合益泰小食

营业中

休息中

去深水埗買珠珠梗係要食番碟腸粉,同上兩次食一樣,好香既麻醬同甜醬,缺一不可,只係食左5分鐘,已經聽到有十幾次腸粉既order,好多人都一路企一路食,真係好想問下佢地每日賣幾多條...下次要試埋其他野先,因為真係好平,最緊要係好食!!

20/12/2006 (星期三)記得讀小學時,分上下午班,逢星期六長短週,輪到要上學的那一週早上,就可以約同學仔一齊出去食早餐,學校附近的巴士總站擺出很多檔小販車,每次一想到又可以吃到艇仔粥,豬腸粉,炒粉麵,心情就好興奮有如學校去旅行一樣,後來車仔檔少了,去到店舖食到好食的腸粉少之又少,直到幾年前看到報紙介紹這家店,懷著一試的心情,估唔到有意外的驚喜.今日由於等友人S放工還有個半小時,朋友s有開車,為了填補這個空檔,我又想起這裡的腸粉,腸粉加入醬料,又香又滑溜,而且好煙韌,就是這種味道,又令我憶起小學時期的畫面,到現在為止這裡的腸粉還是我吃過最好味的,而朋友s亦叫了一碗皮蛋瘦肉粥,所以腸粉差不多是我自己一個人吃掉,不過這裡唯一不好的是衛生問題,吃過的碗碟放在當眼的地方,令人覺得好不潔淨,如果可以改善一下就好了.

又黎合益泰，腸粉就例排要食，依然係非常之正，記得上次想試下個粉果，但係咁o岩賣晒無得食，今次終於試倒，真係唔錯，雖然三蚊個唔算係平，但以質素計都算係抵食，應該仲會再黎。

早前行鴨寮街睇野, 去埋合益泰企街食腸粉, 以前都食過好幾次, 總係覺得唔係人地話到咁好食. 除左豬油香外,D腸粉好一般. 過下口癮都OK既. 其它野未試過就唔咁講呢.

昨晚收工後去咗長沙灣攪d嘢，攪完後專登行落去深水埗買腸粉食．每次去到都會見到好長人龍．昨晚仍然一樣，不過好快就買到外買．雖然唔係即刻食，不過口感仍然好好，好滑嘟嘟．５蚊５條腸粉都幾平，不過睇真d，d腸粉同其他地方買到的比較，size係幼細d．

有時會同男友專登坐車來食,真係好好味腸粉:好滑好滑..五蚊五蝶..醬料任落.又香又熱..超好味..但食得出落左好多豬油先咁滑..好肥呢..但又真係好好味..係我吃過最好既腸粉.兩個人次次食一蝶都唔夠呀燒賣:好好味..係冬菇豬肉燒賣....好大粒好好味..蘿白+辣魚蛋:蘿白超甜, 無根的, 份量又好..個辣魚蛋唔太辣..只有少少咖哩味..好適合唔食得辣既我...配埋羅白..超清甜呀..其餘豆漿, 炒麵, 粉果等既水準都係中上之作..但食唔到咁多..所以都係推介腸粉,燒賣同蘿白魚蛋...超好味

今朝家裏嘅早餐乏善足陳...決定坐程車嚟食腸粉...依然係滑嘟嘟，加上大量甜醬麻醬，一樂也..唔夠喉，加多碟炒米。大大碟，夠乾身，味並不太鹹，配合韮黃絲及芽菜，吃得不亦樂乎...

很久沒有來了，早前又經過這裡，見有點肚餓，便再來食返次。最喜歡這裡的腸粉和豆漿，腸粉唔算好薄，但加上香滑的醬汁和甜醬，令腸粉更加嫩滑，實在唔食一段時間，便又想再來食過。豆漿豆味唔算太濃，但都幾好飲，但和腸粉相比，就顯得偏貴了。

去開黃金既朋友都可能黎呢度食過野，腸粉真係又平又正，五蚊有五條，好滑，醬料同芝麻又任你落，唔似得有d落多小小都啤住晒，叫多杯豆漿，埋單先知成五蚊杯，覺得貴o左d，我樓下街市只係賣一蚊杯，有間餐廳如果下午一點至兩點去食車仔麵仲送一杯豆漿，食完本來唔夠喉想叫個粉果，但係因為剛賣晒蒸緊，又無時間等所以都係下次先去食過了。

琴日黎開附近朋友仔話肚餓同佢黎買左腸粉同燒賣share腸粉較街賣既幼身唔可以話特別滑只係ok所以我認為只係名牌效應如果要專登黎食就不必喇燒賣係豬肉加冬菇既燒賣只可以話係有特色唔會係週街都有得賣既魚肉燒賣味道一般

相信腸粉絕對係陪伴大部份香港人成長的街頭小食，除了簡單，好味，快趣之外，以前的價錢絕對相宜，返學前的二三蚊腸粉足以抵上一個早上！反觀現在，雖然價錢亦跟通漲而不斷上升，但怎算亦算是經濟抵食的飽肚小食。合益泰已經不是第一次幫襯，差不多每次到深水步若胃納仍可的話必來光顧，不多的，五蚊已夠。不管是機拉制還是手拉制，這裡腸粉的滑漏絕對是鐵一般的事實，另外熱辣辣的亦是腸粉的基本條件，這點在合益泰亦無容置疑；價錢方面，試問除了粉嶺的四眼仔外，那裡比這裡還來得平宜；醬料及芝麻是可以自已無限量添加，比起要跟一般街市或路邊攤，你要求加多點醬料及芝麻時，她們不情願的眼神來得舒服。

order jor 腸粉and 燒賣~ 兩個都好好食~ chilli sauce 好hot..唔錯~腸粉果然好滑~燒賣幾大粒~

腸粉($7)好滑，加上麻醬、甜醬和超多的芝麻，真係好好食。豬肉燒賣($6三粒)，不是魚蓉燒賣，比一般的大粒，我喜歡加‘口急’汁吃。魚蛋豬皮($11)好味，豬皮夠淋夠入味，魚蛋就一般。豆漿($5)好濃、有豆味，正！正！正！我會再來吃的。

我今日黎試咗呢度ｏ既腸粉同豬皮蘿蔔。腸粉並不如各位所講咁滑，只不過同街市買ｏ既差唔多。但係啲豬皮就幾好食。

腸粉燒賣: 啲腸粉都幾滑既, 但係就覺得厚得滯, 所以會令到佢變得好似唔滑咁. 真係好多醬, 但係個鼓油就太喊, 食完好口渴. 至於個燒賣我就覺得完全唔得囉, 好似未熟咁, 口感好奇怪, 又食唔到有魚蓉??!!!! 仲有好多肥膏係入面, 唔好味...........可能我唔識欣賞卦??!!