合益泰小食

营业中

休息中

因為8月才再去ssp,,而且又很想念上次吃到的滑滑腸粉所以昨天就滾到這裡吃$10腸粉嚕~~~~~~~~ =www=我點了$10腸粉,, =v=而巨毛點了$7腸粉+ 魚蛋+ 蘿蔔~~~$10腸粉真的很多咧]]]不過味道沒上次來的好,,不是說它不滑,,而是腸粉沒什麼麻醬的味道我覺得不夠麻醬的腸粉是不好吃的!!偷了巨毛一粒魚蛋來吃＝ｗ＋相比起我平時吃到的魚蛋,,它有比較重的魚味__________個人不太喜歡,,,巨毛更加說難吃]]]]]結果兩人一共只吃了3粒就gave up了= =v還剩下很多粒一..一至於蘿蔔,,依我看size蠻大就是了味道方面,, 根據巨毛所說是極普通=

今日上網搵下邊到有好野食..其實一早之前都好想去試,不過上次無做準備,所以吾知係邊到, 今日特登叫男朋友先睇地圖去搵..細看之下,原來我地之前行街都會經過架..呵呵..落到去深水步已經落緊大雨喇.不過都無影響我地既心情..5蚊腸粉,1串燒賣呀,唔該,好快手咁就有得食囉..都有好人企係出面食,我地都唔例外,一路食一路見到有好多人出出入入..燒賣真係幾大粒,幾好食..6蚊有3粒聽落去好似唔係好值,但係粒燒賣又真係幾大粒同埋幾好味,腸粉係有少少滑既..都ok..男友就話d腸粉幾好味,同第二d鋪頭唔同..整睇黎講,二個人食$11蚊,又好味,第二到又真係好難搵既

在貴網BBQ gathering當日,相約個食友在深水步一同起行,部車出奇地快,仲有大把時間.路過鴨記見到另一間受到網民力撐的小食店"合益泰",再望下個錶,真係食少少野都仲得.周六下午茶時段,人頭擁擁,客路並非局限鴨記等山寨王麻甩輩,都有很多年青人光顧的.聽聞此店的腸粉非常出名,要左碟細試下,盛惠五皮,叫多隻潮州粉果,三皮,三粒魚肉燒賣,六皮.總共十四.腸粉咩都無,齋腸真係齋無可齋.熱騰騰到燙口.真的滑溜,加埋醬油,食到唔停口.唔係即拉都有此水準,都好難得.當然,最掂念就係屋企附近間七喜,早前在早餐時段,所有腸粉,即叫即拉.簡直天下美味,而家無做,可惜.粉果只係普通貨色,相信唔係自家製,魚肉燒賣比坊間做得更加大粒,質感同真正豬肉燒賣又的確幾似.吃到半路友人致電,原來佢比我更早到步,結果前後落單到埋單,不到十分鐘.是夜除左BBQ外,仲有英格蘭FA CUP final,小弟今日客串一日韋斯咸球迷,身穿Hammers球衣,在店內巧遇同市之富豪Chelski.兼Hammers舊將林柏特.都幾巧合.幸好呢度只係鴨記,唔係在Fulham Road或Upton Park.否則打架都似.

引文:有得睇無得食日期: 2006 年04 月18 日與甜醬kiss,頂得住嘛?? " 我見佢自己製，唔係工場交去，即叫即從蒸籠夾上黎剪開。缺貨時d伙記即刻落米漿水搓。"睇住佢係箱中拎出黎, 10 幾廿箱放埋一邊咁都叫即做??但事實上, 的確幾好食今次第2 次食, 加埋燒賣燒賣ok 咁喇, 幾大粒下

繼上個禮拜食完個外賣腸粉後，今朝早又心思思，返工前專登早幾個站落車，諗住坐定定係呢度食個早餐。今次無叫到腸粉，淨係叫咗碗下火(皮蛋瘦肉粥)及炒米。碗粥分量都頗大，料亦夠多，味道就普通la，難免有"師傅"幫手gar la，所以食完都有D頸渴。碟炒米嘅味道仍然keep到，但係比起以前真係細碟咗...少許失望。埋單$18蚊，好似加咗小小價..

第三站就係依家越嚟越出名嘅合益泰...唔使多講最出名梗係佢地D腸粉la..但對我這老顧客嚟講，當然不單只是食腸粉la (事實上通常我都不會叫腸粉，反而會order粥及炒米粉)...但因今日想買俾女友試吓，所以就叫咗$5腸粉外賣。水準當然keep 得住la...比其他地方D滑得多，仍是食得過ge..

第二次去喇，除左必食腸粉外，亦吃了燒賣。腸粉好滑好靚，好正呀！我唔太喜歡這裡的麻醬，因為太浠，我鍾意"杰"ｄ既，而且好溜好滯，最喜歡落好多芝麻，這裡的芝麻好香好好食！！我唔會成日食，因為麻醬食得太多唔健康。燒賣３粒６蚊，幾貴，但好好食喎，唔係平時酒樓ｏｒ街邊既燒賣，唔知係咩餡，我估有豬肉，ａｎｙｗａｙ好好食啦！

深水feel係又平又正lee個晒^^d腸粉真係好滑好滑ar正到無得頂咁大個女食過最tasty個芝麻醬浠浠地, 唔會漿住個口!!!正!!!做tea最好^^下次一定要試埋粉果> <

在附近一口氣踢左三場波，正係行去維記吃豬潤補一補的途中，見成朝都係飲水，口淡淡咁，近排又轉左飲荳奶，見佢d豆漿幾凍咁，就入來整兩杯凍豆漿，當然少不了又跟一碟腸粉。豆漿打孖上，果然夠凍又夠豆味，不太甜，不錯。腸粉是這裡的「名物」，但由始至終我都不以為然，覺得工場腸粉怎會及即場手拉的新鮮？當然你說佢「滑」，加入甜醬麻醬辣醬芝麻大混合後美味，是沒話可說，因為什麼腸粉咁「混」法，都不會太差。當然佢有一個無敵賣點，就係平，十蚊一大碟，平時我吃已經一餐，不過今日虛耗過度，還可以再吃。埋單二十蚊，再去吃豬潤。

除左腸粉之外. 都要留意佢地D潮洲粉果. 媽咪係潮洲人. 佢話合益泰D正宗喎. 記住加埋house->辣椒油食呀. 正呀~~腸粉--而家諗起真想食!!!

以往係呢頭做野，都會黎呢間度食lunch，佢0既小食就真係幾多人幫襯。今日同朋友一齊黎tea下，都係叫番佢0既招牌貨--豬腸粉(點甜醬、麻醬食0既齋腸粉)。 $5有5條，原本道道都係差唔多。但係佢好食0既地方在於，d腸粉夠晒口感，彈牙，有爽勁，我見佢自己製，唔係工場交去，即叫即從蒸籠夾上黎剪開。缺貨時d伙記即刻落米漿水搓。可能佢夠油份，剪開落張紙0既時候，唔會癡住張紙而爛晒。因為0甘樣，佢夠彈牙同埋夠爽滑。另外一樣好食0既地方係佢0既芝麻，我好肯定佢有抄過，好香。就0甘一粒入口嚼，我都食到芝麻0既甘香，所以一係唔食腸粉，一係就好重手落芝麻。 今次我就冇食腸粉，係我朋友食。佢都話正!!，而我就叫左杯豆漿，ok，有豆味，濃濃地。不過我都比唔出哈哈笑。因為係個環境太迫太迫人，衛生扣分。間鋪地方唔大，全部都係大檯。所有人都係搭檯。我唔care；但係幾張細檯駁埋一齊0既「大檯」，坐成10個唔識0既人。全部各有各食(好多1支公，以極速食完起身到下個)，而你食得慢又會比係你後面等位0既人啤啤貢，係食得麼好似有罪0甘。好食都係假，唔太舒服。仲有，佢d醬用吱吱樽裝住，個樽咀有隻死纏爛

唔係傻鬼帶路真係唔知有這間咁正既腸粉係這區. 星期六下午入面已經爆滿啦, 每人都一定會叫碟腸粉食. 當然我地都係為腸粉已來...腸粉真係好滑好正, 唔似出面個d好似一pat pat粉張口. 不過我想講佢地d醬就麻麻地同埋加好重手味精.我仲試埋牛肉球都ok啦...不過我就無試佢地既燒賣...3粒6元唔知係咪同牛肉球一樣大粒.

小妹食遍全港既有關食店, 發現呢間都真係幾得, 腸粉雖滑, 但就切記要堂食, 如果想企o係街邊食既靚女就要小心喇, 因為呢頭有好多咸濕伯父, 會o係你地排隊等買腸粉期間用身體接觸下你, 請各位男士們要睇實你地既女友呀. 仲有, 本人都係覺得呢間舖都淨係買腸粉會好d, 因為其他既野都係又貴又難食, 奉勸你地都係唔好挑戰一試, 否則後果自付.

食過好多地方既腸粉睇介紹話呢間好食食過之後，發現係真架唔知佢地到底用咩做總之好食過其他地方配上麻醬甜醬就更香滑

經過深水埗，便刻意去找一找朋友介紹的合益泰小食。看見有人排隊買腸粉，知道自己沒有找錯地方。其實當時並不肚餓，但一場來到，便買了$5腸粉試一試。腸粉是熱烘烘的，而且非常滑。再加上甜醬花生醬，當然還少不了芝麻，真的回味無窮。