以嚟都無食早餐既習慣，就算以前返學或返工都無食。但近幾年開始改呢個壞習慣，因為聽到話有醫學證實早起身而唔食早餐會好容易有膽石😰，驚驚⋯ 開始時好難頂，因為真係食唔落，個人都未瞓醒，點食喎😩 ！但迫吓迫吓就慣咗呶！新工喺尖沙咀海港城，所以就喺附近食早餐。食過附近幾間茶餐廳同熟食市場入面既茶檔，最鍾意都係合香園😍！記得第一次一入到去見咁多人食呢間，心諗應該會幾好食，就試吓啦！早餐無咩選擇，一係公仔麵一係三文治。咁早真係食唔到一大碗麵，所以揀咗餐蛋治烘底，仲要姐姐大火同多牛油😌！加多杯凍檸茶走甜，烘底竟然唔使加錢😳 抵晒！見好多人買外賣，等咗陣杯嘢飲到先。茶味啱啱好，有4片檸檬，飲得出好新鮮，重檸檬味，唔會拮到手軟都無味😑！勁憎嗰啲不知所謂既檸檬。飲多幾啖，份三文治到喇🤩 烘得夠火喉，見到即刻好肚餓🤣！攞上手熱辣辣，揸住未食都感覺到脆卜卜！好開心！一啖咬落去熱親個咀添🥲 蛋又厚滑又香，午餐肉無煎過火變柴！最正竟然係我最唔鍾意食既白麵包，外脆內軟喎⋯⋯真心無諗過咁普通既茶記三文治原來可以整到咁好食😋！佩服😏 會朝朝去食直到唔想再食先算😙

🥢香港地道必食🥢推介指數 ❤️❤️❤️❤️🤍天氣乍暖還寒，不會熱到流汗的天氣，決定去一下海防道熟食中心品嚐聞名的瓦煲奶茶。小店由1978年在熟食中心開業至今，全場獨家碩果僅存瓦煲奶茶、咖央多士、咖央西多士、沙爹牛肉麵等等。午飯時間有唔少位，姐姐親切推介飯餐，細看之下有好耐無食過嘅茶式。🤩🥢豬膶鮮牛肉湯麵配熱飲 HKD48✨新鮮滾熱上枱，以梯碟碗盛載已有一番風味。面層鋪滿熟成度剛好的豬膶和鮮牛肉，食材新鮮厚薄適中。配有菜芯爽脆，湯底是羗湯有助驅寒。家常茶的味道～🫖瓦煲奶茶(跟午餐)✨第一次喝用瓦煲煮的奶茶，飲落質地滑溜，沒有坊間喝後口腔鞋鞋的感覺，且茶底香濃不苦澀，滿足🥰總結：-食物 ❤️❤️❤️❤️🤍環境 ❤️❤️❤️❣️🤍服務 ❤️❤️❤️❤️🤍.··🔖 合香園 (尖沙咀)🪑尖沙咀海防道390號熟食檔

咖吔西多士 $26餐蛋麵 $28凍瓦煲奶茶 $14舊年重開返嘅海防道熟食中心入面其中一間出名嘅舊式茶餐廳 講真我覺得俾人吹大左 特別杯瓦煲奶茶 勁淡 以為自己中左武肺無味覺 個咖吔西多純粹正常發揮 好嘅地方係唔算太油 但真係未去到想再食多次 餐蛋麵就唔洗多講 咪餐蛋麵嘅味囉間野唔伏嘅 除左奶茶 (可能叫熱會好d) 鐘意食懷舊茶餐廳去海防道熟食中心都係一個唔錯嘅選擇

海防道熟食中心自上年尾重修後，及後又遇上疫情，一直都沒機會「探訪」，今次趁放假入去睇睇咩環境上網睇過資料都有好幾檔介紹，最後就揀咗合香園望望餐牌都算多選擇，但最終只點了兩樣▶️沙嗲牛肉蛋麵 - 麵煮淋咗，牛肉份量少，湯底沙嗲味唔濃 ($30)▶️西多士 - 厚切嘅，呢樣真心唔錯嘅，有機會先再試佢嘅咖吔西多 ($24)總結：講翻點解只叫了兩樣，連出名嘅瓦煲奶茶都無叫，一來天氣熱實在飲唔到熱飲，第二就係熱飲$12 連碗麵加埋$42，有點不值，整體來說性價比只是一般。

.📍合香園📍 #饅頭去尖沙咀 #饅頭的港味道 #饅頭食麵包------------------------------咖吔西多士 ($26)外層炸到金黃色咁，入口非常軟綿，麵包香味係比較濃郁🍞；咖吔醬係夾喺中間，唔會好甜好漏，有微微班蘭同蛋香，冇花生醬咁濟；上層仲有大大塊牛油，邪惡但美味😍；店主亦將切成6小塊，方便大家進食🙆🏻。整理嚟講係個不俗嘅下午茶，但不適合減肥人士。------------------------------熱奶茶 ($12)茶同奶嘅份量相互平衡，入口頗滑，特點在於用傳統瓦煲煮過🤓，熱氣沸騰，飲完成個人都好暖，適合冬天時飲用♨。------------------------------整體評審：7.6/10小編回頭率：6.5/10

我自己成日黎海防道街市，因為呢到價廉物美，野食又好食，又抵食！經常輪流食唔同餐廳，今日揀左合香園食。合香園最出名係沙嗲牛～～～～今日肚餓，點左三個餸，沙嗲牛肉，腸仔，蛋，出前一丁爽麵～～～～～另外加左個凍奶茶。合共51 大元。尖沙咀黎講，50蚊食餐飯，邊到搵呀！！！ 雖然無冷氣，但每間店都會放好蛋風扇，基本上都唔會太熱。尤其夏天落雨天，唔算流大汗食飯。其實合香園麵出名奶茶，熱既好值得試，不過而家夏天太熱只能飲凍。但係凍既都好好飲！ 非常重味，茶香奶又滑～～～～

經常到合香園食早餐或午餐。瓦煲奶茶;生菜好味;喜歡沙嗲雞柳米粉, 雞柳多而且新鮮; 多士醬塗滿且均衡於麵包上; 感受到店主的用心; 尖椒腩肉豬肝飯勁好味欣賞店主的用心及勤力

餐牌沒有餐類可叫，要凍飲要加12-14蚊。餐牌只寫有凍奶茶咖啡，問店員有否檸檬茶提供？店員沒回應，下完單將單飛埋給客人，態度惡劣。澳牛員工態度好過呢度多多聲。食物質素普通，不外如是。此店絕對不值一去。

知道海防道街熟食中心裝修完，所以又再同女友試唔同既茶記~裝修完既熟食中心好光猛同乾淨左~空間感都大左~ 通風亦比以前好好多！入面有好多間餐廳，但今日女友想食沙嗲，所以我地就去左合香園試下啦~我地叫左沙嗲雞柳米粉加熱奶茶~沙嗲雞柳米粉沙嗲味香濃，花生味重，雞柳都嫩滑～而且每枱都有蔥比你無限添加，因為女友好鐘意食蔥，佢見到雙眼發晒光！加埋蔥原來仲好食，我地食到連湯都飲埋~平時食開沙嗲牛既，不妨今次試下沙嗲雞~鐘意再濃味d既可以嗌少湯