合益泰小食

营业中

休息中

果然名不虛傳！腸粉剛上來時熱氣騰騰，只配了麻醬和豉油，粉身還是白白嫩嫩的。待自行澆上醬汁、辣醬，撒上白芝麻後，再拌一拌，看著那濃濃的顏色就讓人食指大動。嘗一口，果然滑爽非凡，粉身有軟糯又有彈性。怪不得來這裏的客人十有八九都要得是腸粉。

今日唔想食豪野, 想去d舊區openrice,聞名呢度的腸粉夠滑, 就作為第一站熱下身!腸粉$5五條–初初食唔覺得特別滑, 但係又同普通食開果d唔同, 老實講我唔知點形容; 女友話佢比較實d, 拉得比平時的腸粉多幾次…咁的價位算係不俗! 但我個人黎講, 都係覺得陶源居的”布拉豬腸粉”最正!燒賣$6三粒–其實唔算平, 但我勁like, 食落去似好細個的時候食到果d傳統手作野, 我諗佢係自家製, 個料食得出係豬溝些少魚容…下次要再黎食過!只用左$11, 食完感受下鴨liu街氣氛, 扮下大少, haha~

前幾日去食, 個阿姐自己落錯單又話人, 仲將D豉油整到我件白色衫到, 食食下腸粉又有頭髮, 服務同衛生都差差差, 下次請都唔會再去

腸粉夠滑~ 燒賣大大粒~而且又足料~不過就衰人多,冷氣唔夠~服務唔掂~

這是一間街坊式的小食店，幾蚊雞就有交易，五元一碟腸粉，亦可以大模尸樣的入坐冷氣座位，據案大嚼，吃完嘆足冷氣才離開，沒人會干涉．又何必在外面罰企呢？如果意猶未盡，可以叫多幾樣小食，都是幾蚊雞，而且味道也真的不錯，吃到捧著肚子走，也不過二三十元，何樂而不為？

行開鴨寮街,過來買幾蚊滑滑腸粉當下午茶都幾好,不過附近真係冇乜位企,成日要左閃右避.

今次掃街之行o既最後一站係去食腸粉，係門口見到d腸粉好新鮮。入到鋪裏面幾乎枱枱都有腸粉，我諗應該係招牌貨。因為之前真係食咗太多o野，所以只係叫咗小腸粉&燒賣。腸粉一到就落咗甜醬同芝麻，點知原來係一個錯誤o既決定，因為唔知點解d甜醬加埋麻醬好鬼鹹，淨係食麻醬嗰邊就好o地o地。所以下次大家去食o既時候可以先食淨麻醬先，如果唔夠鹹先再落其他醬料。至於燒賣未到上枱o既時候我係覺得貴o架$6得3粒，但係食過之後發覺佢係貴得有理，因為d燒賣唔係出面一般o既魚肉燒賣，而係真係有料o既。今次掃街之旅暫且吿一段落，但係我仲有好多o野未試，我會繼續努力！！

今日下午茶時份，買了$8 腸粉+ 碗仔翅。腸粉好滑，又唔貴，但D 醬就肥膩DD！都食得過！碗仔翅太杰，冇傳統碗仔翅ge味道，又無乜料，得D粉絲& 肉絲，so 不值一試。

難得經開深水步, 一出地鐵就見到呢間鋪簡直眼前一亮, 立即買$5腸粉食, 計埋我在內都有十幾人拿住隻碟企係街食, 都幾多人幫襯講番d 腸粉, 又真係幾滑, 醬汁又好味, 下次再經過時一定會再幫襯

26/6 2pm2 個人坐底叫左小腸粉$5,蘿蔔豬皮$6,豆漿$5.腸粉依然正,但蘿蔔豬皮吾多得,有渣,豆漿亦有渣,

行行重行行,行左一邊深水步之後,行去對面馬路食心愛腸粉。阿姐見到拎住杯公和豆漿坐低就望左一望,原來呢度又係有張告示:不得在本店進食外來食物!噢...唯有醒目地一啖都唔好飲住=p整左碟腸粉+燒賣。又黎狂落甜醬.....食落點解d麻醬唔係好香??甜醬又唔係以前個種甜味???今次既化學作用唔太強bor!!係唔係天氣太熱,搞到自己味覺退化呢??燒賣都似乎縮左水!!上次大粒d架bor,睇黎又係有一排唔黎lu。

咁落雨法，做咩都無心機，午餐求其過來篤碟腸粉，幾粒魚蛋就算。但差錯腳，踩左落水，濕到上腳瓜long 咁滯。為左幾蚊碟野，搞到而家要浪鞋浪襪。不過講真，正餐唔想食，又無可能去食蛇的話，腸粉都唔錯。

一直好想去試腸粉，今日終於一試。腸粉要大，十蚊十條，佢地會先加麻漿同豉油。好，麻漿比較一般的稀，豉油則無特別。腸粉係滑．．．只係在加左麻漿既前提下囉。佢地ｄ腸粉係廠攞既，咁火候同漿汁就係靈魂所在。佢地火候好一般，因為唔係條條肥肥圓圓，有些亦會扁身同硬返少少，咁即係唔算尚佳。其實只要去貨快，唔好太多一齊壓住壓到變形，咁已經會唔差。但呢度太多貨，壓扁了一些，要扣分了。麻漿係滑同稀，但其他都無特別。辣椒漿同豉油好一般，無特別。牛肉粥，係碎牛，粥底稀，有唔少師父，好細碗，雖然只係九蚊，但都唔值呢個價。除左腸粉，他食物都偏貴。

今朝同友人去完"富誠小廚" 飲早茶,帶友人行過黎食腸粉,叫左碟中既$7,友人讚不絕口!腸粉仍然好滑好薄!食左兩條再叫阿姐加麻醬,阿姐毫不手軟,加到成碗湯咁!認為誇張!

男友極力推介說這間的腸粉好味，特別的地方是它的醬油任落，男友聲稱他每次都會落醬油落到人地蝕本！我自己就覺得其實腸粉本身無乜味，不過就真係好滑，食腸粉我最鐘意食麻醬，但佢d 麻醬好似比較稀，但聽聞麻醬是用豬油開的，所以比較香。我自己就覺得味道並不是太特別，但質感確實很滑。其他的魚旦、豬皮和蘿蔔都是一般，但價錢也不算便宜，三種加起要$17。燒賣是非一般魚肉燒賣，有很多冬姑，但味道並不是太特別，但也要$6 三粒。不過同男友一齊，食乜都開心架啦......哈哈哈......