合益泰小食

营业中

休息中

d 腸粉好滑, size 幼同細條, $5 5條. 醬油唔多, 因我係企係街邊食, 所以無刻意加醬或要求加醬. 比較上喜歡灣仔腸粉王多d -- d 腸粉正d 同埋老闆落足醬料.

一般食開o既腸粉, 落豉油就有咸味, 落辣醬就有辣味, 落甜醬就有甜品, 任何醬油唔落o既話, 係無味......但呢度o既腸粉, 食落係有本身o既"粉味", 唔懂用文字形容, 我連芝麻都唔敢落, 怕蓋過原有味道。另外試左個粉果, 外皮口感幾彈牙, 餡料一般, 味道都過得去。豬肉燒賣咬落質感似牛肉, 味道都幾街坊下, 個人都係較喜歡食麵粉燒賣多d。

上星期我同男朋友去食早餐~一向都覺得依度d腸粉好滑出名平靚正!但係今日食物味道超級麻麻...d腸粉痴住晒一大舊咁...d豆漿先差呀...有渣o既...係超多渣果隻tim 呀...d油條又麻麻地...都唔脆o既...食完今日即刻bad list左...我諗短期都唔會去住~

今日坐坐下地鐵突然覺得好肚餓,下一站深水埗,落車吃腸粉!!今日竟然唔太多人,一入去就有位,神奇!!要左中腸粉($7)+燒賣($6)。腸粉比坊間size幼,好軟身;自助甜醬芝麻,十個正!!!呢度既甜醬同我好細個時係荃灣某車仔檔既味道好相似,每次食都諗番細個時同媽媽食完腸粉搭船去外公外婆屋企情況=p 可能因為呢個味道,所以我好鐘意食呢度既腸粉。燒賣唔係一般粉雷雷燒賣,係大大粒冬菇燒賣,熱辣辣有咬口,加埋滑嘟嘟腸粉係絕配。我見有叔叔指明要出面車仔檔阿姐剪既腸粉,而唔要店內既,莫非有分別??

腸粉５元一碟，不是一般行貨，幼幼的，極之爽滑，醬汁好味道及多，不似某些店子孤孤寒寒，又叫了一碗牛肉粥，價值９元，甚為細碗，僅有家中飯碗那麼大，食落郤出奇的好，碎牛肉很多，粥底亦很綿滑，味道適中，味精不多，不要看價錢平，它比很多以粥底出名的店子還好！要彈的是地方不潔，坐得不舒服，招呼一環，不談也罷．但是要吃全港最好的平腸粉，不要錯過．

前o個排同朋友黎食聞名已久既豬腸粉d腸粉新鮮熱辣都幾滑口但比起平時其他地方見到既瘦左一個碼味道唔可以話特別好佢既好在於佢用左豬油黎開d麻醬所以我呢d食豬腸粉為左點麻醬既人就好o岩另外亦食左佢d魚旦蘿蔔味道一般不過不失去開呢頭都可以試下但專登去又唔駛囉

白粥($4)算綿，而且帶有腐竹味，是清清腸胃的不錯之選。

呢度既腸粉真係好香好好味, 豬皮蘿蔔都幾正, 不過環境就迫少少~

由細到大係深水長大, 食過咁多間腸粉, 好多都溝稀d 醬呀,整色整水咁但係依一間, 食左咁多年, 都仲係咁好味, 腸粉好滑, 佢d 醬溝埋之後就好好食~~~熱騰騰的!!正~~~!!

呢度d腸粉係我在香港食過最好的一間,聽說是因為用豬油開麻醬的,所以特別好味的; 雖然沒有什麼益,但好味就得啦!豆醬也OK,其它就麻麻了.

話說今天下午過海尋，下隧巴時已看見此人氣之店。在店外要了五蚊腸粉，加了三色醬料。最欣賞是橙色！平：五大條。靚：外表雪白白和軟綿綿。正：嗅到香噴噴，入口滑滑。題外話：堂食和外賣價錢是否有別？其他客人說堂食，她會招呼他們內進，而我卻是傻呼呼的站在外邊吃！唔通真的是：先敬羅衣，後敬人？？唔通我額頭已刻有慳字！

腸粉有一直保持水準，夠滑，現在很難找到又滑又有米漿味。

其實我都唔係話佢無優點，在食評都講過佢賣5 蚊5條腸粉，真正係幾平。而且這些經濟抵食的食肆又確實有其生存空間，至少我就成日都搵來吃。其實是不是自己工場製作不是重點，我想講的是，這裡的腸粉是工場生產而來舖再翻蒸而非即場拉製。度度同工場拿貨的蒸出來的腸粉都大同小異，同係唔係自己工場關係不大，亦同有工場先定有食店先好似無咩關係，因為都係用熱水翻蒸，度度用熱水蒸都係一樣。而將送來的腸粉一盤盤的放在人來人往的路邊，在這大熱天時有幾衛生可以想像得到，這個衛生程度又同在舖內坐低食或街邊企坐篤一樣。不過同事話有報導介紹呢度腸粉特別滑，我來過就話間間同呢間工場攞賜粉翻蒸再賣的都會一樣的滑，不如記住個工場名好過。又在三色醬中我亦係最喜歡麻醬，食腸粉時沒有甜醬及辣醬都勉強得，但無麻醬同芝麻就唔得，不過我唔覺得佢麻醬特別香，都係一般水準。都係果句，「平」，就係佢優點。想再討論可以去Hot Gossip。

我都曾兩次冒名而黎食腸粉, 不過就坐入去食, 唔係買佢側邊擺檔o既5蚊5條(堂食-- 細,中,大- 5, 7, 9蚊)佢地擺檔o個度感覺真係幾污糟, 所以寧願貴d都堂食. 至於話佢地係O係工場攞貨呢...以我所知, 佢地D腸粉係出自佢地自己O既工場,而且係有工場先, 後尾先至開門面做街坊生意. 自己有工場有個優點, 就係每日分三段時間蒸起腸粉送到門市, 咁大家食到O既腸粉就可以滑D無咁乾. 我第一次食時都覺得佢地O既腸粉比其他地方O既滑D嫁!不過第二次, 唔知係咪天氣熱左, 腸粉較滯銷, 就乾左D啦!另外, 佢地D麻醬都好香滑...你知啦, 有好多香港人食腸粉其實係飲醬油嫁咋...咁D醬好食, 自自然然就多人幫趁啦!

今朝要繼續落呢區做野，兩點幾都未食野，同個同事行過老廟，佢話呢間舖頭的腸粉幾多雜誌報導，幾出名的，所以就齊齊企街邊篤腸粉。腸粉放在車仔內賣，伴以甜、麻、辣三色醬及芝麻，係正統規格。5蚊5條，是平得無話可說，記憶中只有我住那區的5蚊6條可以媲美。腸粉係幾滑，落足三色醬同芝麻，其實味道如何也沒多大分別。但見一盤盤腸粉用膠紙蓋著放在路邊，感覺已差了一些。一來腸粉是工場大量生產，來舖翻熱再賣，所以基本上間間舖去拿貨都會得到同樣質數的腸粉，估計同區都有質數相若的，說這裡腸粉好食，不如記住個工場名好過。；二來大熱天時，一盤盤雪白腸粉就放在路邊，希望衛生無擬吧！不過價錢咁平，亦預左不是即拉腸粉，但說成很有特色，相信也是傳媒的威力吧。